Ads by Google X

روايه الصعيدي العاشق الحلقه الثانيه عشر


 



الصعيدي العاشق 


البارت الثانى عشر


وقفنا عند مليكه لما كانت فرحانه أن أركان اعترفلها بحبه وبعدها جالها رساله وفيها صورة اركان مع بنت شكلها مش كويس ومكتوب تحتها ابعدى عن جوزى 


مليكه بتكلم نفسها : اكيد مقلب منه بس مين دى و ده مش رقم اركان وفضلت تعيط جامد 


عند ادهم وهمسه 


همسه : ده مين الحمار اللى بيرن دلوقتي لازم تصحونى م النوم 

ايه ده ادهم 


همسه : الو السلام عليكم


ادهم : وعليكم السلام ورحمه الله وبركاته القمر صاحى ليه 


همسه : مفيش يا حبيبي عادى


ادهم : متأكده يعنى انك مش بتفكرى فيا  


همسه: بفكر في مين يا روح امينه أنا كنت نايمه ومبسوطه وانت الله يسامحك صحيتنى 


ادهم : اين رقة البنات 🙂🙂


همسه: بلا رقة بلا نيله متصل ليه احنا مش لسه خطوبتنا كانت من كام ساعه 


ادهم : أبدا يا حبيبتي بس حبيت اقولك تصبحى على جنه 


همسه : ادهم انت قولتلى الجمله دى اربع مرات قبل م اطلع الاوضه


ادهم : وماله لو خليتهم خمسه


همسه : هتقفل ولا اقفل ف وشك 


ادهم : طب يا حبيبتى وانتى من أهل الخير


همسه : بأى يا مجنون 


ادهم : بأى يا همستى 


بعد م انهوا الاتصال اللى كله رقه ده 


همسه : الله يخرب بيتك يا ادهم مش هعرف انام. تانى طب اعمل ايه !!؟

بس !! مفيش غير مليكه أنا هروحلها نرغى شويه وبعدين ننام 


واتجهت إلى غرفة مليكه 


فى غرفة حور ورعد 


حور : اه يا دماغى ايه الصداع ده والباشا نايم ولا ع باله طب أنا عاوزة مسكن

حور : رعد 

رعد ____________


حور : يا رعد. انت يابنى 


رعد : _____________


حور : رعععددددددددد


رعد بفزع: إيه مين مات ؟! انا ايه اللى جابنى هنا طب عاوز اشرب 


حور بضحك : يخرب بيتك مش قادرة هموت م الضحك 😂😂


رعد : حسبي الله ونعم الوكيل فيكي يا حور فى حد يصحى حد كده 


حور : أنا كنت بنادى عليك براحه وانت مصحتش 


رعد بنفاذ صبر : عايزه ايه يا حور 


حور ؛ هعوز ايه من خلقتك يعنى 


رعد : 🙄🙄🙄🙄


حور : أنا مصدعه جامد وعايزة مسكن 


رعد: هو انتى بتتعبى زينا كده 


حور : استخفيت دمك خلاص .  شوفلى مسكن بقا 


رعد : عندك ف الدرج ده واياكى تصحينى تانى لأى سبب 


حور : خلاص اتخمد مش ناقصه صداع 


رعد : ابو شكلك


حور : بتقول ايه 


رعد : بقول هنخمد 


_____________________ 


فى اسكندريه 

فى المستشفى


مراد : امى ازهار بتسلم عليكى اوى وبتقولك سلامتك


مريم : الله يسلمها يا حبيبي 


مراد : انتى كويسه 


مريم : الحمد لله يا حبيبي


مراد : العمليه كمان اسبوع 


مريم. : طيب يا حبيبي وانا لو ليا عمر هعيش بس خلى بالك من نفسك لو جرالى حاجه يا مراد 


مراد بدموع : اوعى تقولى كده تانى انتى هتعيشى والله انا عارف وواثق أن ربنا مش هيحرمنى منك 


مريم: روح يا حبيبي عشان شغلك وانا كويسه اهو 


مراد : هخلص شوية حاجات وجاى 


مريم : فى رعاية الله 


________&___________________ 


فى منزل اسعد 


سهام : وبعدين ده فات اكتر من ٣ شهور 


احمد : أنا هسافر لمراتى وبنتى مش عايز حاجه من هنا 


اسعد : يا سلام دلوقتى مش عايز 


احمد : إحنا مش هاخد منهم حاجه وانت عارف 


اسعد : طب روح شهر اقعد معاهم وتعالى 


احمد : ربنا يسهل. 


