Ads by Google X

روايه عتيق قلبي الفصل الاخير


 الفصل الاخير

• بعدما أدهم ضرب مامته واخته وراحوا المستشفي البيبي اللى في بطن رهف نزل واتعرضت لبعض الكسور والكدمات ووالدتها برضو أيدها ورجلها اتكسرت ( سبحان الله ولسه في البارت ده هشردكم يا وليه انتى وهي ) المهم أدهم روح البيت وكان متضايقه بس اتصدم من اللى شافه
• أدهم بصدمه : أيده ده يا هند بتعملى إيه
• هند بلا مبالاه : اللى انت شايفه ومليكش عين تفتح بؤقك وتتكلم يا حرامى
• أدهم : جايبه واحد في سرير ومش عايزانى اتكلم يا حقيره
• هند : سرير مين يا حبيبي ده اصلا بيتى انت هتطلع بره وتطلقنى انا بكرهك ياحرامى وحياه امى لاسجنك يا أدهم
• أدهم اتعصب ونزل في هند ضرب وهي برضو بتضربوا وجم الناس اللى في الفيلا على صوتهم وحاولوا يفرقوهم عن بعض وأدهم انتهز الفرصه وجاب سكينه كانت موجوده جنب الفاكهه وضرب بيها هند وسابها وجرى حاولوا يجروا وراه ملحقوهوش وراح بسرعه على البيت عندهم ياخد الفلوس اللى هناك ويهرب راح ودخل قعد يدور على الفلوس ملقيهمش
• أدهم : أنتى يا وليه يااللى اسمك سحر ومسكها من هدومها فين الفلوس اللى كنت شايلها معاكى هنا
• أم أدهم : مش ليك عندى ولا مليم يا حيوان ده انا فنيت عمرى عليك وضيعته علشان اشوفك حاجه كبيره وانت بتضربنى على اخر الزمن يا حقير يا زباله
• أدهم : واموتك كمان يا وليه انتى فاكره أيه هتسرقينى تانى وهسكتلك انتى اصلا اللى عملتى فيا كل ده خليتينى انسان مختل بيدور على إزاى يسرق وينهم ويقتل وبس منك لله يا بعيده منك لله
• وزقها اتخبطت دماغها في الترابيزه حاول يفوقها مفاقتش قعد يعيط ويقول
• أدهم :قتلتها وقتل هند انا لازم أهرب بس مش ههرب لوحدى لازم اخد عتيق معايا هى الوحيده اللى مكانتش عايزه منى حاجه ولا فلوس ولا تغيظ حد ولا اى حاجه هى الوحيده اللى بتحبنى لازم أخدها معايا وخد بعضه ومشي
• عند هند لحقوها للمستشفي وبلغوا البوليس
• لبست عتيق فستان احمر طويل مقفول وسابت شعرها وحطت روج وماسكارا وبقت قمر
• لبس مراد بدله زرقه وقميص اسود وبقي سكر ونزلوا قصاد بعض على السلام واول ما اتجابلوا وش لوش مسك إيدها وباسها وقالها جاهزه ردت بأيه
• وراحوا على يخت جميل وكانت الموسيقي هاديه
• مراد : عتيق شكلك زى القمر النهارده
• عتيق بكسوف : وانت قمر
• مراد : بس ناقص حاجه واحده بس غمضي عيونك
• عتيق غمضت ومراد لبسها سلسله رقيقه لراقصه باليه فيها فصوص جميله ورقيقه فوق الوصف فتحت عيونها وشافتها







• عتيق : الله يا مراد حلوه قوى
• مراد : عمر ما في حاجه أجمل منك يا توكا انا عايز اعترفلك اعتراف انا بحبك قوى بحبك من اول ثانيه شوفتد فيها عمرى ما اتمنين اشوف حد طول الوقت او افكر فيه زى ما بفكر فيكى انا مش بس بحبك انا بعشقك لو ممكن تقضي معايا اللى باقي من عمري عارف والله انك خايفه وان اللى شوفتيه في حياتك يخليكى تخافي تقربي بس والله انا مختلف انا بجد بحبك ومش عايز منك اى حاجه غير انك تحبينى ارجوكى وافقى
