الصعيدي العاشق
( البارت التاسع )
دلف رعد إلى مكتبه
رعد: انت بتعمل ايه هنا
سلمى بارتباك: ر..رعد حمدالله على السلامه يا حبيبي
رعد : الحيوان ده بيعمل ايه هنا
قاسم : واضح يا ا سلمى أن زى م انتى قولتى ورعد مش هيوافق
رعد : انت بتعمل ايه هنا ومش هوافق على ايه
قاسم : أبدا أنا قولت ابدأ بصلح يا رعد ونتشارك
رعد : ده عشم ابليس في الجنه اطلع بره ومش عايز اشوف وشك تانى
ذهب قاسم وزفرت سلمى بارتياح
سلمى : حمدالله على السلامه
رعد: الله يسلمك يا حبيبتي وحشتينى
سلمى بدلال : لأ انت بتكدب يا رعد
رعد : ليه بس بتقولى كده
سلمى : طبعاً بنت عمك دى خليتك تحبها وتنسانى
رعد : وحياتك أبدا بس كان فى شويه مشاكل
سلمى : تقوم تتجوزها
رعد : أوامر جدى بقا وكمان كام شهر واطلقها وافضالك بقا
سلمى : لأ أنا زعلانه منك يا رعد
رعد : واصالحك ازاى يا حبيبتي
سلمى : اممم غيرلى العربيه
رعد : حاضر يا عمرى بس متزعليش
سلمى: مقدرش ازعل منك يا حبيبي
رعد : طيب يلا روحى انتى بقا وابعتى جاسر
سلمى : حاضر يا قلبى وقبلته على وجنته وذهبت
____________________________
فى الصعيد
فى غرفة حور
مليكه: أنا مش مرتاحه لموافقتك ع الجوازة دى يا حور
حور : ليه بس
همسه : والهدوء المرعب ده كمان
غفران : اه فعلاً يعنى بعد اللى رعد قاله ده توافقى بالسهولة دى
حور : اخوكى عايز يتربى من اول وجديد
غفران : معاكى حق
مليكه : أنا نازله اقعد في الجنينه
البنات : تمام
فى الاسفل
كانت أمينه وأزهار ف المطبخ والجد وكريم فى غرفه المكتب وادهم وأركان فى الصاله
هبطت مليكه إلى الاسفل
اركان : مالك يا انسه مليكه انتى كويسه
مليكه : أنا بخير الحمد لله بس زهقت قولت انزل اقعد ف الجنينه
ادهم : وانا مطلع ارخم عليهم
ذهب ادهم إلى الفتايات
أركان : طيب ينفع اقعد معاكى
مليكه : طبعاً اتفضل
ذهبوا إلى الخارج وجلسوا في الجنينه
اركان : ممكن سؤال
مليكه بابتسامه : طبعاً اتفضل
اركان : كنتوا بتتكلموا عن مين
مليكه : تقصد اللى كان مع مازن
اركان : أيوة
مليكه : ده ايمن ابن عمى
اركان : وهو ليه يعمل كده
مليكه : زى مازن بس انا عاوزنى عشان بيقول أنه بيحبني وطبعاً الشقه بتاع بابا
اركان بفضول : وانتى بتحبيه
مليكه بسرعه : لأ طبعاً
اركان : احسن بردو
مليكه : بتقول ايه
اركان : ولا حاجه يا مليكه
مليكه : هو انت دكتور ومش فى مستشفى ليه
اركان : اعدلى السؤال عشان افهم
مليكه : مش انت دكتور ليه مش بتشتغل ف مستشفى
اركان : مين قال أنا بشتغل بس انا مش بروح المستشفى غير لو عمليات مهمه لان أنا مدير المستشفى وكمان أنا طول الوقت أو معظم الوقت بكون فى الشركه
مليكه: مع رعد وادهم
اركان بتصحيح: الشركه دى بتاعتنا احنا الاربعه أنا ورعد وادهم وجاسر
مليكه : مين جاسر
أركان: جاسر ده يا ستى زميلنا من ايام الكليه كنا احنا التلاته ف إدارة أعمال ولما ادهم دخل نفس الكليه بعدنا ب سنه بقينا احنا الاربعه مع بعض دايما وجدى وعمى كريم ساعدونا عشان نأسس الشركه دى بس فى الشركه بتاع عمى كريم وابو حور
مليكه : ربنا معاكوا بس بجد القعده هنا جميله جدا احسن من دوشة اسكندريه
اركان : فى حد يكره اسكندريه
مليكه : أنا عمرى م كرهتها بس الهدوء هنا رائع إنما اسكندريه دى حاجة تانيه
اركان بابتسامة: احكيلى حاجه تانيه ازاى