_____________________________


عند همسه 


فتحت الباب بهدوء عشان لو مليكه نايمه وانصدمت لما لقيت 

مليكه واقعه ف الأرض واغمى عليها 


همسه بفزع وخوف وجلست بجانبها ع الأرض : مليكه فوقى


مليكه: ________________


همسه : مليكه بالله عليكى تفوقى ومتخوفينيش عليكى 


عند ادهم 

كان شارد وبيفكر في همسه ( لسه مخطوبين بقا وكده 😂) 

وقطع شروده رن موبايله وابتسم تلقائيا


ادهم : مش كنتى عاوزة تنامى و............

همسه مالك بتعيطى ليه 


همسه : الحقنة يا ادهم مليكه اغمى عليها ومش عارفه افوقها 


ادهم بفزع : طيب أهدى هجيب اركان واجيلك وهصحى غفران وامى 


همسه : لأ متصحيش حد تعالى بس وهات اركان يشوفها


ادهم : ماشى بس أهدى أنا جاى اهو 


عند اركان 


كان قاعد بيفكر يا ترى مليكه هتطلع بتحبه ولا ايه وفجأة سمع خبط ع الباب 


اركان وهو بيفتح : ادهم مالك فى ايه 


ادهم : مليكه اغمى عليها وهمسه مش عارفه تفوقها


اركان بخوف : كل يلا أما نشوفها

واتجهوا نحو غرفة مليكه 


________________________ 


عند ازهار


فى المخزن 


مازن : ازيك يا عمتى 


ازهار: بخير 


مازن : بقالك شهرين بتيجى وتجيبى اكل. طب ليه 


أزهار: عاوزنى اسيبك من غير اكل 


مازن : بعد كل اللى عملته فيكى انتى وحور 


ازهار : انا عارفه انك غلطان بس انت ملكش ذنب 


مازن : ازاى 


ازهار : عشان لولا ابوك انت مكنتش هتفكر تأذى حور 


مازن : طب انتى ليه بتعملى كده يا عمتى أنا طول عمرى بحس بحاجة غريبه 


ازهار : مش فاهمه حاجة ايه 


مازن : يعنى بحس انك بتخافى عليا زى امى مريم بالظبط 


ازهار بحب : وانا اطول اكون زى مريم 


مازن : أنا لو طلعت من هنا يا عمتى هروح وأفضل تحت رجليها


ازهار : أنا هتكلم مع جدك تانى يا حبيبي 


مازن ؛ جدى 


ازهار بارتباك: ا ...اه ...مش هو زى جدك بردو 


مازن : أيوة المهم قومى يا عمتى يلا الجو برد عليكى هنا وكمان عشان محدش ياخد باله 


ازهار : ماشى يا حبيبي 


وبعد م خرجت م المخزن 

أزهار ببكاء : سامحنى يابنى أنا مش فى ايدى حاجه


عند اركان 

دخل هو وادهم ولقيوا مليكه واقعه ف الأرض وهمسه بتعيط


اركان شال مليكه وحطها ع السرير وبدأ يفوقها وكشف عليها 


وفعلاً بدأت تفوق 


مليكه : اه دماغى 


همسه : حبيبتى انتى فوقتى مالك


مليكه ببكاء وانتبهت لوجود اركان : اطلع بره 


اركان : مالك بس فى ليه 


مليكه : انت واحد خاين اطلع بره 


اركان : سيبك من خاين هنرجعلها بعدين لانى لسه متجوزتكيش 

مالك بقا 


مليكه : اركان ....هو...هو انت ...متجوز 


اركان بهدوء بص حواليه ولمح الشال بتاع مليكه واخده ومسكها من ايديها ونزلوا الجنينه 


