مع ان التفاعل اتراجع حبتين بس عشان خاطر لي اتفعلو معايا دول فصلين لعيونكم
بريق الحب
الحلقة التاسعة عشر والعشرون
يستقيظ جاسر من النوم لتقع عينه على بريقه أميرته النائمه يقترب منها يقبلها ويحتضنها بسعادة لإنها أصبحت ملكا له
تتملل بريق بهدوء تفتح عينيها لتجد جاسر يتأملها بعشق
بريق بإبتسامه. صباح الخير. ياحبيبى
جاسر. صباح الجمال يا أجمل حاجة ف حياتى
بريق. لأ أنا كدا هتعود على الكلام الحلو
جاسر. اتعودى براحتك
بريق. طيب أنا جعانه
جاسر دايما جتطلبى حاجات مش ف وقتها
بريق بس أنا جعانه اوووى
جاسر. امرى لله حاضر ويمسك هاتف الغرفة
بريق. أنا مش هفطر هنا أنا عايزة انزل افطر بره واتفسح.
جاسر. وانا ال قولت هنقضى اليوم سوا
بريق. ارجوك يا جاسر عايزة اتفسح. واتفرج على البلد
جاسر. حاضر. اجهزى يالا وننزل.
مرت ساعات وهما يتجولان ف شوارع باريس
وطبعا جاسر مخلصش من طلبات بريق الطفوليه
فى مصر.
آدم. تقى. تقى
تقى. فيه ايه يا آدم خير
آدم. أنا عايز اتجوز اشمعنا جاسر. ال زمانه دايب ف العسل
بريق. بس يا آدم وطى صوتك احنا ف الشركة.
آدم. أول ما جاسر وبريق يرجعوا نبدأ ف ترتيبات جوازنا
تقى. انت مجنون ياآدم
آدم مجنون بيكى ياقمر.
فى كليه وفاء
فهمى آنسه وفاء
وفاء. انت.
فهمى. أه أنا. بتعملى ايه هنا
وفاء. أنا طالبه هنا سنه ثانيه
فهمى بجد. صدفه حلوة
وفاء انت بتعمل ايه هنا
فهمى. ياستى أنا دكتور باطنى وكنت جا.....
وفاء. انت دكتور هنا
فهمى. اهدى اكملك. لأ. أنا كنت جاى اشوف زميل ليا من أيام الكلية اتعين جديد هنا
وفاء. قولتلى أصل فكرتك زى الروايات دكتور ف الجامعة بقا وكدا
فهمى بإبتسامه. وكدا ايه ... احلامك انتهت.
وفاء. بخجل. لأ مش قصدى
فهمى. ياستى أنا مش بحب العمل الجامعى. ... وبعدين عندى وظيفتى ف المستشفى وكمان عيادتى الخاصة
وفاء أنا نفسى اتخرج وابقى دكتورة وعندى عيادتى
فهمى دكتورة ف ايه تخصصك
وفاء. اطفال. عشان أنا بحبهم جدا
فهمى. وهما كمان بيحبوكى
وفاء هما مين. دوول
فهمى. بإبتسامه. اقولك تشربى ايه انا عازمك
وفاء. بإبتسامه موافقة
ف اجمل مطاعم فرنسا
جاسر. ايه رأيك ف الأكل
بريق. جميل. اوووى أنا عايزة اتعلمه عشان اعملك زيه
جاسر. لأ. أنتى تقعدى يا آميرتى مش تعملى حاجة
بريق. هفضل قاعدة مش هعمل حاجة حتى الأكل لأ
جاسر. مين. قال كدا هتعملى طبعا. وبغمزة هتدلعينى
بريق. اتلم ياجاسر الناس شايفانا
جاسر. يابنتى حد فاهم بنقول اي وبعدين. هنا عادى احنا مش ف مصر
بريق. مصر وحشتنى بكل ال فيها. مش مصدقه ان بقالنا أسبوعين
جاسر. أحلى وأجمل أسبوعين عشتهم ولا انت ليكى رأى تانى
بريق لا خالص. تعرف ياجاسر. انت كنت اكبر من كل احلامى كنت بتمنى اكون عروسه لابسه فستان فرح عادى ومش مكلف. بس انت جبتلى أجمل فستان تشوفه عنيا
كنت بتمنى ان اتجوز موظف عادى
بس اتجوزت اجمل واحلى رجل أعمال جاسر الشهاوى
كنت اتمنى ان جوزى يحبنى.
