الفصل الثاني
يوسف : صباح الخير يا وهم ....
وهم بخضة : ي..... يوسف ....
يوسف لنفسه : اول مرة اعرف ان اسمي حلو كدا ... عمري محسيت اني فرحان علشان هتكلم مع حد... حتى ريم عمري محسيت معاها اني فرحان كدا ....
وهم : يوسف روح فين ...
يوسف : هنا يا بت عمي ...
وهم : هههه هنتكلم زينا عاد ....
يوسف : مانا زيكم فعلا يا وهم ولا نسيتي اني ابن عمك وياما لعبنا مع بعض وابشجرة دي تشهد ...
وهم بفرحة : انت ... انت فاكر ...
يوسف: مكذبش عليكي يا وهم لما سافرت نسيت حاجات كتير ... بس ليه مش معارف لما رجعت شوفتك افتكرت كل حاجة ...
وهم بحزن : نسيت كتير لدرجة انك نسيت بت عمك يا يوسف ....
يوسف : طب انا اسف ... متزعليش مني ... وبعدين تيته هى اللي كانت بتصالح بنا زمان ولا ايه
وهم : عشان انت اللي كنت بتاكل المانچا تبعي وتشد شعراتي كمان ....
يوسف : وه ... مانت كنت عوزاها كلتها لوحدك ... انا اطلع على الشچرة والتعب وانت تاكلي كله يا وهم عيب عليكي يا بت عمي ...
وهم : خلاص يا ولد عمي عقابا ليك تطلع على الشچرة حالا وتچبلي كتير بدل كل السنين اللي فاتت ...
يوسف : انا كدا عجبلك الشچرة كلها عاد ...
وهم بحزن : دلوقت عرفت انك غبت كتير يا ولد عمي
يوسف : خلاص بقى عاد ... عجبلك كتير ... خدي النظارة دي خلي بالك منها منيح ...
وهم : وه ... خايف على عينيك العسلية من الشمس ولا ايه
يوسف : وانت مالك ومال عيني دلوقت
وهم : هه ... لاه ... وانا مالي ... اعمل اللي انت عاوزه ...
يوسف : طب مانت عينيكي خاضره يا مفعوصة انت باصة لحبه العسل اللي في عيني ليه ...
وهم : انا عيني حاضرة كيف چدتي
يوسف : وانا عيني عسليه كيف چدي ... وچدي بيحب عيني كتير ...
وهم : بس جدي بيحب عيني اكتر عشان بيفتكر بيهم چدتي ...
يوسف : خلاص يبقى العين العسلية تعشق العين الخاضرة يا بت عمي ...
وهم : وانت عينك عسلية ...
يوسف بسرعة : وانت عينك خاضرة ...
وهم تلقائي : يعني ايه ...
يوسف : يعني ....احم احم ... مخبرش ... چدي كان يحب چدتي كتير ....
وهم بحزن : كتير جوي بيشتاق لها ... الحب دا وحش جوي ....
يوسف : لو وحش مكنش چدك علمنا نحب يا وهم ....
وهم بدموع : وانت حاببها يا يوسف
يوسف : لا .. اه ... انا هطلع على الشچرة يلا ... بس يا بت عمي لو كلتي كل المانجا لوحدك هشدك من طرحتك بدر الضفاير ماشي ...
وهم : هنشوف ....
يوسف : اتفرچي زين ....
_____________________
ريم : احمد .... قوم يا احمد ... قوم بقى نايم في كوكب تاني
احمد : ايه يا ريم حد يصحي حد كدا يا ماما في ايه
ريم بعصبية : دورت على يوسف ومش لقيته ياترى راح فين .... ولا البت التانية دي مش هنا هى كمان
احمد : بت مين ...
ريم : ست وهم
احمد : انا مش عارف انت مش طيقاها ليه ...
ريم : وانا مالي ومالها الصعيدية دي كمان
احمد : ريم انت عايزة ايه دلوقتي ...
ريم : البس يلا وتعالى ندور عليهم ... انا مش مرتاحة للبت الصعيدية دي
احمد بهمس : حسبنا الله فيكي يا شيخة ...
ريم : انت بتقول ايه ...
احمد : مبقلش هالبس واجي ....
