رواية ملتزمه تزوجت من رجل اعمال الفصل السادس و السابع بقلم جهاد سعيد
*الحلقة السادسة*
. لو سامحتي ياخديجه. عايزاكي.
خديجه. عيوني. عايزاني في ايه ياجميله.
البنت. بدموع. الموضوع كبير. وهياخد وقت
خديجه بتأثر لدموعها. طب تعالي نقعد في الكافتريا. واحكيلي. ومش لازم احضر المحاضره. اخدنا ايه يعني من التعليم.
البنت بأبتسامه. تعالي يلا
راحو علي الكافتريا. وقعدو.
خديجه. يلا بقا ياجميله احكي. بس عايزه اعرف اسمك ايه.
البنت. اسمي ياسمين. وانا من هنا.
خديجه. والعه معاكي. عايشه في العاصمه.
ياسمين بضحك. ههه ضحكتيني.
خديجه. المهم بقا ايه الموضوع اللي عايزاني فيه. يارب يكون عريس. اصلا اختك مفلسه اليومين دول
ياسمين. بضحك عريس ايه وبعدين مفلسه.
خديجه تتصنع الجديه. . اخدتي من وقتي كتير وانا مش ورايا حاجه. فسوف اقعدن هنا لصبح
ياسمين بهدوء. . لا مش هعطلك كتير. بس عايزه. اقلك. اولا انا مش معاكو هنا في الجامعه وده طبعا اكيد عرفتيه عن طريق لبسي ليا واحده صاحبتي حكتلي عنك. واقترحت عليا اني اجي اقابلك. واستشيرك في مشكلتي. وقالت. هترتاحي في الكلام معاها. وفعلا. عندها حق. اول مره. اتعامل مع المنتقبات وبالذات اللي مقفلين زيك كده. ولكن لقيتك بتتعاملي معايه كانك عرفاني من سنين مش من دقايق.
خديجه بابتسامه من تحت البيشه. ربنا يحبك ويبارك فيكي. اسعدتيني بكلامك جدا. يلا بقا ياجميله. قولي ايه الموضوع اللي عايزه استشارتي فيه.
ياسمين بحزن. انا كنت معجبه بواحد وهو كمان كان معجب بيا. وكان بيفضل يبصلي. كتير جدا. هو اكبر مني. بسنه معايه في الكليه. ومعرفشي جاب الاكونت بتاعي منين. وبقي بيبعتلي اني اكلمه. بصراحه. في البدايه. مكنتش. عايزه اكلمه. عشان ثقة اهلي. وكده. علي رغم اني من عيلة. غنيه وكده. الا اني بابا. متمسك بالعادات القديمه. مينفعشي بنت تكلم ولد. والكلام ده. واخويه لو عرف. هيقتلني. عشان. كده كنت خايفه جدا.
لحد مابعت ليا انو مش عايز يتسلي ولا حاجه هو عايز يدخل البيت من بابه. ولكن عايز يعرف. هنتفق مع بعض ولا لا. وهل انا كمان ببادلو الشعور. ولا لا. عشان ميجبشي اهله ويحصل احراج.
فانا الصراحه بعت ليه الرد. اني بيت بابا مفتوح. ويتفضل. وطبعا قال هسالك كام سؤال كده. وكلام ورار كلام لغاية مااتعلقت بيه. وحبيته.
ياسمين وهي بتعيط. ويارتني ماحبيته. خسرت ثقة اهلي فيا. ودلوقتي. عايز. يقابلني. وانا رفضت قام مهددني اني هيقول لاخويه. علي العلاقه اللي بينا.
ممكن الموضوع ده عند بنات كتير عادي. ولكن. انا. لا. انا قلبي بيتقطع. من كتر تأنيب الضمير. انا عارفه اني بعيده. عن ربنا. بس. بجد انا مش عارفه اعمل ايه ولا اروح فين.
ياسمين. وبكاءها. بيزيد. بالله عليكي ياخديجه ساعديني. وخليكي معايه. انا ضايعه. ومش عارفه اعمل ايه. مش عايزه اخون ثقة اهلي اكتر من كده. بابا مريض. مش هيستحمل. اني بنتو حبيبتو. تروح تكلم. واحد من وراهم.
