الفصل الرابع
-احنا حددنا ميعاد الفرح ، بعد شهر
-بجد يا هند، ربنا يهنيكِ يا حبيبتي ويفرحك
-ياروحي ربنا يديمك ليا
- ويديمك ليا يارب
- بصتلها ببتسامه وملامح حزن :- مش ناويه تفرحينا بكِ بقا
-ابتسمتلها بحزن وهزت راسها بـ لا
- ريحانه يا حبيبتي وقفتي حياتك كتير يا روحي كفايه
- دموعها نزلت :- حياتي وقفت من وقت ما مشي وسابني ، مش عارفه اصدق ان دا كله حصل يا هند ، مش قادرة اتخيل اني كنت وحشه معاه كده ، كان دايماً بيحاول يفرحني وانا مفكرتش مرة اسمعه كلمه حلوة ، ولا ابتسم في وشه حتي ، كنت دايما الومه ع كل حاجه ، وكنت فاكرة ان هو السبب في كل حاجه حصلت، انا كنت انانيه و غبيه جداً
عياطها زاد :- كنت غبيه وضيعته من ايدي، كنت فاكرة مبحبوش ، بس لما سابني ومشي عرفت اني محبتش ولا هحب قده ، نفسي يرجعلي والله ، لو هفضل اعتذر العمر كله بس يسامحني
-أخدتها في حضنها وبتعيط:- بس يا حبيبتي اهدي ، انا اسفه خلاص ، اهدي
-عيطت بحرقه:- تعبت يا هند ، تعبت ومش عارفة ارتاح ، بتخيله في كل مكان في البيت ، في اوضته، وفي المطبخ ، وبتخيله قاعد بياكُل معايا ، بحس به في كل حته ،نفسي يرجع ، الحُزن بيحرق قلبي ، عايزاه يسامحني ، عايزاه يرجع ، والله عايزاه يرجع بس
-شدت ع حضنها :- هيرجع والله هيرجع ان شاء الله
-بعدت عن حضنها وابتسمت بحزن ودموعها نازله:- عارفه ساعات بقعد اسأل نفسي هو عامل ايه ، ياترا هو كويس ، ياترا هو نساني وكمل حياته ، حتي لو كان اتجوز وكمل حياته انا مش هزعل المهم عندي يكون مبسوط ومرتاح ، انتهدت بألم وعياط :- نفسي اسمع صوته واطمن عليه ياهند
- ريحانه ،احم هو بيكلم ادهم كل فترة بس من ارقام مختلفه ، انتِ عارفه ان ادهم صاحبه وزي اخوه فبيطمنه عليه كل فترة كدا ، بس والله منعرفش اي رقم ثابت له ، اطمني هو بخير ولو عرفت اي حاجه جديده هقولك
-بحزن اكتر :- ليه خبيتي عليا ومقولتليش؟
- انا اسفه يا حبيبتي مكنتش عايزة اقولك عشان متتضايقيش وخصوصاً اننا منعرفش له اي رقم ثابت
-انتهدت بقوه :- لو عرفتي اي حاجه عرفيني بالله عليكِ ، عشان هو حتي مكلمش باباه ولا مامته
-حضنتها بقوة :- حاضر
- بتمسح دموعها:- انا همشي بقا
- طب ما تفضلي معايا النهارده
- ابتسمتلها بحزن :- مش هعرف انام غير في بيتنا
"أود أن يأكلني الحزنُ مرة واحدة وأخيرة ، مللت من كوني وجبته المتكررةِ"
- دموعها نازله :- متخيلاك قدامي ، ملامح وشكلك، وحركاتك ، صوتك سمعاه في وداني ، ارجعلي انا محتجاك اوي ، والله عرفت قيمتك وعرفت مدي غبائى اني ضيعتك من ايدي ، كفايه بُعد سنتين بقا
"متخيلاه قاعد قدامها وباصصلها " رد عليا بالله عليك "اختفي" عياطها زاد
"دخلت اوضته وطلعت الجواب اللي سبهولها قبل ما يمشي "
- ريحانه..
