الفصل الخامس
يا دكتورة يا دكتورة
- ايه يا حنان في ايه
- في واحد مجروح وبينزف جامد
- داخليه بسرعه
- تمام كده يا حاج خيطت الجرح، دا مضاد حيوي عشان الجرح ميلتهبش وتيجي كل يوم عشان اشوفه واغير عليه ، وبعد اسبوع هنفك الخياطه ، بالشفا ان شاء الله
-شكراً اوي يا بنتي ، تسلمي "بيشوف الفلوس اللي في جيبه " هو كده الحساب كام يا بنتي
-ببتسامه :- مجاناً يا حاج خليها علينا المره دي ، متدفعش اي حاجه
- وهو ماشي :- الله يعمر بيتك يا بنتي ويباركلك ، ربنا يجازيكي خير يارب
-ببتسامه:- تسلم يا حاج ، مع السلامه
-حنان يا حنان
-ايوة يا دكتورة
-لسه في حد النهارده ؟
- لا يا دكتورة معتش
- طب تمام اوي ، انا همشي بقا عشان خلاص معتش قادرة ، وشوفي مين نبطشيه مكاني النهارده
- حاضر يا دكتورة ، ربنا يعينك
-تسلمي يا حبيبتي
-ماما يا ماما
- تعالي يا حبيبتي انتِ جيتي ، تعالي نتعشي بقا
-جهزي يا حبيبتي الاكل ، وانا هصلي وهاجي
-ماشي يا حبيبتي ربنا يتقبل منك
-عملتي ايه النهارده في المستشفي
-الحمد لله يا ماما ، بس تعبت جداً النهارده ، حالات كتير ومعظمهم خياطه صعبه ، وعمليات ودم وحاجات كده
- بضحك:- ما انتِ يا حبيبتي اللي صممتي تتخصصي جراحه
-بضحك :- لو هشحت كده محبش قدها
-المهم يا حبيبتي انك بتحبيها وبتعملي اقصي مجهود عشان تنقذى روح انسان
- الحمد لله يا ماما ، انا هقوم انام بقا عشان فصلت
-ماشي يا حبيبتي تصبحي ع خير
- وانتِ من اهل الخير يا حبيبتي
- صباح الخير يا حنان
-صباح الخير يا دكتور ريحانه
- تعالي معايا يلا عشان نلف ع المرضي بتوع العمليات ، ونشوف عندنا اي النهارده
- حاضر يا دكتورة
-المريض اللي في العنايه هيخرج امتي يا دكتور
-بكرة بالكتير ان شاء الله، روحي بس غيريله المحاليل وقسي الحرارة ، وانا هخلص واجي عشان نشوف لو في حالات النهارده
- تمام
- كده تمام ، حسيتي بألم وانا بفكلك الخياطه ؟
- لا خالص يا دكتور ، تسلم ايدك
- ببتسامه :- حمد الله ع السلا......
"قطع كلامها صوت خناق برا"
- في اي يا حنان الدوشه اللي برا دي
- في واحد متصاب يا دكتور وعمال يزعق ويتخانق برا
- طب انا هخرج اشوف
- ايه دا في ايه حضرتك ، مالك بتزعق كده ليه
- والده:- الاستاذ واخد رصاصه في كتفه ومكنش عايز يجي وانا جبته بالعافيه ، انا والده ، لو سمحتي شوفيلنا اي حراج يتصرف
- انا دكتورة جراحه اتفضل تعالي معايا
-بنفاذ صبر ونرفزة:- اخلصي
- اتفضل حضرتك ادخل هنا ، واتكلم بأسلوب احسن من كده
- بعصبيه:-وانتِ مالك طلعيها وانتِ ساكته
- بص حضرتك انا هطلعالك عشان دي شغلتي ، وللأسف دا وقت دوامي ف انا مضطرة استحملك بأسلوبك الهمجي دا
-بقولك ايه انجزي مش هنقعد نبرر اخلصي عشان مش فاضيلك
-استغفر الله العظيم يارب، هاتي حقنه بنج يا حنان
- مش واخد زفت ، هي سطحيه مش مستهله بنج
- مينفعش حضرتك لازم تاخد بنج
-هتطلعيها ولا اطلعها انا
-بصتله بذهول وضيق:- هطلعها
"اخدت أدواتها اللي هتحتاجها وقربت منه بتوتر وهي بتترعش وفضلت واقفه جنبه"
- هتطلعيها الساعه كام ؟ عشان ابقا عارف بس "صوته عِلي" يلا انجزي
" انتفضت من مكانها و طلعتها وهو قاعد وشه خالي من المشاعر حتي مش حاسس بألم "
- انا خلصت ، بس هو ملتهب شويه ، خد الدهان دا عشان متلتهبش زياده وكل يوم تيجي تغير عليها
"مشي ومردش عليها"
-بصت لخياله بذهول:- دا مستحيل يكون بني ادم
