الفصل الثامن
يوسف : لااااا حبيبة متسبنيش مينفعش تموتي وتسبيني ، أنا من غيرك مش هعرف أعيش
سمية بدموع: وحد الله يابني هي راحت للي خالقها
يوسف: لا هي مش هتسيبني لوحدي بعد ما اعترفت بحبها ليا ، ليه يا حبيبة تروحي مني ليه ، اصحي حرام عليكي متوجعيش قلبي، يااارب
سمية : يوسف يوسف حبيبي اصحي
يوسف بانتفاضة: ماما في ايه
سمية: حبيبي انت اللي في ايه ، انا سمعتك بتصرخ جيت اشوف مالك لقيتك بتنتفض علي السرير ، مالك يا حبيبي
يوسف: كابوس ، كابوس بشع يا أمي ، هي فين حبيبة
سمية: حبيبة صحيت من بدري وراحت البيوتي سنتر مع دينا
يوسف بلهفة: طيب هي كويسة
سمية: ايوا يا حبيبي كويسة ،انتو جيتوا امبارح عرفتونا خبر جوازكوا ونمتو علطول ، مالك يا حبيبي
سمية: مفيش حاجة يا أمي ، أنا هقوم اروح لهم عشان لو عاوزين حاجة
سمية: لا يا حبيبي ، انت يادوب تجهز نفسك وهما هيخلصوا ويرجعوا لوحدهم عشان متتأخرش علي المأذون
يوسف: حاضر يا أمي
بعد ما خرجت سمية من الاوضة يوسف استغفر كتير وقام صلي ركعتين لله ان اللي حصل دا كان مجرد كابوس ولسه حبيبة عايشة
مر الوقت والمأذون وصل وكتبوا الكتاب وفي الوقت دا خرجت حبيبة من الاوضة اللي أول ما شافها يوسف قام جري عليها وحضنها جامد لدرجة انه كان بيدخلها في ضلوعه وبكي علي كتفها واتكلم: الحمدلله ياربي الحمدلله انك بخير يا حبيبة
حبيبة: يوسف أنا كويسة متخافش عليا
يوسف: سبيني أشبع منك أنا كنت زي المجنون
حبيبة: حاضر يا يوسف ، بعد فترة خرجها من حضنه واتكلم معاها
يوسف: مبروك يا حبيبة
حبيبة: هو أنا كدا بقيت مراتك خلاص
يوسف: أيوا بقيتي مراتي وبكرا تبقي أم عيالي ، تعالي نسهر شوية مع بعض في البلكونة وبعدين ننام عشان نروح بكرا المستشفي
حبيبة : لايعم أنا صاحية بدري هروح أنام .
يوسف: يابت تنامي ايه بس دا أنا هعملك فشار وعصير مانجة زي ما بتحبي وهنتفرج علي فيلم بيلا والوحش كمان
حبيبة بحماس: سهرانة معاك للصبح يا باشا
يوسف: بتاعة مصلحة ، روحي يلا غيري فستانك اللي مخليكي قمر دا وكان نفسي اخبيكي عن كل العيون النهاردة .
حبيبة بخجل: بس بقا
يوسف بشقاوة: ايه دا انتي بتتكسفي من بابا .
حبيبة بتحذير : يوسف
يوسف: قلب يوسف
حبيبة : أوف انا داخلة أغير هدومي ، واطلع الاقي كل حاجة جاهزة
يوسف : عيوني ليك يبشا .
حبيبة: يوسف أنت فين أنا خلصت
يوسف: تعالي يابيبة أنا كمان خلصت وجهزت الفيلم
وبعدين كمل : أيه القمر دا ياناس حبيبي قمر أوي كدا
حبيبة: أنا بحب الفيلم دا أوي
يوسف: عارف
حبيبة: وبحب شخصية الوحش دي أوي.
يوسف مسكها من شعرها بهزار: بتحبي مين يابت أنتي سمعيني كدا
حبيبة: بحب العصير العصير ركز
يوسف : بحسب ، اشربي يختي العصير
حبيبة: عنيف أوي أنت يا يوسف .