انتِ عارفه اني بحبك ،من واحنا عيال صغيرين ، بس انتِ عمرك محبتيني ،حتي الحب الاخوي مكنتش بشوفه منك ، كنتِ دايما مع مروان "ابن عمهم" عارف انك بتحبيه وهتفضلي تحبيه ، انا اللي عشمي كان زياده شويه انك تحبيني ، مروان مكنتش بيحبك صدقيني ،مكنش ينفع اسيبك له ، مكنش هيحافظ عليكِ ، وانتِ شوفتي بنفسك انه في اقرب فرصه راح واتجوز و انتِ مفرقتيش معاه ، محاولش يعمل اي حاجه عشانك ، يمكن كنت اناني لما خليت العيله كلها تجبرك تتجوزيني ، ورتبتلها صح خليت جدي اللي في الوش عشان عارف انك هتخافي ع تعبه وهتسمعي ، وخليته يجبرك فتوافقي ، شايلك في قلبي من زمان ياريحانه مكانك في قلبي كبير اوي ، حبك في قلبي كبير اوي ، انا عملت كل حاجه عشان انسيكي مروان لكن انتِ عدم تقبلك ليا خلاكي مش عارفه تميزى بين الحلو والوحش ، انا عارف انك واخداني ابن عمك وبس ومحاولتيش حتي تحبيني ودايما شيفاني ان انا السبب في كل الوحش اللي حصلك وبيحصلك في حياتك ، شيفاني السبب في بعدك عن مروان ، مروان طبعه وحش واناني مبيحبش الا نفسه حبك له كان عاميكي ومشوفتيش الوحش اللي فيه لو كنت سيبتك له كان بهدلك ، عارفه اي اكتر حاجه غلطت فيها بجد اني فكرت انك هتحبيني، انا مش ندمان ع اي حاجه عملتها عشانك وفي المقابل اخدت بدلها حزن ونظرات كرهه منك ووجع قلب، انا اسف ع كل حاجه ، انا عارف اي اللي هيريحك وهعملهولك لاني حابب امشي وانا مش رابطك بأي حاجه وقررت انسحب من حياتك عشان بس اشوفك مرتاحه،" انتِ طالق"
هتوحشيني يا نور عيني '
- بعياط وشهقات عاليه اخدت الجواب في حضنها :- ااااااه يارب، رجعهولي اشوفه واكلمه ولو لمره واحده بس يارب ، وحشتيني اوي يا عز ، حاسه اني الحياه فضت من بعد ما مشيت
" اخدت مخدته في حضنها وفضلت تعيط لما نامت "
”كيف يُمكن لغياب شخصٍ واحد
أن يُخلِّف هذا الفراغ الكبير في قلبك،
وكأن الأرض خاليةٌ من كل البشر.”
-الو .. ايوة يا ماما
- عامله ايه يا حبيبتي ، صوتك ماله يا حبيبتي معيطه؟
- مفيش يا حبيبتي لسه صاحيه من النوم بس انتِ عامله ايه
- انا كويسه الحمد لله ، مش ناويه تيجي تقعدي معانا بقا بدل ما انتِ قاعده لوحدك كده ، بقالك سنتين يا حبيبتي قاعده في الشقه لوحدك ومش عايزة تسبيها من يوم ما عز مشي
- مش هسيبك الشقه يا ماما لغايه ما عز يرجع
-افرضي قرر انه ميرجعش، أو رجع بس مرجعش واحد ؟ دا سنتين زمانه اتجوز وخلف كمان
-بحزن:- حتي لو ، مش هسيب الشقه لوحدها ، طمنيني ع بابا
-ع راحتك يا بنتي ، باباكي كويس الحمد لله آخر مرة روحنا للدكتور قال انه صحته بقت احسن الحمد لله
-الحمد لله رغم اني مش عارفه لغايه دلوقتي مين اللي اتبرعله بفص من الكبد ، عدي سنتين و مخبيين عليا برضو ومش راضيين تعرفوني مش فاهمه ليه ، بس انا ممتنه له من كل قلبي
- ريحانه، لسه عايزة تعرفي مين اللي اتبرع لباباكي ؟
-ياريت بجد يا ماما ، هشكره من قلبي
- عز
-بصدمه :- انتِ بتقولي ايه يا ماما "كتمت عياطها" مستحيل عز لا لا مستحيل ليه خبيتوا عليا لييه
- ريحانه يا حبيبتي انتِ ساعتها كنتِ تعبانه ، وعز طلب مننا نعمل كل حاجه عشان متعرفيش ان هو اللي اتبرع
- بعياط :- انا طلعت قاسيه ووحشه اوي يا ماما طلعت قاسيه
- يا حبيبتي اهدي ، متقوليش كدا
-سلام يا ماما دلوقتي
-لنفسها:- يا قاسيه يا غبيه، ليه يا عز بتكرهني في نفسي زياده ليه
"في انجلترا "
- قاعد عز ماسك صوره ريحانه ببصلها بحزن :- وحشتيني اوي، مكنش نفسي كل دا يحصل ، مكنتش عايز اسيبك ، بس مكنتش هقدر اشوف نظراتك اللي مليانه لوم ليا ، مكنتش هقدر اجبرك اكتر من كده ، يارب تكوني مبسوطه دايما يا حته من روحي
- Hello, man
( مرحباً يا رجُل )
- Hello ,my friend
(مرحباً صديقي)
-How are you, today
(كيف حالك اليوم )
-I'm fine, what about you
(انا بخير ، ماذا عنك)
- I am also fine
(انا ايضاً بخير )
-اخد باله من الصورة اللي في ايد عز
-This is your wife?