- مين الطول والعرض والارتفاع والحلاوة والطعامه اللي مشي من شويه دا
- حنان ، لسانك وكلامك يا حبيبتي وغضي بصرك يا ماما
-بإحراج:- احم حاضر يا دكتور
- شوفي لو في حالات تانيه يلا
- حاضر، عن اذنك
-ماما انا جيت
- حمد الله ع السلامة يا حبيبتي، جيتي بدرى النهارده
-اه الحمد لله مكنش فيه حالات كتير
-ربنا يعينك يا روحي
-يارب يا ماما ، هدخل بقا اصلي وانام شويه
-طيب يا حبيبتي، هخلص الغدا واصحيكي
-ماشي يا ست الكل
"دخلت صلت و خلصت ، وتفكيرها كله في الشخص الغريب ، المريب، الهمجي اللي جالها النهارده ، واستغرابها منه ومن افعاله"
"تاني يوم "
- ايه يا ريحانه مش هتروحي الشغل
-هروح بعد الضهر يا ماما عشان عندي نبطشيه النهارده
-ماشي يا حبيبتي
- حنان مفيش حد النهارده
- لا مفيش
-طيب هلف ع المرضي وانا كده كده في نبطشيه النهارده
- في حد هيخرج النهارده ؟
-اه في ناس هكتبلهم خروج بس ع بليل كده تكون حالتهم استقرت واطمنا عليهم اكتر
- تمام يا دكتور
"غريبه هو مش المفروض يجي يغير ع الجرح ولا ايه ،استغفر الله العظيم سامحني يارب ، انا مالي شخص بمخ حيوان "
"عدي يوم واتنين وتلاته ، واستغرابها وفضولها انه مجاش لسه بيزيدوا وفي يوم "
- اشطر كتكوت خلصناله خياطه خلاص ، بتوجعك يا حبيبي ؟
-سويه صغيرين (شويه)
- معلش يا حبيبي ، غمض عينك كده
- فتح
-هيييه سوكولاته ومصاصه ، انا خفيت خلاص (شوكولاته)
- ايه رايك بقا ، كل اما تيجي هجيب لك زيهم
-بزعل :- هتخيط تانييي
- بضحك :- لا يا حبيبي ، انت هتيجي عشان نغير ع الجرح ونفك الخياطه بعد أيام ، ومتخرجش بقا تلعب في الشارع عشان تخف بسرعه بسرعه
-ماسي (ماشي) ، انا هاجي كل يوم واسوفك(اشوفك)
- يا خلاثي ع العسل ، خد بوسه
- تسلم ايدك يا دكتورة والله ، دا كان بعيط وعامل فضيحه
-الف سلامه عليه ، بصي هديله المضاد الحيوي دا كل 12 ساعه لمده 4 ايام ، عشان الالتهاب ، وعشان الجرح يلتأم تمام وبعد اسبوع هنفكها ان شاء الله
-تسلمي يا دكتورة شكراً لحضرتك
- ببتسامه :- العفو دا واجبي ، مع السلامه يا كتكوت
"واقف متابع كل اللي حصل من اوله لأخره ولاول مرة تترسم ع وشه ابتسامه من زمان ، تدارك نفسه وخبط ع الباب ودخل "
- اتفضل ، انت تاني ، خير
" رسم ع وشه ملامح البرود وقلع الجاكت بتاعه "
-بتوتر :- انت بتعمل ايه حضرتك
- شوفي الجرح دا خيطيه
-بصدمه من المنظر :- ايه دا ، انت سايب الجرح كده ليه ! دا برد مينفعش يتخيط ! انت مش طبيعي والله ما طبيعي
-بهدوء :- خيطي وانجزي
- بزعيق من التوتر :- اخيط ايه .. انت مجنون ، اكيد مجنون
-ببرود:- ايه يا دكتورة مش عارفه ان العصبيه مش كويسه ولا ايه ، اهدي كده وخيطي عشان امشي
- بزعيق :- بقولك مينفعش ، مينفعش انت مبتفهمش
-ببرود:- هتخيطيه بما يرضي الله ولا اخليكِ تخيطيه بما لا يرضي الله ؟
-اخدت نفس عميق واتكلمت بهدوء :- بص حضرتك الجرح برد هيبقي صعب جداً يتخيطت ، الوجع هيبقي الضعف حتي البنج مش هينفع معاك في حالتك دي
- بهدوء :- وانا بقولك خيطيه ، ومن غير بنج ، ملكيش دعوه انتِ، انا المسؤول عن اللي هيحصل
-بصدمه :- من غير بنج ! هو انت مستذئب ؟
لا لا انت Vampire ؟ صح ، انت مش انسان
- انا مش عايزة رغي انجزي ولا هقوم امشي بيه كده وذنبي في رقابتك
"للحظه افتكرت جرح الرصاصه اللي مجاش غير عليه"
-بتردد :- ههـ هخيط
-اتفضلي
-هجيب بنج بس اصل...
