غيرت للبنوته ولبستها لبس حلو وعطرتها اول مرة ابوها هيشوفها انهارده ولازم يشوفها في احلي صورة علشان يقدر يحبها خصوصا اني حسيت ان عامر حاسس ان البيبي ده حرمه من حبيبه عمره
سمعت صوت عربيته قدام الباب
كنت محضرة القهوة والبسكوت في الصالة وكنت بحضر عشا ماما كانت قاصدة تكسب عامر علي قد ماتقدر علشان ميحصلش مشاكل وياخد البنت منها
سمعت صوته بصيت من المطبخ عامر كان طويل وكتافه عريضة كان ضامم ماما وهي ضماه وشاده علي قميصه من ورا وصوتها كان كله عياط وحرقه
يااااه قد ايه الموقف صعب بعد كده سمعته وهو بيعيط كان بيقول ليه سبتيني بدري خلاني اعيط عليه وعلي كلامه اللي بجد وجعني
.............
بعد شوية بابا نادى عليا انه اجيب البنت ياربي اللقاء الاول كان صعب اوي اوي فضل يبص في وشها وعنيها ويضمها اوي لحضنه
مقدرتش اتحمل الموقف وقفت بعيد عنه وايدي علي وشي وبعيط من غير صوت
عامر بصوت مبحوح : امك سابتنا بدري ياعمري
عامر: كان نفسها تشوفك كان نفسها تضمك
بابا: اهدا يابني ووحد الله
عامر : لا إله إلا الله
بابا كان بيواسي فيه وهو اصلا محتاج حد يواسيه كان فعلا منهار ومقهور
محروق على بنته وعلى حفيدته الصغيرة اللي اتولد يتيمة
محدش اتعشي لان محدش كان ليه نفس ياكل حاجه
.....................
بعد كام يوم رجعت جامعتي بس كنت اللي اقدر ادرسه في البيت واللي مش بقدر ادرسه
اضطر احضر المحاضرة يعني كانت نص محاضراتي مش بروحها علشان البنت الصغيرة بعد
كام يوم كنت راجعة من جامعتي زي المصروعه علشان خاطر البنت
سمعت صوت ماما من علي الباب
ماما: مش هتخديها مني
كان في ست كانت عندها اول ما جيت عرفت انها ام عامر
ام عامر: دي حفيدتي
ماما: بنتي ميتة بقالها 20 يوم دلوقتي افتكرتي تشوفي حفيدتك
ام عامر: انا كنت جمب ابني
ماما: اذا كان ابنك جه يشوف البنت مجتيش معاه ليه
ام عامر: انتو شايفين حالكم
كان صوتهم عالي وقفت بعيد وكنت ببص لماما وساكتة ومش عاوزة اقول ولا كلمة
....................
بعد كم يوم كنت ف الجامعة وشفت زياد واتكلمت معاه
زياد: وضعك مش عاجبني
سما: كل حاجه بقت صعبه ومتعبة
بعدها حسيت دموعي بينزلوا مني من غير ما احس
حاول يلمس ايدي بس سحبتها وبصتله بغضب
زياد: بحبك يا سما انا بحبك
سما: انت عارف رأيي
كنت عارفه انه قصده بلمس الايد بس انه يواسيني بس مش اكتر
سما: انا عاوزة امشي
زياد: انت زعلتي
مردتش عليه
....
بعد شهر وانا معديه علي الصالة وماما كانت بتبكى
سمعت بابا بيقول ده اللي كان لازم يحصل ������������
ياتري ايه اللي كان لازم يحصل ؟
تابعوا
