الفصل السابع
- اهدي يابنتي متتوتريش
- اهدي ايه بس ، عز دا امتحان ثانويه عامه ، عارف يعني ايه ثاااانويه عاااامهه
- اه يا اختي عارف يعني ايه ثانويييه عاااامه ، مالك بتشدي في الكلمه كده ليه
- ولا ولا غور من وشي ، م انت عشان خلصت دراسه بقا هتشوف نفسك علينا
-بيحط رجل ع رجل ويتصنع الغرور :- هاها اومال ، هندسه وافتخر ، هاتي زيها انتِ بس يا فاشله
- هتشوف الفاشله دي هتجيب ايه والله لدخل ألسن وادوس عليكوا بالغات بتاعتي وابقا بشمترجمه قد الدُنيا ، وبعدين ما انت اتخرجت ومروحتش تشتغل مع عمو في الشركه يعني انت فاشل
-ألسن مرة واحده ، هنشوف يا ست فاشله هانم وانا ما اشتغلتش عشان لسه متخرج السنه اللي فاتت بريح اعصابي ، ولو عايز هبدأ من دلوقتي"بتريقه" الدور والباقي ع ثانويه عامه
- عز قوم اطلع بره
-بضحك:- تصدقي انا غلطان اني قاعد بهديكي
-اطلع برا ياض ، والله انادي لماما ، يا مامااا يا مامااا
-ايه يا حبيبتي في حاجه
- اه طلعي الرخم دا برا عشان اعرف اذاكر ، الامتحان بكرة وهو بيعطلني
-ضربها ع قفاها وهو بيقوم :- بت بومه، الحق عليا اني قاعد بهديكي، واسليكي وانتِ بتذاكرى
- تعالي يا زفت سيبها تذاكر ، ذاكرى يا حبيبتي وانا هروح اعملك ساندوتشات تتسلي فيها
- ماشي يا حبيبتي
-انتهدت بحزن ومسكت صورة باباها ومامتها:- وحشتوني اوي اوي ، بكرة اول امتحان ليا في ثانويه عامه ، ان شاء الله هدخل ألسن يا بابا زي ما كنت بتحلم ، ع فكرة يا بابا عمو بيحبني اوي ومش مخليني محتاجه اي حاجه وبيعملي كل اللي انا عايزاه ، ومرات عمو بتحبني اوي يا ماما ومبتفرقش بيني وبين عز وعاليه و عمر، كلهم بيحبوني اوي يا ماما ، بس انتوا وحشتوني ، وحضنت الصورة وحطيتها مكانها
-ياااااه خلصت الماده بتاعت بكرة وراجعت عليها 3 مرات كده تمام اوي
-ريحااااانههه
-بخضه :- ايه يا حيوانه خضتيني
-وحشتيناااي
-وانتِ كمان ، عملتي ايه في الكليه النهارده
-الحمد لله كان يوم حلو ، بس الواحد محتاج يخلص دراسه بقا
-هانت يا بيبي لسالك سنه وتخلصي
-يارب وانتِ عامله ايه في المذاكرة
- الحمد لله ، الامتحانات بكرة ادعيلي
-ربنا معاكي يا حبيبتي
-بقولك ايه يا عاليه
-ايه يا رورو
-احم، هو عمر هيرجع امتي
-بخبث:- وانتِ بتسألي عن عمر ليه
-بطلي رخامه بقا ما انتِ عارفه
- خلال شهر بالكتير وهيرجع
- بفرحه:- بجد
-ببتسامه :- اهاا م انتِ عارفه بقا الشغل اللي ماسكه
- ربنا يعينه ، نفسي يبقي بيحبني زي ما بحبه يا عاليه ، لكن هو مش شايفني غير طفله لسه ، وأخته
"بخنقه" رخم ، "ببتسامه" بس بحبه
- ركزي انتِ بس في امتحاناتك وهنشوف الموضوع ده بعدين انا وانتِ
-باستها من خدها:- ربنا يخليكي ليا
-حضنتها:- ويخليكي يا روحي
"بعد شهر "
- عاليه :- عز بطل رخامه بقا وقول النتيجه ، البت هتموت من القلق
- بحزن مصطنع:- للأسف
-ريحانه بخضه :- ايه في ايه
- بضحك :- 98 %يا فاشله
- بفرحه :- هيييييه ، اخيراً الحمد لله يارب ، وقعت قلبي منك لله
- يا دبش بدل ما تشكُريني
- بفرحه:- شكراً يا حبيبي
-مُبارك يا روح ماما ، تعالوا معايا يلا نعمل حاجه حلوة ، ونبقي نعمل حفله صغيرة ونحتفل كلنا بليل
"راحوا كلهم المطبخ وعز فضل سرحان فيها وفي كلمتها "
"في نفسه"
-حبيبي ! ياريت اكون حبيبك بجد و تكوني بتحبني زي ما بحبك "بحزن " بس انا عارف انك مبتحبيش الا عمر ، دايماً قريبه وأقرب حد ليا وعارف اني اقرب حد ليكِ بس كأخ وفي نفس الوقت بعيده ،ومش طايلك ولا عارف اعترفلك بحاجه ، يارب صبر قلبي
" صافية ورقيقة وطيبة، وبعيدة وأنتِ قُريبة!
