الفصل الثامن
- بجد موافق تتجوز سما
- ايوة موافق
- دة بجد ولا بتحور عليا ي مازن
- ايوة والله بجد
- طب امتا
- لا ي امل الامور مش بتتاخد كدة تعالي نقعد ونتكلم
- " كنت عارفه أنه مش بسهوله كدة هيوافق يعني دة بن ناظلي برادة هانم "
- ها ، اتفضل قول طلباتك
- بصي ي امل انا بحبك وكل يوم بكتشف دة ، وقلتلك مستعد اصلح كل اغلاطي وكل حاجة وانتي طلبتي اني اتجوز سما وبعدين فترة كدة واطلقها وان دة اللي هيرضيكي بس أنا كدة معنديش اي ضمانات بس من كام يوم كدة اكتشفت انك ماضية علي شيك بنص مليون جنية
- اه قول كدة بقا ، تهددني اني اذا مقبلتكش هتحبسني
- لا طبعا اية اللي بتقولية دة مقدرش اعمل كدة انا هحاول اخليكي تحبيني زي ما بحبك بالظبط بس لو حاولتي تعملي اي حاجة ي امل تكسري قلبي فيه معلش يعني الشيك دة هيبقا بيني وبينك
- امل رمضان مش بتاجي بالتهديد ي مازن وقامت
- مسك أيدها " اقعدي ي امل اقعدي وافهمي
- قعدت فهمني
- انا عارف انك مش هتحبيني بسهوله وانا ندمان وبحبك وهحاول بكل الطرق اثبتلك حبي واكيد هخليكي تحبيني بس أنا بقولك انتي لو عملتي حركة غدر معايا بس سعتها الشيك دة هيبقى بيني وبينك
- بص ي مازن انت مش هتتغير طبعا ومدام انت مقتنع اني مش هحبك بسهوله ف انا موافقه انك تتجوز سما واوعدك مش هغدر بيك ولا حاجة بس مقدرش اوعدك اني هتقبلك بسهوله
- ماشي ي أمل شوفي امتا عايزة كتب الكتاب
- لا مش هتاجي بسرعه كدة ، لازم افاتحهم فالموضوع الاول ، بس ي مازن ياريت ناظلي هانم متعرفش بالحوار دة
- متخفيش مش هتعرف حاجة ، مينفعش اصلا تعرف ي امل بس افتكري الكلمتين اللي قولتهم كويس ي ااامل
- ماشي ي مازن ، سلام
- سلام
" انا همشي معاكي للآخر ي امل واشوف اخرتها معاكي ياما بقا تخليني اندم علي حبك ياما مندمش علي حبك ويارب مندمش عشان لو ندمت هتزعلي مني اوي حبي حلو اه بس كرهي اوحشششش
- سما مازن وافق أنه يتجوزك
- بس انا مش عايزة ي امل
- ي سما انتي هتتجوزي وتتطلقي بعد فترة بسيطة اوي
- بس مش عايزة اشوف وشه دة واطي
- سما انتي لازم تتجوزية عشان بابا وعشان نفسك
- بس ي امل
- ي سما فكري فبابا
- سكتت وبعدين " صح عشان خاطر بابا "
- هروح افاتح بابا فالموضوع
- وهو وافق لية ، اكيد في مقابل انا عارفهم دول
- هو جبة وندمان علي اللي عملوه وقلتله أنه لو عايزة يصلح غلطة يتجوز سما وأنه ميجبش سيرة لامه
-قلبي مش مستريح ي بنتي
- متخفش ي ابو امل طالما امل وعدتك بحاجة خلاص وانا بقولك متخفش وهو فعلا ندمان
-ماشي ي امل ربنا يستر
- امل لبست اسدالها وراحت تصلي " يارب اديني القوه اللي تخليني اعمل كل اللي فدماغي زي ما مخططالها صح يارب اوقف جنبي ومعايا يارب ودلني علي الصح دايما "
- امل بتتكلم فالفون مع مجهول " الو ، اية بجد يعني ، يعني كدة خلاص ، بجد انا مبسوطة جدا جدا والله بجد متتوقعش انا اية حاسة دلوقتي شكرا خالص خالص ، حاضر هنتقابل حاضر سلام
- الحمد لله يارب اليوم دة من الايام القليله اللي افرح فيه من قلبي كدة بجد الحمد لله يارب "
-" في الجامعه "
-مازن
-امل ، اقعدي
-مستعد تكتب الكتاب
-اكييييد طالما انتي علي وعدك فأنا علي وعدي
-تمام خالص ، ياريت تفضي نفسك بكرة ي مازن
-بتنهيدة " ماشي ي امل
-ماشي ي مازن ، استأذن دلوقتي بقا عشان علينا محاضرة لاخوك المفروض يعني
-اه صح طب يلا هحضر معاكي
-هتحضر
-ايوة ، يلا
- آنسة امل اتفضلي قولي كنت بقول اية
- اسفه ي دكتور ، سرحت شوية
- انا للمرة المليون قلتلك ياريت تركزي في محاضرتي
- اسفه ي دكتور
- طب اتفضلي
- " متزعليش هو اخويا طول عمرة دبش كدة "
- هزت براسة وكأنها بتقول ماشي
-" في منزل امل "
-مين الغبي اللي بيخبط كدة دة
-فين امل فين امل
-انتي انا شوفتك قبل كدة
-" امل طلعت من اوضتها " مني !
