الفصل الثامن
-مالك يا ريحاني ، قاعده ع السلم و بتعيطي كده ليه
- بعياط :- عز ، بابا قال هنمشي من البيت ونروح بيت تاني
- قعد جنبها بزعل :- هتمشوا من البيت ، ليه
- عشان الشغل معتش هنا
- طيب هتروحوا فين
- مش عارفه، " عياطها زاد " مش عايزة امشي من هنا يا عز
- بصلها بزعل جامد :- عمو سيف قال هتمشوا امتي
- بعد اسبوع
- انتهد بزعل وطبطب عليها :- خلاص بطلي عياط
- عز مش عايزة امشي عايزة افضل هنا ومعاك
- وانا كمان مش عايزك تمشي بس هنعمل ايه
" بعد اسبوع "
-بعياط:- يا ماما مش عايزة امشي عشان خاطرى
- نزلت لمستواها:- غصب عني يا حبيبتي ، شغل بابا انتِ عارفه انه اتنقل ف لازم نمشي
- بدموع:- طب هروح اسلم ع عز واشوفه قبل ما نمشي
- تعالي يا حبيبتي احنا هنطلع نسلم عليهم ونشوف طنط وعز وكلهم
- بحزن :- ماشيين خلاص يا ام ريحانه
- اه يا حبيبتي سيف بيجهز آخر حاجات لينا وهينزل يسلم ع ابو عز تحت وهنمشي ع طول
- طنط ، طنط
- نعم يا حبيبتي ، عز فين
- عز فوق ع السطح
- انا هطلع لعز يا ماما
- اطلعي يا حبيبتي
- عز
-مسح دموعه وبصلها :- ريحانه ،تعالي
- بحزن :- طلعت اشوفك قبل ما نمشي
- ببتسامه حزينه:- هتمشي خلاص
- دموعها نزلت :- اه
- طيب بصي انا جبتلك دي البسيها في ايدك ، وخليها معاكِ دايماً، وانا كمان جبتلي واحده زيها ، عشان متنسنيش وانا عمرى ماهنساكي ، هتوحشيني اوي لغايه ما ربنا يكتبلنا نشوف بعض تاني
- حضنته بدموع :- بحبك اوي يا عز
- بحزن :- وانا كمان بحبك يا ريحاني
"أُحضنيني بقلب جامد هيّٰ ضمة الوداع"
"بعد 14 سنه "
" في شات الواتساب "
- ريحانه ، ريحانه
- ايه يا زفته
- مجتيش الكليه النهارده ليه ؟
- كنت بذاكر ونمت بعد ما صليت الفجر ومعرفتش اصحي اجي
- طب بقولك ايه في حاجه مهمه جداً حصلت
- في ايه
- الكليه قررت تاخد 10 او 15 من المتفوقين عشان يتدربوا في شركات كبيرة ، عشان لما يتخرجوا يشتغلوا ع طول
- بتهزرى ، دا احنا لسه في سنه تالته يا بنتي
- وايه المشكله لسه سنتين ونتخرج ، ادعي بس انهم يختارونا ، دي فرصه حلوة جداً
- عندك حق والله ،لازم نستغل الفرصه دي
- يارب نكون منهم
- يارب
- ماما ، بابا
- تعالي يا حبيبتي احنا في الصاله
- في حاجه مهمة جداً لازم اقولكوا عليها
- في ايه قولي
" قالتلهم اللي حصل "
- بفرحه :- بجد طب يا حبيبتي يارب تكوني منهم ويختاروكي
- يارب يا ماما انا متوترة ومش عايزة الفرصه دي تضيع مني
- بنتي الجميله انا عارف انك متفوقه و واثق اهم هيختاروكي
- حضنتهم:- يارب يا حبايبي
"دخلت اوضتها ، مسكت البريسلت بتاعها "
- مش عارفه لو شوفتك هعرفك ولا لا او لو شوفتني هتعرفني ولا لا ، بس وحشتني ونفسي اشوفك ، وبدعي ربنا اني اشوفك في اقرب وقت وحاسه انه الوقت قرب ، حبك لسه في قلبي ، مكنتش اعرف ان حب الطفوله هيبقي حب أبدى ، ربنا يجمعنا في حلاله ، هتفضل انت الدعوة الثابته في كل وقت
" في شركه هندسه كبيرة "
*قاعد ماسك البريسلت بتاعته*
- حاسس انك بتقربى يا ريحاني، حاسس اني هشوفك قريب ، بس امتي "انتهد بقوه " مش عارف ، بس يارب يكون قريب اوي ، هفضل ادعي انك تكوني نصيبي طول الوقت ، ياريت تكوني لسه فكراني " بحبك جداً "
" لعلّنا يا حبيبةُ القلب رُغم فقْر اللقاء والحديث أن نكون مُتشابهان في النوايا فتدْعي الله بإلحاح من أجلي ، وأنا أدعوه سراً بإشتياق اللَّهُم عجِّل بأن تكوني حلالي ، فتُصادف دعواتُنا ليلة فرديةً بألف شَهْر "
" مسك تليفونه"
- ايه يا ادهم
- ايوة يا عز
- فين الملفات اللي بتخلصها يا بشمهندس
- بخلص في آخر واحد اهو ، قولي انت جهزت ل meeting بكرة
- اه تمام خلصت كل حاجه
- كويس جداً
- خلص وتعالي عشان نحدد الميعاد
- ماشي
" بعد يومين "
نور
-" حضنتها" حبيبتي عامله ايه
- الحمد لله وانتِ
- انا تمام الحمد لله
- بقولك هما نزلوا الاسامي اللي هتروح تتدرب
- لا لسه هينزلوها بكرة
- بتوتر:- ربنا يستر
- يارب يا ريحانه يارب
-تمام كده
- اتفقنا كده ؟
- ايوة ان شاء الله
- طب نمضي ع العقود ؟
- يلا
- هنبتدي امتي الشغل يا عز ؟
- .........