هو أنـــتِ ليه بعيدة كدا؟! "
- بمناسبه ايه العشا الحلو ده والزينه الحلوة دي
"قلبها دق بسرعه بمجرد ما سمعت صوته"
- حمد الله ع السلامة يا عمر ، حمد الله ع السلامة يا بابا
- ببتسامه:- الله يسلمكم ، في ايه يا ولاد
-مفيش يا بابا ريحانه نجحت و جابت 98 %
-بجد ، مبروك يا حبيبه قلبي انتِ ، بالمناسبه السعيده دي هيبقي ليكِ هديه من اختيارك
-الله يبارك فيك يا بابا ، لا يا حبيبي انت مش مخليني محتاجه حاجه
-انتِ داخله الجامعه، ولازم يا ستي يبقي ليكِ عربيه ايه رايك ؟
-دا كتير اوي
- مفيش حاجه كتير عليكِ ، بكره تروح معاها يا عز وتختاروا سوا
-تحت امرك يا حاج
-مبروك يا ريحانه
- بخجل :- الله يبارك فيك يا عمر ، تسلم
- بضحك :- كبيرتي يا كتكوته
-بضيق بتخفيه:- اهاا ، عن اذنكوا انا هطلع انام
- استني يا ريحانه خديني معاكي
-بعياط :- هيفضل طول عمره شايفني طفله
- اهدي يا حبيبتي ، اهدي
- هو مش شايفني غير اخته يا عاليه ، بجد مش عارفه اعمل ايه عشان يفهم
-حضنتها:- ششششش اهدي
-واقف بره بحزن :- ياريت الحب دا كان ليا ، انا مستعد اعمل اي حاجة عشان اشوف فرحتك بس
"تاني يوم"
-يلا ياريحانه روحي مع عز عشان تختاري عربيتك
-حاضر
- عز
-نعم ، يا اخرة صبرى
- ايه اخرة صبرى دي يا استاذ انت ، أما انت رخم صحيح
- بصلها ورفع حاجبه:- انا رخم ، احترمي نفسك كده لغايه ما نوصل ، بدل ما اديكي قلم اقصرك اكتر ما انتِ يا اوزعه
-بصدمه:- ايه
-بضحك:- اه
-بصوت واطي :- رخم ، وبارد
- بتقولي ايه
-مبقولش مبقولش
"بعد شويه"
-عزز
-خير
-هتعلمني السواقه
-لا
- عشان خاطرى يا عز ، بليز ، عشان خاطرى ، عشان خاطرى
-ايه ، اييييه ، خلاص حاضر ، حاضر
- حبيبي يا زيزو خد قلبي مش عايزاه
- بصلها بحب واتكلم بضحك :- طفله والله العظيم طفله
-الله يا ريحانه حلوة اوي العربيه
-بفخر :- اشكريني، عشان انا اللي اختارتهالها
-كداب انا اللي قولت عليها يا عاليه
- لا انا اللي اختارتهاوالله
-بس بس خلاص
- حبيبي يا بابا ، ربنا ما يحرمني منك
-متغلاش عليكِ يا حبيبتي
- مبروك عليكِ يا ريحانه
-ببتسامه:- شكراً يا عمر
- ريحانه
- تعالي يا عز
-بقولك ايه انا رايح بكرة عند تيته في المزرعه ، وممكن اقعد يومين تلاته كده ، وانتِ عارفه ان كلهم في البيت مشغولين ومحدش هيجي معايا ، ف ايه رايك تيجي تزوريها معايا ، وتقضي يومين تلاته قبل ما دراستك تبدأ
- بفرحه:- بجد ، ايوة طبعاً هاجي ، دي تيته وحشتني جداً
-طب تمام جهزي حاجتك بقا وبكرة الصبح نمشي
- ماشي
-حبايب قلبي عاملين ايه
"بيحضنوها" الحمد لله يا تيته انتِ عامله ايه
- انا كويسه الحمد لله
-وحشتينا اوي يا تيته
-وانتوا كمان ياحبايبي ، اطلعوا ريحوا شويه الطريق كان طويل عليكوا
-انا هطلع احط حاجتي و اجيلك يا تيته عشان وحشتني القاعده معاكي
- ماشي يا حبيبي
-اقعدوا انتوا بقا وانا هطلع انام عشان مش قادرة
-اطلعي يا حبيبه تيته
"باصص عليها وهي طالعه "
-خلاص دخلت
- احم، هي ايه
- غمزتله :- عليا انا يا واد ، احكيلي ، بتحبها ؟
- بتهنيده:- بحبها اوي ، بس مينفعش
- ومينفعش ليه ان شاء الله
- بحزن :- عشان ريحانه بتحب عمر
-لا، ريحانه مبتحبش عمر ، ريحانه حاطه في دماغها انها بتحب عمر ، ريحانه بتحبك
-بذهول:- ازاي يا تيته بقولك ريحانه بتحب عمر ، وانا وعاليه وماما عارفين الكلام ده ، تقوليلي بتحبك انت !