- قطع كلامها بخنقه وملامح ألم :- قولتلك خيطي من غيرة ، جرح بسيط زي ده مش هيوجع اكتر من جرح داخلي ، بينزف
"بصتله بزعل وفي دماغها انا من وقت ما شوفتك وانا قولت انك فيك حاجه مش طبيعيه ، والغريبه اني عندي فضول اعرف فيك اي و عايزة اساعدك حاسه ان في حاجه كبيرة اكيد في يوم هعرف فيك اي ، بس ايه دا انا معرفش اسمه حتي ولا اعرف عنه حاجه "
-هتفضلي سرحانه كتير
-احم .. اسفه ، هخيطلك حالاً بس بشرط تخليني اشوف الجرح التاني بتاع الرصاصه
-بإستغراب :- هو انتِ لسه فاكرة
-ايوة ، ولازم اشوفه
-انتهدت بضيق منها :- طب اخلصي بقا لو سمحتي
- ببتسامه بسيطه :- حاضر
-شكراً
-العفو ، لو حسيت بأي وجع قولي وانا هوقف ع طول ، وياريت لو تتكلم في اي حاجه عشان تلهي نفسك
- بهدوء:- مش عايز اتكلم ، انا عايزك تخلصي عشان امشي ممكن ؟
-بخبث :- ممكن
"بدأت تخيط وبتتكلم عشان تلهيه وهو قاعد بكل برود ولا كإن في اي حاجه "
- هو انت اسمك ايه
-انتِ مالك
-ازاي بقا ، انت المريض بتاعي ولازم اعرف
-المريض بتاعك ! هو عشان جيت هنا مرتين ابقي مريض هنا
- ببتسامه واسعه :- اووماااال
-بينفخ:- انجزي وبطلي رغي و متحاوليش تلهيني انا مش حاسس بحاجه قولتلك ، مش هيوجع اكتر من اللي جوا
"بصوت واطي لنفسها هو عرف منين اني بلهيه ، هو منجم ولا ايه بالظبط ، بس شكله كده ظابط "
- اه ظابط، مش منجم
-بصدمه :- انت سمعتني ازاي
- بصلها ببتسامه صفرا :- Vampire
- انا خلصت ، مش عشان ظابط بقا كل شويه تتجرح ، وريني الجرح التاني
- بصلها بضيق "
- ببتسامه :- يلا
- بصدمه يا نهار ابيض ، دا ملتهب جداً ، انت مهمل ليه كده، ولسه كمان بنفس الشاش اللي حطهولك
- مش فارقه ، هيخف في اي وقت عادي
- تعالي هنا رايح فين ، اقعد عشان انضفهولك
-انتِ مجنونه اعتقد ؟
-دا انت اللي مجنون ، حد يعمل في نفسه كده !
- اه ، انا عندك مانع
-مسكت المشرط ورفعته في وشه :- هتقعد انضفلك الجرح واغيرلك عليه ولا اقتلك
-بتريقه:- تصدقي خوفت ، اقعدي يا شاطرة في جنب وانتِ طول الازازه كده
- بصدمه:- انا طول الازازه يا انسان بمخ حمار، طب والله لعملهولك غصب عنك
- هتيجي لمده اسبوع عشان اشوف جروحك
- العشم قاتلك ، ابقي قابليني لو جيت
-بثقه:- هتيجي
-بخبث:- هعمل معاكِ اتفاق ، لو جيت لمده اسبوع ، هعرفك بنفسي ، وانتِ كمان تعرفيني بنفسك
-بحماس:- اتفقنا
"تاني يوم فضلت قاعده تستناه طول اليوم مجاش "
-هخسر الاتفاق ، مفيش امل
- عز باشا مال حضرتك
- بألم بس بيكابر :- مفيش يا ادم يمكن من الجروح متقلقش هبقي تمام ، انا محتاج بس امشي دلوقتي
-تحب حضرتك اجي اوصلك البيت؟
- لا لا مفيش داعي
-تمام يا باشا ابقا سلملنا ع سياده اللواء
-يوصل ان شاء الله
- انت جيت يا عز
-بإرهاق:- اه يا بابا
-بقلق :- مالك يا حبيبي
-مفيش تعبان شويه ، تقريبا من الجروح
-طب يلا هنروح المستشفي حالاً
-بس ..