بس جاسر عشق بريق اكتر من روحه وكان امانها وحماها
اوعدنى ياجاسر أنك مش تسيب إيدى ابدا وانك تفضل جمبى. طول العمر مش تبعد عنى
جاسر اوعدك. أن احميكى من أى اذى وان يستحيل اخزلك او اكثر ثقتك فيا
مرت أيامهم بسعادة وقضوا شهر العسل
. ورجعوا مصر.
وفتحى راحلهم المطار حمدلله على السلامه ياباشا. حمد لله على سلامتك يا مدام
جاسر. تسلم يافتحى. بريق شكرا يافتحى.
وركبوا. ووصلوا للفيلا
بريق أخيرا حسيت ان مرتاحة. ووصلت بيتى
جاسر يعنى مش كنتى مبسوطه
بريق اى مكان أنت فيه معايا. هكون مبسوطه. بس دا بيتى. مملكتى الخاصه هكمل حياتى كلها معاك فيه
عشان كدا مفيش مكان يعادل جمال بيتى ولا راحتى وانا فيه
جاسر. حبيبتى فعلا المكان دا هيحمل لينا أجمل ذكريات
ف مكان آخر.
ناجى ناويه على ايه
مريم. خلاص قربت اووى نهايه انتظارى
المجهول. عايزين نفهم هنبدأ منين
مريم. هقولكم. .........
ناجى. لأ. بريق لأ
مريم. اتفقنا كان أن أحصل على جاسر. وانت تحصل على نصف الثروة بإمضة جاسر
ناجى لأ اتفقنا الثروة كلها
مريم بضحكة شر. انت فاكر ان هاخد جاسر وأعيش معاه على الحديدة
ناجى انتى كدا غيرتى اتفاقنا
مريم. اعقلها انت وبعدين انت محتجى زى ما أنا محتجالك وبعدين مش هتقدر تنفذ من غيرى اما أنا اقدر ابعدهم بسهوله
ناجى. بغضب خلاص ماشى بس ياريت تنجزى
آدم. جاسر حمدلله على السلامه
جاسر الله يسلمك يا آدم.
آدم. إيه الجواز حلو
جاسر. ههههه حلو بس. يالا انوى انت كمان
آدم أنا ناوى بس انتظرت رجوعك
جاسر بفرحة مبروك. ياسيدى
فى المساء
اتصل رقم جاسر على بريق
الوووو ياحبيبى. لكن اتاهاصوت غير صوت جاسر
لوسمحت يافندم انتى تعرفى صاحب الفون
بريق بخوف أه يبقى زوجى
أنا آسف يامدام بس هو عامل حادثه
بريق. انت بتقول ايه طيب هو فين
انا لسه منتظر الإسعاف العنوان ......
بريق ببكاء أنا جايه حالا وخرجت مسرعة لتتفاجئ بآدم امامها
آدم فيه ايه يابريق
بريق بدموع تمسك ايد آدم الحقنى يا آدم جاسر عمل حادثه
آدم أنت بتقولى ايه ازاى داحصل
بريق أرجوك خدنى عنده بسرعه ارجوك
آدم. حاضر اركبى. بسرعه
مرت ساعة ف مكتب جاسر
جاسر مريم أنا مش لاقى تليفونى
مريم ممكن تكون نسيته ف قوضه الإجتماعات هروح اشوفه
جاسر. اتأخرت كتير على بريق من اول يوم من رجعناو اسيبها لوحدها
مريم اتفضل يامستر.
