#رواية_حور_الفهد
الحزء الثاني:البارت الثالث
الويتر اتفضلي ي ف...
ولسة هيمد ايده القهوة اتكبت علي ايد عاصم
عاصم بوجع اااااه ايدي ااااه يبني مش تحاسب
الويتر:انا اسف ي فندم والله
كرما بتضحك علي ما اخر ما عندها
ههههه ي كوكو ههه بس ايده احمرت إزاي بص س وائل (الويتر)
وائل عادل وشه بعيد وبيضحك
عاصم بصلها بغيظ وقرب يطق وأيده احمرت خالص
كرما بأستفزاز وبتضحك:هه بس بس خلاص وائل متضحكش تاني احسن يعيط حرام
عاصم بغيظ:بت اخفي من وشي
كرما ببرود:ملكش دعوة الشركة ملك الجميع صح ي وائل
وائل بيضحك
كرما بأسافزاز:بقلك إيه بقي هات واحد قهوة تاني بدل إللي اتكب بس عادي عادي فداك بس ياريت يكون سكر ذيادة
عاصم بصلها بغضب
كرما بتقوم وهي بتضحك:ولا اقلك خلاص احسن تتكب تاني
ووجهت كلامها لعاصم باي ي كوكو
كرما مشيت وهي يتضحك
عاصم بنرفزة:فين الزفت التوليت خليني اغسل ايدي
الويتر بخوف:علي اليمين ي فندم
عاصم مشي وهو مدايق خالص بقلمي ميسون عبدالمجيد
----------------------------------------------؛بعد وقت
كرما بأبتسامة:اتفضل ي فندم اوراق اخر صفقة
فهد بضحك: وايه الفرح والانشكاح دا مالك منتي كنتي لوية بوزك من شوية
كرما بضحك:يعني خصوصيات ي فندم مش يعرفها غير اهلي وحضرتك مجرد مديري
فهد بتوعد:والله
كرما بضحك:اهاا
فهد بغيظ:تمام اما نروح هعلمك مديرك من ازاي
كرما ضحكت
الباب خبط
فهد:اتفضل
عاصم دخل اول ما شاف كرما قلب وشه وكرما ضحكت بخبث
وأيده كانت حمرة جدا
فهد بصلهم بعدم ارتياح
عاصم بضيق:نعم ي فهد بيه حضرتك طلبتني
فهد:ايوا ي عاصم عشان في اجتماع دلوقت
كرما بتدخل:ودا ايه الاجتماع المفجأ دا
فهد:هتعرفي ي كرما بس بلغي عمر ويزن
كرما بعدم فهم:بس وباقي العملا
فهد:اجتماع سريع ي كرما هاخد في كام قرار عشان تبقو عرفين انتو اساس الشركة
كرما خرجت وهي مش فهمه حاجة
بعد وقت قصير
كان الكل اتجمع
فهد علي مقدمة الاجتماع وعلي يمينه كرما وعاصم وعلي شماله يزن وعمر
بقلمي ميسون عبدالمجيد
يزن:خير ي فندم حضرتك طلبتنا
فهد:ايوا عشان قي شوية تعديلات كدة لازم تعرفوها
الكل سكت
فهد اخد نفس:بالنسبة للمناقصة إللي دخلينها لازم أن شاء الله نكسبها عشان ميزانية الشركة بتضيع
عاصم: أن شاء الله ي فندم أنا واثق إحنا عملنا كل جهدنا
فهد:تمام كويس جدا
بالنسبة للمشروع الجديد فا هتمسكيه أنتي وعاصم ي كرما
كرما قاطعته:نعم ليه بقي
فهد بحدة:وهتروحو من بكرة عشان تعينو المصانع الجديدة إللي هتتفتح قريب لازم نخلص كل حاجة فيهم ونففتحهم في بداية السنة
كرما بعدم فهم وضيق: ي فندم الكلام دا كنت هعمله انا وعمر
فهد:لا مش هينفع
كرما بعند: خلاص نعمله أنا ويزن
فهد بحدة:كرما عمر ويزن امتحنتهم خلاص كمان كام اسبوع مش هيجو الشركة اصلا الفترة دي فا هتمسكيه أنتي وعاصم وانتو الاتنين عندكو خبرة اعلي وهتنجحو سوا
