الفصل السابع
(*بقا حتت عيله مكملتش ٦سنين تعمل كده فيك يا جمال
صدق الى قال العيال بتربي مش بتتربي *)
فون جمال رن وخرج يقابل صحابه كانت ساره داخله
خبط فيها واعتزر وخرج مستعجل
ونزل للشباب
ها جبتم كام
نعيم جمعتلك ٣٥الف ع قد مقدرت
وهيثم جبتلك ٥٠الف عد الجمايل
جمال ٨٥لسه كتير ع ١٢٠
هيثم متقلقش محلوله
نعيم الباقي هجبهولك بكره
جمال صحيح انتوا جبتوا الفلوس دى كلها منين
بصوا لبعض بتوتر وكل واحد جاب حجه
هيثم اتصلت باهلى ف البلد
جمال انت كداب ياض انت اهلك معفنين لو لقوك شلن هياخدوك
هيثم انت بتشتم ف اهلى
وعمل زعلان وهرب من قدامه وساب نعيم عرقان وحالته حاله
جمال بص لنعيم بيمثل الزعل عشان ميجوبنيش
نعيم معلش انت الكبير
جمال اه طب انت جبت الفلوس منين
نعيم كنت محوشهم مع نورا
جمال قاله وجبتهم ليه
نعيم عشان شئ اهم من شئ
جمال طب تعال ندفعهم
نعيم وهو بيتنفس بالراحه عشان خرج من ايد جمال واسألته
وقال يالا امال فين هيثم
جمال كالعاده بيشوف شغله
نعيم شغل اى
(*نعيم ده غلبان اوى بقا مش عارف صاحبه بتاع بنات ده الناس عرفت اكيد راح يشقط*)
جمال قاله بص
نعيم يلهوى ع ال مبيضيعش وقت هو ازاى مش عاتق بيجيب منين وقت وازاى بيقنعهم
جمال اساله
وراح جاب هيثم من قفاه
جمال اعتق بقا سيب الرجاله تاكل عيش
هيثم بضحك انا مسكتهم
نعيم مبتسبش
هيثم دى إمكانيات وضحك
جمال بالله معرف احنا مصحبينك ازاى واحد متدين والتانى الدنيا ملطشه معاه
اما انت فبايع القضيه
نعيم احنا شله نحس
هيثم اتكلم عن نفسك انا واد حليوه ومليش حل
وراحوا عشان يدفعوا الفلوس
الموظفه استاذ المدام بتاعتك دفعت ٣٥الف تحت الحساب
هيثم ونعيم مداااام
انت اتجوزت
جمال مش وقتكم هشرح بعدين
وبص للموظفه طب خدى المبلغ ده كمان عشان كلام الدكتور ان هيبقا في مبلغ للاوضه والسرير وإقامه زى كده
الموظفه اه فعلا
جمال ادها الفلوس واخد الايصال وطلع مع صحابه واتنهد انه لقا حل
نعيم افهم بقا انت اتجوزت
امتى وازاى
هيثم وبتقول عليا بتاع بنات
جمال ضحك وقالهم تعالوا وطلع عند ميرال الى اول مشفوها حبوها هى نفس ملامح ساره بس ع صغير
نعيم وجمال فضلوا يلعبوا ميرال والتؤام وبيحولوا يخمنوا مين چولى ومين چوليا
نعيم انا تعبت والله منا لاعب انتوا شبه بعض اوى
التؤام امال ماما وميرا بيعرفونا ازاى
جمال وسما
التؤام بتتلغبط فينا
نعيم اتشغل معاهم وبيلف شاف هيثم بيبص لسما وسما محروجه ومتديقه
جمال بصوت عالى مش المفروض نروووووح وبص ل هيثم
نعيم معاك حق بينا
جمال قال لنعيم وهيثم اسبقونى وانا وراكم
وبيقول للبنات تعالوا معانا نروحكم ف طريقنا الوقت اتأخر
البنات لا
ساره دخلت وهو بيكلمهم
جمال انا راي سما والتؤام يروحوا
ساره معاك حق سما خدي البنات وروحى
البنات مسكوا ف ميرال وعيطوا وميرال كانت هتعيط ع عياط اخوتها
فصعب ع ساره شكلهم
ساره خلاص شكرا يا استاذ جمال
سيبهم و جمال اسأذن وخرج
سما كنتى فين قبل م الشباب يجوا واختفيتي فين اول مشوفتيهم ساره اتهربت هقولك بعدين
بس تعالى جوا للبنات
اما جمال ف راح عند الشباب كانوا بيتكلموا سوا
هيثم احنا عملنا الصح
نعيم بس كذبنا
هيثم كنت عايزنا نقوله انى جبت فلوس ربا الجنيه بحنيه
وانت كملت من فلوس نورا ع فلوسك
نعيم بيتنهد معاك حق بس بيلف لقا جمال بوشه تنح
هيثم مالك
نعيم بخضه كملت...!