• عتيق : وانا عايزه اعترفلك ان حياتى قبلك مكانتش أبدا حياه يا مراد انا أكتشفت نفسي معاك ومش عايزه حاجه من الدنيا دى الا انت وانا بحبك قوى
• مراد وقف على رجل ونص وطلع خاتم وقال لعتيق
• مراد : تسمحي لى تبقي عتيق قلبي
• عتيق : موافقه يا مراد انا بحبك قوى
• ولبسها الخاتم ولقت حواليها هدى ووالدتها وجيجي ووالده مراد وكلهم احتفلوا سوا بالخطوبه دى وقضوا يوم سعيد قوى
• وروحوا وناموا باحلام سعيده
• الصبح الجميع صحيوا بنشاط وكل واحد راح شغله وكله كان تمام
• وعدت ايام كتير واتجوزت هدى وعمر وسافرو شهر العسل ورجعوا
• رهف بقت مكتئبه قوى من اللى حصل ليها و لامها وضياع ابنها ومستقبلها ومبقتش تخرج من الاوضه ولا تكلم حد
• أدهم بيحاول يخطط للهرب لان والد هند اتهمه بالشروع في قتلها وقدم الشيكات بمبالغ كبيره تحبس أدهم عمره كله
• رهف بتفتح الفون لقت ان فرح شادى النهارده وهو مبسوط ومتصور صور وهو فرحان وسعيد جدا مع خطيبته
• رهف : اه يا حقير دمرتنى ودوست عليا ودلوقتى فرحان ومبسوط وهتتجوز بسببك ضيعت شرفي وضيعت احلامى وحياتى وامى اللى تعبانه بسبب اللى حصلى انا هوريك يا شادى مش هسيبك مهما حصل يا انا يا انت
• هند : والله وبقيت عريس يا شادى وهتتجوز
• شادى : عقبالك يا دودو 😂😂😂 ولا انتى مش بيعيشلك رجاله والله يا بنتى لو كنتى من تيمى كنت اتجوزتك بس احنا كيميتنا مش واحده يا قلبي
• هند : انت عايز البنات الخفيفه يا واد رهف عبير سها كده لكن انا بنمر على التقيل انا عايزه اتجوز مراد ومفيش حد هياخده منى أبدا مهما كان مين
• شادى : اكنك بتتكلمى عن فستان او طرحه عجباكى ده واحد راجل وبيحب وعمره ما هيبصلك فوقي يا هند
• هند : مستحيل ده ليا ومش لحد يا شادى وهتشوف
• أدهم كان بيراقب عتيق وبيشوفها بتخرج وبتروح وتيجى أمتى علشان يقدر يخطفها وجاتله الفرصه وكانت عتيق بتقفل المحل وهتروح راح هو حط سكينه على رقبتها وقالها اركبي العربيه واول ما ركبت نيمها واخدها ومشي بسرعه
• كانت عتيق هتقابل مراد واتأخرت عليه وهو قلق وقعد يرن على فونها مردتش ورن على هدى قالت انها كلمتها وقالتلها ان خي بتقفل ورايحه لمراد وفضل يرن لحدما رد أدهم عليه
• مراد : عتيق انتى فين يابنتى قلقتينى عليكى
• أدهم : عتيق مش هتشوفها تانى هى مش عايزاك وبتحبنى انا وهتفضل معايا انا
• مراد : أدهم عتيق فين لو عملتلها حاجه انا هقتلك فاهم هقتلك ومش هيكفينى
• أدهم : انا مبتهددش يا زفت انت عتيق من حقي من الاول وهتفضل من حقي للابد وانت مش هتشوفها تانى هنرجع لاول مكان جمعنا ونعيش سوا
• وقفل في وشه ومراد كان هيتجنن وبلغ البوليس وحكالهم اللى حصل وجمع رجال كتير وخلاهم يدوروا في كل مكان عليها
• عند شادى خلص فرحه وطلع على شقته هو وعروسته وكان باين عليه الفرحه