جاسر. شكرا
مريم. مستر جاسر كنت عايز اقولك حاجة كدا
جاسر قولى يامريم
مريم بخبث. هى مدام بريق فيها حاجة
جاسر. مش فاهم.
مريم أصل بعد الإجتماع. سمعت مستر آدم بالصدفة بيتكلم ف الفون وبيقول جايلك حالا يابريق مش هتاخر
بصراحة قلقت ان مدام بريق تكون تعبانه او حاجة
جاسر ايه الهبل دا وبريق لو تعبانه هتكلم آدم ليه أكيد هتكلم جوزها
مريم. اناآسفه يامستر بس فكرتك تعرف بس مدام بريق ومسترآدم اصدقاء جدا من قبل حتى وصولك الشركة
لدرجة ان كلنا استغربنا لما انت ال اتجوزت بريق مش مستر آدم
جاسر مريم اسكتى مسمعش صوتك أكيد انتى فاهمة غلط روحى خليكى ف شغلك
مريم حاضر بعد اذنك يامستر
جاسر لالالا ياجاسر انت بتفكر ف ايه آدم وبريق يستحيل يخربيتك يا مريم أنا أحسن حاجة اروح وبكرة الصبح ليا تصرف مع مريم دى اغلاضها كترت معايا
يخرج جاسر من المكتب.
مريم مستر جاسر
جاسر. عايزة ايه.
مريم. الظرف دا هو و الجواب وصلوا لحضرتك
جاسر. الصبح ابقى اشوفه
مريم. بس دا مكتوب عليها مستعجل شوفه يمكن يكون فيه حاجة مستعجله
جاسر. طيب هاتى ويفتح الجواب وف كل كلمه يتحول وجهه لكتله من الجمر المحترق
ويفتح الظرف. لا مستحيييل هقتلك يابريق هقتلك
ياترى الشياطين الثلاثه ايه المؤامرة ال دبروها عشان يفرقوا بيها جاسر وبريق وآدم.
بقلم إيمان المهدى
بريق الحب
الحلقة العشرون
بعد ما جاسر وصله ظرف كبير وجواب
ماكنش شايف قدامه. ونزل من الشركة والغضب مسيطر عليه
مريم بخبث استنى بس يامستر ارجوك قولى فيه ايه وبريق عملت ايه انت متعصب بلاش تتهور
جاسر انتى رايحة فين امشى من قدامى
مريم لأ هروح معاك. انت بحالتك ممكن تعمل مصيبه
جاسر. قولتلك امشى.
مريم. مش همشى يامستر. وهاجى معاك
جاسر يووووه. وركبت مريم غصب. بس دا مش خوف على جاسر دا عشان لو لعبتها فشلت. والنار هدت. تقدر. تولعها
مريم احنا رايحين فين وايه ال ف الظرف
جاسر. بغضب مسمعش صوتك
دقايق ونزل جاسر امام مبنى كبير
مريم. شكلها هتحلو ونهايتك النهاردة يا آدم أنت وبريق
جاسر طلع العمارة وبيتمنى أن كل دا يكون مجرد كذبه
وقف قدام شقه آدم وخايف يدخل. هو مش عايز يتوجع تانى مش عايز يبقى وحيد مبيتمناش يتحرم من اكتر اتنين حبهم ووثق فيهم خايف يتصدم فيهم
بس كمان خايف يظلمهم .وأخيرا قرر ان لازم يتأكد
وبالفعل. حبطت على باب الشقه كتير ورن الجرس
البواب بخوف جاسر باشا خير فيه ايه
جاسر. انت شوفت آدم بيه امتى اخر مرة
البواب. هااا أصل.
جاسر ما تنطق.