(هذه هي زوجتك ؟)
- بحزن :- yas ,my wife
(نعم زوجتي )
-Are you still love her ?
(هل ما زلت تحبها )
-Yes definitely and I will remain love her
(نعم بالتاكيد ، وسأظل احبها )
-So why do not you come back, or talk to her
(اذن لماذا لا تعود اليها ، او تتحدث معها)
- بحزن اكبر :- Because she doesn't love me
(لانها لا تحبني )
-This is sad
(هذا حزين )
- ببتسامه حزينه :- I am only a broken man
(انا مجرد رجل محطم )
-طبطب ع كتفه :- Don't worry, man, everything will be fine
(لا تقلق يا رجل ، كل شيء سيكون على ما يرام)
-لنفسه بتهنيده:- يارب
"بعد اسبوعين "
-بقالك كتير مجتيش يابنتي ليه كده
-معلش يا حبيبتي ، ببقا محتاجه اقعد لوحدي
-ليه يا ريحانه ، القاعده لوحدك هتتعبك اكتر يابنتي ، وبعدين شكلك تعبان اوي وخاسه، وعيونك تعبانه من كتر ما بتعيطي
- ببتسامه حزينه :- مبقاش فارق معايا حتي نفسي يا ماما، هو بابا فين، هو كويس
-في الشركه يا حبيبتي ، اه كويس جداً الحمد لله
"دخل عمها ومراته (ابو عز ومامته)"
-اهلا اهلا ريحانه هنا
*عامله ايه يا حبيبتي
- اذيك يا عمو، اذيك يا طنط ،عاملين ايه
-احنا كويسين يا حبيبتي فينك من زمان
-في البيت مش بخرج والله يا طنط
- طب ما تيجي يا بنتي تقعدي معانا وكفايه قاعده لوحدك بقا
-بحزن :- معلش يا عمو انا مرتاحه في بيتي
كلهم :- ربنا يريح قلبك يا بنتي
-بوجع:- هو عز مبيكلمش حد منكم
-والله يا بنتي من وقت ماسافر محدش يعرف عنه حاجه
-بتنهيده:- يارب، هو جدو فين
-جوه في الأوضه بتاعته
-جدو حبيبي
- اهلا حبيبه جدو ، تعالي
-عامل ايه يا حبيبي
-بقيت كويس لما شوفتك
-باست ايده :- معلش يا حبيبي عارفه اني مقصرة معاك
- بضحك عشان يخفف عنها :- لا م خلاص عز بيه اخد مكاني عندك بقا
- بدموع:- عز ، هو فين عز
-طبطب ع ايدها هيرجع يا حبيبتي ، انا واثق انه هيرجع ، عشان بيحبك
-بألم ودموع :- ماهو عشان بيحبني مكنتش اناني ، كان مفكر اني مبحبوش ، وانا كمان كنت مفكرة كده ، بس طلعت مبحبش حد غيرة
-اهدي يا حبيبتي ، ربنا هيرجعوا بالسلامه ان شاء الله
-يارب يا حبيبي ، ارتاح انت وانا هقوم عشان امشي بقا
-طيب ما تخليكي هنا
- معلش يا حبيبي انا برتاح هناك
-طيب خدي بالك من نفسك
-باست خده :- ماشي يا حبيبي ، مع السلامه
- ريحانه، عامله اي
-الحمد لله يا مروان ، اذيك انت
- انا تمام الحمد لله
-جميل اوي ابنك ربنا يخليهولك، عند اذنك
- ريحانه، استني
- نعم
-عايزة اتكلم معاكي شويه بخصوصنا
-بخصوص اي ! بخصوصنا؟ احنا مفيش حاجه بينا عشان نتكلم فيها ، غير انك ابن عمى وبس
-من امتي الكلام ده !
