#حب بالصدفه
البارت الثاني عشر
♥️🌸
*********************
وصلنا ف البارت اللي فات لحد اما مصطفى بينادي علي ميار ويقولها تعالي عشان تقرأي الفاتحه
ميار خرجت وكانت في منتهي الجمال وزادها جمال لبسها المحترم وحجابها.. ميار كانت محرجه جدا راحت جده ميار قالت لها:تعالي يا ميار اقعدي جمبي يا حبيبتي..ميار راحت قعدت جمب جدتها وقراءو الفاتحه تحت قلق ميار ونظرات يوسف الغريبه لميار اللي ميار مفهمتش معناها
-مصطفى:طب نسيبكو لوحدكو بقي.. وخرج هو والجده
-يوسف لميار:ازيك يا ميار
-ميار:الله يسلمك
-يوسف:طيب انا يوسف دكتور جامعه وأهلي متوفيين
-ميار:علي اساس اني معرفش اسمك ولا شغال اي
-يوسف:احم.. انا بقول زي ما بيقولو
-ميار:امم شكلك حافظ مش فاهم
_يوسف باحراج:مش قصدي بس انا بعرفك عن نفسي.. وبعدين اي الطريقه دي انتي حسستني انك مغصوبه عليا.
-ميار وحست بغلطها :احم انا اسفه مقصدش بس انا بتكلم بتلقائيه شويه
-يوسف:عادي ولا يهمك. وكمل ف نفسه والله لوريكي ايام سوده بس اصبري عليا.
-ميار مع نفسها اي يميار مينفعش كده هو زنبو اي.. اتعدلي كده ف كلامك وحسني اسلوبك
-يوسف طلع خاتم من جيبه وبص لميار :دي هديه يا ريت تقبليها
-ميار:اسفه بس انا مبقبلش هدايا من حد
-يوسف:ونا حد
-ميار بمزاح:لا سبت..
-يوسف بضحك:اقسم بالله كنت بحسبك نكديه بس الحمد لله اطمنت
-ميار باحراج:معلش جت غلط لاني بقولها للبت أيه كتير
-يوسف:خلاص اعتبريني زي ايه يستي علي منتعود ع بعض
-ميار:اشطاا
-بس يا ريت تقبليه ونا زي خطيبك برضو.. لو سمحتي
-ميار:اوك
-يوسف:ممكن البسهولك
-ميار مدت ايديها له ويوسف لبسها الخاتم وكان تحفه علي ايديها
-يوسف:عجبك
-ميار:زوقك مش وحش
-يوسف:طيب عايزه تعرفي ايه عني
-ميار:ولا حاجه.. بس اشمعنا انا
-يوسف:حبيتك وانتي انسانه محترمه ونا كل اللي عايزو زوجه كويسه تراعي ربنا ف بيتها واولادها
-ميار:بتصلي
-يوسف:الحمد لله
-ميار:طب صليت فجر انهارده
-يوسف:بصراحه راحت عليا نومه.
-ميار:تمام
-يوسف:طب اي اكتر حاجه بتحبيها
-ميار:اشمعنا
-يوسف:فضول
-ميار:شكلك فضولي زياده
-يوسف:معلش استحمليني
-ميار:طب اي اكتر حاجه بحبها من ناحيه اي طب.. اكل.. شرب.. الوان.. كده يعني.
-يوسف:كل حاجه.. عايز اعرف عنك كل حاجه
-ميار :انت كده داخل على طمع.. امم طيب بحب من الاكل مكرونه بشاميل.. والشرب هوت شوكلت.والبيبسي. ها اي تاني
-يوسف:عمرك حبيتي
-ميار بجديه:عايز الحق
-يوسف:ياريت
-ميار:اه
-يوسف متفاجئش اوي لانو عارف ان ميار بتحب محمد ده غير انو سمعها لما كانت بتتكلم مع ايه ف الكليه بس هو تجاهل كده...
-يوسف:طب ليه سبتو بعض
-ميار:هو احنا مرتبطناش اصلا عشان نسيب بعض
-يوسف عقد حواجبه بعدم فهم
-ميار:حب من طرف واحد
-يوسف:امم.. طيب مش هتساليني كنت بحب ولا لا
-ميار:والله دي حياتك اللي فاتت انا مليش فيها وكذالك انت بس انا جاوبتك عشان تكون عارف لكن كل واحد فينا ملهوش دعوه بماضي التاني
-يوسف:رأي يحترم
دخل مصطفى عليهم وفضلو يتكلمو شويه وبعدها استاذن انو يمشي.. وبعد اما مشي يوسف اتنهدت ميار وقالت ف سرها يخربيت تقل دمك يشيخ شخص بارد اقوله بحب واحد بدل ما يكون عندو دم ويخلع لا ازاي لازم يجلطني
-مصطفى:الواد ده مش عارف مش طايقو ليه
-ميار :ونا كمان
-مصطفى:نعاااام يختي امال وافقتي ليه
-ميار وفهمت هيه قالت اي:هااا لا مقصدش عادي
-مصطفى:طيب الشبكه الاسبوع الجاي
-ميار:طيب
-تليفون مصطفى رن وكان محمد
-مصطفى:حبيبي
-محمد:اي يبني برن عليكي من شويه مبترديش ليه
-مصطفى بخبث:معلش والله كنت مشغول مع خطيب ميار
-محمد بصدمه:اي
-مصطفى:اي يبني اتفاجئت ولا اي
-محمد :لا لا عادي طب معزمتنيش ليه يعم
-مصطفي:دي كانت قرايه فاتحه بس تنورنا ف الشبكه بإذن الله كمان اسبوع وطبعا مش هعزمك ميار دي اختك
-محمد حس انو مخنوق:طب سلام دلوقت وهكلمك بعدين اصل جالي شغل
-مصطفى:سلام. وبعد اما قفل مع محمد :عارف انك زعلان بس انت اللي غبي
-مياركانت واقفه وسمعت المكالمه كلها وزعلت جدا كان نفسها محمد يحبها ويتقدملها هو
*********************
-عند محمد كان قاعد في كافيه وبعد مكالمه مصطفى له وأن ميار خلاص اتخطبت حس ان الدنيا بتلف بيه والدموع كانت ف عنيه وكان قايم يمشي بس حصل اللي مش متوقع...
*********************
Ahlam Tamer
-ف مكان آخر ف نيو يورك طبعا عرفتو مين مجهول1.. ايوا هو اللي ف دماغك ده الواطي ابو محمد..كان قاعد علي شرفه احد المنازل الفخمه وفجأه تليفونه رن
-حسين:الو عملت اي
-المتصل:حصل
-حسين:برافو عليك بس لسه الموضوع مكملش لو كمل ليك الحلاوه
-المتصل:ان شاء الله
-حسين:طب آآآ قاطع كلام حسين دخول احد رجاله
-الرجل:يباشا
-حسين:ازاي تدخل كده يحيوان
-الرجل:في خبر مهم لازم حضرتك تعرفو
-حسين:طب سلام دلوقتي
-المتصل:ف حاجه ولا ايه
-حسين:متشتغلش بالك. سلام
-في اي يا زفت
_الرجل :الظابط اللي اسمه محمد ده اللي حضرتك أمرت لننا نراقبه
-حسين بقلق:مالو
-الرجل:...
نهايه البارت ♥️🌸🤗👀
Ahlam Tamer
بدل ماتدور وتبحث علي الروايات خليها علي تليفونك وحمل تطبيقنا