"عز سرحان "
● Flash back
- ريحاني
" بصتله بزعل"
- في ايه
- عز انا زعلانه منك
- ليه بس
- كده عشان امبارح طلعت هنا استناك عشان تلعب معايا مجتش ، انت وحش يا عز
- "طلع شوكولاته من جيبه" طب يا ستي حقك عليا
- بفرحه :- شوكولاته ، خلاص عز حلو وانا مش زعلانه منه " بصتله بطفوليه " زعلانه منه شويه صغننين بس
- انا اسف مش هتحصل تاني ، بس انتِ بتطلعي وانا بيكون عندي دروس ، ولازم اذاكر
- ليه لازم تذاكر
- عشان لما اكبر نفسي اطلع مهندس ، وانتِ كمان لازم تذاكري ، انتِ عايزة تبقي ايه لما تكبرى
- ببتسامه طفوليه:- مهندسه زيك
●Back
- عز ، عز
- هاا ، ايه يا ادهم
- انت تعبان ؟ نأجل ال meeting ؟
- لا لا تمام
- طب يا جماعه خلاص اتفقنا ، مبروك
- عز مالك ، بقيت تسرح كتير الايام دي
- مش عارف بقت ع بالي كتير الايام دي يا ادهم ، حاسس اني بشوفها في كل حته ، وفي كل حاجه
- ريحانه برضو ، يا عم انسي يمكن تكون نسيتك اصلا
- مستحيل ، وبعدين انا حاسس انها بتقرب، وخلاص هشوفها، بس امتي ؟ وازاي ؟ وفين ؟ معرفش ، بس الاكيد ان ربنا هيقبل دعواتي
- طبطب ع كتفه :- ربنا يريح بالك يا صاحبي
"لماذا أراكِ فى كل شئ وفي كل مكان ؟ "
- بتوتر :- يارب يارب
- مش هتدخلي تشوفي معايا اسمك
- لا مش عايزة ادخل يا نور
- طب تعالي بس شوفي اسمك
- طب ادخلي شوفيلنا احنا الاتنين
- ماشي يا ستي
"بعد شويه "
- ها
"بصتلها من غير اي تعبير "
- انطقي
- ضحكت بفرحه :- اختارونا، اختارونا
-صرخت بفرحه :- بجد
- ايوةةة
" فضلوا يتنططوا بفرحه"
- ماما ، ماما ، بابا ماما فين
- في المطبخ يا حبيبتي
- بصوت عالي :- يا ماما
- نعم يا جزمه ، بتزعقي ليه كده
- تعالي يا ست الكل تعالي
- في ايه يا بت
- ماما، بابا عملالكوا مفاجأه
- الاتنين في نفس الوقت :- ايه هي
- اختاروا بنتك يا دكتور سيف ، لاقيت اسمي يا ماما ، اختاروني من الطلبه المتفوقين ، وهروح اتدرب
- بفرحه :- مبروك يا فرحتنا مبروك
- الله يبارك فيكوا يا حبايبي
- ونور معاكي ؟
- ايوة نور معايا الحمد لله ، انا هقوم اصلي ، واصلي ركعتين شكر لله
- قومي يا بنتي ، ربنا يفرحك ويوفقك يارب
- عز ، أسماء طلبه الهندسه اللي هيتدربوا هنا وصلت
- "وهو باصص في التليفون" طب تمام حطهم هنا وانا هديهم لاماني السكرتيرة اما تيجي
- تمام ، هما هيبدوا من بكرة صح
- اه من بكرة ان شاء الله
- كويس جداً
" تاني يوم ال 10 طلاب راحوا الشركه "
- انا متوترة اوي يا نور
- وانا كمان دي شركه كبيرة جداً ، وباين عليهم تعاملهم صعب