- اسمع مني ريحانه بتحبك ، بس ريحانه لسه صغيرة مش عارفه تحدد هي عايزة ايه ،ومين ، هي معجبه بأخوك لكن مش بتحبه ،" طبطبت ع كتفه " مع الوقت هتعرف ، وهتقول ان كلامي صح
-بحيرة :-طب انا اعمل ايه عشان اخليها تتحقق من مشاعرها ، اعمل ايه عشان اعرف هي بتحبني ولا لا !
- ريحانه وخداك انك أخ عشان متعوده ع قربك ، عارفه انك معاها ع طول ومستحيل تبعد ، ضامنه وجودك جنبها ف مش عارفه تدي لنفسها فرصه تحدد مشاعرها ، جرب ابعد ، حسسها انك هتروح منها ، خليها تحس انها هتخسرك ، وتبقي برضو فرصه ليها انها تحدد مشاعرها تجاهك
-عندك حق يا تيته ، انا هعمل زي ما بتقولي ، ربنا يخليكي ليا تيته
-ويخليك ليا يا حبيبي وافرح بيكم
"بعد اسبوع"
- لو سمحتي يا ماما انا عايز كلكوا تتجمعوا
-حاضر يا حبيبي ، اهو باباك جه اهو
-كويس نادي لعز وعاليه وريحانه
"نادت عليهم"
-خير يا عمر
-خير بإذن الله انا قررت أخطب
"قلبها بيدق بسرعه وقاعده مخضوضه"
- بفرحه:- بجد يا حبيبي
-اه يا ماما
-ومين دي بقا يا بني
- نور ، المهندسه اللي معانا في الشركه يا بابا
- مبروك يا بني ، نور انسانه محترمه وشاطره جداً في شغلها
-الله يبارك فيك يا بابا
- ايه رايكوا انتوا كمان ، ايه يا ماما
-هاا، اه مبروك يا بني
- عز وعاليه بصوا ع ريحانه بحزن :- مبروك يا عمر
-بزعل ودموع مكتومه وصوت مهزوز :- مبروك
"جرت ع اوضتها "
- عمر بإستغراب:- هو في ايه
-عاليه وعز :- مفيش ، هنطلع نشوفها
-بتعيط بحرقه وهي في حضن عاليه :- هيخطب يا عاليه ، هيخطب غيرى يا عاليه
- ريحانه اهدي مينفعش كده
- بعياط :- حتي انت يا عز مش حاسس بيا
-بحزن:- حاسس ، ويمكن قلبي مجروح وموجوع اكتر منك
- بتمسح دموعها:- قصدك ايه يعني ؟
-عاليه وهي بتبصله :- هاا مش قصده حاجه يا حبيبتي، اهدي انتِ بس
- بعياط اكتر :- ياااارب
-ادخل
-عمر عايزه اتكلم معاك
- تعالي يا عاليه في ايه
- انت مش عارف انت عملت ايه ؟
-بإستغراب:- عملت ايه مش فاهم
-كسرت قلب ريحانه
-بإستغراب اكبر :- كسرت قلب ريحانه ازاي مش فاهم
- ريحانه بتحبك
-بذهول:- انتِ بتهزرى ريحانه دي اختي الصغيرة !