-من دلوقتي ، والمفروض كان يبقي من زمان اوي ، بس كنت غبيه وعاميه للاسف بس فهمت كل حاجه
-فهمتي اي ، اسمعيني بس
-فهمت انك واحد اناني ، مهمكش غير نفسك، صدقت انك بتحبني ، وكنت بحبك او دا اللي كنت مفكراه وقتها ، فهمت انك جبان ، انا كل مرة كنت بتمسك بيك يا اخي دا انا حاولت انتحر لما جبروني اتجوز عز ، وانتحرت عشان مبقاش لغيرك ، عملت مشكله عشان متجوزش حد غيرك ، وانت قصاد كل دا عملت اي وقتها؟ معملتش اي حاجه ! عز اللي عمل كل حاجه عشان ابقا معاه ، اتبرع لبابا بفص من الكبد ، تخيل فضلت طول الفترة دي معرفش وهو اللي طلب ده عشان مفكرش انه بيعمل كده عشان يجبرني واكرهه ، خاف عليا طول الوقت وع مشاعرى ،بعياط :- ويوم ما اعرف يكون مش موجود هنا حتي ربنا حرمني اني أشكره عشان انا غبيه ، مشافش مني يوم حلو ،وكل دا عشان خاطرك ، وانت بكل بساطه تروح تجيب واحده وتقول انك اتجوزت ، وانا كنت اي بالنسبالك؟ ولا اي حاجه وجاي دلوقتي عايز اي تتجوزني ع مراتك مثلا؟ " مسحت دموعها" وبصتله بحده، انت متستاهلش اي حاجه ، وانا اكتشفت اني محبتش في حياتي غير عز ولا هحب حد غيره ، لأن هو الوحيد اللي يستاهل كل الحب دا ، وهفضل كل عمرى احبه ، حتي لو قرر انه يفصل بعيد ، هستناه العمر كله
عن اذنك
"بعد اسبوع "
"في التليفون"
-ريحانه حبيبتي عامله ايه
-الحمد لله يا هند ، اخبارك ايه
- انا تمام والله بس مشغوله اوي انتِ عارفه بقا ان لسه اسبوع عن الفرح وانا ادهم لسه في حاجات كتير اوي بعملها ، هتنزلي معايا الاسبوع ده بقا عشان اجيب حاجاتي
-ربنا يكون في عونكم يا حبيبتي ، اه طبعاً هنزل معاكي
-بتردد:- احم .. ريحانه ، كنت عايزة اقولك ع حاجه
- في ايه قولي
-امممم، عز راجع
"توقفت الأنفاس، وهدأ عقلي ، هرب الكلام من فمي ، ولم بتبقي سوى صوت تسارع نبضات قلبي"
- ريحانه، ريحانه انتِ معايا
-انتِ ... ق قولتي اي
- عز كلم ادهم وقاله انه هيرجع يوم الفرح
-بعياط :- بجد يا هند عز .. عز راجع ، هشوفه يا هند هشوفه
- بحنيه:- اه يا حبيبتي هيرجع وهتشوفيه ان شاء الله، هيرجعلك يا حبيبتي
-بعياط اكتر :- يارب يارب
"يوم الفرح"
-ادهم ، عز مجاش ليه ؟
- مش عارف يا هند ، مش عارف
-استاذ ادهم احنا لازم نخلص الفرح حالاً
-مينفعش نستني شويه طيب كمان ساعه حتي
- انا اسف ، بس مينفعش
- تمام، شكراً ليك
"بعد اسبوع"
-الو
-ايوة يا ريحانه عامله ايه يا حبيبتي
- انا كويسه الحمد لله انتِ عامله ايه
-الحمد لله يا حبيبتي
-هند .. فات اسبوع وعز مجاش
- هو كان راجع يوم الفرح والله ، بس اتصل بأدهم ان حصل مشاكل في شغله وعشان كده معرفش ينزل
- بحزن:- ماشي ، معلش يا هند تعباكي معايا
- لا يا حبيبتي ولا يهمك ، ان شاء الله يرجع بالسلامه
"بعد يومين ، فتح عز الباب وداخل البيت نضيف و الشبابيك مفتوحه وريحه الاكل طالعه استغرب، خارجه ريحانه من المطبخ "
