Ads by Google X

روايه هتفضلي لابسه النضاره والطرحه دي كتير وبشرتك الفصل الاول


 الفصل الاول

هتفضلي لابسه النضاره والطرحه دي كتير وبشرتك الغامقه ومش بتهتمي بنفسك شكلك مش حلو
دي خلقة ربنا يا جاسر وانا مش هخلع الحجاب وكفايه كلام بئا
ماشي يا جنه براحتك
-اي يا جنه مالك بتعيطي لي
كل مره يقولي نفس الكلام طب لي كان بيقرب مني طالما هو بيأذيني كده
قالك برده علي الحجاب وبشرتك والنضاره وجسمك مليان
لا تصدقي نسي جسمي المرادي 😂
انتي بتهزري يا جنه
اعمل اي بس انتي متعرفيش كمية الوجع ال فقلبي لما بيقولي كده وانا بحبه
يا جنه قولتلك مية مره اهتمي ببشرتك وبنفسك شويا
حتي انتي طب أنا عرفه كده بس ال بيحب مش بيتفرج علي المظهر تقدري تقوليلي لو انا عملت حادثه وانا جميله وشكلي بئا وحش جاسر هيعمل اي
زينب وقتها فكرت ومردتش عليا تقريبا كانت عرفه الاجابه
بالظبط كده مش قادره تردي لانك عرفه أن هيسيبني ويعيرني
بس تعرفي أن حبيته بجد بس اوقات التعلق بيغلب الحب وهتفهمي مع الوقت
...







سبيتها ومشيت وانا منهاره من العياط
أنا مش وحشه عشان الكل يتكلم معايا كده ومش وحشه عشان اختار شخص غلط لا أنا جميله مع خلقة ربنا ليا بس البشر مش بتفهم كده
جنه ( بشرتها قمحي وخده علي السمار شويا وملامحها رقيقه وعنيها عسلي وجسمها مليان شويا )
مشيت عند النيل وقعدت قدامه لحد وقت الغروب وانا بعيط وفي شخص كان بيراقبني
في اي يا انسه مالك
مسحت دموعي وقتها وديرت وشي مكنتش عاوزه اتكلم
علفكره أنا باجي هنا كل يوم وكل يوم الاقيكي بتعيطي فنفس المكان أنا مبكلمش حد لكن استغربت منك
وقتها بصيتله وسرحت فيه بس نفضت أفكاري بسرعه
شاب جميل بشرته خمري وخده علي القمحي عنده دكن بني عنيه عسلي وشعره ناعم
هاا هفضل استني كتير
اعرفك بيا انا كريم
بصيتله وسكت برده وقتها طلع منديل ومسح دموعي مع علامات الاستغراب ال علي وشي
علفكره مش مضطر تعمل كده ممكن تمشي
وعلفكره مطلبتش منك انك تقولي كده هااا اسمك اي
اسمي جنه
طب ينفع واحده قمر زيك واسمها جميل تقعد كل يوم تبكي فنفس المكان كده شكلك بتحبي العياط وعيوطه 😂
بصيت وسرحت فضحكته اد اي هي حلوه بس لفت انتباهي الدبله الموجوده في أيده
سرحانه في اي
الدبله انت خاطب صح
لا كنت مجوز ومراتي اتوفت
ربنا يرحمها
الوقت أتأخر ومينفعش تقعدي اكتر من كده روحي وهقبلك هنا بكره
ولو مجتش
هتيجي
اي ال يخليك متأكد كده
عشان أنا حاسس انك هتيجي وهتحبي تتكلمي مع حد غريب عنك
مشيت وانا بفكر في كلام صحباتي وكلام جاسر وتريقتهم عليا حتي والدتي ديما بتقول انها عامله حسابها أن أنا مش مجوزه بسبب شكلي
ابتديت اصلي واعيط كتير وطبعا روحت في ثبات عميق من النوم وصحيت تاني يوم للجامعه
اي يا جنه مالك
مفيش يا جاسر
طب مش حبه تخرجي
لا ميشرفكش انك تخرج مع واحده زي امشي يا جاسر امشي
ماشي يا جنه انتي ال قولتي وبراحتك
وقتها حبيت امشي لنفس المكان بس قولت لا مش عاوزه اشوفه خايفه يكسرني هو كمان بكلامه لا مش هروح
يا تري يا جنه اختفيتي لي اكيد هرجع واشوفك فيوم صح
مر شهر وانا في تعب نفسي واخيرا قررت أن اروح المكان ده اكيد مش هيبقي هناك واكيد نساني
قعده بتفرج علي البحر وبغني بس صوتي مش حلو اوي
ههههههههه صوتك جميل







كريم
كويس انك فكره اسمي
فكرتك نسيتيني ومش هتيجي تاني
مستنيكي شهر كامل
لي
كنت محتاج اسمعك
وانا مش عايزه حد يسمعني عن اذنك
مسك ايدي وقتها
هتمشي تاني يا جنه
لازم امشي ومش هرجع تاني ولو سمحت أنا مش حبه اتكلم مع حد انا حبه حياتي كده متجيش تكسرني انت كمان
جنه استني .....

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-