البواب من حوالى. ساعتين كدا كان طالع الشقه
جاسر. لوحده كان جاى لوحده
البواب بترد. أه. لأ. أصل
جاسر. ماتنطق ياحيوان
البواب. أه من ساعتين. كان طالع هو وبنت
تقى. أنتى بتقول ايه
مريم. تقى ايه ال جابك
تقى ببكاء مش وقته
طبعا مريم لعبتها صح. وبعتت الصور لتقى
جاسر تعرف البنت دى
البواب لاياباشا بس هيا بتيجى على طول معاه يقعدوا فترة وينزلوا
جاسر لوشفتها تعرفها
البواب. أه ياباشا أنا شوفتها اكتر من مرة
جاسر. طلع صورة لبريق. وورهاله
البواب سريعا. اه ياباشا هيا دى البنت
تقى لالالا مستحيل انت متأكد
البواب. اه متأكد. الله واعلم هيا مراته ولا اخته عشان مظلمش حد
جاسر. بغضب. بيحاول يكسر باب الشقه. وطلب من البواب يساعده.
أتمكن جاسر من دخوله الشقه.وفورا اتجه لقوضه النوم.
وف كل خطوة كان لسه عنده آمل بسيط ان كل دا كذب..... لكن شاف ال عمره ما توقع ان يشوف
حبيبه عمره بريقه اميرته شبه عاريه ف احضان
صديقه طفولته رفيق العمر.
وقف جاسر. امام هذا المشهد لايقوى على الحركة ولا الكلام.
تقى. ببكاء مستحيل أنا بحلم
مريم بخبث تاخدها ف حضنها. بس ياتقى اهدى ميستهلش زعلك عليه واحمدى ربنا ان انكشف قبل جوازكم. ال زى دا ميستحقش تبصى ف وشه.
وبعدين هنفضل واقفين كتير نشوف القذارة دى. أنا هفوقهم عشان يعرفوا انهم بقوا مكشوفين
واخدت دورق مياه ورمته على وجه بريق وآدم.
بريق. بتعب فيه ايه
آدم. ااااه دماغى أنا فين
مريم. انت ف شقتك يا استاذ. آدم وعلى سريرك وف احضانك مدام بريق
آدم. بيحاول يستوعب ال سمعه هو كل دا هو وبريق مش مركزين بس الكلام ال سمعوه كان قادر يخرجهم من حالة التوهان ال كانوا فيها.
آدم. اااانت بتقولى ايه. انت مجنونه. وبتركيز اكتر. اخد باله من جاسر وتقى واقفين. وبريق ال جمبه على سريره بلبس شبه خفيف جدا
اااانا معرفش حاجة. وايه جاب بريق هنا
مريم. لاياشيخ. جات زي كل مرة بتيجيلك. فيها
آدم إخرسى. جاسر. والله ما فيه حاجة بينا ....
تقى حبيبتى. انت عارفة. ان بريق زى أختى أكيد ف حاجة غلط.
تقى. انت انسان زباله وانا اتخدعت فيك كويس اوووى ان عرفت حقيقتك قبل ما نتجوز.
اما الهانم. أنا مش عارفة ناقصك ايه ليه تعملى كدا. دا انت طلعتى رخيصه اوووى من النهاردة مش عايزة اشوفك ولا اشوفها. انتم اقذر. اتنين عرفتهم وسابته وخرجت ف صدمه
آدم. جاسر والله أنا مش كدا.... لم يكمل حتى تلقى صفعة مدويه من جاسر. انت. طلعت وسخ اوووى. ياشيخ طيب كنت قولت انكم ... وأنا كنت هبعد. واسيبكم لبعض. ليه تعمل معايا كدا
بريق. حاولت تلملم اى لبس تغطى بيه نفسها. ... جاسر اسمعنى ف حاجة غلط
جاسر بغضب. أنتى تخرسى خالص
بريق. لأ. انت لازم تسمعنى. أنا معرفش جيت هنا ازاى والله ما فيه حاجة بينا. أنا حد اتصل وقالى أنك عملت حادثه. ومعرفش ايه ال حصل. ارجوك
جاسر. كفايه كدب مش عايز اسمع منك حاجة. وبصى كويس للصور دى
بريق. ايه دا أكيد فيه حاجة غلط. احنا
كنا خارجين من ......