يوسف متكلمش وبص للتليفزيون وهي قربت منه واتكلمت: مالك
يوسف بخنقة: مليش
حبيبة: عليا برضو ، احكيلي مالك وايه اللي واجعك وليه كنت ملهوف عليا كدا ، ريح قلبك
يوسف شدها وقعدها علي رجعله ودفن وشه في رقبتها : حلمت بكابوس وحش أوي مش قادر اتحمله
حبيبة: حلمت بايه شاركني خوفك وأنا أطمنك
يوسف: حلمت أنك هتسبيني لوحدي وتمشي
حبيبة: ماهو دا هيحصل يا يوسف
يوسف شدد حضنه كإنه بيمنعها: بالله متقوليش كدا ، أنا مقدرش أعيش من غيرك ، اوعديني أنك هتفضلي دايما في حضني ، يوسف ميعرفش يعيش من غير حبيبة
حبيبة: وحبيبة مش هتسيب يوسف لوحده
يوسف بصلها بلهفة: وعد
حبيبة: وعد ، بس بشرط
يوسف: شاوري وكل اللي تطلبيه يتنفذ
حبيبة: خليني قاعدة كدا علطول في حضنك
يوسف باس دماغها: حضني وحياتي ودنيتي كلها ملكك .
فضلوا سهرانين مع بعض لحد ما حبيبة نامت في حضن يوسف شالها ودخلها اوضتها وفضل قاعد جنبها لحد ما عيونه راحت في النوم.
تاني يوم صحيت حبيبة خايفة وقلقانة
يوسف: بيبة يلا نمشي
حبيبة بخوف: حاضر
يوسف حس بيها مسك ايديها جامد: متخافيش يا حبيبتي أنا معاكي ومش هسيبك أبدا وان شاء الله خير
في المستشفي
الدكتور: دلوقتي احنا هنبدأ جلسات وهتفضلي معانا هنا لمدة شهر هنخلص ونعمل تحاليل ونطمن علي النتيجة وان شاء الله يختفي خالص من جسمك ، متخافيش أول ما اركب المحلول هتتوجعي شوية
يوسف: ان شاء الله يا دكتور
حبيبة:مش خايفة
بدأت حبيبة العلاج وبقت تصرخ من الوجع ومعاها يوسف بيهدي فيها وقلبه بيوجعه علي وجعها
مر أسبوع وهي في المستشفي ويوسف واخد أجازة وعلطول معاها وسمية ودينا قاعدين معاها طول اليوم ، بدأت تتعود علي الدوا ومبقتش تتوجع او هي بتداري عشان متزعلهمش
يوسف: أخيرا بقا ماما ودينا مشيوا عشان اعرف اقعد مع القمر بتاعي
حبيبة بحزن: قمر ايه يا يوسف ، انت مش شايف شكلي بقا عامل ازاي ، شعري كله وقع وجسمي ضعف ، أنت متستحقش واحدة زي يا يوسف أحسن تطلقن....
يوسف: أوعي ، اوعي يا حبيبة في يوم تنطقيها ، هتكسري قلبي لو قلتيها في يوم من الايام وبعدين شدها من ايديها وقومها واخدها عند المراية واتكلم: فين اللي شكلك وحش انتي مش بتبصي في المراية ولا ايه وحط اسده علي شعرها : سلاسل الدهب بتاعتي دي اللي أنا بحبها لسه زي القمر وبكرا ترجع تاني وتبقي أحلي من الاول ، وعيونك الخضراء الجميلة دي اللي أنا دايب فيهم لسه حلوين زي ماهما وجسمك اللي ضعف دا بقا زي القمر وبكرا لما نتجوز أنا هفضل أكلك لحد ما تبقلظي وتبقي شبه الكرومبة ، أنا بحبك زي ما أنتي وصدقيني انتي لسه جميلة في عيوني وبكرا هحضرلك مفاجأة
بدل ماتدور وتبحث علي الروايات خليها علي تليفونك وحمل تطبيقنا
