الفصل الرابع
معتز:- مين بقي الدكتورة رنيم دي
رحيم:- وانت مالك
معتز ( بضحك):- ماشي من ورايا
رحيم:- اجري اتنيل
رحيم خد الموبايل وبعد عن معتز ورن
رنيم:- الحقي بيرن
ماهي:- ردي بسرعه
رنيم ( بتوتر):- احم.. آلو
رحيم:- الو عامله ايه
رنيم:- معلش لو صحيتك من النوم
رحيم بضحك:- انتي متوترة كده ليه لأ يستي مكنتش نايم
رنيم:- طيب أنا فكرت في موضوع الصبح
رحيم:- واي الاخبار
رنيم:- وفقت بس أنت شكلك شوفت دكتور غيري صح
رحيم:- لأ مش صح
رنيم:- أي ده مش بتقول انك مسافرين بكرة
رحيم:- مش لاقين حد مناسب والله
رنيم:- يعني أنا إلي مناسبه
رحيم:- مناسبه أوي كمان،يبقي بكرة منتظرك الساعه خمسه المغرب
رنيم:- هتمشي الساعه كام
رحيم:- عقبال ما أجمع الكتيبه ممكن نمشي الساعه سته
رنيم:- تمام مع السلامه
رحيم:- مع السلامه
رحيم قفل معاها والفرحة مش سيعاه علشان وفقت
معتز:- قالتلك أي بقي للابتسامه دي كلها
رحيم:- يا حبيبي متحرش نفسك في حاجات ملكش فيها
معتز:- دا انا أخوك بردوا قول متخافش سرك في بير
رحيم:- آه صحيح أنا مسافر بكرة
معتز:- رايح فين
رحيم:- اسبوعين تبع الشغل معايا كتيبه هدربها
معتز:- اها هتمشي الساعه كام
رحيم:- الساعه سته
معتز:- تمام قول بقي مين دي
رحيم بصله كده وبعدين قاله
رحيم:- تصبح على خير يا معتز
معتز بصوت واطي:- وحياتك لأعرف مين دي
تاني يوم في الصباح في شقه رنيم
رنيم:- أنا خايفه اسيبك واسافر
ماهي:- متقلقيش هاخد بالي من تفسي كويس
رنيم:- طيب متخرجيش مع حد لحد ما ارجع من الدرس للبيت ومن البيت للدرس ماشي
ماهي:- اتفقنا
**************************
ودقت الساعه خمسه ورحيم في الإدارة بيجهز الكتيبه وزياد معاه دخلت رنيم
رحيم:- جايه في معادك بالظبط
رنيم:- اهه
زياد:- ازيك
رنيم بصت لرحيم بمعنى مين ده
رحيم:- أحب أعرفك ده زياد صحبي ومعايا في الشغل وطالع معانا التدريب ده
رنيم:- آه أهلا
رحيم:- أكيد أنت تعرفها مش محتاجه أعرفك
زياد:- آه طبعا
رحيم بصوت عالي رنيم اتخضت من صوته
رحيم:- جاهزين يا شباب
الجميع:- جاهزين يا باشا
كلهم خرجوا من الإدارة وركبوا الاتوبيس
رنيم قعدت في الكرسي ورحيم جه قعد جمبيها
والاتوبيس أتحرك وكل واحد من الكتيبه بيفكر التدريب هيبقي ازاي صعب ولا زي تدريب الجيش ولا اي بالظبط
عدت فترة ورنيم ساكته وكانت بتقفل عنيها ونامت علي كتف رحيم وهي مش واخده بالها
رحيم بصلها وهي نايمه على كتفه وابتسم
رحيم فضل بصصلها فترة وفضل يكلم نفسه
رحيم مع نفسه:- أنا ليه ببصلك كده وليه بفرح وانتي بتكلميني وليه أضيفت وهو زياد بيعاكس فيكي.. معقول وسكت شويه وبعدين قال لنفسه:- لأ مسحتيل ما انا بشوف بنات كتير اشمعني هي يعني انسي يا رحيم انسي وفضل سرحان لغيت ما وصلوا حاول يصحيها
رحيم حط أيده علي وشها:- دكتورة رنيم دكتورة
رنيم فاقت مرة وحدة
رنيم بسرعه:- أنا اسفه لو ضيقت والله ما اخدش بالي أنا مش
رحيم قطع كلامها:- حصل خير مفيش حاجه يلا بس علشان قربنا نوصل
رنيم بصت قدمها ومحروجه منه اوي
*بعد مدة وصلوا المكان*
رحيم نزل وبعدين زياد ورنيم جايه تنزل رجليها داست علي الدريل بتاعها كانت هتقع رحيم حضنها قبل ما تقع الكل وقف مكانه وزياد واقف مصدوم
ورحيم لسه حضنها
رنيم بتوتر واحراج:- احم..م.م
رحيم وقفها مكانها وبعد عنها:- انتي كويسه
رنيم بتوتر:- اه
زياد علشان يتوه في الموضوع علشان الكتيبه كلها واقفه بتتفرج
زياد:- يلا يا شباب تعالوا ورايا
الكل راح دخلوا فندق مخصص للجيش بس
زياد بصوت عالي:- يا شباب هتطلعوا دلوقت هتستريحوا وبكرة نبقي نبدا هنتجمع في قاعه الفطار الساعه 7 بالظبط
واحد من الكتيبه:- 7!!
