رواية ملتزمه تزوجت رجل اعمال الفصل الثانى عشر والثالث عشر بقلم جهاد سعيد
وقفنا المرة اللي فاتت لما هاتف ياسمين رن. ولما كانت خديجه. بتكلم البنات علي توبة كعب بن مالك.
ياسمين. بعدت شويه. عن خديجه. وردت علي الموبيل.
ياسمين. الووو
باسم. انتي فين.
ياسمين. مع خديجه.
باسم فرح من جواه لما سمع اسمها.
باسم. احم. مقولتيش ليه.
ياسمين بخوف. انت كنت مشيت. وانا استأذنت من بابا وماما
باسم بحده. في حاجه اسمها زفت. موبيل.
ياسمين. اسفه. بس. النهارده مكانشي عندي محاضرات قلت اجي. اقعد مع خديجه.
باسم. هي جمبك.
ياسمين. بضيق. . لا. هي. بتكلم. البنات. وانا. قلت اكلمك. وخايفه. تخلص القصه. وانا. لسه. بكلمك
باسم باستغراب. قصة ايه.
ياسمين بابتسامه. قصة كعب بن مالك.
باسم بفضول. مين ده.
ياسمين. ده صحابي. من اصحاب. النبي صل الله عليه وسلم. يلا بقا. عشان عايزه. اشوف. ايه العقاب.او الاختبار. اللي ربنا عقبه بيه في الدنيا. وهل. هو نجح. في الاختبار. ولا. لا.
باسم. احم. طب سيبي الخط. مفتوح. وروحي اسمعي.
ياسمين. بدهشه. بجد.
باسم بجديه. اخلصي يلا.
ياسمين بفرحه. اوكي.
باسم ابتسم. وعندو فضول يسمع خديجه وهي بتتكلم. وبرده. عايز يعرف مين كعب بن مالك.
نروح. عند خديجه بقااا. قبل شويه.
خديجه. بصي بقا ياحبيبتي. كعب بن مالك الانصاري. اسلم. في بيعة العقبة. طبعا. كلنا عارفين. اني. النبي صل الله عليه وسلم. كان. مابيصدق. موسم الحج ييجي. عشان يكلم الناس عن الاسلام. وطبعا هما. كانو للاسف بيعبدو الاصنام. والنبي اتكلم مع مجموعه. جايه من يثرب. اللي هي المدينه المنورة. دلوقتي. والحمد لله. دخلو في الاسلام. اهو كعب ده. من الناس. اللي سمعت النبي صل الله عليه وسلم وصدقته وامنت بيه. ولما النبي. صل الله عليه وسلم هاجر. المدينه كان. كعب. بيقعد يسمع النبي. ويعمل. كل حاجه. ربنا امره بيها. ولما النبي. طلع. يحارب. الكفار. سيدنا كعب. خرج معاه. كل الغزوات.
بس. للاسف. غزوة تبوك. الوحيده. اللي تخلف. عنها.
والمصيبه الاكبر. انها كانت اخر غزوة. في حيات النبي. والغزوة. اللي ربنا انزل فيها. لقدتاب الله. علي النبي )يعني ربنا بشرهم بالتوبه. في الغزوة دي.
تعالو بقا نشوف. كعب بن مالك. تخلف عن الغزوة دي ليه
النبي. امر. المسلمين. انهم يجهزو للجهاد. وطبعا كل الصحابه. ابتدو. يجهزو نفسهم ماعدا.
سيدنا كعب. ومرارة بن الربيعه. وهلال.
وطبعا المنافقين. اللي. بيظهرو الاسلام. وهما. بيكرهوه.
سيدنا. كعب. كل يوم. يقول. انا لو عايز. اجهز. هجهز. بس. مش دلوقتي. وكل يوم يقول بكرة بكرة. لغاية. مالنبي. اخد الجيش. وراح. للارض المعركه.
ساعتها. كعب. ابتدا. يندم. انو ساب. النبي. ومرحشي. الغزوة. بس الندم بعد فوات الاوان مينفعشي.
