كنت قاعدة تحت شجرة سانده راسي علي ركبتي اول ما جه زياد وقعد جمبي
زياد: مالك يا سما
رفعت وشي وكنت تعبانه جدا
زياد: ايه يا سما مش كفاية بقا لبس اسود وكحلي؟
بصتله وفجأه حسيت اني عاوزة ابكي
حسيت نفسي مخنوقة وضايعة
ومافيش حاجه من اللي حاسه بيها ممكن تتحكي قد ايه الموضوع صعب
سما: بتحبني يا زياد؟
زياد بصلي بأستغراب
زياد: بحبك وبس دانا بمووت فيكي
سما: ..........
رجعت سندت راسي تاني علي ركبتي
زياد: مالك يا سما
سما: مفيش حاجه يا زياد عاوزة ارجع البيت بس
مكنتش قادره احكي معاه من يوم ما ماما جاتني وفاتحتني في الموضوع بتاع عامر وانا ضايعه
وتايهه زي المجنونة حتي ماما مش بتحكي معايا وبتقولي متجيش تكلميني غير وانتي مقررة
انك تتجوزي عامر غير كده متتكلميش معايا مع اني حاولت اترجاها بس كل ده علي الفاضي
هي رافضة حتي مناقشه الموضوع
زياد: سما ارجوكي احكيلي مالك
سما: مفيش حاجة
زياد: حبيبتي انا مقدرش اشوفك كده
سما: هكلمك علي الماسنجر بس روح دلوقتي
زياد: طيب وليه مش دلوقتي
سما: خلاص يا زياد
قلتها ومشيت سيبته في حيرته ومدتهوش فرصة يفكر في اي حاجة
...............................
اول مارجعت كانت ماما في المطبخ
سما: حبيبتي يا ماما الله يخليكي بلاش الموضوع ده
بس رفضت ترد عليا وادتني ضهرها ومتكلمتش ولا كلمه
فضلت ابكي
سما: ماما الله يخليكي انا ليا مشاعر وتفكير الله يخليكي ارحميني من العذاب ده ابوس اديكي
ماما: كفاية بقا ولا كلمة
بابا جه علي المطبخ لما سمع صوتنا بقيت ابصله وعيني مدمعه بترجاه يساعدني
بابا مكنش في ايده حاجه يعملها لان ماما اقنعته بالفكرة كويس واللي اكد كلامي كلامه ليا
بابا: بس عامر شاب كويس يابنتي كامل مكمل
سما: انا مقولتش حاجه بس هو ........
ماما: عايزة ايه غير كده ده طيار وعنده شقه .. لا شقة ايه دي فيلا بنت اختك اللي بتحبيها وان
ا مش هقبل انها تعيش مع مرات اب ابدا
مدونيش فرصة اتكلم ولا اقول حاجه لقيت نفسي بقولهم اعملوا اللي انتوا عاوزينه
ساعتها ماما حضنتتي وقالتلي هي دي بنتي حبيبتي اللي بحبها
دلوقتي بقيت بنتك اللي بتحبيها يا ماما الله يسامحك ليه كده بس ياربي
...........................
روحت علي اوضتي وفضلت ابص لحلا وابكي من حرقتي وقله حيلتي وبعدين رن عليا زياد
كنسلت عليه ودخلت علي النت اكتبله انت عاوز تعرف مالي يا زياد مفيش اي حاجه اللي
عوزاك تعرفه انه خلاص اللي بينا انتهي وحكيتله كل اللي حصل ...
كان زي المجنون وقالي انه جاي دلوقتي يخطبني
حاولت امنعه بس بعد ساعه كان عندنا
وقفت علي سلم البيت وفضلت ابكي وانا سامعه صوته ودموعه وهو بيترجاهم
زياد: انا بحبها
ماما: الحب مش كل حاجة وبعدين جوز اختها مفيش زيه
حاول يقنعهم بس علي الفاضي مخدتش منهم حق ولا باطل
كانت ماما خلاص عملت غسيل مخ لبابا ولعامر حتي كمان عملتلي انا غسيل مخ وضغطت عليا بحلا وان ده لمصلحتها
..........................
طلع زياد من بيتنا وبعتلي رساله تعالي اهربي معايا
ساعتها قفلت تليفوني وفضلت ابكي مش عارفه اعمل ايه اهرب معاه ولا ايه
.....................
كان في مشكلة تانية في بيت عامر مع امه اول ما قالها انه مش هيتحوز بنت اختها وانه
هيتجوز اخت مراته فضبت تسب وتلعن
وتقوله ان هند بنت خالته حلوة اوي بس هو طبعا رفض
وفضلني عنها
قدر عامر يقنع امه وجات تخطبني
خطوبتي وكتب الكتاب لوحدها قصه كبيرة
بابا وماما افتكروا خطوبة اختي وفضلوا يبكوا
صرخت في ماما وقولتلها مش ده اللي انتي عوزاه يارب دلوقتي تكوني مبسوطة وانا باخد
مكان اختي وطبعا كلامي ونقاشي معاهم مجبش نتيجة وكلها ربع ساعه وبقيت علي ذمه عامر بقيت مراته وحلاله ..................
تابعوا .....