في الوقت ده رحيم أتكلم:- آه سبعه احنا مش جايين ننام احنا جايين ندرب ونتعلم
زياد:- اتفضلوا علي اوضكوا
زياد:- مفاتيح اوضتك اهي واوضه رنيم
رحيم:- تعالي اوريكي اوضتك
زياد طلع هو ورحيم ورنيم
رحيم:- دي اوضتك خدي المفاتيح
رنيم بصوت واطي:- تمام
وكل واحد دخل اوضته
ورحيم دخل اوضته وغير هدومه وفضل يفكر من ساعه ما نامت علي كتفه لغيت ما دخلت اوضتها
رحيم في نفسه:- لأ ياربي اوعي إلي بفكر فيه صح مسحتيل أنا أعمل كده ولا افكر كده لأ وبعد تفكير طويل وسراع بين قلبه وعقله ناام
*تاني يوم الصبح في الصعيد*
يوسف:- عبدالله عايز اقولك حاجه
عبدالله:- اتفضل قول
يوسف:- سارة حامل
عبدالله:- بجد ألف ألف مبروك يا اخويا
عبدالله ( بصوت عالي):- هاله هاله
هاله جت من المطبخ هي وشمس
عبدالله:- باركوا ليوسف سارة حامل
هاله:- بجد ألف مبروك يا اخويا امال هي فين
يوسف:- فوق هي كانت تعبانه امبارح بليل اخدها وودتها الوحدة وقالي الخبر ده وانا كنت هقولك بس جيت متاخر ولقيتكوا نايمين
هاله:- ربنا يقومها بالسلامه يحبيبي
سارة نزلت
شمس:- ألف مبروك يقلبي
سارة بابتسامة:- الله يبارك فيكي
يوسف:- امال فين ريم
هاله:- في اوضتها فوق
عبدالله:- هي اربعه وعشرين ساعة نايمه
شمس:- مدلعه يا خالي
هاله:- يبت اسكتي
عبدالله:- ما هي دي الحقيقه تسكت ليه
يوسف:- هي أكيد مش وخده علي شغل البيت علشان هي كانت بتكمل دراستها يا اخوي
عبدالله:- وايديها قعدت مش تنزل تتعلم حاجه في المطبخ
سارة:- أنا هطلعلها
شمس:- يعني إلي اتعلموا خدوا اي
هاله بزعيق:- روحي علي المطبخ يبت
شمس بضيق:- ماشي
عبدالله:- تعالي نتصل علي رحيم وتقوله
يوسف:- ماشي
**************************
في الفندق
الكل متجمع في مكان الفطار
رحيم:- فيه حد ناقص يا شباب
الكل:- الكل موجود
زياد:- اتفضلوا افطروا
كل واحد قعد
وزياد ورحيم قعدوا علي تربيزة
ورحيم قاعد مش بيفطر
زياد:- فيه اي فيه حاجه
رحيم انتبه لكلامه:- مفيش حاجه
زياد:- موقف امبارح شاغل بالك
رحيم:- أنهي موقف
زياد:- موقف الاتوبيس
رحيم:- والله مش عارف اقولك ايه