ورجع. النبي صل الله عليه وسلم. والصحابه. وانتصرو في المعركه.
سيدنا كعب. رايح. لنبي. صل الله عليه وسلم. سمع المنافقين. بيخترعو اعذار. كذب في كذب. والنبي. ساكت.
سيدنا كعب. دخل علي الرسول. وهو. حزين. ومكثوف. مش عارف. هيقول ليه ايه. هيكذب. وينجي. نفسه. طب. ربنا. اكيد. عالم. اني. كذاب. طب اصدق. والرسول يزعل مني. وقرر كعب انو هيقول الحقيقه. واللي يحصل يحصل.
النبي. بيبتسم لكعب. بعتاب. ماخلفك. عن الغزوة. ياكعب
كعب. ببكاء وحرقه. والله يارسول. الله. انا تخلفت. عن الغزوة. من غير عذر. ولابسبب مرض ولا قلة صحه. والفرس بتاعي شديد. ولكن غلبتني نفسي.
كعب. عمل. زي. ناس كتير. كل يوم. هنتوب بكره بكره. واكبر غلط عمله. انو مفكر. لما. يقرر. انو يتوب هيتوب. لا. لو ملحقتش. دلوقتي تتوب. يمكن. تندم بعدين. بس بعد فوات الاوان.
النبي. بص لكعب. وقالو انتظر. حتي يحكم الله. فيك.
مشي كعب. مش عارف يقول ايه.
سال واحد من الصحابه. حد قال زي.
رد عليه. ايوه. هلال بن اميه ومرارة بن الربيع.
وطبعا بعد ماقالو. راحو بيوتهم. يبكو. من شدة الندم واعتزلو. الناس.
النبي. اصدر قرار. اني محدش. يكلم كعب ابدا. ولا الاتنين اللي معاه.
متخيلين. يابنات. انك تعيشي في الدنيا. من غير ماحد يكلمك. صحابك. يخصموكي. واهلك. وعيالك. وكل. الناس. وهما مش اي ناس. دول. اصحابه. حبايبه. اخواته في الله.
سيدنا كعب. يكلم اي حد. منهم. محدش يرد عليه.
وفي يوم. سيدنا كعب. كان بيصلي. وراح. صلي. جنب النبي. صل الله عليه وسلم. وافشي عليه السلام. والنبي ماردش عليه. سيدنا كعب نفسه يشوف النبي بيبتسم ليه. زي. ما كان بيعمل. وقعد يذكر الله. شاف النبي بيبص ليه واول ماسيدنا كعب ينظر لنبي. النبي. ينظر. للارض او اي مكان تاني. زعلان من كعب.
تخيلو يابنات حبيبي وحبيبك النبي صل الله عليه وسلم. زعلان. منك. هتعملي ايه.
البنات. بيبكو. في صمت. من قصة كعب بن مالك.
خديجه بدموع. كعب. تعب. من. شدة الندم. وكمان. محدش. بيكلمه. كفايه العذاب اللي في قلبه. لانه. فعل هذا الذنب وتخلف عن نصرة الدين.
مرة كعب كان. بيخبط علي ابن عمه. صحابي برده. شافه. مرضيش يفتحله. قام سيدنا كعب نط كن علي السور ودخل ليه.
سيدنا كعب ببكاء. استحلفك بالله ياسعد. انت تعلم اني احب الله ورسوله.
سيدنا سعد. مش راضي يرد عليه.
كعب بن مالك ببكاء.شديد. استحلفك بالله رد عليا انت تعلم اني احب الله ورسوله.
سعد. رد عليه. الله ورسوله. اعلم
سيدنا كعب خرج وهو ماشي. لقي. واحد من. جنود. ملك الروم. بيسال عليه.
رسول ملك الروم. خد الرساله. ملك الروم بعتهالك
سيدنا كعب. فتح الرساله. لقي ملك الروم كاتب فيها. انو عرف. اني محمد استغني عنه. ومش عايزه. تعالي عندي واحنا نواسيك.