جلس اركان واجلسها بجانبه


اركان : أنا فعلا كنت متجوز بس انا طلقتها 


مليكه : ليه 


اركان: عشان عرفت انها بتجرى ورا الفلوس زى سلمى كده بس هى كمان خانتنى 


مليكه : ايه 


اركان : متستغربيش ده حصل فعلا 


مليكه : انا اسفه 


اركان : عرفتى ازاى 


مليكه : حد بعتلى صورة ليك انت وبنت شكلها مش كويسه كده ومكتوب تحتها ابعدى عن جوزى 


اركان : أنا بحبك يا مليكه


مليكه بهدوء وخجل: وانا كمان بحبك يا اركان 


اركان ،: عندى طلب هقولهولك بعد م اخطبك رسمى 


مليكه : قول دلوقتى 


اركان : لأ ويلا بقا قومى اغسلى وشك ونامى وبعد كده متعيطيش بالطريقة دى عشان وجعتلى قلبى اوى 


مليكه : بعد الشر ع قلبك م الوجع . حاضر 


ودلفوا إلى الداخل وذهب كل منهم إلى غرفته 


____________________

فى صباح اليوم التالي


فى غرفة حور ورعد 


استيقظت حور على صوت طرق ع الباب واتجهت لتفتح ولكن اوقفتها يد رعد 


حور : فى ايه محتاج ايدى ف حاجه


رعد : استنى أما اشيل المخده والغطا من ع الكنبه 


حور : تصدق اول مرة اعرف انك ذكى وبتفكر 


رعد : افتحى بدل م أقل ادبى عليكى 


فتحت حور ووجدت ازهار ع الباب 


ازهار : صباحية مباركه يا قلبى


حور : الدوام لله يا ماما ادخلى


ازهار : اتلمى يا بت هو انتى كنتى تطولى تتجوزى واحد زى رعد 


رعد وهو يقبل يدها : ربنا يخليكي ليا يا مرت عمى يا رب 


ازهار؛ لا قولى يا ماما مش انا زي امك 


رعد : طبعاً زى امى 


حور : طيب على م تخلصوا مشهد العشق الممنوع ده هغسل وشى


أزهار: غورى جتك ستين نيله


دلفت حور إلى المرحاض التابع للاوضه 


ازهار : معلش يا رعد استحملها 


رعد : متقلقيش وبعدين انتى عارفه أن إحنا وافقنا عشان جدى ف كلها كام شهر ونتطلق


ازهار بحزن : مترتبش لحاجة يا رعد أنا نازله 


ذهبت ازهار وخرجت حور


حور وهى تنظر للأكل 


والله انا بعشقك وبموت فيك 


رعد كان مديها ضهره ف لف وقالها


رعد: وبتقوليها كده عادى انك بتحبينى وبتموتى فيا 


حور : انا احبك انت ليه هو انا عاميه


رعد : مش انتى اللى كنتى بتقولى 


حور : لأ أنا بكلم الاكل واوعى بقا عشان اكل


رعد : طب اصبرى اغسل وشى واجى اكل 


حور : أنا جعانه ف انت وحظك بقا 


رعد : مفجوعه


حور : ماشى شكراً 


___________________&&&&

فى الاسفل 


ازهار : وبعدين يا عمى هتسيب مازن كده 


الجد : يتربى يا ازهار  


كريم : بس يابا ده بقاله شهور محبوس 


الجد : يومين وهسيبه 


ازهار: ربنا يحميك لينا يا عمى


كريم : اومال فين همسه ومليكه 


همسه وهى تهبط : أنا جييت


الجد : اقعدوا يلا يا حبايبى افطروا


مليكه: حاضر يا جدى 


_______&&__________


فى القاهرة 

عند جاسر 


كان قاعد ف شقته والباب خبط واول م فتح قام واحد ضربه 

ووقع واغمى عليه وبدأ ينزف وو..............................


يتبع


توقعتكم ايه هيحصل البارت الجاي 


بقلمى / رونا عبد الجليل 

  

                  الحلقه الثالثه عشر من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-