الفصل الثاني
_ مين بقا؟
= عمتك سعاد و حسام و ولادهم و ناس كتير كدا
_ بس انا معرفهمش
= هبقا اعرفك عليهم ، يلا قومي بقا غيري هدومك
_ خلاص ماشي
قومت و دخلت قوضتي و غيرت هدومي و كلمت نور
_ اي ي ميمي وصلتي؟
= اه عارفه اي اللي حصل
_ اشجيني
بسعاده = سلمي بنت عمتي هتولد و احنا هنروحلها كمان يومين انا مبسوطه اوووي
أبتسمت= تدوم الفرحه يارب
ابتسمت_ وانتي عملتي اي
= ولا اي حاجه قاعده بلعب مع ريم اختي اهوو
ضحكت _ و ياترا بتلعبو اي
= الشايب ياختي و اتحكم عليا اقفلي بقا خليني يتحكم عليا للمره المليون
صوت ريم" حد قالك تلعبي الشايب و انتي فاشله ف اللعبه دي اصلا
ضحكت= طب اطير بقا و اسيبك تتنفخي براحتك يلا سلاام
قفلت معاها و دخلت نمت ، اليوم الثاني صحيت و طلعت لقيت احمد و بابا قاعدين
_ صباح الخير ي بابا ، صباح الخير ي احمد
الاثنين = صباح الخير
_ اقعدي افطري ي شمس
= حاضر
قعدت افطر و ف نص الاكل اتكلمت
_ احمد
= نعم
_ انت هتيجي معانا
= اه لي
_ طب ممكن اسوق انا العربيه
= لا عايزه تسوقي عربيه روحي اشتري واحده ليكي انتي ، انا مبركبش عربيتي لحد
_ مش بتركبها لحد ، دا انتا بتركبها لكل العيله إلا انا
علي صوتو= هو كدا ي ستي
_ خلاص ي احمد مش واخده عربيتك اللي عامل عليها حصار دي
وقام وقف= اولعي
و مشي ، دخلت قوضتي و كلمت نور
_ صباح الورد
بضيق = صباح الخير
_ مالك ي ميمي
= احمد ي ستي
_ مالو عم شكشك دا
دمعت= زعقلي النهارده
_ شمس انتي بتعيطي
= لا
_ طب احكيلي
= حكيت كل حاجه
_ دا اللي مدايقك
= اه
_ طب خلاص خدي عربيتي
= لا طبعا
_ لي انشاء الله ؟؟
= مينفعش
_ ي ستي انا صاحبة الشأن و بقولك خديها سافري بيها و عليها بوسه هديه خلاص؟
ابتسمت= خلاص
ابتسمت_ طب ي ستي قومي دلوقتي اعملي فنجان قهوه كدا و افتحي كتاب الخروج عن النص و اقعدي ف البلكونه كدا و روقي
ابتسمت بلطف= حاضر سلام
_ سلام ي ميمي
حقيقي نور دي عندي اجدع و احسن صاحبه ف الدنيا بجد ، انا حساسه ، حساسه اووي و محدش هيعرف يتعامل معايا غير عدد معين ، احمد معاملتو كلها معايا كدا ، صحيح عندي عيله بس دا مسمي مش فعل تماماً ،
قومت عملت فنجان قهوه و طلعت البلكونه و جبت الكتاب و قعدت اقرأ فيه ، محستش بالوقت غير ع أذان المغرب ، قومت صليت و دخلت احضر الشنطه بتاعتي،
جبت شنطتي و حطيت فيها هدومي و السماعه بتاعتي و كتاب و النوت بوك بتاعتي ، و جهزت حاجتي و دخلت نمت
صحيت و طلعت
_ صباح الخير ي بابا
= صباح الخير ي بنتي ، يلا جهزي نفسك ساعه و هنتحرك
_ طب انا هروح ل نور هاخد العربيه بتاعتها هروح بيها
= هتاخديها منها يومين يعني
_ اه
= خلاص ماشي
دخلت لبست بنطلون ابيض مقطع من عند الركبه و تيشيرت ازرق و سلسله ع شكل فراشه رقيقه اووي و عملت شعري ذيل حصان و كوتشي ابيض و شنطه سوداء و نظارة الشمس اللي بقالي شهر مش بلبسها لغاية م اتعميت من الشمس
خرجت و نزلت كلمت نور
_ ايوا ي نور
= ايوا ي ميمي جهزت العربيه و لمعتها اهو شوفي مش بلمعها غير للناس الغاليه
ضحكت _ خلاص ي ستي متشكرين يلا انا جايه ف الطريق اهو
= تمام
قفلت و روحت عند بيتها و هي نزلت
_ انتي نازله بالبيجامه
= اه
_ و كمان سولوبيت ع شكل ارنوب
= اه حلو صح كنت اشتريته عشان اروح بيه عند عم محمد بتاع الخضار
_ نور روحي هاتي العربيه من الجراج و اخرسي
= طب متزقش يعم
جابت العربيه_ العربيه اهي ياريت متتخبطش عشان انا اللي بدفع
= حاضر
ابتسمت _ استني كدا ، باستني من خدي،
دي البوسه اللي فوق العربيه ، متزعليش نفسك ابداا ، يلا اذهبي ي اختاااه