واخويه هيقتلني لوعرف . اعمل ايه. انا بحمد ربنا. اني صاحبتي حكتلي عنك. ولما. حكتلي. كلامك. انا اتأثرت جدا. وفوقت. والحمد لله اني فوقت. بدري. قبل. مااندم. دنيا واخره.
خديجه. بصي بقا. انا مش هقول اللي عملتيه ده. صح. لاني انا وانتي. عارفين انو غلط. لانك للاسف. جعلتي ربنا اهون الناظرين. ليكي. كنتي خايفه باباكي او اخوكي يعرف او يشوفك. ولكن. مش خايفه وربنا شايفك وانتي بتعصيه. مش خايفه ملك الموت ينزل يقبض روحك وانتي فاتحه الشات وبتكلميه. مش خايفه من نظرة الغضب اللي ربنا بينظرها ليكي وانتي بتعصيه. وبتجعليه. اهون الناظرين. حتي. لو اتنين بيحبو بعض واتجوزو. صدقيني. العلاقه اللي بتبدأ بالحريم. مستحيل ربنا يبارك فيها. الا لو تابو ورجعو لربنا تاني. كويس انك فوقتي.
ياسمين. ببكاء. طب اعمل ايه ياخديجه. انا متاكده اني ربنا زعلان مني بسبب اني جعلته اهون الناظرين.
خديجه. اولا اتاكدي اني ربنا غفور رحيم. توبي الي الله. وربنا هيقبلك ومش كده وبس لا ده هيفرح بيكي كمان من شدة فرحه بيكي النبي وصفها بواحد. كان مسافر في الصحرا. وهو ماشي. ومعاه. الجمل بتاعه وعليه الاكل والشرب اللي هيفضلو معاه لغاية مايوصل في المكان اللي رايح ليه. المهم نزل وقال هنام شويه. نام وصحي. لقي الجمل بتاعه مش في مكانه. فضل يبص يمين وشمال وفضل يبص وراه مفيش حاجه. قال خلاص انا هموت. لو مش من الجوع والعطش. اكيد الليل هييجي. وتعبان او اي حاجه. هتقضي عليا. وراح. نام تاني وانتظر موته. فتح عيونو. شاف الجمل بتاعه وعليه الاكل والميه. من شدة فرحته. قال اللهم انت عبدي وانا ربك.
يعني ربنا من شدة فرحته بتوبة عبده. بيبقي. اكتر من فرحة الراجل ده.
ياسمين بابتسامه. ربنا رحيم قوي. انا بحبه جدا. وبعد كلامك ده. حبيته اكتر واكتر.
بس. في حاجه. هو انا لازم اعترف لاخويه بالعلاقه دي. اكيد. مش هيثق فيا تاني.
خديجه بابتسامه. مش لازم تحكي لحد. الله بيحب الستر. هو اسمه الستير. يحب الستر والحياء. ادعي ربنا يسترك واعملي للاخ اللي بتكلميه ده بلوك من حياتك. ولا كانو كان موجود. ومش لازم تجهري بالمعصيه ابدا ابدا. وادعي ربنا يبعده عنك .وصدقيني. ربنا مش هيخذلك ابدا. الله حيي كريم يستحي ان يرفع العبد يده الي السماء ان يردهم صفرا. قولي رجعت ليك يارب اتقبلني. صدقيني هيقبلك.
ياسمين بحزن. طبعا انتي اكيد اخدتي فكرة وحشه عني
خديجه بضحك. ليه كنت هتجوزك واكتشفت انك بتحبي واحد تاني. هو انا اعرفك اصلا. انتي مين. وايه اللي جابك هنا.
ياسمين. بضحك. ايه فقدتي الذاكرة.
خديجه بابتسامه بصي انتي حكيتي ليا. والحمد لله. قررتي تفتحي صفحه جديده وبس. متفكريش في الماضي. حتي انا انسيني. انا هبدا اتعرف عليكي من دلوقتي. عايزه اتعرف علي ياسمين الجديده.
ياسمين. ضمت خديجه. وحضنتها .
خديجه بضحك. لا متفقناش علي كده. احنا قلنا بعد كتب الكتاب. انا من عيله محافظه لو سمحتي.
ياسمين.بابتسامه. بجد انتي اجمل بنت شوفتها في حياتي. ربنا يبارك فيكي واكون زيك في يوم من الايام
خديجة. يارب تكوني افضل واحسن مني. يلا بقا هاتي رقمك. عشان قررت نكون صحاب. وكلمة زياده هنكون اخوات بسرعه يلا.