- ربنا يستر
= ريحانه سيف الدين ، نور عاصم
- ايوة موجودين
= اتفضلوا ، انسه نور ، ادخلي المكتب ده ، و انسه ريحانه ادخلي المكتبه ده
- تمام
- نور متقلقيش ، تمام
- وانتِ كمان متقلقيش
"حضنوا بعض "
- الاتنين في نفس الوقت:- بالتوفيق
- ادخل
" وشه في الورق "
- احم ، انا ريحانه واحده من كليه الهندسه اللي هتدرب هنا
- " في عقله" ريحانه ! "ورفع وشه وبصلها وقلبه دق بعنف"
قلبه :- دي اكيد هي
عقله:- هي عشان اسمها ريحانه تبقي هي ؟
قلبه :- لا بس انا حاسس ان هي ، اومال انا بدق كده ليه ؟
عقله :- تعرف تسكوت ، هو مفيش حد في الدُنيا اسمه ريحانه غيرها
قلبه:- اكيد في ، بس انا مش هدق كده غير ليها ، انا متاكد ان هي
عقله:- بقولك ايه ، متبقاش مُتسرع كده في كل حاجه، قدامنا وقت نتأكد هي ولا لا ! وبعدين انت مش كده مديها بريسلت تلبسه في ايدها ، وكنت جايبه كمان بيتوسع عشان تبقي توسعه كله اما تكبر ، هو فين بقا مش في ايدها
قلبه :- انا بقولك ان هي ، هتعرف مع الوقت ، انا معاك ومش هتسرع المرة دي
عقله:- اسكوت بقا حواراتك كترت
- احم ، بشمهندش ، حضرتك معايا
- هاا ، ايوة معاكي، اتفضلي اقعدي هفهمك شويه حاجات
- بإستغراب :- ماشي
" هو انا حاسه اني عرفاه ليه ، حاسه انه مألوف بالنسبالي ، حاسه اني اعرفه من زمان ، حاسه اني ليا حكايات معاه ، ايه اللي انا بقوله ده ، وحكايات ايه دي ، اوووووف"
" وأُسكني حتىٰ مماتي وإنسخي كُل حكاياتي. "
- تمام كده يا انسه نور
- ببتسامه :- تمام يا بشمهندس ......
- ادهم
- تمام يا بشمهندس ادهم ، هو كده حضرتك اللي هتدربني
- ببتسامه :- ايوة انا ، متقلقيش كله هيبقا كويس ، وهنمشي خطوة خطوة
بصي خدي رسم المعمار ده اتدربى عليه كويس جداً ، وعايز اشوفك منك تاني
- بلعت ريقها بتوتر :- كل ده
- ايوة ، دا هيفيدك جداً ، ومتقلقيش انا هاخده منك بعد اسبوع من دلوقتي ، اظن تقدرى تخلصيه ولا ايه ؟
- هاا اه طبعاً طبعاً
- ولو في اي حاجه وقفت معاكي قوليلي وانا افهمك
- تمام يا بشهمندس
- تمام اتفضلي انتِ
- عن اذن حضرتك
- ريحانه ، انتِ يا بنتي
- ها ، ايه
- مالك سرحانه ليه كده
- مفيش حاجه ، قوليلي مين اللي هيدربك؟
- بشمهندس ادهم وانتِ ؟
- تصدقي نسيت اسأله عن اسمه
- انتِ بتهزرى !
- والله ، استني هدخل اسأل السكرتيرة
- لو سمحتي
= ايوة
- هو البشمهندس اللي دخلتيني عنده عشان يدربني اسمه ايه
= اسمه بشمهندش عز الدين يا انسه ريحانه
- بصدمه:- ماشي
- ها اسمه ايه
- ......