-ايوة مني ي امل مني اللي دمرتي حياتها
-امل بصتلها بصه حزن علي حالتها وفنفس الوقت كانت حاسة أنها شمتانة بالمنظر اللي هي شيفاها بيها دلوقتي وبعدين حطت ايد فايد " جاية لية ي مني وعايزة اية فالوقت دة
-جاية أسألك سؤال
-سؤال هه اتفضلي
-ارتحتي
-نعم !
-ارتحتي ووقعت فالارض ، بنتي ماتت ي امل واطلقت
-امل بصتلها بحزن وخضة " اية ماتت
-ايوة ماتت وبسببك ي امل بسببك
-بسببي انا
-ايوة بسببك انتي ، مش انتي اللي قلتي لمازن اني انا اللي انقذتك يعني أنا دة جزاتي عشان عملت معاكي كدة ياريتني سبتة ياريتني وكانت زمانها عملت العملية دلوقتي
-"فلاش باااك"
-مازن قاعد فاوضته فجاه جاله رساله من امل
-امل " عارف ي مازن بجد المفروض تشكر مني انها هي السبب اللي خليتك تحبني دلوقتي !
-مني ! واية دخلها ؟
-ما هي اللي اتصلت باخوك وجية وانقذني من تحت ايدك ولولاها مكنتش هتحبني دلوقتي المفروض تشكرها ولا ليك راي تاني
-بغيظ " لا طبعا دة انا هشكرها شكر !
-" باااك "
-دة كان لازم يحصل ي مني ، ومتعمليش نفسك عملتي معايا معروف ، ولا اقولك ماشي ياستي عملتي معايا معروف حلو بس اختي دية ومسكت اختها عملتي معاها وكل البنات الله ويعلم هما مين اللي حصل معاهم دة عملتي معهم بردو لا ي مني متجيش دلوقتي وتقولي اني انا السبب انتي السبب فكل اللي بيحصلك دلوقتي وحتي بنتك يمكن راحت عند ربنا عشان هو ارحم عليها من ام زيك " وبصتلها بقرف "
- انا خسرت كل حاجة ودة كله بسببك جوزي بعد ما سمع كلامك معايا طلقني ورماني فالشارع يعني خسرت بنتي وجوزي وحتي البيت اللي كان لممني ودلوقتي مليش مكان اروحله
- ربنا بيجازي كل واحد علي أفعاله ودة جزاتك ي مني ربنا مبيسبش حق حد
- انتي بتقوليلي أنا كدة يعني انتي مقدرتيش علي ناظلي ومازن وجيتي عليا انا عشان انا مليش ضهر ولا معايا فلوس زيك زي صح
- لا لا غلط ، عشان تقضي علي الملك وتطليه لازم تخلصي من الجواري واي حد بيساعده وانا بعمل كدة ، وبردو متنسيش انك ليكي النصيب الأكبر فالحوار دة لية بقا عشان انتي اللي بتساعدية أنه يطول اي واحدة كان بيجبها
-مضربتش حد علي ايدة انا هما اللي كانوا بياجوا ، بس انا مش هسيبك وهروح اقول لناظلي علي كل اللي حصل واللي انتي عايزاه كنتي مني
- روحي كدة قليلها وانا هسمعها التسجيل الصوتي بتاعك نستية ولا اية ي مني !
- " فلاش باك "
- مني !
- امل برا
- هطلع اكيد بس قبلها لازم تسمعي دة
- اية دة انتي بتسجليلي ي أمل
- بالظبط كدة ، يعني أنا لو وديت التسجيل دة لمازن تعرفي ممكن يعمل اية ولا الشرطة اكيد هتتسجني ولا اية فأنا بقولك ساعديني من غير ولا انتي تخسري ولا انا ، اية رايك ومحدش هيعرف اي حاجة
- موافقه !
