الفصل الاخير
- علاء الحق عنان يابنى نزفت فجاءة ومعرفش مالها اركب انت معاها فى عربيه الاسعاف مينفعش غير واحد بس و انا هاجى بتاكسى و شاورت لتاكسى و هى بتعيط يارب استرها دى الى طلعت بيها من الدنيا ياارب
دخلت عربيه الاسعاف كانت نايمه و وشها بهتان مسكت ايدها و بدأت اعيط مفتكرش إن عيطت كدة غير يوم ما ابويا مات؛ لالا مش هتسبنى هتقوم و هعوضها عن كل الوحش الى شافته اها هتقوم هى بتحب الحياه و بتحبنى انا هتوه بعدها مينفعش تسبنى، شويه و وصلنا للمستشفى و شيلتها و دخلت بيها الطوارئ و اتنقلت للعنايه بعد الفحص الدكاترة جوا و انا برا بحاول افهم اى حاجه و بجرى على اى ممرضه تتطلع و مفيش حد بيدينى رد بدأت احط رأسى بين ايديا و اعيط مر مدة مش فاكر قد ايه بس اخيرا الدكتور طلع
علاء الدين:- دكتور طمنى
- هى الحمدالله كويسه و قدرنا ننقذ الجنين الحمدالله
علاء الدين:- هى هى حامل
- ايوة مش انت جوزها ولا ايه دى حامل فى شهرين بعد اذنك
رجعت ل اقرب كرسى و حطيت ايدى بين رأسى:- هو انا ازاى ملحظتش ان بقالها مدة تعبانه و بتقرف من ريحة الاكل ! ازاى مخدتش بالى، و اكيد نزفت بسبب تعب شغل امبارح عند امى و حست انها تعبانه ف راحت لمامتها انا غبى غبى
فضلت انا و مامتها موجودين بس اضطرين نمشى لان دى قواعد المستشفى ف روحت وصلت حماتى و رجعت فضلت قاعد على سور جانب المستشفى، و مستنى الصبح بفارغ الصبر و جه الصبح و طلعت ليها كانت فى العنايه و اتنقلت اوضه عاديه لاكن كانت نايمه و مامتها جت فنزلت جبت طقم اطفال و شيكولاته كتير لانها بتحبها و كارت مكتوب عليه "Hey Mam" و روحت و حماتى جت و بدأت تفتح عيونها
- انا فين
علاء:- حبيبتى انتى تعبتى شويه و جينا المستشفى نطمن عليكى
- حبيبتى!
علاء:- ايوة حبييتى و أم عيالى ان شاء الله
حماتى خرجت و سابتنا لوحدنا
علاء:- اتفضلى هديه
بدأت اصورها و هى بتفتحها عايز تقضل ملامحها و الذكرى دى معانا ديما و فتحت الكارت و طلعت الشوكولاتات و قرأت الكارت و بدأت تعيط و تضحك و تحط ايدها على بطنها بوست ايدها و حضنتها
-مبروك يا حبيبتى
-: علينا يا حبيبى انا فرحانه اوى
الفون رن و كانت امى و رديت
امى:- الو يا علاء اختك بتولد تعالى وصلنى
علاء:- ماما انا مراتى تعبانه و معاها فى المستشفى من امبارح! الواجب أن حضرتك تيحى تزوريها و بعدين تروحى ل اختى
امى:- مالها يا خويا مراتك ما كانت شبه القردة امبارح و بعدين اجمد على مراتك كدة مالك
-شكرا لنصايحك يا ماما بس انا مراتى اضعف من ان اجمد قلبى عليها انا هطمن على اختى من جوزها و هبعتلك عربيه اوبر بعد اذنك
عنان:- ليه كدة يا علاء طنط تزعل
علاء:- اي حد يزعل اسيب مراتى و حبيبتى و أم العيال تعبانه و امشى ده كلام
ضحكت:- بس يا علاء
علاء:- بس اي يشيخه ده انتى وقعتى قلبى امبارح
عنان؛- خوفت عليا؟
علاء:- عندى مين غيرك اخاف عليه
عنان:- بحبك يا علاء الدين
علاء:- بحبك يا ياسمنته♡
°°°♡
تانى يوم عنان خرجت من المستشفى و روحنا البيت و كلت و نامت و روحت ل امى رضيتها بكلمتين و قلتلها ان عنان حامل، فرحت و حضنتنى انا عارف إنها بتحبنى بس هى خافت ان عنان تلهينى و تبعدنى عنهم فديما كان نصايحها ليا" جمد قلبك عليها" ، اطمنت على اختى و روحت
°°°♡
بعد 3 ايام
عنان :- علاء انت نمت قوم
علاء بتمثيل:- نعم
عنان:- قوم عايزة انزل اشترى شوية حاجات
علاء:- حاضر بس جايب ليكى دريس هيبقا تحفه عليكى البسيه عشان نخلص و نروح فرح صاحبى
عنان:- حاضر
علاء بإصطناع:- هتشترى حاجات من كافيه قالى إنك عايزة تأكلى برا
عنان:- تعالى بس
°°°♡
اول ما دخلوا كان النور مطفى شويه و النور اتفتح و كان موجود كل الناس الى يعرفوهم و عنان استغربت و اشتغلت اغنيه "الواقعه الأخيرة " و فيديو لصور و فيديوهات ل عنان و علاء، و جه عند كوبليه"قُلتى مش هقبل ساامعنى لساا سكتناا طويله "
و قعد علاء على ركبته اودام عنان
- بحبك "و قدملها خاتم دهب"
-: و انا كمان
و لبسهولها و حضنته
-: انت الى عملت كل ده صح عرفت منين
- مش مهم المهم إنك مبسوطه ♡
°°°°♡
بعد سنه و نص
علاء الدين واقف بيتكرم على مشروعه الى نجح و عنان واقفه بتصوره و مامته شايله ابنه "قاسم" على اسم جده و خواته البنات موجودين و بدء يتكلم
"الحمد لله على الى وصلت له ، النهاردة انا مؤمن جدا بمقولة" وراء كل راجل عظيم امراة عظيمه و المرأة دى امى"، و فى مقوله تانيه مؤمن بيها قلبى "أمام كُل راجل عظيم إمراة تُرشده اين يَضغ خطوته التالية " و دى حبيبتى و مراتى ♡"
°°°♡
"الحب مش بيقل بعد الجواز،الحب الى بجد بيبدء بعد الجواز، بس الذكاء إنك تخلى ديما بينك و بين شريك حياتك مواضيع و لهفه ، و مش عيب ان حد يتنازل عشان التانى "
"يا ثابته فى كُل شدة ، يديمك فى قلبى و ايدى ماسكه و متبته♡"
-لِما هو؟
-: لانه الوحيد الذى اتق الله فى قلبى، و احسن سَكنه♡تمت