عاصم ببرود واستفزاز: أنا عن نفسي معنديش أي مانع
كرما بغضب:ي بابا بس انا مش عايزة
فهد بحدة وزعيق:كرما خلاص إحنا بنلعب دا شغل وبعدين كلها كام اسبوع وعمر يتخرج وهيشيل عنك كل حاجة
كرما بصت لفهد بغضب لانه زعقلها
كرما بغضب:تمام ي فندم
كرما قامت بتلم حاجتها
كرما خرجت وهي مضايقة جدا
عمر بزعل علي كرما: علي فكرة عادي كنت ممكن امسك المشروع انا وكرما انا مخلص كل مذاكرتي
فهد بضيق:خلاص ي عمر الكلام انتهي اتفضلو
كل واحد راح علي مكتبه
يزن وعمر خرجين
يزن بفرحة:والله ابوك دا راجل كمل
عمر:ليه ي خويا
يزن بفرحة:مش قال مش هنيجي تاني لغاية الامتحانات الواحد يروح بقي ينااام
عمر مسكه من قفاه:ايوا قال كدة عشان نذاكر مش عشان ننام
يزن:ي عم فكك بقي أنا هروح انام تلات اربع اسابيع كدة
عمر بصله وضحك
"""""""""""""""""""""""""""""""""""""""عند حسام
حسام قاعد في عيادته وبيكشف علي المرضي.
حسام بتعب:في تاني
الممرضة:فاضل كشفين ي دكتور
حسام بتعب:تمام دخليهم بسرعة
الممرضة خرجت حسام اخد نفس بتعب
شوية والمريض دخل
وكانت ديما
بقلمي ميسون عبدالمجيد
حسام بصلها وابتسم وهي بصتله بأستغراب
حسام بضحك:انا ابان اهبل ومش حاجة بس لا والله انا دكتورة قد الدنيا
ديما ضحكت
حسام بأبتسامة:اتفضلي اقعدي
ديما قعدة
حسام:بتشتكي من ايه
ديما:درسي اللي جوا دا وجعني جدا مش قدرة اكل ولا انام ولا اشرب بسببه
حسام قرب منها وبدء يكشفلها
حسام:اممم لازم يتخلع
ديما بخوف:اييييه لالا مستحيل
حسام بضحك:في ايه اهدي اهدي أنا مش سفاح انا أيدي خفيفة بعدين هتبقي متبنجة
ديما بخوف:لالا خلاص مش هخلعه
حسام:هتعيشي بيه وهو وجعك كدة
ديما بخوف:ايوا احسن ما اخلعه مش هقدر
حسام بأبتسامة علي طفولتها:طب خلاص هكتبلك دوا وحجات وتجيلي بعد عشر ايام لو مخفش هضتر اخلعه
ديما بفرحة:تمام شكرا
ديما خرجت وحسام ابتسم
حسام لقلبه:هو انت بتفتكر تدق بصوت عالي لما تكون موجودة بس اسكت فضحتني الله يخربيتك
عدي وقت حتي عم الظلام
-------------------------------------------------عند فهد
قعدين علي السفرة بيكلو وكرما لسة زعلانه هي وفهد ومش بيكلمو بعض
وكرما قعدة مش بتاكل وفهد عمال يبصلها
حور: وأنتي مالك قلبه ليه من ساعت ما جيتي
كرما بضيق:مليش
فهد لحور بهمس:قوليله
حور بهمس وضيق:لالا
فهد بهمس:عيب ميصحش
حور بهمس وعند:مش بحبها مش بحبها
فهد بهمس وحدة: اخلصي بقي عيب
حور نفخت بضيق
بقلمي ميسون عبدالمجيد
حور بأبتسامة مصطنعة:بقلك ي عمر
عمر:نعم ي حبيبتي
حور بتضغت علي سنانها بضيق:ما تعزم هيدي مرة تتغدي معانا بقلها كتير مجتش
عمر:مش عارف والله ممكن متبقاش فاضية عشان الامتحانات
حور بهمس:امم دي ما بتصدق دي لو تطول تعيش معانا كانت عملتها
فهد داس علي رجلها من تحت