" باك "
- اة ونسيت اقولك اني كملت التسجيل وسجلت انك وافقتي علي طلبي يعني ناظلي هتقتلك هتقتلك
- بصي انا مش خايفه منك ولا من ناظلي ولا من التسجيل يعني اية هيجرالي اكتر من كدة بس أنا همشي عشان اكيد اللي بيحصلي دة عقاب من ربنا فعلا وكفاية كدة عليا
- امل فتحتلها الباب " اتفضلي ي مني وياريت تتغيري بجد"
-احسن احسن انا شمتانه
-ربنا يجزيها و يسامحها فنفس الوقت ي سما
- ي امل انتي عارفه دية اذتنا ازاي
- عارفه بس ربنا أداها جزاها واكتر كفاية كسرت النفس والقلب اللي هي فيها دية خسرت بنتها اللي عملت كل دة عشانها معتقدش في عقاب اكتر من كدة بالنسبالها وجوزها وبيتها وخلصت كدة ربنا عمره ما بيسيب حق حد ي سما
- فعلا ، عارفه انا عارفه أن كل اللي حصلي وبيحصلي ربنا بيجازيني علي كل اللي كنت بعمله بس والله انا اتغيرت وعرفت غلطي
- اهم حاجة أن الواحد يعترف بغلطه ي سما دة اهم حاجة
- الو ، أيوة ي مازن ، ماشي ، مستنياك ماشي سلام
- سما مازن جاي فالطريق
- السافل الواطي انا مش عايزة اشوف وشه
- رمضان قاعد وبيبص علي بنته بقرف وفنفس الوقت بدأ يحن عليها لما شافها اتغيرت للدرجة دية هي بقيت حد تاني خالص
-مازن ادخل
-دخل وبيسلم علي رمضان مرضيش يسلم علية ، شد ايدة بغيظ
-معلش ي مازن اكيد يعني ابويا مش هيتقبلك بسهوله بعد اللي عملته اللي عملته مش قليل بردو
-هز راسة بماشي " ها يلا بقا عايز اخلص ي امل انجزي "
-" عمره ما هيتغير بني ادم براس كلب دة الكلب احسن منه كمان "
-امل
-اية في اية
-رحتي فين
-لا ولا حته يلا ي بابا وقومته ، يلا مازن
-امل دخلت عشان تجيب سما " قومي "
-مش عايزة اشوف وشة انا لو شوفته هقتله
-اعقلي وقومي ي سما
-امل ، سبيني علي راحتي
-ي سما لازم تقومي عشان تمضي وبعدين ادخلي ومتبصلهوش حتي
-بتنهيدة " ماشي " ، طلعت وهي بتبصله بصه وكأنها نفسها تقوم وتقتله دلوقتي وتخلص البشرية منه 
- مازن بص علي امل وبيوشوشها " انا وفقت اهو علي طلبك وافتكري كويس ي سما انا مش بسامح فاللي بيغلط فحقي
- امل بصاله بغيظ " ماشي ي مازن عرفنا خلاص بقا اقعد عشان نكتب الكتاب "
-ويدوب خلصوا كتب الكتاب " الباب خبط جامد "
- ناظلي هانم
- ماما
- زقت الباب ودخلت " انت بتعمل اية بتعمل اية انطق "
- قام من مكانه اهدي ي ماما اهدي انا هفهمك
- تفهمني اية ي غبي ، وقفت قصاد امل " دة بقا اللي انتي بتخطيطيله صح انك عايزة تناسبي عيلتنا مش كدة وتضحكي علي ابني عشان " وبصتله" غبي ، لا انتي ي امل بتحلمي عارفه يعني اية بتحلمي وبعدين شكلك نسيتي انا ممكن اعمل فيكي اية
- خلصتي كلامك ي ناظلي ..هانم ، مممم يبقا خلصتي ، والله ابنك كبير وناضج بما فيه الكفاية عشان ياخد قرارات لوحدة وانا مضربتش حد علي أيده حتي اسالية وبعدين احلم اية " هههه" هو بالفعل اتجوزها
- ناظلي وهي عينها كلها شر " ي بت رمضان انتي بتلعبي لعبة انتي مش كدها "
- مين قال اني مش كدها تو تو تو ي حرام انتي فاكرة اني مكسورة ومش هقدر عليكي مثلا لية ابقا مكسورة يعني يمكن عشان الشيك اللي عندك هه لا الشيك دة بقا بلية واشربي ميته اية يعني شيك هتسجن كام سنة وهطلع وبردو مش هسكت علي الظلم ي ناظلي هههه هانم