-مفيش بس يلا بقولك
- ابن حضرتك مبيسمعش الكلام
" بصلها بحده بمعني اسكوتي"
-ايوة مبيسمعش الكلام ، امبارح جه بجرح خيطه وكان ملتهب ، والجرح التاني ملتهب جداً ، وقولتله ومفيش فايده ، انا دلوقتي نضفتهم وغيرت عليهم ، ودي حقنه مسكن لازم تاخدها، والمضاد حيوي دا
- بصله بضيق:- ايه الكلام دا يا عز ، مش قولتلك تتابع جروحك ، افرض جالك تسمم ، تموت ؟
-بابا انا مستنيك في العربيه
- بص لمكانه بحزن :- انا اسف يا بنتي
- هو انا ممكن اسألك حضرتك ع حاجه ؟
-اتفضلي يا بنتي
- هو ليه عز كده ، غريب جداً
-عز شاف كتير ومر بحاجات كتير صعبه ، انا اسف بس دي حاجه تخصه مقدرش احكي اي حاجه ، هو لو عايز هيحكي غير كده مقدرش انا اسف اللي اقدر اقوله انه فقد كتير ، غير أن شغله صعب تقدرى تقولي كده موت قلبه
-فهمت " في نفسها انا لازم اعرف "
- انا رجعت يا ماما
-اهلا يا نور عيني
-اذيك يا حبيبتي
- الحمد لله وانتِ
- تمام، عايزة اتكلم معاكي يا ماما
- تعالي يا حبيبتي اقعدي
"حكتلها كل حاجه من اول ما شافت عز لدلوقتي"
- لا حول ولا قوة الا بالله، معقول في حد كده
- مش عارفه يا ماما ، الموضوع مُريب اصلا ً ، اعمل ايه ؟
- بصي يا ريحانه انا عارفه انك بتحبي تعملي الخير وتساعدي الناس ، بس متتعديش حدودك يا بنتي ، اعملي اللي يرضي ربنا وبس ، انا واثقه فيكِ وعارفه انك مش هتغلطي في حاجه
-متقلقيش يا ماما انا عارفه حدود ديني كويس ومش هعمل اي حاجه تغضب ربنا
-ربنا يقويكِ يا بنتي
"عدي اسبوع وفعلاً عز اتلزم الاسبوع كله وبدل ما كان عز الهمجي بقي عز الهادي "
-اذيك يا سيادة المقدم
- الحمد لله انتِ عامله ايه يا دكتورة
- الحمد لله، تسمح
-اه طبعاً اتفضلي
- تمام كده الحرج دا تمام خالص ، والتاني بكرة ان شاء الله نفك الخياطه ، وكل حاجه هترجع طبيعيه
- ببتسامه صافيه :- انا متشكر جداً ، متشكر ع حاجات كتير
- ببتسامه :- العفو
- هو انا ممكن اطلب منك طلب بما انك كسبتي الاتفاق
-اه طبعاً اتفضل
-ممكن نخرج ، نروح مكان نتكلم فيه
-احم ، انا اسفه بس مينفعش ، لو حابب تتكلم اتكلم هنا ، وحرام اني اخرج معاك بدون ضرورة ، حضرتك فاهم طبعاً ، انا ممكن اقضي وقت بكرة واعتبر اني بقيت دكتورة نفسيه وتيجي تتكلم هنا واوعدك اني هسمعك بمنتهي التركيز
- ببتسامه:- تمام جداً بكرة نتكلم ، بعد اذنك
"روحت قالت لمامتها كل حاجه "
-عين العقل يا بنتي ، انا فخورة أنك بنتي
-حبيبتي يا ماما ، انا بحبك جداً
-وانا ياروحي بحبك اكتر ، ربنا يكرمك يارب ويرزقك بإبن الحلال وافرح بيكِ
- بضحك:- زهقت مني يا ست الكل
- لا يا حبيبتي عايزة افرح بيكِ
-باست ايدها :- ربنا ما يحرمني منك يا حبيبتي
- مساء الخير
- مساء النور
- انا قولت اجي بعد ما تخلصي كل الكشف عشان نتكلم براحتنا
-ببتسامه:- انا خلصت فعلاً ، هفكلك الخياطه الاول وبعد كدا ننزل في جنينه المستشفي
-تمام
- اولاً انا حابب اعتذر منك ع اول يوم جيت فيه هنا وع اللي عملته ، واسف ع معاملتي معاكي
-ولا يهمك ، انا كمان اسفه ع اي كلمه ضايقتك فيها
- انا اسمي عز عندي 28 سنه ، انا مقدم انتِ عارفه دي طبعاً ، انا عارف انك سألتي كتير ، انا ليه كده، ليه شخصيتي وحشه ، معاملتي، افعالي ، كل ده
بصلها :- انا هجاوب
-قبل ما تجاوب ، انت متعرفيش لسه ، انا اسمي ...