ضحكت= سلام
مشيت بالعربيه و روحت البيت اخدت شنطتي و نزلت بفتح العربيه
= شمس روحي انتي و انا هروح مع احمد
_ حساك مش مطمن ليا كدا
= لا ابداا
ضحكت_ ي بابا دا انا حريفه ف العربيات
ضحكت= طبعاا بس برضو هركب مع احمد
_ خلاص اللي يريحك ي حج
ركبت العربيه و شغلت راب و مشيت ، ساعه ، اثنين وقت بيجري ، و اخيرا يافطة مرسي مطروح منوره الدنيا اهييي ، كنت هزغرط حقيقي، وصلت البيت و راحه اركن لقيت حد لزق فيا من ورا ، نزلت اصوت
_ العربيه مش بتاااعتي
= انتي اللي غلطانه
_ غلطانه اي انتا هتبجح العربيه عليها اقسااط الله يخربيتك
= وانا مالي
قطع صوتنا عمي و هو نازل
جريت عليه_ عمو خالد
= انتي تعرفيه؟؟
_ دا عمي ي رزل ، عمو الواد دا خبط عربيتي هاتلي حقي منو
= دا ابني نوح
_ بجد
ضحك= اه ي بنتي تعالي اعرفكو ع بعض
عرفني عليه و طلعنا كلنا فوق
بهمس= بابا مش هتعرفني بقا
_ حاضر
قام وقف
_ بصي ي ستي دا عمك هاشم و دا عمك سالم و دا ابن عمك شريف و اختو مريم و اختهم عليا و دي سلمي بنت عمتك ساميه و اختها ساره و دي سلمي طبعا عرفاها و دي اختها شهد و دا ابن عمك زين و اخوه مالك
ابتسمت ل كلهم ، بس اكتر واحد لفت نظري هو زين ب عيونو و ضحكتو و لبسو المهندم و المنسق مع بعضو و شعرو الناعم
قعدنا كلنا نلعب و نهزر و كلهم دخلو قلبي معادا ساره دي كانت بتبصلي ب حقد و كره كبير اووي معرفش لي ، دخلنا ننام و انا م عايزه انام ف اتسحبت و اخدت معايا السماعه و كتاب و طلعت ع البحر ، لقيت زين بيتكلم بس محبتش ازعجو و روحت قعدت بعيد شويه و بدأت اقرأ و استجميت مع كلام الكاتب و اد اي بيشرح كل كلمه بطريقه مبسطه و جميله
قطع شرودي زين
_ ممكن اقعد
= اكيد
قعد_ بتقرأي اي
= كتاب الخروج عن النص
_ امم
= و انت بقا بتشتغل اي؟؟
_ انا ي ستي مهندس برمجه
= بحب المجال دا اوي عالفكره
_ و انا كمان عشان كدا دخلت الكليه دي، و انتي خريجه اي؟؟
= ألسن بقالي 6 شهور بس متخرجه
_ ياااه دا انتي لسه مستجده بقا
ضحكت= اه
_ بس بصراحه يعني العربيه اللي برا حلوه اوي
= بجد
_ اه دي بتاعتك ولا اي؟؟
بغرور = اه يبني
لقيت نور بتكلمني
بغرور = دي نور صحبتي استنا هرد
_ ماشي
كان صوت الفون عالي و فتحت المكالمه و لسه هرد
= اي ي حيوانه العربيه بتاعتي عامله اي اوعي يكون جرالها حاجه هنفخك زي الكوتش بتاعها كدا
خبيت وشي من الاحراج و زين اتفتح ضحك و مردتش ع نور ف قفلت المكلمه
بضحك= لا واضح ان العربيه بتاعتك
_ هي مش بتاعتي اوي برضو
ضحك= طب م تقولي بتاعة صاحبتك م الاول لازم الفشخره يعني و ف الاخر بتقعي ع بوذك
ضحكت= حظوظ يبني والله حظوظ
فوقنا من ضحكنا ع صوت صويت جامد اووي جرينا ع البيت انا و هو طلعنا لقينا سلمي بتصوت جامد ؛و اختها قاعده جمبها بتحاول تهديها
بخضه= ف اي سلمي مالها
بذعر _ معرفش شكلها بتولد
جه مالك و شلها بسرعه و دخلناها العربيه و قولت ل اختها
بخضه= هاتي شنطة البيبي بسرعه
و روحنا المستشفى و سلمي دخلت العمليات ، ساعه ، اثنين ،ثلاثه من الانتظار و لقينا الممرضه طالعه و ف ايديها بنت زي القمر
بفرحه= مبروك بنوته زي القمر
بفرحه _ الحمدلله الحمدلله
اخدت البيبي منها و قعدت ع الارض و زين جه يشوفها
أبتسم= قمر اووي ماشاء الله
ابتسمت و انا شيلاها_ اووي ماشاء الله
أبتسم و بصلي = عقبالك
اتحرجت_ انشاء الله بس مش دلوقتي يعني
أبتسم و بص للبيبي= متعرفيش اللي جاي ف اي
بدل ماتدور وتبحث علي الروايات خليها علي تليفونك وحمل تطبيقنا
