الفصل الثالث عشر
(خرج مجدي وراح على مكتبه عشان يخلص شغله وكمان مازن قعد خلص الشغل بتاعه ال وسط ما هوا بيشتغل الباب خبط
(وطبعا انتو عارفين ان في حاجه سوده هتحصل دلوقتي )
مازن:ادخل
ايه ي اشرف في ايه
اشرف:مازن باشا في محاولة اغتيال هتم لحسام باشا هيتم اغتياله هوا ومراته وبنته
مازن بصدمه:انت بتقول ايه
اشرف:حضرت اللواء ممدوح عايز حضرتك ف المكتب
مازن:انا جاي
(مازن راح لقى مجموعه من الظباط وكمان اللواء ممدوح دخل قعد وبدئوا الإجتماع
اللواء ممدوح:دلوقتي انا عايز اعرف ازاي حسام ياخد اجازه ف الظروف دي هوا مش عارف ان العمري مش هيسيبه ف حاله
مجدي:ي فندم هوا مصدق ياخد اجازه بقاله اربع سنين من ساعة ما أتجوز وهوا مخدش اجازات خالص
مازن:ي فندم مش وقت الكلام دا لازم نلحقه
اللواء ممدوح:انا عايز اعرف حسام فين دلوقتي
ظابط:احنا حددنا مكانه ي فندم هوا دلوقتي ف طريقه لشرم الشيخ
اللواء ممدوح:جواسيسنا ال عند العمري قالوا ان العمري هيبعت ناس على الطريق وهيخلصوا عليه ودا طبعا بعد ما حسام قدر ان هوا يكشفه ويكشف صفقة السلاح مفيش معانا وقت لازم نلحقه مازن انت هتاخد قوه وهتطلع وراه ومجدي خد قوه اكبر وحصل مازن يلا بسرعه
مجدي ومازن:تمام ي فندم
(مجدي ومازن نزلوا من المكتب
مجدي:مازن انا قلقان اوي عليه
مازن:انشاء الله هنلحقه
(مازن خد قوه وراح ورا حسام
عند حسام وف عربيته
ملك مرات حسام:مبسوطه يا حبيبت ماما شهد ي شهد ي روحي دي نامت
حسام مسك ايد ملك:احسن برضو خليها نايمه
ملك:بقولك ايه انا قلقانه اوي قلبي مقبوض
حسام:من ايه بس ي حبيبتي دا انا واخد الأجازة دي علشانك انت و شهد انا عايزك تسيبي كل القلق لحد ما نرجع اتفقنا
ملك:ي حبيبي انا قلقانه عليك بس ماشي هسيب القلق دا لبعدين دا حتى التوتر دا غلط عليا عشان متعبش
حسام بستغراب:مش فاهم انت تعبانه او حاجه
ملك وهيا بتحط ايد حسام على بطنها:اصل انا عرفت ان شهد جايلها أخ قمر اوي شبه باباه والدكتورة قالتلي التوتر والخوف غلط عليا
بقلم خلود الطحان
حسام:ملك انت بتهزري انت حامل بجد
ملك:ايوه بجد انت مش فرحان ولا ايه
حسام:مين دا ال مش فرحان دا انا هموت من الفرح بجد انا بحبك اوي ربنا يخليكوا ليا يارب
ملك:يارب امين ي حبيبي
حسام:ايه دا ايه العربيات دي
ملك:استر يارب
حسام:نزلي شهد تحت ف العربيه عشان محدش يشوفها بسرعه ي ملك
(ملك نزلت شهد ف الدواسه ومره واحد عربية حسام بتفرمل جامد وملك بطتلع تبص بتلاقي ناس ماسكين سلاح نازلين من عربيات ضخمه وفي عربيات محاوطاهم من ورا ومن قدام يعني حسان مش هيعرف يتحرك
وفي راجل ضخم جاي ناحية حسام
الراجل:حسام باشا اتفضل معايا
حسام:اتفضل معاك على فين وانتو مين اصلا
(الراجل بيفتح باب العربيه وبينده على بقيت الرجاله ال معاه
حسام:سيبني بقولك دا انا هوديكوا ف داهيه
(في راجل تاني راح فتح العربيه وشد منها ملك
حسام بزعيق:نزل ايدك دي من عليها بقولك
(قاطع حسان راجل كبير يعني ف الأربعينات كدا نازل من عربيته واقف معاه رجالته
الشخص:اهلا اهلا حسام بيه
حسام:العمري......وديني لوديك ف داهيه انت سامع
العمري:اهدي كدا ي حسام بيه حتى عشان خاطر المدام
