Ads by Google X

القائمة الرئيسية

الصفحات

رواية دنا مبركعهاش هتجوزنى منقبة الفصل الثالث


 الفصل الثالث

كمان مش عايز اعيش معاكي بس مش هنطلق دلوقتي
طيب لحد ما نطلق ياريت تبطل تريقتك دي لوسمحت
تمام انا داخل انام جوا عشان زهقت من الكنبه نامي عليها انتي بقا
**************
تاني يوم
كنت فين
وانتي مالك
انا غلطانه اني سالتك اصلا
وهو بيولع سجاره...ياريت متساليش علي حاجه متخصكيش تاني
اي القرف دا اقفل متشربش سجاير في البيت
لا ثواني بس انتي فاهمه غلط دا بيتي انا
وانا مش بحب ريحتها وبعدين اول مره اشوفك بتشربها
بقولك اي لو مش عجبك روحي بيت اهلك
دخلت شهد اوضتها
****************
بليل*
بقولك اي كل يوم تكلميني في نفس الموضوع واقولك مش دلوقتي كفايه زن
بعياط... انا عايزه اطلق دلوقتي مليش دعوه
انتي له محسساني اني مش عايز اطلقك انا بس مستني شويه
شويه قد اي؟
معرفش
طيب انا داخله انام
..............
فضلنا اسبوعين زي محنا كل يوم خناق وكان رافض جدا فكره الطلاق طبعا عشان شغل باباه



......
صحي احمد علي صوت شهد وهي بتعيط و بتقراء قران
معلش صوتي كان عالي وصحيتك
لا عادي... صوتك في القران حلو
شكرا
انتي خاتمه القران صح
ببتسامه... اه
طب مش هتنامي؟
هصلي الفجر وانام
طيب هاقوم اتوضي واصلي معاكي
......
بتبصيلي كدا له
لا عادي اصل يعني ....
مستغربه اني هصلي الفجر صح
بصراحة اه
بصراحه انا كنت قايم من النوم اتخانق معاكي بس صوتك حسسني براحه غريبه ودلوقتي عايز اصلي فيها حاجه دي
لا يلا نصلي الفجر هايروح علينا
........
عايز اقولك حاجه
قول
انا اسف اني ضربتك علفكره انا مش كدا خالص بس انتي دايقتيني
منتا قولت عليا مش محترمه يبقا مين استفز التاني؟
خلاص انا اسف
طب هو انت مش بتحب المنقبات له
اصل بصراحه اغلب الي بشقطهم منقبات
بتشقطهم!!اي الافاظ دي وبعدين المنقبات مش بتشقطو انت الي معارفك غريبه
عندك حق
اي دا انت مش هاتتخانق معيا زي كل مره غريبه دي
لا خلاص حرام بتصعبي عليا
طيب انا داخله انام بقا
*************
فضلنا شهر كل واحد في اوضتو وفي حالو الحاجه الوحيده الي اتغيرت ان احمد قرب من ربنا كنت مستغربه بس فرحانه حسيت انو قرب من ربنا بسببي
.......
شهد
نعم
هو ربنا ممكن يغفرلي كل الي كنت بعملو
اكيد ربنا غفور ..
طب انتي مش زعلانه مني صح
لا مش زعلانه
طب ممكن طلب معلش
اطلب
عايز اتعلم التجويد
سوال بس اي سبب التغير دا
بصراحه لما سمعتك بتقراي قران صوتك اثر فيا وبدات اشوف فديوهات وحبيت الموضوع
دا تغير فتره وهاترجع ولا بجد عايز تتغير
انا عايز اتغير وعايزك تساعديني اتغير
طب يلا نقراء قران
.......
انت سرحان في اي
بصراحه مش عارف اركز من جمال صوتك
معلش ركز وبعدين نشوف موضوع صوتي دا
حاضر
فضلنا نقراء قران شويه وخلصنا
شكرا
العفو علي اي ... ممكن اطلب انا كمان طلب
=.......
احنا هنطلق امتي انت قولت هانشوف الموضوع دا بعدين واحنا بقالنا شهرين متجوزين
انتي عايزه تتطلقي؟
احنا الاتنين مكناش عيزين الجوازه دي من الاول اصلا
حاضر نتكلم في الموضوع دا بعدين