ياسمين بفرحه ياريت. تكوني اختي. بتمني من ربنا بجد. نكون اخوات.
خديجه بابتسامه وهنكون احلا من الاخوات. لاننا اخوات في الله.
ياسمين اخدت رقم خديجه. لاني بالطبع خديجه بتنسي تسجل الارقام.
مني انتهت من المحاضره. وذهبت اليهم
مني بابتسامه ،السلام عليكم
خديجه وياسمين. وعليكم السلام ورحمة الله وبركاته.
خديجه. وحشتيني ياام العيال. خلصتي المحاضرة وجيتي وانا لسه واقفه زي ماانا.
مني بغيظ. اه. ماانتي فاشله وهتفضلي طول عمرك فاشله. قبليني لو نفعتي.
ياسمين تنظر لهم وتضحك من طريقة مزاحهم فقد تعرفت علي حقيقة المنتقبات فهم يمرحون ويضحكون ولكن. بحدود.
خديجه. باستفزاز. كده يافوزي ياخويه. تضحك الاجانب عليا. امال لو مكنتش ام الواد اللي في بطني ده كنت عملت ايه.
مني بستفزاز. معلشي ياام العيال. اصلا الظاهر في بنوته قمر واقفه جنبك. بفكر. ارتبط بيها واسيبك. بكرشك اللي كل شويه جعانه جعانه ده.
خديجه بغيظ طفولي. بقي كده ياراجل بتخوني. عيني عينك كده.
مني باستفزاز. خلاص اديني ضهرك. عشان اخونك من وراكي.
خديجه. طلقني يامنعم. مليش قاعده. ليك فيها.
مني. منعم مين ياوليه. انا فوزي.
خديجه تتصنع التفكير. يوووه هو انا مخي دفتر ياخويا
ياسمين تضحك بشدة علي مزاحهم.
خديجه بابتسامه ايه رايك. ضحك من غير ذنوب اهو. شوفتي بقا.
مني. عرفيني مين القمر دي ياخديجه.
خديجه بابتسامه. دي ياسمين. صاحبتي وحبيبتي. لسه متعرفين علي بعض من شوية. وحبتها في الله.
مني بابتسامه. اتشرفت بمعرفتك.
ياسمين. انا اللي سعيده بجد اني. اتعرفت عليكو. انا مبسوطه قوي.
خديجه طب يااخت مبسوطه. احنا بقي هنمشي عشان نلحق القطر بتاعنا. والحق اضحك علي البت اللي جامبي دي بكلمتين. واخد منها المحاضرة اللي ضاعت.
ياسمين وانا برده السواق مستنيني. بره. تعالو اوصلكو علي المحطه وارجع تاني.
خديجه. لا مش انا اللي اركب عربيات مرسيدس. او ملاكي. زي اللي بره دي. انا مبادئ متسمحليش بكده
ياسمين بضحك. مرسيدس ايه. انتي لسه عايشه في الزمن ده.
خديجه هو احنا طايلين توك توك. او تلت عجلات.
ياسمين. تعالو اوصلكو.
خديجه. بابتسامه. ربنا يبارك فيكي ويحفظك. احنا عارفين طريقنا. وصدقيني مش هينفع. خلينا اصحاب. كده في الله. وانا مش عايزه. اتعود علي المرسيدس اللي بره دي.
ياسمين بضحك. اتعودي وليكي عليا اجي اوصلكو بيها كل يوم.
خديجه. شوفتي الصحاب يامني. مش انتي بتحسديني علي اني باكل سبع مرات في اليوم.
ياسمين. بصدمه. سبع ايه.
خديجه بضحك. طب لما تفوقي نكون وصلنا احنا المحطه.
ياسمين بضحك. خلاص هاجي اوصلكو.
خديجه بابتسامه والله مايحصل. ربنا يحبك ويبارك فيكي.
ياسمين استنو بس. وفجأه هاتف ياسمين يرن نظرت للهاتف وجد. ان اخاها يتصل. صدمت عندما رات انه يتصل. ماذا يريد منها
*👰🏻ملتزمة تزوجت من رجل أعمال 🤵*
*الحلقة السابعة*
ياسمين بقلق . الوو.