سيدنا كعب اخد الرساله. وولع فيها. قدام. الجندي. اللي ملك الروم بعته.
ملك الروم بعت الرساله لكعب بالذات. لانه كان قوي. وشجاع. وبعدين. عايز. يهدم الاسلام ويحرق قلب محمد علي اصحابه. النبي. بيحزن. حزن شديد. لما يهودي يموت. لاني نفس ماتت علي غير الاسلام فمابالكو بقا. لما. مسلم يموت. او يكفر بالله.
سيدنا كعب.جاء ليه. رساله من عند النبي صل الله عليه وسلم. اني زوجته. تروح عند اهلها.
سيدنا كعب. بحزن. امرك اني اطلقها. ولا اتركها تروح عند اهلها بس
الرسول. لا تتركها بس.
سيدنا كعب. تعب بقي. لواحده. فضل فوق السطح. وفضل يدعو الله. ان يغفر له ذنبه. معدشي ملجأ الا الله. وفجأه سمع حد بينادي عليه بصوت عالي. ياكعب بن مالك.
ياكعب بن مالك. لقد تاب الله عليك.
واتنين من الصحابه. جريو. يبشرو. هلال ومرارة.
سيدنا كعب لما سمع. نزل يجري وراح عند النبي صل الله عليه وسلم لقي النبي بيبصله بفرح وسعاد.
وسيدنا طلحه. جري عليه يحضنه. من شدة فرحته.
النبي. بفرح. وسعاده. ابشر ياكعب بخير يوم مر عليك منذ ولدتك امك لقد تاب الله عليك.
سيدنا كعب. من شدة الفرحه مش قادر. يتلم علي اعصابه. يارسول الله. امن عندك ام من عند الله
النبي بفرحه. وابتسامة كبيره. من عند الله.
خديجه بدموع فرح
شوفتو بقا يابنات سيدنا كعب لما اذنب ذنب. حصل معاه ايه. محدش. يستعجل. يابنات. اقفو علي باب ربنا وقولو مش هنسيب بابك يارب.
قال تعالي. (وعلي الثلاثة الذين خلفو حتي اذا ضاقت عليهم الارض بما رحبت وضاقت عليهم انفسهم وظنو ان لا ملجأ من الله. الا اليه. ثم تاب الله عليهم ليتوبو. )
الثلاثه دول. منهم كعب بن مالك. يلا كلنا. نتوب. من جديد ونرجع لربنا. وصدقوني وهيقبلك.
وبكده. خلصنا قصة كعب بن مالك.
ان شاء الله بكرة. هنشوف. القصه دي اثرت في باسم ولا لا وايه موقفه. وياتري هيحصل ايه.
*👰🏻ملتزمة تزوجت من رجل أعمال🤵*
*الحلقة الثالثة عشر*
وقفنا المرة اللي فاتت لما. خديجه. حكت توبة كعب بن مالك. وياسمين فاتحه الخط. وباسم سامع كلام. خديجه.
عند باسم في مكتبه
باسم في نفسه. ايه الشعور اللي انا حاسه ده. من امتي وانا بهتم. كده. وبالذات لما سمعت صوتها وهي بتعيط. قلبي وجعني. من امتي. وقلبي بيحن. لحد. انا مش عارف ايه اللي بيحصل ليا ده.
ماجد دخل المكتب وباسم. ماخدشي بالو.
ماجد. ايه ياعم بقالي ساعه بكلمك مين واخد عقلك
باسم بسرحان. خديجه
ماجد. بدهشه. خديجه. مين.
باسم. انتبه لماسمع اسم خديجه.
باسم. انت بتقول خديجه
ماجد. انت اللي بتقول خديجه. وياتري دي بقا موزه جديده. اتعرفت عليها. ولا ايه
باسم بعصبيه. انت مجنون. ايه. الكلام. ده. واياك تجيب اسمها علي لسانك تاني
ماجدبخوف. خلاص ياباسم. بس بجد مين دي.
باسم بحده. حاجه متخصكش.