- للأسف ، دا تفكيرك انت ، دا المكانه اللي انت حطيتها فيها لكن هي لا ، محاولتش تشوفها حاجه تانيه ، انا مش هلومك، الحب مش بإيدك ، ولا بإيد حد ، عن اذنك
- هو ايه اللي بيحصل !
- ريحانه
-نعم يا عمر
-عايز اتكلم معاكي
-اتفضل
- انتِ بتحبيني؟
- بتوتر وصدمه:- ايه ، مين اللي قالك الكلام ده!
- مش مهم مين ، جاوبي ع سؤالي ، عموماً لو الكلام ده صح ، ممكن اتجوزك انتِ كمان
-بصدمه:- انت بتقول ايه ، ايه الهبل ده
- هبل ايه ، الشرع محللي 4 وانتوا كده 2 ، بحب واحده ، وواحده بتحبني ، بغمزه:- ولا ايه رايك
-بذهول:- انت مجنون رسمي
-مسكها من كتفها وبيقربها منه:- مش انتِ عايزة كده
-ضربته بالقلم بصدمه :- ابعد عني يا حيوان
"خرجت تجرى بعياط خبطت في عز "
- في ايه مالك
-بعياط وزعيق :- ابعد عني انت كمان ، انت بوظتلي حياتي ، اوعي انا مش عارفه ازاي كنت مأمنالك ع سرى، انتوا طلعتوا شبهه بعض ، انا مش عايزة اشوف وشك تاني ، اوعي
"وجرت ع اوضه عاليه"
"واقف مكانه بصدمه وللحظه دمعه نزلت من عينه "
- انا هبعد ، ياريت كنت عملت كده من وقت ما تيته قالتلي ، انا اللي غبى ،" بحزن" بس مقدرتش ، مقدرتش ، هل انا استاهل مقابل حبي ، كل الوجع ده ؟
"دخل اخد حاجته وهدومه ومشي من غير ما يعرف حد "
"حتى لو إقتضى الأمر أن تخلع قلبك وتمضي من دونه، المهم أن لا تبقى مرهونًا بالمشاعر التي تُمرّر لجوفك القلق والأذى وتُبقيك بائسًا."
- في ايه يا حبيبتي ايه اللي حصل
-شهقتها بتعلي:- مش ... قادرة .. اتكلم .. دلوقتي .. عايزه انام
- بحزن ع حالها :- نامي يا حبيبتي نامي وارتاحي
"تاني يوم الصبح ع سفرة الفطار سكوت تام"
- عاليه ، اطلعي صحي عز غريبه اوي انه لسه منزلش
-حاضر يا ماما
- الحمد لله، انا خلصت ، همشي بقا اروح الشركه ، عايزين
حاجه
- لا يا حبيبي ، بس عمر فين
- عمر بعته بليل يخلص حاجات هناك متقلقيش
- تمام يا حبيبي
- يلا سلام
- ريحانه
-.......
- ريحانه حبيبتي
- هاا، ايوة يا طنط
- سرحانه في ايه يا حبيبتي ، وايه طنط دي! عمرك ما قولتيلي يا طنط
- مفيش يا حبيبتي، متقلقيش
- ماما ، يا ماما ، الحقي ، عز مشي !
- ايه مشي راح فين
- معرفش يا ماما، انا دخلت ملقتوش ، خبطت ع الحمام مش جوا ، فتحت الدولاب بتاعه ملقتش هدومه ، بس لاقيت الورقه دي !