انت كل مره بتقولي بعدين .. بعدين دا امتي ؟
=........
طب بابا وماما جاين بكرا ممكن تكلمهم وتقولهم اننا عايزين نطلق
حاضر يا شهد انا هنام بقا تصبحي علي خير
****************
صحي احمد الفجر اتوضي وكان مستني شهد تصحي عشان يصلو عشان اتعودو يصلو مع بعض
بهمس...شهد
=....
ياشهد
=......
يابنتي اصحي الفجر هايروح عليكي
الساعه كام
اربعه ونص
طيب هاقوم دلوقتي
**************
اتوضت شهد وصلو وقعدو يقراو قران
هاتكلم بابا صح
اه
طب قولهم انك انت الي عايز تطلقني مش انا
متخافيش هاقولهم ان انا الي عايز اننا نطلق
........
بابا وحشتني
ابو شهد...وانتي كمان عامله اي
كويسه
ازيك يا عمو
ابو شهد..ازيك يا احمد
الحمدالله
ابو شهد...بتبوصو لعض كدا له في حاجه
بصراحه كنت عايز اقول لحضرتك حاجه
ابو شهد..قول
انا وشهد عايزين نطلق
ابو شهد.. له في حاجه حصلت
لا يا عمو بس انا ال عايز كدا معلش
ابو شهد بضيقه..تمام نروح للماذون بكرا
ماشي يا عمو
*****************
تاني يوم
اصحا يا احمد هنتاخر
لا مش قادر
يلا بابا جاي في الطريق
بنوم..مش عايز انزل
احمد يلا
حاضر خلاص صحيت
طب بسرعه بقا
انتي متاكده انك عايزه تطلقي؟
اه يا احمد من اول ما اتجوزنا وانت عايز تطلقني وانا عايزه اطلق
تمام يلا ننزل
روحنا للماذون وخلصنا كل الورق وخدت كل حاجتي ورحت بيت اهلي
***************
بعد اسبوع
ماما انتي بتهزري صح
لا مفيش هزار في الحاجات دي
ماما انا لسا مخلصتش فتره العده زي يعني جايلي عريس
هو موافق يستناكي
وانا مش موافقه
طب شوفيه الاول
لا مش عايزه اتجوز
طب واطي صوتك العريس قاعد مع ابوكي برا ويلا البسي عشان هاتطلعي
......
ابو شهد ... تعالي يا شهد اقعدي مع عريسك شويه
اي دا بتعمل اي هنا
اي جاي اتقدملك ولا ممنوع
لا انت بتتكلم بجد
اه فيها اي
احمد بطل هزار وامشي
تمام يبقي انتي موافقه



لا مش موافقه
تعالي نبدا من جديد انتي غيرتيني خلتيني كويس انسي الي حصل زمان
لا مش عايزه
تمام يا عمو شهد موافقه
لا يا بابا مش موافقه
يعني يرضيكي ارجع تاني زي الاول اكسبي فيا ثواب واتجوزيني
وانا اي الي ياكدلي انك اتغيرت
انتي الي يعرفك يتغير للاحسن انتي بجد احسن وانضف انسانه دخلت حياتي
طب لو رجعت تاني زي زمان ورجعت تعملني وحش تاني
لا مفيش حاجه هاتبقا وحشه اوعدك اني هاخلي كل حاجه كويسه
=......
سكتي يبقا موافقه صح تمام خلاص يا عمو شهد وافقت
بشرط
موافق
من قبل ما تعرفو
انا موافق علي اي حاجه
طيب بص انا عايزه فرح
طبعا هاعملك احلي فرح
عندي شرط تاني
اتفضلي
انت الي هتنام علي الكنبه
بضحك.. تمام هنشوف الموضوع دا بعدين
.................
نزلنا اشترينا فستان وبدله وجهزنا كل حاجه
يوم الفرح
بحبك
طيب
اي طيب دي
احمد انت بجد اتغيرت
انتي بتستالي يوم الفرح انتي لو مكنتيش واثقه اني اتغيريت مكنتيش رجعتيلي اصلا
صح عندك حق
دا خدك ال ضربتك عليه صح؟



بضيقه.. بتفكرني له دا انت غريب اوي
وهو بيبوس خدها الي ضربها عليه... اسف بحبك
وانا كمان
دُمتي لي شيا جميلا لا ينتهي ❤

الفصل الرابع من هنا

تعليقات