-ريحانه ، دكتورة ريحانه
- بصتله بصدمه :- انت عرفت منين انا فاكرة اني مقولتلكش وحتي محدش نادي عليا قدامك
- انا مقدم بقولك ، عارف انك كل حاجه من اول يوم جيت فيه هنا ، اسمك ريحانه 23 سنه لسه متخرجه ولانك متفوقه اشتغلتي ع طول ، عايشه مع مامتك ، باباكي متوفي ، ملكيش أخوات ، ساكنه في ...
- بصدمه :- اييييييه عرفت كل دا
- ببتسامه:- كنت لازم اعرف
-بعدم فهم :- ليه ؟
- ببتسامه حب :- 5 دقايق بالظبط وهتعرفي
-بضحك :- طب اتفضل كلي أذان صاغيه
-من سنتين والدتي اتوفت بعد ما صارعت المرض ، وكانت خفت فجأه راحت مني ، مات بين أيدي، والدتي كانت اقرب واغلي حد في حياتي ، لدرجه اني كنت بروح انام عند قبرها بالأيام ومش عايز اسيبها ومش متخيل أنها راحت مني ، مكنش ليا علاقه بأي حد غيرها ، "عينه دمعت" آخر كلمه قالتهالي بحبك اوي ، انا هبقي ساكنه في قلبك، هبقي لفحه النسيم اللي بتحس بيه ، في الهوا اللي بتسمع صوته ، هبقي معاك دايماً
-بعدها بسنه اخويا اتقتل ، كان تؤامي ، كنا في مهمه وقتلوه غدر ، واللي قتله هرب وانا لغايه دلوقتي في اي عشان اخد حقه "بغل" لازم اشوفه بيتعدم قدام عيني
-بعياط :- كل دا وجع ، "مسحت دموعها وابتسمتله " كمل انا سمعاك
- بصلها :- انا كنت منطفي ، مكنش فارق معايا حاجه كنت مستعد الاقيه واقتله انا بإيدي ومش هيفرقلي اموت بعدها ولا لا ، ومكنتش خايف ومعنديش نقطه ضعف ، المهم حق اخويا
لكن دلوقتي ، معتش ينفع كل اللي عليا الاقيه والقاضي يحكم
بص في عينيها جامد :- ريحانه ، من وقت ما شوفتك وانتِ في بالي ، من وقت ما شوفتك وانا بفوق ، من وقت ما شوفتك كل حاجه اتغيرت ، الإنسان الهمجي بقا هادي وعقله فاق ، بقيتي نقطه ضعفي ، بقيت اخاف اخسرك ، كنت تايهه ومليش بيت ، دلوقتي حاسس اني لاقيت بيتي
ريحانه ، تقبلي تبقي بيتي ، بيت لقلبي في حزني وضغفي وفي قوتي وتشاركيني في كل حاجه
- " بعياط هزت راسها " بـ اه
-بفرحه:- هجيب بابا ونجيلكوا البيت
"بعد سنه ، عز لاقي القاتل واتحكم عليه بالاعدام وارتاح نفسياً وشغله ماشي كويس جداً "
-ريحانه ، ريحانه
-ايه يا حبيبي انا في المطبخ
-باس رأسها :- عامله ايه يا حبيبتي
- الحمد لله انت عامل ايه النهارده
-كويس جداً الحمد لله ، انتِ واقفه في المطبخ ليه مش قولتلك ارتاحي ومتعمليش حاجه
- يا حبيبي م انا بعمل الغدا كنت هتيجي تاكل ايه
-كنت هجيب اكل ياستي ، قوليلي زغلوله عامله ايه
-مسكت بطنها بغيظ :- متقولش ع بنتي زغلوله دي هتبقي قمر
بحب:- قمر ليكِ يا روحي
- لا دي هتبقي جميله زيك
- باس جبينها :- بحبك يا بيتُ قلبي و مسكني
- وانا كمان بحبك يا مأمني وأماني
”أنا بيتُ قلبك في الفصول جميعها، يامنزلي و وسادتي وأماني.“