• شادى : اتفضلى يا عروسه
• شيري بكسوف : شكرا
• شادى : احلا حاجه بحبها فيكى الكسوف والله انا طول عمري بحبك يا قلبي ربنا يخليكى ليا انا هتغير علشانك وهفضل معاكى طول العمر انا عمرى ما حبيت غيرك ولا هحب غيرك يا روح قلبي انت
• شيري : وانا بحبك قوى يا شادى والحمدلله ان ربنا هداك وبقيت كويس مش بتاع بنات علشان كده وافقت اتجوزك يا حبيبي
• شادى : طيب يالا يا قلبي نغير هدومنا
• شيري : تؤتؤ خليك هنا انا هدخل وبعدين هخرج بسرعه
• شادى : ماشي وانا هغير في الحمام وهستناكى
• دخلت شيري ودخل شادى اخد دوش وسمع دوشه بره بس مهتمش وكمل الدوش وخرج وخبط على شيري كتير بس مردتش عليه دخل بعدما حاول يكسر الباب لقي شيري مربوطه ومتعوره في كل جسمها وبتنزف ولقي رهف لابسه هدوم شيري وكل هدومها دم من شيري
• شادى بصدمه : انتى ايه اللى عملتيه ده يا مجنونه حسابك معايا بعدين
• وزقها وجري على شيري يفكها جت رهف من ضهره وضربته بالسكينه فصرخ
• رهف : فاكر هتدمر حياتى وهسيبك انت قتلتنى وقتلت كل احلامى وطموحاتى وأبنى وبسببك انا دلوقتى قتلتك ليه محبتنيش زى ما حبيتك ليه عملت فيا كده ليه سرقت فلوسي ليه يا حقير بس انا دلوقتى اخدت منك حقي اخدته كله وقعدت تضحك بهستيريا مع بكاء وفضلت تطعن فيه لحدما لفظ كل انفاسه وسكن جسده وذهبت روحه الى باريها
• وشيري منهاره من البكاء ومن اللى بتشوفه قدامها بيحصل








• رهف : أنتى ملكيش ذنب بس كان لازم اعمل فيكى كده علشان احرق قلبه انا سمعته وهو بيقولك انه محبش غيرك ونه اتغير علشانك كان لازم احرق قلبه زى ما حرق قلبي كان لازم يموت وهو فاكر انى هقتلك زى ما قتلته بس انا هسيبك لانك ملكيش ذنب وكفايه الذنوب اللى على كتافي عارفه انا هموت وانا عارفه انى هدخل النار بس همووت مرتاحه لانى عمرى ما سبت حقي لحد وانا اللى بظلم مش بتظلم وهو شادى بس اللى ظلمنى ده واحد حقير متعيطيش عليه انا عيطت عليه كتير عيطت لكل الناس اللى أذاهم وتعبهم في حياتهم أخدت حقي وحق كل البنات اللى راحت ضحيته وفكت رهف شيري وقالتلها أمشي وسيبينى معاه نتفاهم مرديش يتفاهم معايا وهو حي هنتفاهم سوا بعدما مات وفضلت تضحك وهي بتطعن فيه تانى كأن الطعن فيه بيريحها وبياخدلها حقها اللى هي ضيعته بإيديها لو هي بتفكر وتشوف كويش وكان عندها ام تقولها على الصح مكانتش وقعت في اللى هي فيه دلوقتى
• مراد كان بيدور على عتيق في كل مكان وكان هيتجنن لحدما هند جاتله وقالتله انها بتحبه ويسيبه من عتيق دى ويرجعلها وهو طردها تانى للمره المليون وقالها انه عمره ما حبها ولا هيحبها وهند حلفت لتقتل عتيق ولا انها تبقي لمراد
• عتيق فاقت : انا فين
• أدهم : أنتى في بيتنا يا حبيبتى واخيرا بقينا سوا مش هسمح لماما ورهف يتدخلوا بينا تانى ونعيش سوا ونتجوز ونخلف اجمل اولاد
• عتيق : فكنى يا أدهم انت اتجننت ده لو انت أخر واحد في الدنيا لايمكن اعيش معاك