باسم.بغضب انتي فين ياهانم
ياسمين بخوف. انا مع واحده صاحبتي. كنت جايه اقابلها وقلت لبابا
باسم بحده. وهتيجي امتي.
ياسمين لسه هترد. خديجه بضحك. رجعت ليها. يلا بقا ياياسمينا. انا هطير. عايزه مني حاجه.
اتصدم عندما سمع صوتها
باسم يتمتم في نفسه،. مش معقول. هي. واخته. يعرفو بعض ازاي. وايه اللي وصل اخته عندها او ايه اللي وصلها عند اخته لا اكيد مش هي. يمكن انا بتخيل. او اي حاجه.
ياسمين. ترد علي خديجه. برده مصممه ياخديجه. استني انا هوصلك.
خديجه بهزار. يارمضان. لازم نتقل شويه. عشان تعرف اني تقيله. وقلتها بلهجه فلاحي. عشان تتجوزني ياراجل.
ياسمين. بضحك . لا انا هتجوزك. من غير ماتبقي تقيله.
خديجه. بصي بقا. احنا كده هنتاخر. وابويه هيطلق امي بسببي. وابويه بقي يعترف اني مش بنته وافضل. اعيط. وهو يقلي انتي مش بنتنا وانا اعيط اعيط. بس تعرفي اكتر حاجه. هزعل عليها ايه.
ياسمين بضحك. اكيد. مامتك.
خديجه بضحك. مامتي ايه. لا طبعا. هزعل علي المطبخ. اصلا فيه ذكريات بيني وبينه.
ياسمين. تضحك علي مزاحها
خديجه بتبص. اهي الاختش مني جت اهي. يلا بقا. السلام عليكم.
ياسمين. هتوحيشني. بجد.
خديجه. هو انا مراتك. لو سمحتي. الكلام ده بعد كتب الكتاب ونعلي الجواب. انا بنت ناس برده.
ياسمين. بضحك. يلا ياخديجه من قدامي. مش عايزه اعرفك تاني.
خديجه بضحك. يلا. السلام عليكم.
عندما انتهت ياسمين من حديثها مع خديجه نظرت للهاتف. وانصدمت لانها تذكرت انها كانت تتحدث مع اخاها. والخط متصل. وهذا يدل انه سمع حديث اخته
باسم. يتمتم في نفسه. يبتسم علي مزاح خديجه يعني. كلامها مش مضحك اوي. ولكن. في حاجه جوايه . بشدني ليها. يااه كل شويه اكتشف. فيها حاجه جديده. ايه البنت دي.
ياسمين بخوف الووو باسم انت معايه.
باسم. بانتباه ورجع لاسلوبه. تاني.
باسم. بحده. انتي ايه اللي موديكي. الدرسات العليا. )
ياسمين بدهشه . وانت ايه عرفك اني في جامعة الازهر وخصوصا الدرسات العليا.
باسم. لايعلم ماذا يقول لاخته.
باسم بحده. وانتي مفكرة معرفشي. انتي بتروحي فين وبتيجي منين.
ياسمين بخوف. انا قلت ليك. جايه. لصاحبتي.
باسم. طب يلا بقا تعالي.
ياسمين. حاضر. انا ركبت العربيه. وجايه.
باسم. طب يلا بقا.سلام.
ياسمين رجعت للمنزل. وهي تشعر بالفرحه. لانها قررت. ستبدا حياه جديدة مع الله. نظرت امامها بعد دخولها. للفيلا. رات والدها ووالدتها جالسين. ذهبت لهم وقبلت يداهم وجلست في حضن والدها .
والد باسم . بابتسامه. ايه ياحبيبتي. مالك. فرحانه كده يارب تبقي كده دايما. يفرحك كمان وكمان
.
والدة ام باسم . يارب ياحبيبتي تفضلي دايما كده فرحانه. الدنيا كانت مضلمه اليومين اللي فاتو. بسبب زعلك.
ياسمين. بفرح. انا قررت. البس الحجاب. ايه رايكو.
والدة ياسمين. بسعادة. اخيرا. الحمد لله. بجد. فرحتيني. ياياسمينا.
والد ياسمين. بسعاده. ربنا يبارك فيكي ياحبيبتي. تفضلي دايما مفرحانه. كنت مستني اليوم اللي هتفرحيني. وانا شايفك. لابسه. الحجاب.