الجزء التالى
هيثم مالك وبيلف لقي جمال وشه احمر وعنيه بتطق شرار
هيثم متفهمنيش صح قصدى غلط
جمال مسك هيثم من قفاه جيبلي فلوس ربااا
ربا يا هيثم هي حيتنا ناقصه خراب بتكمل انت
نعيم حب ينقذ الموقف مهو.....
جمال قاطعه بغضب مهو اى كمل
ده انت حسابك معايا بقا تجيب من فلوس نور
مش مكسوفين من نفسكم دى الرجوله
هيثم ونعيم اسمعنا بس
جمال سبهم ومشي بغضب
وحاولوا يلحقوه بس هو مسمعش
هيثم وبعدين
نعيم عجبك يا ابوا لسان عايز قصه اتفتح ومسكتش واهو سمع
هيثم مهو انت ال فتحتنى
نعيم انا برضوا يا بتاع البنات
هيثم مش وقت خناق هنهبب اى
نعيم هنسيبه والصبح نصالحه
وروحوا
ــــــــــــــــــــــــــــــــــــــــ♡
اما جمال فكان داخل البيت لقه امه بتفتح الباب وخارجه
واخته وجوزها ماسكين فيها وبيحولوا يطمنوها
الام لا انا قلبي مش مرتاح هنزل ادور عليه بنفس
وقف جمال بضحك اى جو العشق الممنوع ده يا حاجه تصدق حسيتك نور بتدورى ع مهند وضحك
ضحكت نهى وقالت واهو اسد جه يا ست زويه
عنتر بتاعك وصل
خيري يا ساتر ده انتى بومه بطلى قر بقا الواد مش ناقص والدنيا ملطشه معاه خلقه حتى امه بقرى عليها
نهى مهو هو مستولى ع دعوتها وانا مليش من الحب جانب
خيري وانا فين يا حب عمرى
نهى اتكسفت ووشها احمر وبصت للارض
جمال واقف حاطط ايده ع خده وبيحرك بوقه شمال ويمين وصوابع ايديه معاهم
والام واقفه بتمثل شكل جيتار ع ايدها
خيري امك روشه اوى
جمال هى كلمه بقولها كتير الام الفرفوشه رزق والله يا جماعه
نهى اه اوى
جمال انتى بالذات مسمعش حسك يا كئيبه يا بنت النكديه وبص لأمه لامؤاخذه يا حاجه
الام ولا يهمك خد راحتك انا زى امك برضوا
كمل جمال شيفكم اتصالحتم امال جيتى امبارح تعيطى لى شاطره تنكدى ع الواحد وتنيميه متضايق وطول النهار ف شغله مقريف
نهى راحت حضنت اخوها اسفه يا چمى يحميك ليا ربنا ويديمك نعمه ف حياتى وتعيش وتستحمل نكدى وزنى
جمال يا ستى فداكى تعيشى وتنكدى عليا
خيرى بضحك وعليا برضوا
جمال ولا افهم بس انت اى الى جابك هنا انا واختى بنتكلم حاشر منخيرك لى
خيري حقك عليا بس ايدك كده ومسك نهى الى كانت ف حضن اخوها وخضنها وباس ايدها ودمغها بحب وقال سمحينى وبص لجمال وطلع لسانه مينبناش من الحب جانب ولا اى
جمال بضحك صبرنى يارب يا مامت جهزلى الحمام ونبي اصل بنتك وجوزها هيشلونى جوزها ال اكبر منى ب ١٧سنه بيطلعلى لسانه الطم بيخيب ع كبر
الام معلش يا ابنى انت الكبير
نهى بضحك جوزى واتعدا حنان منى وطلعت لسنها
يلا يا خيري يا حبيبي نروح وسيبه كده
جمال بصلها بتريقه لا ده انتى فكرانى همسك ف ديل فستانك واقولك سبتي فراغ كبير
ده انا مهصدق يا نكدوا
نهى سمعتى يا ماما
الام متصدقهوش ده امبارح معرفش ينام من زعله عشانك
نهى عارفه ده مفيش ف حنيته وجدعنته
ربنا يحميك لينا يا حبيبي