حور بغيظ:قلها بس ي حبيبي وشوف
عمر:تمام
فهد بضيق مصطنع:ماااتكلي
كرما بصتله
اكمل فهد:ي ميرا
كرما بصتله بغيظ واكلت ومحدش فاهم ملهم غير عمر
______________________________________
اشرقت شمس يوم جديد
كل واحد صحي راح مكانه
كرما وصلت الشركة
نزلت من عربيتها ودخلت الشركة
لقيت عاصم في وشها
عاصم:صباح الخير
كرما بصتله ومردتش وهو ضحك
بعد وقت
كرما كانت قعدة في مكتبها ومضايقة جدا لانها مش بتكلم فهد
الباب خبط
كرما بضيق:اتفضل
دخلت السكرتيرة:اتفضلي ي بشمهندسة
كرما بعدم فهم: إيه دا
السكرتيرة:مش عرفة ي بشمهندسة بس جاي لحضرتك
كرما اخدة منها الشنطة والسكرتيرة خرجت
كرما فتحت الشنطة بفضول بسرعة
كرما فتحتها لقيت علبة جواها كريب وعليه كارت
كرما فتحتها بسرعة لقيت مكتوب
(كريب فراخ اهو ومن عند حمدي علي فكرة يلا عشان وشك شكله وحش وأنتي قلباه
اه وحاجة تاني تعاليلي حالا عالمكتب)
كرما ابتسمت بحب وحضنت الكرت بقلمي ميسون عبدالمجيد
كرما راحت عند مكتب فهد خبطت ودخلت
كرما بضيق مصطنع:نعم ي فندم حضرتك طلبتني
فهد بضيق مصطنع: إيه يعني وشك هيفضل واخد وضع القلبة دي كتير
كرما بضيق:مليش ولو سمحت دا كمان شغل حضرتك عايز حاجة
فهد:تعالي يبت اترزعي هنا قدامي
كرما اخدة نفسها بضيق وقعدة قدام فهد
فهد: ايه يعني هتفضلي قلبة وشك كدة كتير
كرما بضيق:مش قلباه أنا عادي
فهد بستخرية:لا ي شيخة يعني دي طبيعة وشك
كرما بضيق:ايوا
فهد بجد:كرما بلاش هبل وخلاص كفاية
كرما: كفاية ايه أنا مش فهمه
فهد:فيها ايه لما تدخلي مع عاصم في المشروع وتبقو سوا هياكلك
كرما:مش بطيقه بكره انسان مستفز وغبي ومش بيفهم
فهد بحدة:احترمي نفسك طيب الشاب اخر ادب واحترام أنتي إللي بتعندي
كرما بعند:مش هعرف اشتغل وانا معاه بكره اشوفه قدامي
فهد بحنية:طب عشان خاطري
كرما نفخت بضيق
كرما بضيق:يعني كدة بتمسكني من ايدي إللي بتوجعني
فهد بأبتسامة: بنتي حبيبتي كنت واثق انك هتوافقي يلا يقي عشان تتحركو للمصانع
كرما بغيظ: أنا موافقتش
فهد متجاله كلامها:يلا بقي روحي كلي بسرعة قبل ما عاصم يوصل
كرما بتقوم بغيظ:براحتي علي فكرة وواجبه يستنناي لغاية ما اقول أنا ويسمع كلامي من سكات
فهد بضحك:ماشي روحي افطري بسرعة بقي
كرما مشيت وهي مضايقة جدا
راحت مكتبها وطلعت غلها كله في الاكل
الباب خبط
كرما وبقها في اكل:اتفضل
دخل عاصم كرما بصتله كدة 😡😡
عاصم بخوف:احم مش المفرود نتحرك
كرما بضيق:بطفح ولا مطفحش
عاصم بأبتسامة:لا طبعا اطفحي براحتك
كرما بنرفزة:انت بتقولي اطفحي
عاصم:منتي إللي بتقولي
كرما بغيظ: أنا اقول انت متقلش سامع
عاصم:خلاص اتنيلي اطفحي
كرما بزعيق:تاني
عاصم بزعيق:خلاص بقي
كرما بصتله بضيق
واكمل ببرطمة:جاتك نيلة في حلاوتك
سكتو شوية
عاصم:طب ايه طيب
كرما وهي بتاكل:ايه