ياسمين. بفرح. ومش هلبس حتة قماشة علي شعري. لا ده انا قررت البس الحجاب. اللي يرضي ربنا. عشان. ربنا. ميزعلشي. مني. وطبعا. الصلاه. في ميعادها. كفايه بقا الغفله. اللي احنا. فيها دي.
باسم. يقف علي السلم. ومصدوم من حديث اخته لانها تتكلم مثل خديجه. ولكن. سعيد ان اخته سترتدي الحجاب لان من كلام اخته. زي كلام. خديجه بالظبط. واقف ومبتسم. وفرحان اني اخته. هتلبس الحجاب. هو كان. بيزعق ليها كتير بسبب انها بتمشي بشعرها. بس باباه. كان. بيخليه. يسيبها براحتها.
باسم في نفسه. ياتري عملتي ايه في اختي ياخديجه. ده انتي عملتي. اللي بقالي سنين. بحاول اعمل. حاجه منه.
ياسمين. مش شايفه. باسم. وعماله. تحكي. عن خديجه. وكلام خديجه. وخفة دمها. وبتوصف لبسها. وكمان. بتحكي عن هزارها. وكل حاجه بالتفصيل.
ابو ياسمين. هههههه بجد ربنا يبارك فيها. انا نفسي اشوف البنت. اللي خلت بيتنا. يدخله السعاده تاني.
ام ياسمين. قليلي. ياسمين. هي خديجه دي. مخطوبه. (انا مش مخطوبه. ينفع اكون مكان خديجه هههههه)
ياسمين بتفكير. تقريبا لا ياماما. لانها في اول القاعده. قالت. ياريت تكوني. جيبالي عريس. لاني مفلسه اليومين دول
والد ووالدة ياسمين ههههههه. بجد. ربنا يبارك فيها.
ام ياسمين. واخده بالها من ابنها وهو مركز معاهم. بس عامله نفسها عبيطه.
ام ياسمين بمكر. بفكر. اجيب ليها عريس. وتفضل عايشه في القاهرة علي طول.
ابو ياسمين. عندك حق ياام باسم. فعلا. البنت دي جوهرة نادرة في الزمن ده. افضلي دايما مصحباها دايما. ياياسمينا. عشان باين عليها. بنت كويسه جدا.
ياسمين بفرحه. كويسه. جدا جدا. يابابا. انا مكنتش عايزه اسيبها تمشي كان نفسي اجيبها معايه هنا
ام ياسمين بمكر . وهي بتبص علي. باسم. طب ماتكلميها. وخليها تيجي بكره بعد مااتخلص محاضراتها. تتغدا. معانا ونتعرف عليها.
ياسمين بسعاده. ياريت ياماما. ترضي تيجي. هروح اكلمها. حالا. ولا اقلكو هرن عليها دلوقتي. وفعلا رنت علي خديجه.
خديجه بجديه. السلام عليكم.
ياسمين بسعاده. وعليكم السلام ورحمة الله. اذيك. ياخديجه انا ياسمين. اللي كنت معاكي النهارده.
خديجه بهزار. ام العيال. يامرحب. بيكي. ياوليه. عاش من سمع صوتك.
ياسمين فاتحه لاسبيكر. (خديجه لوعرفت هتموتك. )
ياسمين بضحك. انا حلوه ياحاج. انت عامل ايه.
الاب والام. بيكتمو ضحكتهم من اسلوب خديجه. وياسمين. وباسم. مبتسم. وواقف زي. الهضبه كده.
خديجه. حلو ياام العيال. المهم انتي والعيال عاملين ايه. اديني مستحمل الغربه. عشان البطانيه. الفايبر. والمروحه. ام مكتب.
ياسمين. بضحك. هههههههههه
خديجه بجديه وابتسامه. اخبارك ايه ياياسمينا. وروحتي كده. صليتي ودعتيلي. ولا نستيني ياخاينه.
ياسمين. انا اتصلت عليكي لسببين السبب الاول. اني قررت البس الحجاب الشرعي.
خديجه بسعاده. اللهم بارك عليكي. ربنا يثبتك يااجمل ياسمينا شوفتها في حياتي.