ريم : طيب بسرعة ....
________________________
وهم : يلا يا ولد عمي ايه مش عارف تطلع الشچرة ولا ايه عاد ...
يوسف : بس يا بت انت ... انا مهندس ولازم ادرس الشچرة زين عشان اعرف اچيب كتير ...
وهم : هههههههههههه ... تدرس ايه ههههههههههه مش قادرة .... الله يسامحك يا ولد عمي هههههههههههه
يوسف : ضحكت حلوة جوي
وهم بخجل احمر له وجنتاها : ايييييه
يوسف : هه .... لاه ... افضلي اضحكي أكده يا مفعوصة انت ...
وهم : لا يا يوسف امسك انت نظارتك وشوف انا هعمل ايه ...
يوسف : هتعملي ايه يا مچنونة عاد ... هتقهي يا بت انت
وهم : تعرف تعد يا بشمهندس ....
يوسف : طب كفايا اكدة كتير انزلي يلا .... حاسبي يا وهم ... حاسبي ....
" كانت هتقع بس قبل متقع انا لحقتها ومسكت اديها"
يوسف : انت كويسة ... طمنيني عليكي ....
وهم : ههههه رجعت مصراوي تاني يا ابن البندر ...هات المانچا بتاعتي
يوسف : بقى اكدة ... الصعيدي هيوريكي هيعمل فيكي ايه
تعالي اهنه يا بت انت ...والله لاخد المانچا كلها منك
وهم بسرعة : لا لا ...
يوسف : تعالي اهنه يا بت انت ....
وهم : يا چدي ... يا چدي
منصور : في ايه يا بتي ... بتچري ليه عاد
يوسف : تعالي اهنه يا وهم
وهم : يا چدي ...
منصور : في ايه فهموني ...
وهم : يا چدي يوسف عاوز المانچا بتاعتي
منصور : متچيب غيرها يا ولدي چنينه الدوار مليانا والحمد لله
وهم : لاه يا چدي ... اصل يوسف معرفش يطلع على الشجرة هههههههه
يوسف : خلي البت دي تسكت يا چدي ...
وهم : اسكت ليه يا ولد عمي مش انت معرفش تطلع على الشچرة
منصور : هههههه ده صح يا يوسف
يوسف : لاه يا چدي انا كنت هطلع بس هى اللي سبجتني
وهم : ههههههههه .... البشمهندس تباعنا كذاب يا چدي
يوسف : طب والله مانا فايتك يا وهم
وهم : عااااا ... استني بس يا ولد عمي كنت بهزر معاك
يوسف : طب هاتي المانچا ....
منصور بحزن : اديله يا بتي ... لساتكم زي الصغار ... كنتم أكده وانتم صغيرين وچدتكم الله يرحمها هى اللي كانت تصافي بينكم ...
يوسف ووهم : الله يرحمها ...
وهم : خلاص يا چدي عشان عيونك اللي كيف العسل النحل دي هديله ...
يوسف : أكده أكده انا شبه چدب يا بت عمي ...
وهم : طب هدي لچدي وانت لاه ...
يوسف : طيب انا هوريكي عاد ....
وهم : لاااااا
ريم : ااااااه مش تحاسبي يا بتاعة انت كنت هتوقعيني
وهم : معلش يا حبيبتي اصلي مخدتش بالي
ريم : أن......
يوسف : خلاص يا ريم انت من منيحة اهو ... ليه هتزعلي عاد ...
ريم بتعجب : منيحة وعاد ... ايه الكلام دا يا يوسف الكام ساعة دول هيخلوك تتكلم زي الناس دي. ....
احمد بعصبية : ريييييييم ... انت ازاي تتكلمي كدا ... وبعدين مالهم الناس دي ... انت ناسيه انك منهم ولا ايه ... انت متعرفيش أن الناس دي خيرهم على الكل ... نسيتي اصلك يا بنت الصعيد ... ابوكي اتربي هنا وطول عمره بيفتخر أنه من الصعيد انت بقالي في ايه ... اعتذري حالا
ريم بحرج : انا اسفة ... عن اذنكم ....