عاصم:اللي ياكل لوحده يزور وكدة
كرما:ي عم روح
وبعدين انت قاعد معاية ليه
عاصم:عادي يعني
كرما:يعني هتفضل قاعد قدامي باصصلي في اللقمة كدة اتفضل من غير مطرود وانا اما اخلص هجيلك
عاصم وهو بيقوم بغيظ:تعرفي لولا اننا في للشركة انا كنت عملت ايه بس حلو ادينا ريحين المصانع وهعلمك الادب أما اشوف هتعملي ايه وتعلي صوتك ولسانك الطويل دا إزاي
كرما بقوة مصطنعة:هه ولا تقدر تبصلي
عاصم مشي
كرما لنفسها بخوف:ي مامي دا باينله شرير أنا خايفة اروح معاه
كرما كملت اكل وخرجت لعاصم
كرما بضيق:يلا عشان نتحرك
عاصم:لحظة اخلص القهوة
كرما:لا محنا مش هنستني اما حضرتك تخلص القهوة ونتأخر والليل يليل وانا كرهه نفسي طبيعي
عاصم قام بغضب: يعني بقالي نص ساعة مستني جنابك علي ما تاكلي ومش قدرة تستني خمس دقايق
كرما نفخت بضيق
وعاصم شرب القهوة ونزلو
عاصم: تحبي تركبي معايا
كرما بضيق:شكرا معاية عربيتي
عاصم بصلها وضحك علي جننها كل واحد ركب عربيته ومشي
__________________________________ عند ميرا ويزن
يزن قاعد في الجنينة ومعاه ميرا وخديجة بيشرحلهم
يزن:فهمتو الحته دي
ميرا بأبتسامة:ايوا انا فهمتها انا حبيت الفيزكس اوي بجد
يزن ابتسملها
ووجه كلامه لخديجة: وانتي ي انسة خديجة
خديجة لا رد
يزن:هيييي
ميرا بتقزها:ديجااا
ديجا فاقت (كلمت خديجة تقيلة خليها ديجا)
ها
ميرا: ها ايه بقلنا ساعة بنكلمك
ديجا:معلش سرحت شوية
يزن:طب يستي فهمتي اخر جزئية دي
ديجا بتمثيل:اهااا طبعا بص شرحك جامد
يزن بضحك:بجد
ديجا بتمثيل:بأمانه
يزن برفعة حاجب:طب إيه اخر حاجة قلتها
ديجا:انك بتحب الفيزكس خالص وديما بتقفلها
يزن بضحك:ايوا اقصد إللي شرحته
ديجا: عادي كنت بتشرح فيزكس
يزن بصلها وضحك جامد:لا دي فعلا ماشاء الله
ميرا بصتله وضحكت
ديجا:علي فكرة فهمه بس بعمل كدة عشان محسدش نفسي
ميرا بسخرية:والله
ديجا ببرود:وحياتك
انتو مملين اوي هنفضل قعدين كدة نذاكر بس
يزن:عيزة تعملي ايه
ديجا:اي حاجة اقلكم نكته
ميرا:لالا بلاش انا ومتعودة عليكي لكن عيب ميصحش الراجل غريب
ديجا:ابدا ابدا
يزن بضحك:لا خليها تقول أنتي عسل أوي
ديجا ضحكت وميرا قربت تطق
ديجا:استني اسمع ليه رقم تمانين انشط الارقام
يزن:ليه
ديجا:لانه بيعمل تمانين الصباح كل يوم
ههععهه
ومدت اديها سلمت علي يزن بمعني الهزار
وهنا عمر كان خارج من الڤلة شافهم كدة قرب عليهم بغضب
عمر بغيرة ونرفزة:لا حلوة المذاكرة دي
يزن بضحك: إيه ي عم مالك داخل علينا كدة ليه سلم طيب دنتي بقالك يوم بحاله مشفتنيش
عمر بضيق:اسكت يلا ورد عليا هي دي المذاكرة
كلهم بصو لبعض بخوف
ميرا بخبث:ايوا ي عموري مش بيذكرو وعمالين يضحكو ويقولو نكت
الاتنين بصولها بغيظ
يزن بصلها بغيظ وتوعد
يزن بخبث:اهاا اصلك متعرفش انت ي عمور ديجا دي دمها خفيف إزاي
عمر وميرا:ديجاااا!!!