"واقفين قلبهم هيقف من سرعته"
-احم ، انا اسف معرفش انك هنا
"لف وشه وماشي "
-بصوت مهزوز:- عز
"لفلها بس وشه في الارض"
- بدموع :- متمشيش
-ليه
-عشان .. عشان دا بيتك
- ببتسامه حزينه :- اها
"لف وشه "
-بعياط :- انا فضلت هنا ممشتش ، مسبتش اوضتك ولا سريرك ولا اي حاجه هنا تخصك مسبتهاش لوحدها ، فضلت هنا من وقت ما مشيت ، فضلت استناك كتير ، استنيتك كتير وكان عندي استعداد استني اكتر بس ... بس ترجعلي
لاني بحبك، بحبك جداً ، متمشيش بالله عليك
- بصلها ببتسامه:- وانا كمان بحبك ، بحبك جداً للاسف
-جرت عليه بعياط :- انا اسفه ، اسفه اوي ، سامحني والله بحبك اوي
-مسح دموعها:- ششش انسي ، انسي كل حاجه
مسك ايدها باسها وطبطب عليها :- انا لازم امشي دلوقتي
-بخضه:- اي ، ليه انت قولت مش هتمشي
-لازم امشي دلوقتي ، مينفعش اقعد معاكي عشان احنا متطلقين، هجيلك بكره ونتجوز من اول وجديد
-بعياط :- هتيجي تاني بجد
-بيسمح دموعها :- هاجي والله ، بطلي عياط انتِ بس
-حاضر
-اشوفك بكرة يا نور عيني
-هستناك ، متتأخرش
- اهلا اهلا يا عز يا بني
-وحشتنا اوي يابني
-ليه الغيبه دي يا حبيبي ، وطلقت ريحانه كمان ليه
"قاعد واخد امه في حضنه"
-غصب عني والله مكنتش عايز ابقي اناني واجبرها تفضل معايا اكتر من كده
-بس ريحانه بتحب اوي يابني ، دي يا حبيبتي فضلت قاعده في البيت من وقت ما مشيت
-عارف ، كنت عندها قبل ما اجي ، بكرة ان شاء الله نجيب المأذون ونتجوز من تاني ، عايزكوا تجهزوا كل حاجه لغايه بكرة بليل ، اتفقنا
-الكل :- اتفقنا
-نمتي؟
- لا لسه ، كنت عارفه انك هتكلمني
-يااه ع الثقه ، افرضي مكنتش كلمتك
- بثقه:-لا انا قلبي قالي انك هتكلمني
-ماشي يا ستي
"فضلوا يتكلموا واتفقوا انه هيروح ياخدها بكره "
-كل حاجه تمام
-الكل :- تمام
-هروح اجيبها لغايه هنا وهغطي عنيها لغايه الاوضه اللي هتلبس فيها عشان متشوفتش اي حاجه
-روح يلا بسرعه
"الساعه 3 العصر"
-مساء الجمال
- عز اتأخرت كده ليه ، انا مستنياك بقالي كتير
- انا اسف يا حبيبتي
- عز، انت بتعمل ايه
-بغطي عينك ، اسكوتي بس لغايه ما نوصل
- بدموع و حب :- كل دا عشاني يا عز
-اه ياروح عز ، وبطلي دموع بقا ، كل شويه دموع كده
-دي دموع الفرحه
- طب يلا انا هروح بقا اجهز لغايه ما تجهزي
- بفرحه :- ماشي
- ريحانه رجعت نورت تاني بعد رجوعك يا عز كانت مطفيه ودايما حزينه
-مسك ايد ريحانه وبصلها :- مش هبعد عنك تاني ابداً
-يلا بقا عشان نجهزها اخرج برا ياواد
-بقا كده يا ماما ماشي
- بضحك:- يلا
" بارك الله لكما وبارك عليكما وجمع بينكما في خير "
-راح عليها وحضنها :- بحبك جداً
- وانا كمان بحبك جداً
"رجوعك ليا خلاني ، ارجع أنور من تاني "
بدل ماتدور وتبحث علي الروايات خليها علي تليفونك وحمل تطبيقنا