"وقفت ريحانه بخضه "
- بدموع :- ابني حبيبي ، روحت فين ، هاتي الورقه كده
"ماما يا حبيبتي متقلقيش ، انا روحت عند تيته انا قررت اعيش هناك ، يمكن افضل هناك دايماً ، ويمكن اغير رأيي وارجع ، بس مش هرجع دلوقتي، يمكن بعد شهر ، شهرين ، سنه ، انا بجد محتاج اريح أعصابي، انا عارف اني غلطان لما مشيت من غير ما اعرف حد ، بس كنتوا نايميين ومرضتش اعملكوا قلق ، ع حاجه بسيطه زيي دي ، كل واحد بيبقي محتاج يفصل ويبعد شويه ، وانا قررت ابعد ، هتوحشوني الفترة دي ، اتمني تكونوا مرتاحين "
*ريحانه عرفت ان الجمله دي ليها وعيطت بحرقه وندمت ع اللي قالتهوله وجرت ع اوضتها *
-بعياط :- ماما يا حبيبتي خلاص بطلي عياط بقا هنكلمه ع طول انك من عليه
- بعياط اكتر :- ايه بس اللي زعله هو كان كويس ، يا حبيبي ياابني
- خلاص يا ماما انتِ عارفه انه بيحب يقعد مع تيته ونفسه يعيش هناك من زمان ، ف ان شاء الله يكون مبسوط هناك ويغير جوا وهيرجع ان شاء الله يا حبيبتي متقلقيش
- بتمسح دموعها :- انا هطلع اوضتي اتصل بيه
- ماشي يا حبيبتي واطمني
- طيب يا حبيبتي ، اطلعي شوفي ريحانه انتِ
- ماشي
- بتعيطي ليه انتِ كمان
"رمت نفسها في حضنها وعيطت زياده"
- بإستغراب:- في ايه يا بنتي مالك ، عشان موضوع عمر تاني ، ريحانه يا حبيبتي، عمر مش بإيده انه محبكيش، وكمان هو طول الفترة دي مكنش يعرف ولا كان في دماغه ، هو ع طول شايفك اخته ، انسي يا حبيبتي وهيجي اللي يعوضك
- بعياط :- مش زعلانه ع عمر ، مبقتش حاسه خلاص اني متأثرة بالموضوع اوي ، انا يمكن كنت معجبه بيه طول الفترة دي ومكنش حب، لأني دلوقتي الموضوع مبقاش في دماغي
- بإستغراب:- اومال في ايه
- بعياط اكتر :- عز مشي بسببي يا عاليه ، انا السبب ، انا السبب انه ساب البيت ومشي
- بذهول :- انتِ السبب ازاي
"حكتلها كل اللي حصل من عمر وكل اللي قالته"
- بصدمه :- عمر عمل كده
- بدموع :- ايوة ، انا كنت غبيه انا اللي اخترت غلط ، يمكن وهمت نفسي اني بحبه ، وجبت اللوم كله ع عز ، انا مش عارفه ازاي يروح يقوله حاجه زي دي
- بتوتر :- ريحانه هو بصراحه مش عز اللي قاله
- نعم ! يعني ايه؟ امال مين اللي قاله
- بتوتر اكبر :- انا اللي قولتله
- بصدمه :- انتِ اللي قولتيله ، انتِ يا عاليه ، دا انتِ اخر واحده افكر انك تقوليله ، "بعياط" وانا بغبائى روحت حطيت كل الذنب ع عز وساب البيت ومشي ، ليه يا عاليه كده لييه
- بعياط :- انا اسفه والله اسفه ، كنت عايزة اعمل اي حاجه عشان افرحك واريح قلبك ، انا اسفه ، عشان خاطرى سامحني
-حضنتها بعياط :- مسمحاكي، بس عز ، اعمل ايه يا عاليه اعمل ايه ، انا مكنتش متخيله اني متعلقه بعز اوي كده يا عاليه ، قلبي واجعني
-مسحت دموعها :- ريحانه اهدي واسمعيني في حاجه مهمه لازم تسمعيها
- بصتلها بترقب :- في ايه
- عز
- ماله !
- بيحبك
- بصدمه:- ايه
- ايوة عز بيحبك من زمان اوي ومحدش يعرف غيرى ، عز بيحبك وكان بيساعدك تقربي من عمر عشان بس يشوف فرحتك ، حبك في قلبه كبير اوي وكل يوم بيكبر اكتر من اللي قبله ، في وقت ما انتِ واقعه في حب عمر ، عز كان بيموت كل ساعه وكل وقت بتجيبي قدامه سيرة عمر ، لكن يا حبيبي عمره ما بين ، وحلفني اني مقولش ليكِ حاجه ، بس خلاص معتش ينفع افضل مخبيه
- انتِ ازاي تفضلي مخبيه كل ده عني يا عاليه
- انتِ مكنتيش شايفه غير عمر ، كل حاجه عندك عمر، عمرك محاولتي تشوفي عز ، عز اللي كان دايما في ضهرك ، قوليلي كده عمر عملك ايه ؟ ولا اي حاجه ، عمر دا اخويا بس انا بقولك ميستاهلش حبك له ، اهو شاف حياته وهيتجوز ويسافر ويمشي من هنا ، لكن عز هيفضل بجرحه لانه مش شايف غيرك ، الي يستاهل حبك ده كله هو عز ، انتِ بالنسبه لعمر مجرد أخت، لكن بالنسبه لعز انتِ روحه
"أحدهما يراك هامشاً...وهناك آخر يراك أُمنيه "
" بعد شهر ، ريحانه خلصت اولي كليه ونجحت وطول الشهر بتحاول تكلم عز ومبيردش عليها ، بيكلم والدته يطمنها بس "
- عاليه
- ايه يا حبيبتي
- بحزن :- عز مش هيرجع بقا ؟
- والله ماما كلمته كتير ومش راضي
- بحزن :- طيب
- بخبث:- طب بقولك ايه
- ايه
-ما تروحيله
- بتفكير:- تفتكرى
- ايوة طبعاً
- ماما ، ماما
- ايه يا ريحانه
- انا هروح عند تيته
- لوحدك !