ماجد برجاء. بس انا صاحبك حبيبك
باسم. يتصنع الجديه. ماجد. قوم شوف شغلك
باسم بحنق. قايم اهو. ماشي يتمتم ايه ده محدش بيعرف. يتكلم معاه كلمتين علي بعض
باسم بسرحان. وبيبتسم. ياتري هتعملي فيا ايه تاني ياخديجه
نرجع لخديجه
انتهت كلامها مع البنات واخدت ياسمين. ومني وقعدو. ياكلو وبعدين. يروحو يكملو محاضرتهم ويروحو.
خديجه بتعب. ربنا يهدينا ويهدي شباب وبنات المسلمين. بجد. كل يوم. اتاكد اني لسه في قلوب البنات والشباب خير. بس عايزين اللي ياخد بايديهم. انا بزعل جدا. بسبب قلة اللي بيشتغلو في الدعوه الي الله يعني تلاقي البنت اللهم مبارك. منتقبه ومهتمه باوراد العباده الصيام والصلاه. والذكر. وغيرها من العبادات. وتساليها. ايه اكتر مجال في الدعوه بتشتغلي فيه.
خديجه باستفزاز. تقولي. لا انا لست اهلا لذالك.
وواحده تاني تقلي. انا بخاف حد يحرجني. اويكسفني. وانا مبعرفشي. اتكلم ابدا
ده النبي. صل الله عليه وسلم قال. بلغو عني ولو ايه.
يعني مش لازم تحفظي البخاري ومسلم عشان تبلغي الدعوه. العلم جميل جدا. بس علم من غير دعوه. مينفعشي. ربنا حذرنا. ال(الذين يكتمون ماانزلنا من البينات والهدي من بعد مابيناه لناس في الكتاب اؤلئك يلعنهم الله ويلعنهم اللاعنون. )يعني. ربنا هيسال كل واحده فينا ليه سكتي ليه ماتكلمتيش عني ليه معرفتيش الناس امور الاسلام. ليه متذكروش الناس بيا.
ياسمين. كلامك جميل جدا. بس. ياخديجه. الدعوه دي تكون لناس ذيك بقالهم كتير. ملتزمه. وعارفه كتير في الدين. اما واحده زي لسه بدءه.
خديجه. كلامك غلط ياياسمين. سيدنا ابوبكر الصديق. اول مالنبي قال ليه. انا رسول الله ودعاه للاسلام. سيدنا ابوبكر. خرج. دعي الناس للاسلام. مش استني لما يقعد خمس ست سنين في الاسلام عشان يكون عرف معلومات كتير. من اول يوم ابوبكر. اشتغل في الدعوه الي الله. واسلم علي ايديه. سته من العشره اللي مبشرين بالجنه. انتي متخيله ده ثوابه عند الله ايه.
ياسمين. بس ياخديجه. كله هيقول. انتي كنتي كده. ويفضلو يتريقو.
خديجه بابتسامه. ومين فينا ياخديجه. اللي اول مااتولد. لقي نفسه ملتزم ومش بيغلط ابدا. كل واحد فينا ياخديجه. ليه ماضي. اهم حاجه انك توبتي الي الله. سيدنا عمر قبل مايسلم بيوم. كان. بيسجد لصنم. ويوم اسلامه. كان رايح يقتل النبي صل الله عليه وسلم. ولما ربنا شرح صدره للاسلام ونطق الشهاده خرج من عند النبي صل الله عليه وسلم. راح وقف. عند الكعبه وبيدعي الناس الي الاسلام.
مني. فعلا ياخديجه. ربنا هيسالنا. عن سكوتنا ده. هنقول لربنا. كنا مكثوفين. مفيش. لينا حجه.
ياسمين بتشجيع. انتي شجعتيني. ياخديجه. اني. ادعو الي الله. عشان كده هبدء بصحابي. عشان ربنا يهديهم. وكلنا نبقي صحبه صالحه.