• أدهم : علشان مراد مش كده خلاص هقتلهولك ونرتاح منه انا اصلا مبحبوش ومش عارف الواد ده عايش ليه في الدنيا دى أى حد هيقرب منك هقتله يا عتيق انا مبهزرش
• عتيق حاولت تفك نفسها واتخانقت هى وأدهم وضربها أدهم وفقدت الوعي
• أدهم : انا أسف يا حبيبتى انتى بس زعلانه منى دلوقتى وبعدين هتفهمى انى قد إيه بحبك
• مراد قعد يفكر في مكالمه أدهم واللى حصل بينهم وافتكر جمله هنرجع لاول مره كنا فيها مع بعض ونعيش سوا وبلغ البوليس وراح هو وعمر بسرعه لشقه والد عتيق
• وطلعوا جري وحاولوا يكسروا باب الشقه ودخلوا لقيوا عتيق فاقده الوعي وادهم اول ما حس بيهم حط على رقبتها سكينه وقال أنت أزاى تدخل بيتى كده انت مجنون اطلع بره
• مراد : سيب عتيق يا أدهم وانا هعملك اللى انت عايزه
• أدهم : انا عايز اقتلك
• مراد : تمام سيبها وتعال اقتلنى
• أدهم : صح انت عندك حق انت اللى واقف بين وبين عتيق
• ورمى عتيق على الارض وفضلوا يضربوا بعض وأدهم بيحاول يضرب مراد بالسكينه
• والبوليس جه وحاولوا يمسكوا أدهم بس كان أصاب مراد بالسكينه في كتفه
• ومؤاد مهتمش للى حصله وحاول يفوق عتيق وفاقت وشافت الدم وخافت عليه قوى وبلغوا الاسعاف وهو طمنها انه بسيطه ومش موجوع المهم انها بخير
• وهم نازلين كانت هند مستنياهم وماسكه مسدس وقالت
• هند: انت ليه مش ليه مش عايز تحبنى وبتحب دى انا عملت علشانك كتير ومش هسيبك لحد غيري يا مراد لو مش هحصل عليك مش هخلى حد غيري ياخدك
• وضربت نار على عتيق ووقعت عتيق ومراد فضل يزعق الحوا عتيق بسرعه وراحوا على المستشفي
• والحمدلله كانت الرصاصه مجرد خدش ومراد برضو ربنا ستر عليه وبقي كويس
• وهند وأدهم اتسجنوا الاتنين بتهمه محاولات قتل عديده كده وأدهم في اختلاس اموال وقرض من البنك وشيكات وليله كبيره قوى سعادتك يعنى
• ورهف قتلت نفسها بعدما سابت شيري تمشي
• وأم أدهم اتشلت لما عرفت اللى حصل لاولادها وفقدت النطق ( كنت هموتها بس الموت راحه للوليه دى وقولت خليها تتعذب احسن طول عمرها اصل انا شريره حبه )
• مراد وعتيق اتجوزوا وعاشوا حياه حلوه قوى كلها حب وتفاهم ومتخلاش طبعا من الخلافات البسيطه ودلوقت هي حامل
• وهدى خلفت بنت وولد وسموهم مراد وعتيق
• مراد وعتيق سافروا يلفوا الدنيا ويتفسحوا ويعيشوا حياتهم وهم الاتنين كانوا خير عون لبعض
• اهم شيء في الحياه انك متقبلش باى حد وخلاص لازم تقبل باللى شبهك واللى بيحبك بجد وكل واحد بيشوف قدامه كل الاعلامات وبيتجاهل بس علشان يوصل لحاجه نفسه فيها ويكتشف انه كان بيدور على سراب حافظوا على قلبكم من الخداع وافتحوه للحب ربنا يرزقكم كلكم باللى شبهكم واللى يحبكم علشانكم انتوا وبس ودومتم سالمين ❤❤❤❤
قولولى رأيكم بقي ياتى دى نهايه حلوه ولا لا وعايزين القصه الجايه اكشن ولا هاديه ولا رومانسيه
دومتم سالمين ❤❤



بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-