جاسر يضربها بقوة لتقع على الأرض كفايه كذب بقا الصور وهو ماسك ايدك. وهو معاكى ف العربيه وحاضنك زى العشاق. طيب لو الصور متفبركه ال شوفته دلوقتى ايه
بريق. ببكاء. والله ما اعرف. ولا فاهمه حاجة. بس لازم تثق فيا أنا مش أعمل كدا
جاسر. بغضب كنت جاى وناوى اخلص منكم لو اتأكدت من الكلام ال موجود ف الجواب وللأسف اتأكدت. بس أنا مش هوسخ إيدى بدمكم القذر. انت طالق يا هانم
وبكدا تقدرى تكملى قذارتك وانت مش خايفه.
وانت لو شفتك ف مكان مش هتردد لحظه ف قتلك.
بريق مسكت ف جاسر ارجوك متسبنيش. ارجوك. متبعدش عنى. أنا مش أعمل كدا ارجوك. يا جاسر. والله أنا مظلومه. جاسر بكل قوة بعدها عنها. وقعت على الأرض وكمل طريقه للخروج من الشقه
آدم. بريق قومى. وبيحاول يساعدها. بس بريق بعدت ايده عنها. ابعد عنى
آدم. أنا معرفش ايه ال حصل. ووصلنا ازاى شقتى. بس انتى متأكدة ان معملش كدا
بريق ببكاء . أنا عايزة افهم ايه جابك الفيلا ف الوقت
أكيد انت الشخص ال اتصل وقال أن جاسر عمل حادثه.
آدم والله ابدا. وانا جيت الفيلا لأنك طلبتى منى كدا
بريق. انا طلبت منك تجيلى ازاى محصلش.
آدم لأ. حصل. لقيتك بعتيلى رسالة ان اجيلك الفيلا ضرورى ومقولش لجاسر عشان انتى عملاله مفاجئة بمناسبه عيد ميلاده بكره
بريق. بس أنا مش بعدت حاجة أكيد فيه حاجة غلط
آدم. ازاى يعنى الرسالة ف تلفونى. فين تلفونى. أكيد ف عربيتى
ونزل سريعا زى المجنون يشوف تلفونه.
بريق بلهفه لقيته
آدم. بينهج. أه لقيته وفتحه. الحمد لله الرسالة موجودة
بريق قرأت الرسالة واتأكدت من كلام آدم
بس ازاى أنا مش بعدت رساله ازاى اتبعتت من تلفونى
آدم. بريق أنا تقريبا فهمت. فيه حد بيلعب علينا وكان عايز يوقعنا
بريق طيب ليه يعمل كدا
أكيد هنعرف مين كان معاكى النهاردة شوفت حد ف الوقت ال اتبعتت فيه الرسالة
بريق بتذكر. لأ مكنش فيه حد الا......
آدم. إلا مين
بريق. لالالا مش معقول أكيد مش هو
آدم. مين هو يابريق انطقى ارجوكى لازم نعرف ايه ال حصل
بريق. عمو حسن جالى عشان يطمن عليا وبعد ماقعد شويه طلب منى يعمل مكالمه من تلفونى
ودا كان فى نفس الوقت تقريبا ال اتبعتت فيه الرسالة
آدم بعدم تصديق. معقول عم حسن طيب ازاى وايه مصلحته ف كدا
بريق ببكاء. أنا ايه ال بيحصلى ليه كل ما افرح يحصل حاجة تكسرنى ليه ااغلى الناس هما ال يعذبونى ويكسرونى مرة ورا مرة ابويا جاسر عم حسن.