مليكه : جو اسكندريه وجمالها بيسحروا اى حد بيخلوك مش عاوز تسيبها والقعده ع البحر كده حاجه جمدان
اركان : نفسك ترجعى هناك
مليكه : هزورها قريب
اركان : اشمعنا
مليكه : فى الامتحانات باقى عليها أقل من شهرين وكمان فاضل اسبوعيين ع ذكرى وفاه ام همسه وابوها وهنروح نزورهم ف المقابر
اركان : لازم يعنى
مليكه: عمرنا م نسينا نروح كل سنه بنكون هناك عشان همسه ترتاح
ادهم : طولتوا شويه بس سمعت سيرة المجنونه اللى فوق
أركان: لها بتقول أنهم هيروحوا اسكندريه عشان ذكرى وفاة ابو همسه وامها كمان اسبوعين
ادهم : اها فهمت بس هي ليه طايرة منها كده
مليكه : انت لو شوفتها على طبيعتها قلبك هيوجعك اوى هي أساسا طول الوقت زعلانه على فراق أهلها لأنها كانت متعلقه بيهم اوى
ادهم : ربنا يصبرها بس انتوا ازاى كده
مليكه : كده اللى هو ازاى
اركان: اللى هو اللى يشوفكوا يقول انكوا اخوات
مليكه : احنا فعلاً اخوات وانا مثلاً من غيرهم ولا يكون ليا اى قيمه
تعرف ايمن ساعد مازن ليه
ادهم : مين ايمن
اركان : ابن عم مليكه واللى ساعد مازن . ليه يا مليكه
مليكه : أنا بعد م هربت م القاهره وروحت اسكندريه قابلت همسه وحور على البحر كانت الساعه حوالى ١٠ بالليل وكنت بعيط شافونى وجم ناحيتى
فلاش باك
حور : بس والله الفيلم كان جامد
همسه : أيوة فعلاً و ... شايفه يا حور في بنت بتعيط
حور : تعالى نشوفها
حور : مالك يا قمر
مليكه : أنا كويسه مفيش
همسه : بس انتى بتعيطى
مليكه : أنا هربت عشان ابن عمى عاوز يتجوزنى وانا مش بحبه وهو جمعان ف البيت بتاعنا
حور : ولا يهمك أنا وهمسه اخواتك من دلوقتى واه أنا اسمى حور
مليكه: وانا أسمى مليكه
حور : اسمك قمر اوى يلا بينا
مليكه : مع السلامه
حور : لأ يلا انتى كمان معانا ع البيت
مليكه : لأ مش هينفع أنا .......
همسه: مفيش ف البيت غير أنا وحور وماما ازهار والدة حور
مليكه : هو انتوا مش اخوات
حور : احنا اكتر م اخوات بس همسه صحبتى اوى وعايشه معانا بعد وفاة والدتها
مليكه : ربنا يحفظكوا لبعض
حور : ويحفظك لينا يلا بقا تعالى
مليكه : حاضر.
وروحت معاهم وازهار رحبت بيا اوى واعتبرتنى زى حور وهمسه بالظبط
ولما دخلنا الكليه كنت ف يوم قاعده مستنياهم على م يجيبول الفطار ولقيت ايمن جه مره واحده ومسكنى من شعرى وانا صوت من كتر الوجع والجامعه كلها اتلمت على صوتى ومحدش عارف يبعده عنى بس حور عرفت
حور وهي بتبعد ايد ايمن عنها
حور : انت مين يا حيوان انت
ايمن : أنا ابن عمها يا حلوة فى حاجة
حور : اه انت الوسخ اللى بعدها عن بيتها طيب ايدك دى لو جت عليها تانى هقطعهالك
ولسه ايمن بيرفع أيده عشان يضربنى بس ايد حور كانت اسرع وهي بتلعب تايكوندو ف كسرتله أيده والأمن جه وطردوه بره ومن يومها وهو عاوز ينتقم منى ومنها
أركان: ياااه كل ده حصل
ادهم : ده رعد كده هيتنفخ
مليكه بضحك : هتطلع عليه القديم والجديد
ادهم : اه والله عندك حق يا لوكا
اركان بغيرة : اسمها انسه مليكه
مليكه : عادى يا أركان
نظر لها اركان نظرة ناريه جعلها ترتعب واردف اطلعى فوق بقا كفايه كده عشان الجرح اللي في دراعك
مليكه : حاضر بعد اذنكوا
وبعد صعود مليكه
ادهم: هو الباشا وقع ولا ايه
اركان : شكلى كده
ادهم : لأ بس هي قمر الصراحه وطيبه و..............