منصور : روح ورى خطيبتك يا يوسف ... شوفها يا ولدي ... ومعلش هى لساتها صغيره متعلمش ... وانت يا احمد يا ولدي تفهمها براحة وبينكم مش قدام الناس ...
احمد : انا اسف يا جدي على كلام ريم ... واسف يا وهم ... ومتزعلش منها يا صاحبي ...
يوسف : انت اهبل يا يلا ولا ايه ... انت اخويا ... ولا اكلمك كيف الصعايدة عاد ...
احمد : احلى ناس والله ...
وهم بابتسامه : شكرا يا استاذ احمد ... حقيقي قليلين جدا اللي زي حضرتك ...
يوسف : مش قليلين على فكرة ... وانا هرچع واكل كل المانچا يا بت عمي ...
وهم : لما نشوف ...
يوسف : عن اذنك يا جدو هشوف ريم
منصور : اتفضل يا ولدي ...
وهم : وانا يا چدي لازم اروح عاد ... أكده هتاخر على البنات ....
احمد : بنات مين ...
وهم : مش انت قلت اني بعلم البنات حدانا في البلد ...
احمد : طب ممكن اجي معاكي بما أن مفيش حاجة اعملها وحقيقي انا تلميذ شاطر وبقعد ساكت
وهم : هههه خلاص يا استاذ اتفضل ...
احمد : لا انت الاستاذة هناك وانا طالب عادي ولا اكني مهندس ...
وهم : ههههه ... عن اذنك يا چدي
احمد : عن اذنك يا جدو
منصور : اذنكم معاكم يا حبايبي ....
___________________________
يوسف : قاعدة لوحدك ليه ياريم
ريم : هو انت ملاحظ وجودي اصلا يا يوسف ... من وقت مجينا عنا وانت مع بنت عمك ... لا وخلاتك تتكلم زيها
يوسف : ايه زيها دي يا ريم اوعي تنسي اني صعيدي ودي اللهجة اللي كنت بتكلم بيها وانا صغير ...
ريم : بس يا حبيبي انت دلوقتي مهندس كبير في القاهرة وليك مكانتك ...
يوسف : وهو لازم المهندس يتكلم لهجة معينة ...
ريم : يووووه خلاص بقي يا جو ... ممكن نخرج شوية بقي ... حابة اشوف ايه حلو في الصعيد علشان تحبوها كدا ...
يوسف : لما تعرفيها وتعرفي ناسها هتحبيها ...
ريم : مش مهم هما كدا كدا كلها خمس ايام وهنرجع مصر تاني ...
يوسف بهيام : هنرجع ...
______________________
وهم : واكده يا بنات نكون خلصنا الدرس ... نتقابل الحصة الچاية باذن الله ... يلا سلام ...
احمد: ايه دا يا وهم حقيقي شئ جميل جدا .... لا والبنات ما شاء الله شاطرين خالص ...
وهم : ربنا معاهم ... نفسي الأهالي توعى أن البنات مش عارف لاه دول الخير كله ويعملوا كيف اللي الراچل بيعمله واكتر ... ونفسي يكون ليهم مدراس اعدادي وثانوي ده هيساعدهم كتير أنهم يتعلموا مش اللي حابه تتعلم تسافر وتتبهدل ودا أهالى كتير بيخافوا منه فبيقعدوهم من التعليم ...
احمد : طب انا ممكن اساعدك ... انا كنت مأجل الموضوع لحد مشوف البنات ... وحقيقي هما يستاهلوا ..
وهم : بس انا مش فاهمه ...
احمد : بصي يا ستي .... طب معلش ثانية واحدة ارد على الفون ... حبيبتي وحشتيني موت ...
خلود : احم احم
احمد : احم احم يا خلود ... اقولك وحشتيني تقوليلي احم احم ...
وهم بخجل : هههه
احمد : كدا ضحكتي وهم علينا
خلود بغيره : مين وهم دي يا بشمهندس
احمد : يلهوي ... بتغير عليا موت ... بصي يا ستي وهم دي بنت عم يوسف وهي ....................... وبما انك صحافية مشهورة وانا بشمهندس حابين نساعدها ايه رايك
خلود : عظيم جدا حقيقي ... ممكن اكلمها ...