حسام:انت عايز ايه ي عمري
العمري:مش عايز حاجه انا بس جاي اخلص عليك
حسام:سيبني بقولك حتى لو انت خلصت عليا كدا كدا البدله الحمره مستنياك
العمري:منا عارف وعشان كدا بقى انا جاي اتسلى معاك شويه انت والمدام واخلص عليكوا وهمشي بس بعد ما امشي هاخد طياره خاصه على أوربا هاتوها
(الراجل ال ماسك ملك شدها عشان يوديها قدام العمري
حسام بزعيق:اياك تقرب منها حسابك معايا انا
العمري:لالا ي حسام بيه دا حتى المدام حلوه اوي ي بختك
(العمري فضل يحسس على ملك وكانت عماله تصرخ وتبعد عنه لكن مش عارفه وحسام عمال يضرب ف الرجاله ال مسكينه عشان يعرف ينقذ ملك لكن كانوا اقوي وأكتر منه
العمري:هحرق قلبك عليها خدوها
(الرجاله خدوا ملك ورا عربيه وفضلوا يقطعوا هدومها واعتدوا عليها وكان في رجاله تانيه عماله تضرب حسام لحد ما وقع ومبقاش قادر يقوم يقف وكان الألم ال جواه أفظع من الألم ال ف جسمه كان شايف مراته وحد عمال يحسس عليها شايفهم وهما عاملين يعتدوا عليها ومش قادر ينقذها
العمري راح قعد قدامه ومسكه من دقنه
العمري:اسمع يا حضرت الظابط انا هسيبك بمزاجي بس عشان تتعلم متلعبش بالنار تاني فاهم
بقلم خلود الطحان
(وف اللحظه دي مازن وصل هوا والقوه ال معاه وبدأ ضرب النار يشتغل العمري شد حسام وحط المسدس على دماغه وكمان امر رجالته يحطوا المسدس على مراته كمان
العمري:اهلا مازن بيه واحشني والله امال مجدي بيه فين عشان تكملوا مثلث برمودا بتاعكو
مازن:متقلقش جاي ف السكه سيبهم ي عمري
العمري:مش هسيبهم نزل سلاحك وسيبني امشي وانا مش هموتهم
وف اللحظه دي عم الهدوء المكان بس باب عربية حسام اتفتح وكانت بنته شهد نازله تعيط
شهد نزلت واول ما شافت منظر أبوها وامها جريت عليهم بس العساكر محدش لحق يمسكها حتى مازن والعمري كان هيضرب النار على مازن بس حسام لحق ايده والطلقه جت ف دراع شهد ووقعت على الأرض بتصرخ مازن جرى عليها شالها وخدها منه احد العساكر اما حسام كان عمال يضرب العمري لحد ما العمري ضرب رصاصه جت ف حسام ووقع على الأرض ومازن ضرب رصاصه على العمري جت ف رجله وف الوقت دا كان مجدي وصل بالقوات ال معاه وبدأ اشتباك بينهم وبين رجالة العمري ومازن جرى على حسام ال كان واقع ف الأرض
مازن:قوم ي حسام قوم
حسام بتعب:مازن الحق ملك ملك حامل
مازن:حاضر بس قوم معايا
حسام:شهد بنتي عايزك تاخد بالك منها
مازن:متقولش كدا يلى قوم معايا
حسام:خلاص ي صحبي انا كدا خلاص خلي بالك من ملك ومن شهد و تقولها تسامحني عشان مقدرتش انقذها خليها تسامحني لو زعلتها ف مره قولها إن انا بحبها هيا وعيالنا مازن دول امانه ف رقبتك خلي بالك منهم ومن شهد شهد ي مازن متسيبهاش عوضها عني هيا بتحبك
مازن:هتقوم ي صحبي هتقوم وهيسمحوك
حسام بتعب وهوا بيغمض عينه:مازن دول امانه ف رقبتك هسألك عنهم يوم القيامه وخليها تسامحني
مازن بعياط:قول الشهاده ي صحبي
حسام:أشهد أن لا إله إلا الله وأن محمدا رسو
وصعدت روحه إلى الله
مازن بصراخ:لاااا حسااام اخوياا قوم قوم عشان خاطري بلاش انا عشان خاطر ملك عشان خاطر شهد قوم يارب يارب قوم بقا