- انتِ يا بنتي اسمه ايه
- بدون وعي :- عز
- عز ! عز مين
- اسمه عز
- ومالك بتقوليها كده ليه ؟
- نور معلش احنا لازم نمشي دلوقتي ،
هبقي احكيلك كل حاجه بعدين
- طيب ماشي يلا
" رجعت البيت وحكت لمامتها كل حاجه "
- طب ما يمكن مش هو يا بنتي
- ماما والله انا حاسه ان هو والله
- طيب يا بنتي اهدى ، اكيد انتِ مش هتبقي عارفه شكله ولا هو هيبقي عارف شكلك عشان كبرتوا وشكلكوا اتغير اكيد ، يمكن ده اللي ملخبطك
- صدقيني يا ماما انا قلبي حاسس
- ربنا يجمعكوا تاني يا بنتي
- يارب يا ماما يارب
- خلصت يا عز
- اه يا ادهم يلا نمشي
- بقولك ايه تعالي نروح ناكل ، مش عايز اروح البيت دلوقتي
- ولا انا والله
- طب اشطا يلا
- يلا
- سرحان في ايه يا عم
- مش عارف ، في حاجه غريبه حصلت النهارده
- في ايه
"حكاله اللي حصل"
- ياعم مش عشان اسمها ريحانه يعني تبقي هي
- بس انا حاسس ان هي
- بتفكير :- طب انت اكيد فاكر اسم باباها صح
- اه اكيد
- مشوفتش اسمها في الملف ليه يا جدع انت
- خبط بإيده ع دماغه :- تصدق صح
- بغرور مصطنع :- مش عارف من غيري كنت هتعمل ايه
- بضحك :- يا اسطا انت حبيبي ، وصديق طفولتي ، انت اخويا
- حبيبي ، ربنا يديم المحبه
"تاني يوم الشركه "
- ها ياعم جايبني مكتبك ليه ، زمانهم جايين لازم استني في مكتبي
- اصبر ، انا جايبك هنا عشان نشوف اسمها
- طب يلا
"بعد ثواني"
- ملفها اهو
- افتح وشوف
- يارب
- متقلقش ، ربنا هيجمعك بيها تاني يا صاحبي
- بصدمه ممزوجه بفرح :- ريحانه سيف الدين ، ادهم دي طلعت هي ، طلعت هي ، الحمد لله
- بفرح :- مش قولتلك يا صاحبي ، حبك صادق
- انا مش مصدق نفسي من الفرحه
- بغمزه :- هنفرح بيك قريب يا حبيبي
- ان شاء الله، انا لازم اتكلم معاها النهارده ، انا معتش هستني اكتر من كده
- ربنا معاك يا صاحبي
- انا هقوم بقا عشان شغلي
- ماشي يا حبيبي
- صباح الخير يا بشمهندس ادهم
- ببتسامه :- صباح الخير يا بشمهندسه نور
- حضرتك في رسمه مش فهماها
- وريني كده
" فضل يشرحلها "
- ببتسامه:- صباح الخير يا بشمهندس
- قام وقف بفرحه :- ريحاني
- بإستغراب وصدمه:- افندم
- ببتسامه:- انتِ ريحاني ، انا عز يا ريحانه ، مش فكراني؟ ، طلع بريسلت من جيبه " بصت في ايدها لأول مرة تلبسه من فترة كبيرة وكإنها كانت عارفه انه يوم اللُقي" طب دا مش فاكراه ؟
- مدتله ايديها وعنيها دمعت:- فاكرة ، فاكرة كل حاجه كإنها كانت امبارح ، كنت حاسه اني اعرفك
- بفرحه:- وحشتيني يا ريحاني
- بدموع :- عمرى ما نسيتك وع طول في بالي وفي قلبي ، كنت عارفه ان اللُقي قرب
- طب خلاص بطلي عياط بقا ، بضحك :- كبرتي يا ريحاني ومبقتش اعرف احضنك واصالحك زي زمان ، "بغمزه" بس قريب هعرف اعمل ده ان شاء الله
- مسحت دموعها وضحكت :- وحشت قلبي
" بعد شهر ، نور وادهم اتخطبوا "
- مبروك يا صاحبي ، بقا انا افضل صابر كل السنين دي وفي الاخر تخطب قبلي
- بضحك :- الله يبارك فيك يا حبيبي ، اعملك ايه ، انت اللي مستني
- خلاص هانت
- مبروك يا روحي
- عقبالك يا قلبي
- بضحك:- لا ان شاء الله مش هتبقي خطوبه بس م انا مش هستني كل السنين دي وفي الاخر اعمل خطوبه بس وبعدين اقعد استني ، بالنسبه الخطوبه احنا نلغيها ونكتب الكتاب ع طول
- بضحك:- طب يلا اختي استعجلوا شويه
" بعد اسبوع "
- نورتونا والله ، واخيراً اتجمعنا من تاني وكمان هنبقي عيله واحده
- وحشتونا اوي كلكم
- وانتوا والله
- طب يا عمى لو سمحت انا عايز كتب كتاب ع طول، مش محتاجين خطوبه
- والله يا بني الرأي رأي ريحانه
- بسرعه:- موافقه ، اااقصدد اقصد يعني اللي تشوفوه
" ضحكوا كلهم "
" يا صحاب يا اغراب خلاص كتبنا الكتاب شوفوا حبيبه قلبي"
- بحبك يا ريحاني
- ريحانك بتحبك بردو
- مش مصدق اننا اتجمعنا تاني وفي الحلال ، ربنا استجاب لدعوتي اللي فضلت ثابته من آخر مرة شوفتك فيها واحنا عيال
- وانت كنت دعوه ثابته عندي والحمد لله اتحققت
" يا حبيب امبارح وحبيب دلوقتِ،
يا حبيبي لِـبُكرا ولـآخر وقتي! "