احمد : عينيا يا قلبي
خلود : احم احم
احمد : افضلي كحي يا خلود ... اتفضلي وهم
خلود : ازيك يا ست البنات
وهم : هو في ست بنات غيرك يا استاذة خلود
خلود : لا ايه استاذة دي ... انا خلود بس ... وانت وهم صح
وهم : ايوة صح ... حقيقي مش عارفة اشكركم كيف على اللي هتعملوه معانا
خلود : شكر ايه بس يا حبيبتي الشكر دا ليكي انت .... وانا باذن الله هحاول اخلص شغل هنا واجي بسرعة علشان اعمل حوار على الحكاية دي وتوصل باذن الله للوزير والأهالي كمان ....
وهم : حقيقي شكرا يا خلود ... وانا مستنياكي تيچي عشان اتعرف عليكي زين
خلود : في اسرع وقت يا حبيبتي ...
وهم : تسلمي يا قمري ... اتفضلي الاستاذ احمد
احمد : وانا هستناكي على فكرة ...
خلود بخجل : امشي ياض يا بشمهندس انت ...
احمد : ماشي يا خلود حسابي معاكي لما تيجي ... هتوحشيني
خلود : اسمع صوت القطر يا احمد ... تيت تيت تيت ...
احمد : قفلت السكة بنت الايه
وهم : هههههههه ... ربنا يديمكم لبعض ...
احمد : يارب يا وهم انت متعرفيش انا عملت ايه علشان تكون مع بعض ... اول مرة شوفتها كانت بتعمل حوار صحفي دخلت في الكلام وانا مش عارف ايه الموضوع اصلا بس بخبرتي عرفت الموضوع واتكلمت بقى وبعدين مشيت وراها لحد المجلة ومن المجلة للبيت ... ابوها اول مشافني فكرني البواب الجديد علشان كنت قاعد مع البواب اسال عنها ... ولما روحت اطلب اديها وبابا وماما ويوسف وريم كانوا معايا ....
فلاش باااااااااااااااااك
علي والد.خلود: انت عايزني اجوز بنتي لبواب
يوسف : عندك حق يا عمي ... انا قولتله كدا ... ازاي بواب يتجوز صحافية
احمد : يا عمي
يوسف : بس يا ولد .... انت ليك عين تتكلم
علي : وانت مين يا ابني
يوسف : انا البشمهندس يوسف والولد دا جه اتحايل عليا علشان اجي معاه ويتشرف بيا قدامكم
محمود والد احمد : يا استاذ ...
يوسف : خلاص يا عمي واضح انهم مش موافقين خلاص بقي يشوفله بوابة زايه يتجوزها ويجيبوا بوابين صغيرين
احمد : بااااااااااس ... وانت حسابك معايا بعدين يا يوسف الكلب ... يا عمي انا بشمهندس معماري وصاحب الحيوان دا ولما شوفت بنت حضرتك كنت بسال البواب عن البيت واليوم دا حضرتك شوفتني قاعد معاه
علي : ومقولتش من بادري ليه يا ابني ...
احمد : علشان الحيوان اللي قاعد دا كنت مفكره صاحبي بس طلع واطي
يوسف : حبيب قلبي
الجميع : هههههههههههه
على : وانا موافق بس لما نشوف خلود ...
احمد : هو انا ممكن اتكلم معاها ....
على : اتفضل ابني ...
احمد : احم احم ... ازيك يا انسة خلود
خلود : هو انت
احمد : صلاة النبي فكراني
خلود : هو انت تتنسي
احمد بغمزة : هى غمزت ولا ايه
خلود : هى ايه يا استاذ
احمد : الصنارة
خلود بخجل : احم احم
احمد : صلاة النبي يا عمي اطلب الماذون بالله عليك
باااااااااااااااااااااك
احمد : بس يا ستي وكتبنا الكتاب ومستنين الفرح
وهم : هههههههههههههههه ياربي ههههههههههههههه مش معقول يوسف بعمل كدا .... هههههههههههه
احمد : طول عمره واطي بس حبيبي
وهم : ههههههههههههههههههههههه
يوسف بعصبية : وووووووووووووووووهم
بدل ماتدور وتبحث علي الروايات خليها علي تليفونك وحمل تطبيقنا