- اه ، هروح لعز عشان ارجعه
- ببتسامه:- طيب يا حبيبتي ربنا يفرحكوا
- اهلا ريحانه حبيبتي وحشتيني
- باست ايديها:- اذيك يا تيته ، عامله ايه يا حبيبتي
- بخير الحمد لله
- هو عز فين
- بخبث:- اهاا يعني انتِ جايه لعز مش جيالي
- بخجل:- يا تيته بقا ، هو فين
- بضحك:- في الاسطبل ، عند ليل
- كده بقالي شهر و 5 أيام و 12 ساعه ماشوفتهاش ولا سمعت صوتها يا عم ليل "بتنهيده" وحشتني اوي
- وانت كمان وحشتها اوي ، لو بترد عليها كنت سمعت صوتها
بص وراه بصدمه:- ريحانه "راح قدامها" انتِ جيتي لوحدك ؟
-ببتسامه:- اه
-ازاي ، عرفتي تيجي المسافه دي كلها لوحدك ازاي
-عادي يعني يا عز ، و بعدين اللي معلمني السواقه، حد شاطر جداً مش فاشل " ابتسمتله" ولا ايه
" لف وراح لليل":- طب وجايه ليه
"راحت عنده "عشان ارجعك معايا البيت
-بتريقه:- والله ، وانتِ بقا تبعديني بمزاجك وتقربيني بمزاجك ؟
- بندم:- عز ، انا اسفه ، أسفه ع كل كلمه قولتلها واسفه ع كل حاجه عملتها حسستك بخنقه، انا اسفه يا عز ، بس عشان خاطرى ارجع معايا
- هرجع ، بس مش دلوقتي
- ليه يا عز ليه
- لسه محتاج وقت أعالج قلبي من جروحه
- ببتسامه:- هنعالجه سوا ، بس يلا نرجع ، وع فكرة فرح اخوك بعد اسبوع
- عارف
- عارف منين ؟
- كنت بكلم ماما ع طول ، وكنت ناوي ارجع يوم الفرح
- لا انت هترجع معايا دلوقتي
- بس ..
- قاطعته :- مفيش بس ، "وبصت " في عينه :- عشان خاطرى ، اديني فرصه
- ابتسملها بحب :- يلا
"بعد اسبوع يوم فرح عمر ونور ، عمر قرر انه مسافر بعد كتب كتابه ع طول "
- مبروك يا ولاد
-الله يبارك فيك يا بابا
- ربنا يسعدكم يا حبايبي
- يارب يا ماما ، طب احنا يا دوب ناخد حاجتنا ونروح للمطار عشان الطيارة كمان ساعتين
-" راح لريحانه " ريحانه انا اسف ع كل حاجه
- ببتسامه:- ولا يهمك انت اخويا الكبير ، والف مبروك
- الله يبارك فيكِ ، عقبالك
- تسلم
- بقولك ايه
- ايه
- بما ان الكل متجمع، والمأذون موجود ، يلا احنا كمان
- بضحك :- يلا ايه
- طب يلا احنا يا نور
- لحظه واحده ، اتفضل يا عم الشيخ لو سمحت ، "بضحك" في عريس وعروسه تانيين
- والده ووالده وعاليه بإستغراب :- هما مين دول يا عز
- مسك ايد ريحانه ببتسامه :- احنا
-كلهم بفرحه:- مبروك يا حبايبي
" بارك الله لكما وبارك عليكما وجمع بينكما في خير "
- بضحك:- والله انت مجنون ، حد يعمل كده
- اه انا عندك مانع
- بضحك:- لا ، لا سامح الله
- طب بحبك
- وانا كل دقه في قلبي بتحبك
"ثم يعوضكَ الله بِما يليق بِقلبك