ياسمين شكرا بجد كنت متاكده انك هتشجعيني كتير علي القرار ده. عشان. كده. حبيت اشاركك فرحتي لانك السبب في كل. حاجه حصلت ليا. ربنا بيحبني. عشان كده بعتك ليا.
خديجه بزعل. بس بقا ايه الهبل اللي يتقوليه ده. انتي جميله من يومك. وربنا بيحبك. بجد.
ياسمين والسبب التاني بقا ياستي. ماما. عزماكي عندنا بكرة علي الغدا. والسواق هياخدك من قدام الجامعه ويرجعك. علي المحطه. ايه رايك
خديجه بجديه. بجد. اشكري مامتك. وقلها ربنا يبارك فيكي ويحفظك. انا. بعتذر. بحد مش هقدر اجي. وياريت يا ياسمين. تفهمي مامتك. اني غصب عني.
مامت ياسمين اخدت الموبيل.
ام ياسمين. اذيك. يابنتي. انا مامت ياسمين معاكي.
خديجه. باحترام وجديه. ازي حضرتك ياطنط. ربنا يبارك فيكي ويحفظك يارب. بجد سعيده اني سمعت صوت حضرتك.
ام ياسمين. بزعل. ليه. ياخديجه مش عايزه تيجي اتعرف عليكي. عشان لسه. عرفانا. انا حاسه اني اعرفك من زمان
خديجه. يعلم الله انا حبيت بنتك ياسمين. ازاي. وحبيت حضرتك. باين علي حضرتك انك. جميله زي ياسمين كده.
ام ياسمين. ربنا يبارك فيكي ياخديجه. بس برده زعلانه. ليه مش عايزه تيجي عندنا.
خديجه بابتسامه. ياطنط. انا بطلع من بيتي علي محاضراتي. وده اللي اهلي عارفينه. وطبعا انتي عارفه حصرتك. اني القاهره غريبه عليا. معرفشي فيها حاجه غير مقر الجامعه بتاعتي. وبتاع السندوتشات فمينفعشي اخرج واروح اي مكان من غير مايكون اهلي عارفين. وطبعا متاكده اني اهلي هيرفضو. عشان كده بعتذر. من حضرتك مش هقدر اجي.
ام ياسمين. بمكر. طب ماتيجي. الصبح. وامشي. علي الميعاد اللي بتخرجي فيه من الجامعه.
خديجه بابتسامه. برده مينفعشي. عشان لو ربنا قبض روحي وانا عندكو. واهلي ييجو ياخدو جثتي. هيقولو. كانت بتعمل ايه هنا. وهيطلعو عليا الاقاويل. وانا فضلت محافظة علي سمعة ابي في حياتي. مش هاجي الوثها. في مماتي.
ام ياسمين. بعد ابشر عليكي يابنتي. ليه بتقولي كده. ربنا يطول في عمرك.
خديجه بابتسامه. ياطنط. عمري محدود. معرفشي. هموت امتي. كل واحد فينا ليه. انفاس معدوده. مع اخر نفس مكتوب ليا. خلاص. روحي هتطلع. بقا. وانا مضمنشي. هموت امتي.
ام ياسمين. بجد انتي جوهرة. ربنا يبارك فيكي ويحفظك ويبارك في اهلك
خديجه بابتسامه. الله يحبك. يارب. ويحفظك.
ام ياسمين. بجد. سعيده اني اتعرفت عليكي.
خديجه. جزاكي الله كل خير. ياطنط.
ام ياسمين. خدي. ياسمين. معاكي. عايزه تكلمك.
ياسمين الو ايوه ياديجه.
خديجه بقرف. ايه ديجه ده. امسحي رقمي من عندك.
ياسمين بضحك. خلاص. يادودو. سماح بقا المره دي.
خديجه بهزار. لو عايزاني اسامحك. هاتي حلة المحشي. اللي امك عزماني عليها بكرة.
كلهم بصوت عالي. ههههههههههه حتي باسم. وكلهم مش قادرين. يمسكو نفسهم.
خديجه بصدمه. بت ياياسمينا. ايه الضحك اللي جنبك. اوعي يكون اللي في دماغي.
ياسمين بضحك. ايوون بالظبط. اصلا انا فاتحه. الاسبيكر. وكلهم سامعين.
خديجه بصدمه. منك لله. وان....
الحلقة الثامنه والتاسعه من هنا
