الفصل الثاني
_بتهزر صح
_أنا داخل أنام
_استنى هنا رد عليا
_لأ مبهزرش ي داليدا وحاولى تتأقلمى بقا مع الموضوع عشان والله العظيم تعبت
"هيتجوز!! جاسر هيبقى لحد تانى غير داليدا! معقول!!!
كده مين فينا غلطان! هو علشان مش قادر يستحمل عيوبى ولا أنا علشان مش عاوزه حد يشاركنى فيه!
هو أنا وحشه!!؟ أنا كده أنانيه؟!"
***
"صحيت تانى يوم ملقتهاش فالبيت برن عليها موبايلها مقفول بس لقيتها بعتالى رساله ع الواتس من ساعتين"
_فاضل 3 أيام على يوم الخميس ، لو فعلاً هتروح تتقدملها أو تتكلم مع أهلها ف ياريت تطلقنى ي جاسر ، اوعى تفتكر انى بحاول اضغط عليك بالطريقه دى بالعكس والله أنا مش هزعل منك مهما كان قرارك وبطلب الطلاق علشان مش هقدر اشوف حد بيشاركنى ف جوزى ، متحاولش تتصل بيا علشان مش هقول أكتر م الكلام ده .. ومن حقك تتجوز وتخلف ي حبيبي وصدقنى هتكون أب عظيم وحنين أوى ووقتها هكون أنا أكتر حد فرحان عشانك
_قومى يا داليدا عشان تتغدى
_ماليش نفس ي ماما
_يابنتى انتى بقالك يومين مأكلتيش
_ي ماما والله شبعانه
_مش هتقوليلى جاسر مزعلك فى اى!
_مش مزعلنى ولا حاجه هو مسافر عشان شغله ولما يرجع م السفر هيجى ياخدنى وأنا بس متضايقه علشان هو واحشنى
_ربنا يخليكوا لبعض يابنتى
_يارب ي ماما يارب
"الباب خبط جريت عليه ومتأكده انه هو"
_مدام داليدا ؟
_أيوه أنا
_طب من فضلك امضى هنا لاستلام الظرف ده
_حاضر
"قلبى اتقبض أول ما مسكت الظرف"
_مين ي داليدا
_هااه .. ده واحد كان متلغبط ف الشقه ي ماما
"دخلت أوضتى وقفلت الباب ، فتحت الظرف وبتمنى ان احساسى يكون غلط..
بس للأسف احساسى طلع صح .. طلقنى وباعتلى ورقه طلاقى كمان! .. هونت عليك ي جاسر!!
ف الأول والآخر هو عنده حق ، هو بس نفسه يسمع كلمه بابا .. يارب هون عليا"
"خبيت ع ماما الموضوع لو عرفت هتزعل وتتعب وهى عندها السكر ومش عارفه هقولها امتا وازاى"
***
"عدت الأيام وعرفت بالصدفه ان فرحه النهارده ، أنا قلبى بيعيط والله مش بس عينى ، مش زعلانه منه بس زعلانه انى من غيره ، وحشنى أوى .. يارب هون عليا فراقه أنا راضيه والله ومش معترضه ع حاجه بس صبرنى وساعدنى اعدى الفتره دى
اتوضيت وصليت وعيطت ، عيطت كتير أوى يمكن أخف بس مفيش فايده ..
خلصت صلاه ولقيت الباب بيخبط ، ماما برا وكالعاده بتنسى تاخد المفتاح معاها"
_حاضر حاضر جايه .. نفسى مره تفتكرى المفت.... (بفتح الباب لقيته) : جاسر!!!
_هتسبينى واقف ع الباب كده!
_اتفضل
_ماما فين!؟
_عند جارتنا و زمانها جايه
_كويس
_خير!؟
_فرحى النهارده وكنت جاي اعزمكم
"سمعت الجمله دى وعيطت"
_داليدا !!! متعيطيش بالله حقك عليا .. بهزر والله
_انت بقيت وحش أوى
_بطلى عياط انتى عارفه انى مبحبش اشوف دموعك
_امشى اطلع برا
_هنمشى انا وانتى يلا حضرى هدومك
_لأ أنا بكرهك
_طب تعالى ف حضنى عشان وحشتينى
_روح احضن عروستك
_مفيش عروسه
_يعنى اى
_يعنى مش هقدر استغنى عنك ، مقدرتش اكمل مع حد غيرك ، هي حست ده وشافته ف عيني وفركشت الفرح من قبل ما يتعمل
_ ...............
_حقك عليا أنا عارف انى قسيت عليكى الفتره اللى فاتت
_جدا
_أنا آسف
_ماشى
_خلاص بقا سامحينى وانا مستعد اعمل العشا لمده 3 ايام
_بتقول اسبوع!
_(بضحك) اسبوع
_هتفسحنى كمان!
_هفسحك
_هنروح دريم بارك؟!
_هنروح دريم بارك
"أحبنى قلبٌ لا يعرف الخذلان ، أحبنى رجلٌ"
#تمت
