Ads by Google X

القائمة الرئيسية

الصفحات

روايه عتيق قلبي الفصل الخامس


 الفصل الخامس

• عتيق وهدى راحوا المول يحتفلوا ويرجعوا يجيبوا مامتها وتتصل عتيق بمراد ياخدهم علشان يروحوا القصر
• رهف : انا وصلت المول يا شادى أنت فين يا حبيبي
• شادى : انا هنا شايفك اهو خليكى مكانك انا جايلك
• أدهم بيحاول يفوق هند علشان يروحها وهو ماسك هند وماشي شاف عتيق هي وهدى بيضحكوا وبيشتروا حاجات سرح في وش عتيق وقال كنت غبي وسيبتك من إيدى بس ملحوقه انا عارف إنك لسه بتحبينى ومستنيه إشاره من إيدى هتجوز هند واخد منها اللى انا عايزه وارجعلك يا حلوه ( تفكيره قذر زيه )
• رهف : أيه رأيك يا شادى حلو الفستان
• شادى : يقرف أيه القرف ده وحش قوى وشكلك زفت قوى فيه
• رهف بدموع : خلاص لو مش عاجبك نغيره
• شادى : ده مقفل قوى يا حبيبتى احنا رايحين نصيف يعنى ضهر عريان رجل باينه كتف حلو كده يعنى
• رهف : دى ماما كانت تموتنى يا شادى لو عملت كده
• شادى : خلاص يا رهف مفيش خروج معايا كل حاجه ماما ماما ماما انا زهقت انا عايز البنت اللى أتجوزها تقولى أمين على اى حاجه اقولها عليها
• رهف : خلاص يا حبيبي هدخل اقيس واطلعلك
• شادى : ماشي يا قلبي
• ودخلت رهف لبست فستان يانهار معاكسات يا عم الحج يظهر أكثر ما يخفي فاضح جدا جدا يعنى واختارت هى وشادى كام فستان ومايوهات وهو جاب لبس كتير
• هدى : مش دى رهف يا عتيق
• عتيق : اه
• هدى : أيه اللى لبساه ده دى لو في حمام بيتهم مش هتلبس كده
• عتيق : ملناش دعوه بيها يا هدى تعالى نكمل اللى كنا بنعمله
• رهف لاحظت وجود عتيق وحبت تدايقها
• رهف بقرف : إيه ده عتيق بتعملى إيه هنا بتشتغلى أكيد بس الناس اللى هنا زوقهم بقي بيئه للدرجادى يشغلوا الاشكال دى
• هدى : والله الاشكال دى ضافرها برقبتك بصي في المرايه يا حبيبتى الاول وبعدين أتكلمى وانتى شبه البوعبوع كده
• عتيق : إمشي يا هدى يالا بينا بقي كفايه ممكن
• شادى : تمشي فين يا قمر مش نتعرف الاول
• مراد وكان متابع من الاول كل الحديث : أيدك يا شادى متتمدش احسنلك
• شادى : مراد وانا عملت إيه بتعرف على الحلوين
• مراد : يالا يا عتيق أتأخرنا على ماما
• رهف : وده مين ده كمان يا ست عتيق
• عتيق بلا مبالاه لها : اوك يلا يا مراد انا تقريبا خلصت انا وهدى هنعدى نجيب طنط مامته هدى ونمشي
• شادى : يالا يا اوفا علشان ندفع تمن الحاجات دى ونروح
• رهف : تمام