خديجه بجديه. كويس جدا انك فكرتي انك هتشتغلي. عند الله. ايوه. الدعوه دي. انتي بتشتغلي عند ربنا
بس الغلط. انك اول ماتنصحي. صحباتك. دي مصيبه. انا معرفشي. هما اخبارهم ايه. ولا. اسلوبهم وحياتهم عامله ازاي. بس. نصيحه.
بلاش. تبداي بصحباتك ابدا. لانهم هيحبطوكي. وهتتعبي معاهم علي الفاضي. انصحي. الناس اللي بره. بجد هيسمعو منك. وهيتقبلو.
ياسمين. خلاص. هبدا. مع البنات الغريبه.
خديجه. وانا بأذن الله. هبقي اجي معاكي. تعرفيني عليهم. واكلمهم. اما انتي تروحي لواحدك. ده غلط.
ياسمين بفرحه. ماشي. يادودو. موبيلها رن. وطبعا الاخ باسم.
ياسمين بعد اذنكو هرد
خديجه بابتسامه. اتفضلي يااختشي. المايك معاكي
ياسمين بضحك. الووو
باسم بجديه. خلصتي ولالسه. (يااخويه. ايه الاهتمام ده. فعلا. الاخ لما يكون. ليه مصلحه عند اخته. بيعمل اكتر من كده. واخد بالك يااخويه)
ياسمين. شويه كده. وهطلع. بقلق. انت عايز مني حاجه
باسم بجديه. انا هاجي اخدك. مترنيش علي السواق.
ياسمين براحه. حاضر.
خديجه طبعا. من ساعت ماعرفت انها بتكلم اخوها.
وهي. الخوف والتوتر. مسكوها.
ياسمين قفلت مع باسم.
ياسمين بابتسامه. اسفه بجد. بس باسم اخويه لو رن مفتحتش من اول مره. هيفرمني.
خديجه بجديه. وتغير الموضوع. بقلك صح. ايه رايك. لمانيجي. نرد علي حد او نتكلم في الموبيل. نقول السلام عليكم. بدل كلمة الوو. تحية الاسلام اجمل. تعالو يلا نتعود عليها. هي مش حرام. كلمة الوو بس. تحية الاسلام فيها حسنات كتير.
ياسمين بابتسامه لانها عارفه اني خديجه. بتنصحها هي. لاني خديجه مبتقولشي الوو خالص. دايما بتقول السلام عليكم.
فعلا ياخديجه. من النهارده. هنرد بتحية الاسلام.
خديجه. تعرفو يابنات لما النبي عرف الصحابه ثمرة افشاء السلام. الصحابه من كتر ماهم عايزين ياخدو الاجر. كانو مثلا لو اتنين ماشين مع بعض. وقدامهم شجرة. كل واحد فيهم. بيمشي. من اتجاه تاني. عشان يفشو السلام علي بعض.
ياسمين. واحنا برده. هيبقي. افشاء السلام. عندنا دايما. اي حد نقابله نفشي السلام. او. بنكلم حد علي الموبيل. برده. نبدأ بالسلام عليكم.
مني. طب السلام عليكم هدخل. اجيب حاجه من المكتبه وارجع تاني. لاني. المحاضرة التانيه. اتلغت. والدكتور طالب مننا بحث. نص ساعه. وهاجي. يلا بقا السلام عليكم
خديجه وياسمين. وعليكم السلام ورحمة الله وبركاته.
ياسمين بجديه. ايه رايك في اخويه. بس قبل ماتقولي حاجه. صدقيني باسم كويس جدا.
خديجه بجديه. بصي. انا. سلمت امري لله. وانا راضيه باللي ربنا يختاره ليا. ولو اخوكي من نصيبي. مش هقدر اعترض علي قدر الله. لاني اكيد خير.
ياسمين بامل. يعني افهم من كده. مفيش رفض ان شاء الله.
خديجه بخجل. اللي ربنا عايزه هيكون. بس. ارجوكي. متقوليش لاخوكي حاجه. عايزه كل حاجه تمشي بامر الله. وانا دعيت ربنا وهو مش هيخذلني. ابدا.