وفجأه رصاصه تيجي ف مازن ويقع وهوا على رجله حسام
مجدي كان ف حاله وحشه جدا مكنش قادر يستوعب من الألم ال ف دراعه ولا صراخ طفله بريئه ولا صحاب عمره مرميين قدامه على الأرض ولا مرات صاحبه ال بتنزف ومبتتحركش ولا كل الدم ال قدامه مكنش قادر يستوعب
حاجه الإسعاف جه اخد كل المصابين ونقلوهم على المستشفى وهناك اتصل مجدي على حبيبه عشان تيجيب شروق المستشفى من غير ما تقولها حاجه
عند حبيبه وشروق
حبيبه بتتصل بشروق
شروق:الو ايه ي كلب البحر مبتكلمنيش ليه اه بقولك هوا مجدي رجع من الشغل
حبيبه وهيا بتحاول تكون طبيعيه:لا لسه
شروق:اصل مازن اتأخر اوي
حبيبه:شروق انا لازم اقابلك دلوقتي انا جايالك على البيت البسي بسرعه وقابليني
شروق كانت لسه هترد لقت حبيبه قفلت
قامت لبست ونزلت تقابل حبيبه بس اتخضت اول ما شافتها
بقلم خلود الطحان
شروق:حبيبه مالك فيكي ايه
حبيبه:في مشوار هنروحه سوا ي شروق يلا وهناك هفهمك كل حاجه
شروق:مشوار ايه ردي عليا وانت مالك فيكي ايه
حبيبه:يلا ي شروق وهفهمك لما نوصل
شروق:طب استني لما اكلم مازن عشان اقولوا
حبيبه بتوتر:مهو مجدي هيبقى يقوله يلا بس
(حبيبه وشروق وصلوا المستشفى واول ما شروق وصلت حست ان قلبها مقبوض وحست ان في حاجه غلط بتحصل
شروق:حبيبه ممكن تفهميني ايه ال بيحصل
حبيبه بدموع:شروق انت مؤمنه صح ودا قدر ربنا
شروق بصدمه:انت بتقولي ايه ردي عليا ايه ال حصل
حبيبه:مازن
شروق:فين مازن فين ردي عليا متسكتيش كدا
(شروق جريت بسرعه و حبيبه جريت وراها عشان ميحصلهاش حاجه وشروق بتجري زي المجنونه ف المستشفى:لالا اكيد لا دا محصلش محصلش مازن كويس مازن كويس هوا قالي هيروح بسرعه وهيرجع قالي مش هتأخر
وفجأه وهيا بتجري لقت مجدي واقف كدا العمليات وكانت ايده متجبسه جريت عليه بسرعه
شروق:مازن فين رد عليا ي مجدي مازن فين هوا كويس صح
مجدي بحزن:مازن
قاطعه الدكتور وهوا خارج
الدكتور:للأسف شده حيلكوا البقاء لله
نزلت الجمله دي على شروق زي البرق
شروق بصراخ:ماااازن لا مازن مماتش والله لا يارب ليه يارب ليه كل ال بحبهم يارب يا مازن لا انت كدااااب بكرهك ي مازن كدبت عليا قولتلي هفضل جمبك ومشيت قولتلي هساعدك ف الكليه ومش هتساعدني قولتلي مش هخليكي زعلانه وانت دلوقتي أكتر واحد محسسني بالحزن قولتيلي مش هسيبك وسيبتني ليه كدا ليه طب مين دلوقتي ال هيساعدني مين ال هيدخلني الكليه مين
ليه مشيت وسيبتني ليه
كل دا و مجدي وحبيبه بيهدوها وهيا مش قادره من الصدمه
شروق:ليه كدا ي حبيبه ليه سابني ليه مشي هوا انا زعلته
ليه انا عايزاه عايزاه يرجع تاني عايزاه يحضني عايزاه يطبطب عليا
حبيبه:اهدي ي شروق بالله عليكي
شروق:يعني كدا خلاص ماشي وسابني يعني مش هشوفه تاني مش هشوف ضحكته تاني مش هيدايقني تاني خلاص خلاص مشى طب حتى مش هيحضني تاني بجد انا محتجاه اوي محتجاه ي مازن ومره واحده اغمى عليها مجدي نده على الدكاترة وحطوها ف الأوضه وادوها علاج ومهدا وسابوها لحد ما تفوق
بعد ساعه شروق فاقت وكانت نايمه على السرير بس لقت حد مين جمبها وبيملس على وشها
شروق بصدمه:مازن
بدل ماتدور وتبحث علي الروايات خليها علي تليفونك وحمل تطبيقنا