• شادى عند الكاشير : اوووبس ده انا نسيت اجيب الكريديت بتاعتى معاكى فلوس يا اوفا
• رهف : طبعا يا حبيبي معايا ٥ الاف جنيه
• شادى : يا حبيبتى ده فستان واحد من اللى نقيتيهم ب ١٠ الاف جنيه احنا محتاجين ١٠٠ الف جنيه وانا بيتى بعيد وعندى مشاوير مش هعرف اروح وارجع
• رهف : طيب هنسيب الحاجه هنا ولا هنعمل إيه
• شادى : إتصلى باى حد ييجي يدفع تمن الحاجات وانا هبقي اما اشوفك المره الجايه هديلك الفلوس
• رهف بتوتر : اممممم اصل انا
• شادى : خلاص يا اوفا مش عايز منك حاجه انا هبقي اتصرف ده اول طلب اطلبه في حياتى منك
• رهف : خلاص هتصرف يا حبيبي متقفشش كده بقي
• شادى : طيب انا مضطر امشي دلوقتى سيبي حاجتى بعدما تدفعي الحساب وانا هقولهم يبعتوها على الفيلا يالا سلام يا قلبي وانا هديهملك ١٥٠ الف جنيه انا مباكلش حق حد
• رهف : سلام
• ومسكت الفون ورنت على مامتها
• رهف : الو ياماما تعاليلى حالا دلوقتى وهاتى معاكى ١٠٠ الف جنيه من فلوس ادهم
• أم أدهم : ينيلك يا بعيده عملتى مصيبه إيه
• رهف : معملتش حاجه يا ماما وحكتلها اللى حصل
• أم أدهم : ده لو اخوكى عرف ان أخدنا فلوس من اللى شايلهم هيموتنا يا بعيده منك لله
• رهف : يا ماما ده قالى هيرجعهملى ١٥٠ الف يعنى انا اللى كسبانه هدوم وفلوس
• أم أدهم : خلينى وراكى يا بنت بطنى لحدما تودينا في داهيه خليكى وجايالك بالفلوس
• وجت امها ودفعت الفلوس واخد كمان الف جنيه تمن توصيل الهدوم لفيلا شادى
• أدهم أخد هند على البيت وباباها مسكه علشان يتكلم معاه
• بابا هند : أدهم تعال عايزك
• أدهم : تحت أمرك يا باشا
• والد هند : الفرح خلاص بعد إسبوعين خلصت الشقه ولا لسه
• أدهم : انا أخدت قرض علشان الحق اخلصها يا باشا والله
• والد هند : بكره الصبح تجيلى المكتب علشان تمضي على الشيكات
• أدهم : يا باشا بلاش حوار الشيكات دى انا مقصرتش معاك في حاجه
• والد هند : انا بعمل اللى يضمن حق بنتى يا أستاذ انا اصلا مش طايقك ولا عايز اشوف وشك لولا هند متمسكه بيك كنت رميتك بره الشركه من اول يوم جيت تطلب أيد بنتى
• أدهم : انا بحب هند ومستعد اعمل علشانها أي حاجه
• والد هند : خلاص بكره هتيجى تمضي شيكات على بياض
• أدهم : تحت أمرك يا باشا عن إذنك
• بعدما مشي ابو هند طلعلها
• والد هند : إحنا لسه على البر يا بنتى سيبك من الزفت ده وهجوزك الاحسن منه
• هند : هترجعلى مراد يعنى
• والد هند : أنتى اللى ضيعتى مراد من إيدك وضيعتى عليا صفقه بملايين بسبب طيشك
• هند : خلاص بقي سيبنى في حالى
• والد هند : انا غلطان أنى بنصحك بكره هتعرفي وتشوفي ان مفيش من ورا أدهم ده خير أبدا
• عند عتيق اخدوا ام هدى وراحوا على القصر
• ام مراد ست حلوه كده وفي حالها وسبور قوى ولطيفه فوق الوصف جيجي اخت مراد بنوته سكره في الجامعه تشبه مراد هم عيله تتاكل اكل كده كلهم
• والده مراد اسمها اميره : نورتينا يا عتيق يابنتى مراد بقاله سنه بيدور عليكى يا حبيبتى
• عتيق : ربنا يخليكى يا طنط يارب ويكرمك
• جيجي : أخيرا في بنت غيري في البيت ده
• عتيق : ده انتى بونبونايه البيت ده يا قمر
• جيجي : تعالى اوريكى اوضتك أنتى وهدى وماما توري طنط سعاد اوضتها
• هدى وعتيق : يالا بينا
• وفضلت البنات يتكلموا ويتعرفوا فتره طويله واكتشفوا أنهم متشابهين ومنسجمين قوى
• رهف سافرت مع شادى
• شادى : يالا







• وعدت الايام وحبوا بعض جدا وبقوا اصحاب وعتيق لقيت انها ملهاش في جو الشركات ده خالص وقالت هتعمل مشروع ليها مختلف لحاجه بتحبها
• وفتحت عتيق محل للانتيكات لانها عندها الهوايه دى زى باباها اللى سماها عتيق للسبب ده
• وفي يوم راحت عتيق الشركه علشان مراد قالها عايزها علشان يراجعوا حبه حاجات سوا
• وعتيق راحت له وكانت جايه هند لمراد علشان تعزمه على فرحها وأدهم قالها هيشوف حد صاحبه ويحصلها عند مراد
• دخلت هند عند مراد وقربت عليه علشان تحضنه مراد بعد عنها وقالها
• مراد : اهلا يا هند من بعيد لو سمحتى علشان في كورونا دلوقتى
• هند : اخص عليك يا مراد ده انا بسلم عليك
• مراد : ما انتى متعوده تحضنى الرجاله بس انا مش متعود احضن حد أسف
• هند : مش هتنسي بقي يا مراد ده موضوع حصل من ٣ سنين وخلاص بقي
• مراد : قولى جايه ليه وخلصينى يا هند عندى شغل
• هند : وبصت لعتيق بغيره وحقد : اه ما اهو باين الشغل يا حبيبي انا كنت جايه اعزمك على فرحي
• مراد : ان شاء الله هنيجى انا وعتيق ونحضره عايزه حاجه تانى ممكن تمشي بقي
• هند بغيظ : عن إذنك يا مراد حد تانى لا اتفضل الدعوه اهي باى بقي
• عتيق : مالها أنثي الغراب دى
• مراد ضحك جامد ومكانش قادر يوقف ضحك من اللى قالته عتيق
• وهو بيضحك كان شكله يخطف القلب وعتيق سرحت في ضحكته بس تداركت نفسها
• عتيق : بجد الكائن ده كان عايز إيه
• مراد : هحكيلك كل حاجه انا وهند كنا .......
• يا ترى كان إيه اللى بين مراد وهند وليه مش طايقها
• وهل أدهم وعتيق هيتقابلوا يا ترى عتيق عارفه انه عريس الغفله هنعرف المره الجايه


تعليقات