"وردة قلبي " البارت ال14 .
بقلم /صباح سامي غمري .
جاسر دخل المكان و سمر ماسكه مسدسها و صوبته علي جاسر قبل ما يمسكها .
قازم : لااا .
جاسر بصدمه : قازم !! .
و ف المشهد دا كان قازم فك نفسه و ضحي بنفسه من اجل جاسر .
قازم بيلفظ انفاسه الاخيرة : جاسر سامحني .
و روح قازم طلعت للخلقها للأسف .
"الانسان بيغلط و للاسف بيميل لكلام الشيطان ، بس ممكن ف لحظه يرجع ، البني ادم نقي فوق ما تتخيله ، نقي بدون اي شر جواة ، لكن الشيطان دايما بيتغلب عليه ، اسمع كلام الجزء الابيض الجواك ، الجزء النقي " .
جاسر بدموع : مسامحك يقازم ، مسامحك .
سمر كان طبعا رجاله جاسر مسكوها و البوليس دخل .
سمر بجنون : ابعدووو عنييي .
جاسر قرب منها : فينن وردد انطقييي .
سمر بضحك : مش هتلاقيها ، دا انتقامي منك يا جاسر ، انك عمرك ما هتوصلها ، خليك وحيدد .
جاسررر : يعني ايهه .
************
مها ف اوضتها بتضحك بجنون : ليه محبنيش انا ، انا وحشه ههههه انا بني ادمه وحشه .
ماجد دخل عليها : مها بنتي مالك .
مها : انا تعبانه يبابا ، هو انا ليه كدا ، انا من غير كرامه ، غظبت علي واحد يتجوزني مش بيحبني ، و هددته ، عملت كل حاجه وحشه ، طيب ليه ، انا عاوزة ابقي كويسه ، عاوزة اصلح كل حاجه ، ساعدني ، سااعدنيي و بدأت ف رحله العياط المبتخلصش .
ماجد : اهدي يبنتي ، متعمليش كدا ، انا هوديكي لدكتور و انشاءلله تتعالجي وحدة وحدة وانا معاكي ، دي حاله نفسيه و كله بسبب امك مش اكتر .
********
ورد : احنا فين كدا يعم صلاح .
صلاح : يعني انتي مش فاكرة اي حاجه غير انك كنتي مخطوفه .
ورد بتمثيل : ايوا ، زي ما قولتلك انا لابسه دهب ، هبيعه و شوفلي بيت هنا ف القريه بتعتكو صغير علي قدي .
صلاح : طيب يبنتي هوديكي دلوقتي لسعاد تغيري و تنزلو البلد تبيعو الدهب و نشوفلك شقه .
ورد : شكرا ياعم صلاح .
صلاح نزل من العربيه هو و ورد "عربيه بالحصان" .
صلاح بدا يخبط علي بيت بسيط و هادي ف احدي القري الريفيه .
سعاد : مين دي يصلاح .
صلاح : معلش يسعاد دي بنت كانت مخطوفه و متبهدله ، و عاوزك بس تساعديها ف كام حاجه ، بس دلوقتي خليها تاخد دش. و شوفلها غيار من عندك .
سعاد : طيب يخويا، اتفضلي يبنتي .
ورد اول ما دخلت اوضتها عيطت طلعت طاقه كانت محبوسه جواها : احنا هنعيش بعيد انا وانت و بس ، بعيد عن المشاكل و عن معامله بابا الوحشه ، هنبدأ حياتنا الجديدة و مسحت دموعها و قامت تاخد شاور .
"بعد مرور ساعه " .
سعاد : خلصتي يورد .
ورد : ايوا .
سعاد : صلاح حكالي كل حاجه .
ورد : طيب يلا نبيع الحاجه .
*********
مها مستنيه دورها .
الممرضه : اتفضلي الدكتور ف انتظارك .
مها : طيب ماشي .
و بدات تخبط .
الدكتور : ادخل .
مها : مازن !! .
مازن : مها انتي ؟؟ .
مها : عن اذنك .
مازن : استني ، اقعدي ممكن ؟ .
مها : نعم .
مازن : اعتبري متعرفنيش ، اتكلمي .
مها : انت ازاي دكتور .
مازن : مش معني اني بشتغل مع عمي ف الشركه يبقي مليش مجالي الخاص بكليتي و مهنتي البحبها ، و بعدين المفروض انا الاسال هنا .
مها : طيب هنبدأ ازاي .
مازن : اقعدي و اتكلمي كأني مش موجود خرجي الجواكي ، انا هساعدك .
مها بابتسامه : حاضر .
و مها بدأت تحكي و تبكي و مازن يناولها المناديل و يضحكها شوية و يسمعها شوية .
مها بارتياح : ارتحت شوية ، شكرا .
مازن : الجلسه الجايه يوم الخميس هستناكي .
مها : اكيد هاجي .
********
ورد : معقول يجيبو 20 الف بس .
البياع : والله وزنتهم و انتي شوفتي الميزان .
ورد : بس بردو قليل .
سعاد : خلاص يورد تعالي نشوف غيرو .
البياع : خلاص ياستي 22 الف .
ورد بابتسامه : ايوا كدا .
*********
جاسر : يعني ايه ، يعني انا مراتي اختفت ، اتبخرت ! .
الظابط : عملنا كل النقدر عليه ياجاسر ، ملهاش اي أثر و سمر اتحكم عليها و للاسف معندهاش اي اقوال ! .
جاسر بدموع : انا السبب ف كل حاجه ، انا السبب ، يارب متعاقبنيش فيهم .
سعيد : قولتلك هيجي يوم و تخسرها .
************
"بعد مرور 6 شهور" .
ورد : -اةةة الحقونييي مش قاددرةة .
سعاد : اي يبنتي لسه قدامك شهر .
ورد : مش قادرةة بولدد .
سعاد : طيب يلاا يلااا بيناا علي الدكتورةة .
" عدي ساعتين " .
الدكتورة : حمدلله علي السلامه ،هتسميه ايه .
ورد : مالك .
سعاد : لولولولي احلي مالك ف الدنيا ، نورت القريه كلها .
ورد مسكت مالك حضنته بين ايديها : انا حهتم بيك و هتبقي احسن واحد ف الدنيا كلهاا .
سعاد : هتسميه باسم مين .
ورد : معايا قسيمه جوازي ، هيتسجل بأسمي و عم صلاح يتصرف ف الموضوع دا .
سعاد : انتي افتكرتي .
ورد : انا فاكرة يسعاد ، عمري ما هنسي .
***********
سعيد : جاسر يبني ، هتفضل كدا لحد امتي ، هتموت بالطريقه دي .
جاسر : مش قادر اكمل ، سنتين يجدي و كانت حامل ، ياتري هيا فين ، بتعمل ايه ولا تكون ماتت ، انا مش قادر.
سعيد : كلنا مش قادرين علي فرقها .
جاسر : تعبت .
سعيد : ف قريه كنت زمان ليا بيت فيها كبير و هادي ، تعالي نروح فيها اسبوعين نهدي نفسيتنا و تصلي و تدعي ربك ، بعيد عن دوشه الشركه و كل حاجه .
جاسر : .....
بقلم/صباح سامي غمري .
بدل ماتدور وتبحث علي الروايات خليها علي تليفونك وحمل تطبيقنا