ياسمين بفرح. يارب تكوني من نصيبه. وتكوني انتي سبب هدايته. ويبقي رفيقك للجنه
خديجه. اولا. الفردوس. لاننا. طمعانين في كرم الله.
ثانيا. انا. مش موافقه علي مواصفات اخوكي. الصراحه. بس. مش عارفه ليه كل مااصلي استخارة احس براحه غريبه. فقلت. اسلم امري اللي الله. ولعل الله يحدث بعد ذالك امرا.
كان ليا واحده صاحبتي. لما اسالها. نفسك زوجك يكون مواصفاته ايه. تقول ليا. يكون كافر. واسلم.
كنت اسالها. باستغراب. ليه. مش خايفه يمكن يحن للكفر تاني.
كانت تقولي. لا. اللي. جرب لذة. وحلاوة الايمان. يستحيل. انو يرجع. وهو اكيد. هيعرف قيمة الاسلام. ويبقي حريص عليه. اكتر من المسلمين. ذات نفسهم.
وانا بقلك. انا مش هعترض علي اخوكي. لوكان هو ده اللي ربنا كاتبه يكون زوجي. اذا. ساسعي بأذن الله واكون سبب هدايته. متاكده. لو ربنا كاتبه ليا.يبقي. هيكون احلا مني في يوم من الايام.
ياسمين بسعاده. بجد. انا فرحانه قوي. انا من اول ماشوفتك وانا اتمنيت تكوني مرات اخويه. بس قلت. امنيه مستحيله. لانكو مختلفين تماما. ولكن ربنا بيصنع المعجزات.
خديجه بغرور مصتنع. عندك حق. اديني اتنازلت بقا وواغقت عليه.
ياسمين بضحك هههه ده انتي هتشوفي ايام معاه. جهاد في سبيل الله. حرب الكفار مع المسلمين.
خديجه بخوف مصتنع. هو من اللي بياكله لحوم البشر ولا ايه
ياسمين بهزار. ياريت. ده امر من كده.
خديجه باستفزاز ولا يهمني.
مني. يلاياخديجه. علشان نلحق القطر.
خديجه بهزار. قطر ايه اللي انتي جايه تقولي عليه. السواق بتاع بابي اكيد مستنيني بره. حاجه تزهق. كل يوم احتار. اركب انهي عربيه. لما بتخنق من كتر التفكير
مني بضحك ههه قصدك. هتشبطي في انهي عربية من عربيات القطر.
خديجه بضيق مصتنع. ياشيخه استري عليا قدام الاجانب.
ياسمين ومني. ههههههه
ياسمين لسه هتتكلم. لقت اخوها بيرن.
ياسمين السلام عليكم
باسم باستغراب. وعليكم السلام
ياسمين بابتسامه. انا طالعه خلاص.
ياسمين بتقوم. يلا يابنات العربيه جت. تعالو اوصلكو لغاية المحطه. كل ده وياسمين. مقالتشي باسم جاي ياخدها
خديجه بغرور مصتنع. لا شكرا اكيد السواق بتاعي بره. منتظر من بدري
ياسمين بضحك. اتنازي. ياخديجه واركبي معايه.
خديجه. لالا الموديل بتاع عربيتك قديمه. وانا بحب اركب. التوك توك. ابو تلات عجلات.
ياسمين يلا بقا فصلتيني.
مني يلا. بدل البهدله. اللي بنشوفها في المواصلات. مش كفايه القطر.
خديجه. شوفي البت. بقالك سنين مترمطه. ايه اللي جد يعني.
ياسمين اخلصو بقا. هتركبو معايه لاما هزعل منكو بجد.
خديجه بجديه لا وعلي ايه. يلا يامني نتنازل ونركب معاها.
خرجو التلاته. من الحرم الجامعي. خديجه.اتصدمت اول ماشافت باسم واقف قدام العربيه وباين عليه مستنيهم.
ياتري. خديجه. هتركب. لما عرفت اني باسم السواق. ولا.هترفض.
وياتري باسم. فعلا هيتغير.