خيري بغيره حبك برض يا بعيده ده انا مبتكلمنيش كده
نهى تانى يا خيري طب روح لولادك انا هفضل هنا مع جمال
جمال وانا مش عايزك ده بعد الموال ده اموت وافهم صلحك ازاى
الام والنبي يا ابنى سبته وروحت اعمل شاى وهى متعصبه وحلفه متقبله خرجت لقيته قاعد معاها ف الاوضه زى السمنه ع العسل
جمال شكلك كنتى بتعملى الشاى ع الشمس
الام والنبي كوبايه معبرها سخنه من السخان مخدتش دقيقه
جمال وكمان مش خمس دقايق كسفتيني
خيري خد مراتك واتفضلوا منغير مطرود وغمزه
وفعلا خيري اخد مراته وروحوا
الام انت قولتله اى
جمال شديت عليه شويه بس اهو الحمد لله عقل وبالنسبه لابوه واخوه انا هكلمهم واحلها بالعقل
الام ربنا يكملك بعقلك يا ابنى
احكيلي بقا اتأخرت بره لى قلبي كان وكلنى عليك واى ال مضيقك
جمال والله يا ست الكل مقادر تعباااان هموت وانام
الام طب مش هتاخد حمام عشان ترتاح
جمال مش قاااادر السرير وحشنى اوووووى
هنام وبكره اخد شاور واحكيلك
الام زى متحب يا ابنى ارتاح
ودخل جمال نام
ـــــــــــــــــــــــــــــــــــــــــــ♡﷼
تانى يوم الصبح صحى جمال
جمال صباح الخير يا ست الكل
الام صباح الورد عليك يا نور عيني
جمال بيسال هو المنبه مرنش ليه
الام ده رن من بدرى وانت فصلته
جمال يلهوى يا ماما ومصحتنيش ليه
الام مهونتش عليا شكلك كان تعبان اوى
جمال بيبص ف الفون لقي الساعه ٨وربع
جمال يالهوى وقام متعرفوش ازاى ولحق يأخد شاور ويغير ازاى وف عشر دقايق باس ايد امه ودمغها وخرج جرى
الام مش هتفطر يا ابنى
جمال لو استنيت دقيقه كمان احتمال اترفد ومنلقيش ناكل بعد كده
الام محدش بيموت من الجوع
جمال صح بس اكيد مش هستنى وناكل بالشحاته والدين بكفايه ديون ع رقبتى وخرج جرى والام بتدعيله وهى حاسه بوجع كلمته الاخيره
ف الشركه كانت أميره ع اخرها
أميره بحده جمال لسه مجاش يا نورا
نورا لا يا أميره هانم
أميره مجردميشرف ابعتهولى عشان معاه ورق صفقه مهمه
نورا حاضر يا أميره هانم
جمال دخل الشركه بيجرى وسط نظرات الموظفين الى كانت كلهاا تعجب ان شخص ملتزم زيه اتأخر
جمال راح ع مكتب نورا ال بلغته ان أميرة عيزاه
جمال هى متعصبه اوى يا نورا
نورا هزت دمغها بأه
جمال كانت بتزعق
نورا هزت دمغها برضوا
جمال احيه يا أبوسوسو أحيه هترفد اكيد
نورا هزت دمغها بأه
جمال بغضب هو كل حاجه عندك اه روحى يا شيخيه عليكى وع شكلك ومسك الدباسه وهوشها بيها وكأنه هيضربها وسبها وراح خبط ع أميره ودخل وهى واقفه تضحك ع شكله
أميره كانت قاعده ع الكرسى وظهرها لجمال واول مدخل
أميره اهلا اهلا بالبيه الى جاى متأخر
قصدى بدرى وفتح الباب للموظفين
جمال كان بيبرر وبيقول اصل......
ف اللحظه دى لفت أميره الكرسي وهو شاف وشها تنح
وقال بلهفه وخوف مالك..........؟
بدل ماتدور وتبحث علي الروايات خليها علي تليفونك وحمل تطبيقنا