ااااه يارب ريحنى من عذاب الدنيا بقى أنا تعبت مش قادرة اقاوم خلاص طاقتى خلصت. وتفقد وعيها
أمام عيون آدم الباكيه قهرا وحزنا عليها
فدائما اعتبرها مثل اخته الصغيرة اعتبرها سر من اسرار سعادة الكل آخر حاجة يتوقعها ان يتهم ان خاين لصديقه ومع مين بريق
ال كانت أختى
رفعها على الكنبه ورفع عليها اغطيه واتصل بفهمى.
آدم. فهمى. أنا محتاجلك ارجوك تعالا شقتى
فهمى طيب فيه ايه
آدم من غير اسأله كتير اسمعنى كويس. بريق تعبانه وكنت عايزة تيجى تشوفها.
فهمى. بريق مرات جاسر. وليه عندك
آدم. فهمى أنا مش ناقصك. تعالا ومنسألش لما تيجى هفهمك
بعد نصف ساعة كان فهمى
خير يا آدم فيه ايه
آدم اكشف على بريق الأول وبعدين نحكى
فهمى. آدم بالكشف المبدأى إحتمال تكون بريق حامل
آدم. بفرحة مكسورة. حامل بجد
فهمى دا مبدأى بس لازم تحاليل وكدا عشان نتأكد
آدم. تمام هجبهالك بكرة الصبح المستشفي
فهمى. طيب ممكن تفهمنى
آدم هحكيلك ......
فهمى. يا خبر اسود. آدم ازاى ال بتقوله دا
آدم. هو دا ال حصل ومش فاهم اى حاجة
فهمى بس ازاى عم حسن يعمل كدا ف بريق دا هو ال مربيها وايه مصلحته
آدم اهو دا ال نفسى افهمه
جاسر ركب عربيته ومشى بيها مش حاسس هو بس مش شايف قصاده غير صورة بريق ف احضان آدم.
فاقد لأى احساس واى مشاعر مش قادر يصرخ ولا يحزن على حب عمره وصديقه ال خانوه. على حد علمه
مشاعر واحساسيس باردة. عامل زى البركان الهادى ال لو انفجر هحرق الكل.
عند مريم. ال واقفه بتضحك بطريقة شيطانيه.
وخلاص. كله بقا تمام واقدرت اخلص من بريق وجاسر بضربه واحدة
ناجى. طيب فين الأوراق ال انتى عايزاه اتنفذ
مريم بكرة الأوراق هتكون عند. قولى المكان ال انت فيه اجيبهملك
ناجى. أنا فى الشقه القديمة ال كنت عايش فيها
حسن. وال طبعا كان يستحيل نتوقع ان يعمل كدا. بس ازاى. ما ابوها عمل ال اكتر من كدا
طيب أنا دلوقتى هعمل ايه اكيد بريق وآدم هيحاولوا يعرفوا مين ال عمل فيهم كدا
مريم وانت مالك
حسن. أنا الوحيد ال ظاهر ف الصورة. أنا اخدت تلقونها وقولتلها هعمل مكالمه منه وبعت الرسالة لآدم يجيلها
مريم. انت ازاى تعمل كدا دول لو ركزوا هيفهموا.
ليه مسرقتش تليفونها او عملت اى حاجة. أنا بس كلفت بمهمه واحدة أنك تخلى آدم يروح الفيلا وتصورهم. وهنا مع بعض. وبعد ماترش فى العربيه غاز منوم تدخل متكمم لما تتأكد انهم اتخدروا تصورهم وكأنه آدم حاضنها
حسن بس أنا كل حاجة نفذتها صح
مريم. الا أنك تبعت الرسالة كدا هيشكوا فيك
ناجى وبعدين. هنعمل ايه
مريم. هبعتلك أي فلوس تاخدها وتقول أنك نسافر تزور حد من اصحابك القدامى كام يوم خلالهم اكون نهيت كل حاجة