- لا دة انتي قويتي بقا وطلعلك جناحات ي بت رمضان لا وبتتجرأي وبتهدديني كمان لا برافو ومسكتها من دراعها مين اللي علمك الكلام دة ها انطقي مين اللي قواكي
- مسكت أيدها ونزلتها " محدش علمني "
- طب والله لاندمك ي بت رمضان الاعرج وهتشوفي ، " بصت علي مازن " يلا قدامي
- ماما ..لا انا لازم اتكلم مع امل الاول
- بس امل مش عايزة تتكلم مع حد ي مازن ، ويلا خد امك وبرا من بيتنا
- مازن وقف قصادها " اااامل انتي بتقولي اية امل انا حذرتك ومازن مش بيهدد لا انا بنفذ وبس متحاوليش تبيني وشي الوحش مش معني اني اتجوزت اختك فخلاص كدة لا انتي متعرفيش انا ممكن اعمل فيكم كلكم اية انتي اتجنيتي "
- وانا قلتلك امل مش بتاجي بالتهديد ي مازن ، وآية وشك الوحش ما انا شوفته وخلاص وبقيت عارفاك اكتر من نفسك
- امل انا بحبك ي امل متعمليش فيا كدة ، والله العظيم بحبك ي امل انا عارف انك اتئذيتي كتير مني بس أنا آسف ي امل اسف
- وانا مش هسامحك ولا قابله اسفك دة
- امل ومسكها من أيدها جامد " لا متعمليش معايا كدة لا انا قلتلك ي امل قلتلك متحاوليش تكسريني ي امل ي امل انا بحبك لآخر مرة بقولك بحبك بحبك ي امل
-حاولت تفك ايدها وبصعوبة سابها " مازن قلتلك برااااا "
- ناظلي بصت علي حالت ابنها وراحت مسكته " كفاية بقا كفاية انت اتجنيت اتجنيت ي مازن يلا قدامي يلا وانا ليا تصرف تاني معاك ، " بتبص علي امل وعينها بطلع نار "
افتكري انك انتي اللي ابتديتي ي بت رمضان
-ومن ناحية مازن " والله ي امل علي اللي عملتية دلوقتي لادفعك تمنها جامد جامد اوي ي امل بتضحكي عليا انا "
- امل بصتلهم بعدم مبالاه وراحت وفتحت الباب وطلعتهم
- ومازن فقد الامل وماشي قصاد امه " وبيبص علي امل وعينه بطلع شرارة " وامل بصالهم بانتصار
-بابا بابا مالك
-انتي مضيتي علي شيك ، وآية اللي الواطي دة بيقوله انتي وعدتية بايه
-متقلقش عليا ي بابا انا هعرف اتصرف والله انت ادخل استريح الدكتور قال متعملش مجهود
-ي بنتي مش هيسبوكي ي بنتي ، انا قلتلك احنا مش كدهم مش كدهم ي امل
-متخفش عليا انا عارفه انا هعمل اية والله متقلقش
-وتعب ومسكته دخلته اوضه "
-امل انتي اتجنيتي ، هتقدم الشيك وهتروحي فستين داهية لية عملتي كدة لية ، انتي ضحكتي علي بابا بكلمتين بس بابا عنده حق مش هيسبوكي
-عارفه ي سما عارفه كل دة بس معرفش ي سما معرفش حسيت اني لازم اعمل كدة ، وعارفه انها زمانها دلوقتي تكون بلغت بس اعمل اية
- ي امل بس انتي كدة بترمي نفسك فالنار ي امل لازم نروح ونلحقها قبل ما تعمل حاجة
-هنلحقها بس قبلها لازم اعمل مكالمه مهمه
-" الو ، أيوة ، اسبقيني فبيت ناظلي دلوقتي واعملي اللي قلتلك عليه بالظبط ، متتاخريش ها ، ماشي هستناكي ، سلام
-مين دية ي امل
-هتعرفي بعدين ي سما بس أنا لازم اروح علي بيت ناظلي دلوقتي
- امل انتي بتخطيطي ل اية بالظبط قوليلي ورسيني
- سما هتعرفي كل حاجة فوقتها ،" انا يوم ما طلعت من السجن اخدت وعد علي نفسي ان نهاية ناظلي وعيلتها كلهم علي ايدي انا وبس وانا عند وعدي