يزن بخبث:اه ديجا
ميرا تفسها تمسكه تخنقه
عمر : يزن امشي
يزن بضحك:استني ط .
عمر بحدة:بقلك امشي
يزن وهو بيخرج:تمام بس ليك طردة متقلقش
يزن مشي
ديجا بضيق: علي فكرة احرجته ميصحش كدة
عمر بغيظ:ي سلام وأنتي مالك أنتي بدافعي عنه ليه
ديجا بضيق:ملكش دعوة انا ماشية ي ميرا سلام
ميرا مشيت
وعمر وميرا وقفين مضايقين
ميرا بغمزة:بس إيه الشياكة دي رايح فين
عمر:رايح اقعد مع هيدي شوية بعدها هجبها تتعشي معانا
ميرا ببرطمة:اممم تبقي الليلة دي مش معدية علي خير
عمر بعدم فهم:بتقولي ايه
ميرا بأبتسامة ضيق:ابدا ي حبيبي بقول هيدشي وحشاني أوي كويس
عمر بضحك:والله ماشي
يلا باي
ميرا:باي
___________________________عند عاصم كرما
وصلو اول مصنع ولبسو إللي هو الكاب بتاع المهندسين دا
عاصم:تعالي نبدء بالجهة دي
كرما بعند:لا هنبدء من هنا
عاصم لنفسه:اهدي عشان متتهورش عليها طول بالك
عاصم بأبتسامة ضيق:تمام إللي تشوفيه
مشيت كرما ووراها عاصم ونفسهم يولعو في بعض
عاصم:راحة فين
كرما:هطلع
عاصم:طب ما الاسانسير اهو
كرما:لا مش بحبه بخاف منه
عاصم بضيق:اخلصي بقي
كرما بعند:قلت لا
عاصم بنرفزة:عيزة تفهميني انك هتطلعي ١١ دور علي السلم
كرما بلعت ريقها:احم اه عادي عادي فيها ايه
عاصم:تعالي اخلصي بقي
كرما:لا هيتقفل علينا وهنتحبس ومحدش هيحس بينا وهنموت
عاصم بضحك: إيه في ايه يخربيت الهندي إللي طير دماغك تعالي حتي لو اتقفل العمال دقيقتين وهيفتحوه
كرما بصتله بتوتر
عاصم:يلا بقي
كرما قربت وهي خايفة ركبت معاه
ركبو سوا والاسنسير زي الفل
وصل للدور التاسع عمل صوت عالي ووقف
كرما برعب: إيه دا هو في ايه ها في في ايه
عاصم بهدوء:بس بس اهدي مفيش حاجة هنطلع حالا
كرما:اتقفل صح قلتلك قلتلك انت السبب
عاصم: اهدي بقي
الله يخربيتك بومة منا كل يوم بركبه عادي
كرما بتعب:انا مش قدرة اخد نفسي
عاصم بقلق:اهدي بقي وهتصل بالعمال وبص لساعته
يوووه دا وقت البريك
كرما عنيها بدءت تدمع واتخنقت وخلاص تكه وهتعيط
عاصم طلع فونه بيرن
عاصم:اهدي اهدي
وبص علي كرما
عاصم بصدمة:كرماااااا
يتبع
Mayson Abdelmgeed 😌
تفتكرو حصل إيه لكرما 👀
الحلقه الرابعه الجزء الثاني من هنا
بدل ماتدور وتبحث علي الروايات خليها علي تليفونك وحمل تطبيقنا