اركان : قوم من قدامى بدل م افتحلك دماغك
ادهم ؛ خلاص يا عم براحه شويه
---------------------------------------
فى اسكندريه
مريم : مالك يا مراد بتفكر فى ايه
مراد : سمعت ابويا وهو بيقول انه هيستنى اسبوعين على م يسافر
مريم : يسافر فين
مراد : اه أنا نسيت اقولك أنه هيسافر الصعيد
مريم : يا لهوى وبعدين
مراد : متخافيش مش هيقدروا يعملوا حاجه
مريم : يا رب استرها
-------____________________.
فى منزل اسعد
سهام : م تقولى فى ايه يا اسعد
اسعد : مش فاهم عاوزة تعرفى ايه
سهام : مستنى ايه وليه اسبوعين
اسعد : البت زميلة حور دى اللى اسمها همسه بتروح كل سنه تزور امها واكيد هتيجى السنه دى كمان تزورها ف عشان لو حور جت معاها توفر علينا
سهام : يخرب بيت دماغك لأ حلوة
اسعد : تشكرى ياختى
----------------------------------------
فى القاهرة
سلمى : جاسر رعد جه وعايزك ف المكتب
جاسر : يا ريت مترفعيش الألقاب بعد كده اتفضلى ع مكتبك
سلمى : على فكره انا مش خدامه هنا و .........
جاسر بمقاطعه : أنا قولت اتفضلى ع مكتبك
سلمى : حاضر يا جاسر بيه
جاسر : ابعتى سارة وانتى ماشيه
سلمى : حاضر . اى أوامر تانيه
جاسر : لا اتفضلى
ذهبت سلمى إلى مكتب ساره ( خطيبه جاسر )
سلمى : البيه خطيبك عايزك يا حلوة
ساره : اسمى المهندسه ساره واتكلمى باسلوب كويس
سلمى : روحى ياختى شوفى خطيبك أنا مش عاوزة اتخانق مع حد
ساره: تمام اتفضلى وانا هروح
ذهبت سلمى و اتجهت ساره نحو مكتب جاسر
ساره : أيوة يا ا جاسر
جاسر : اتفضلى اقعدى لو سمحتى
سارة : حاضر يا فندم
جاسر : اطلعى بره الرسميات دلوقتى
ساره : حاضر مالك يا حبيبي
جاسر : الزفته اللى اسمها سلمى دى أنا مش مرتاحلها
سارة : متقلقش أنا هوقعها ف شر اعمالها
جاسر : ازاى.
ساره : أنا وبلا فخر عندى ابن خالى هكر قد الدنيا وعرفت منه أنه يقدر يهكر الفون ويسمع كل كلمه بتتقال طول م الفون مفتوح
جاسر : يا بنت اللعيبه يخرب بيت الدماغ
سارة : اى خدمه
جاسر : بس لحظه انتى كلمتي ابن خالك لي
سارة : يا حبيبي بطل غيرة بقا
جاسر : حاضر لو بطلت احبك هبطل اغير عليكى
سارة : خلاص بقا أنا هتكل ع المكتب عشان عندى شغل
جاسر : ماشى يا روحى يلا
ذهبت ساره إلى مكتبها لتكمل عملها
____________________________. عودة الصعيد
فى الليل الساعه ١
همسه: أنا هنزل اشرب وارجعلكوا
حور : ماشى
هبطت همسه الى الاسفل ودلفت إلى المطبخ
ادهم : بسم الله الرحمن الرحيم خضيتينى
همسه : اسفه مكنتش اعرف انك هنا
ادهم ؛ أنا عاوز. اقولك حاجه
همسه : اتفضل
ادهم : أنا بحبك
همسه بغضب : ..........................
يتبع
بدل ماتدور وتبحث علي الروايات خليها علي تليفونك وحمل تطبيقنا
