Ads by Google X

القائمة الرئيسية

الصفحات

روايه كنتي مكتوبه في قدري الفصل الثاني


 الفصل الثاني

قربت منه وحطت صباعها على بوءه وهو بيتكلم
- انا بحبك
على رجع لورا
= انتى سكرانه يا ميرا عشان كدا بتقولى كلام مش هتفتكريه لما تصحى اساسا .. لو سمحتى روحى نامى . اختى علياء هتصحى وهتفهم غلط
- مش عايزه انام وحدى
= طيب م انا قلتلك نامى مع علياء وانا هنام فالاوضه التانيه
- ينفع طيب تقرالى قصه لغايه م انام
= بتهزرى صح ؟!
- تؤ تؤ
= هتنامى لو قرأتلك قصه؟!
- اه
ميرا نامت عالسرير و هو قعد عالارض جمب السرير و بيحكيلها القصه عشان تنام
بعد كام دقيقه كانو هما الاتنين نامو
ميرا نايمه عالسرير و على جسمه عالارض بس راسه عالمخده جمب راس ميرا ( نام من غير م يحس وهو بيقرألها القصه)
*الصبح*
على صحى مخضوض .. ميرا ضربته بالقلم
- انت ازاى تتجرأ تنام جمبى و بعدين اى المكان الغريب دا !! انت خطفتنى صح !؟؟ عملت اى فيا انطق
= مفيش صباح الخير حتى وبعدين انا منمتش جمبك . هى راسى بس الى كانت عالسرير يعنى دا بيأكدلك انى نمت على نفسى و بعدين انتى الى فضلتى تعيطى عشان اخدك لبيتى عشان مش عايزه تروحى بيتك
بعصبيه - انت كداب !! انا هروح لبابا دلوقتى وهقوله انك خطفتنى
= طيب تعالى بس برا الاوضه عشان علياء متصحاش
خرجو برا الاوضه
= بصى انتى امبارح شربتى كتير فالديسكو و ..
بعصبيه - كمل !!!
= وانا دخلت الديسكو بعد نص ساعه عشان اطمن عليكى ف شفتك سكرانه جامد و واحد بيحضنك وبيحاول يتحرش بيكى ف ضربته و اخدتك برا بعد كدا انتى قلبتى على فتاه ليل
ميرا اتعصبت اكتر
- فتاه ليل ازاى يعنى متحترم نفسك!!!






= يعنى بوستينى مرتين و كنت عايزه تنامى جمبى انا وعلياء
- انا مش مصدقه اى حاجه انت بتقولها انا هروح دلوقتى لبابا وهقوله انك خطفتنى
= براحتك
علياء وقتها صحيت على صوت زعيق ميرا
+ اى الاصوات دى صحتونى
= الهانم بتقول انى خطفتها
علياء بصت ل ميرا
= انتى جيتى امبارح مع اخويا و كانت تصرفاتك غريبه وريحتك اغرب . جيتى بمزاجك يعنى
ميرا بصتلى كأنها بتعتذر
- اسفه بجد
= يلا عشان تروحى لبيتك
اخدها لبيتها
باباها ملاحظش انها مرجعتش من امبارح اساسا . جيه متأخر و افتكرها نايمه ف نام هو كمان وهما قررو ميقولوش حاجه احسن يطرد على من الشغل
- بص هاخد شاور واغير لبسى بعدها عايزاك توصلنى فمكان
= تمام انا مستنى
راحت اخدت شاور و لبست بنطلون اسود على بليزر احمر
على فنفسه " اى الجمال دا بس"
- حلو لبس النهارده ولا عندك اعتراض كمان
= لا لا طالما لبستى بنطلون مش شورت يبقا حلو😂😂
ميرا ضحكت
= اوصلك الديسكو بردو؟
- لا عايزه اروح اشترى لبس عشان زهقت من الى عندى بس ينفع تروح معايا ؟!
= ليه بتطلبى من سواق يروح معاكى تشترى لبس
- عايزه اخد رأيك فيها حاجه دى !!
= ماشى بس اخر مره دى . انا سواق على فكره. دى مهنتى يعنى لو فاكره . مش مهنتى انى اروح اشترى معاكى لبس
- مااشى اخر مره دى
راحو للمول يشترو لبس
- اى رأيك فاللبس دا عليا
= دا لبس بيت صح
- بتهزر يا على !!






= طيب بذمتك دا منظر لبس تخرجى بيه الشارع . دا قصير جدا جدا . شوفى حاجه غيره
- مااشى هشوف حاضر
بقالهم ساعتين ميرا بتجرب اللبس و على يقولها قصير
بعصبيه - انا تعبت بقا يا على كل لبس اجربه تقولى وحش و قصير
قرب منها جامد
= انا مقولتش انه وحش .. هو حلو بس مش مناسب للشارع
ميرا وشها بقا احمر لما قرب منها جامد
- هو انت عينك عسلى ؟!!
على رجع ل ورا
بضحك = اول مره تاخدى بالك ؟!
- اه مركزتش ف عينك . طيب بص انت اختار اللبس وانا هجرب ونشوف حلو ولا لا طالما كل الى بختاره مش بيعجبك
= مااشى
راح اختارلها دريسات طويله و واسعه
- اى القرف دا يا على انا مش هلبس الحاجات دى
= بالعكس هيبقو حلوين اوى عليكى .. جربى اللبس الواسع هتحبيه
ميرا سمعت كلام على و جربت دريس طويل
- شكلى حلو فيه ؟!
= قمر
ميرا اتكسفت
- انا هشترى اللبس الى انا اخترته ع
يا على . مش متعوده البس اللبس دا ف خليها بالتدريج اتفقنا
= ماشى براحتك ..
على روحها البيت
عدى اسبوع عالحال دا . على بيوصلها لاى مكان عايزاه و يوصلها البيت . دا شغله اساسا
* بعد اسبوع*
اليوم دا هو يوم عيد ميلاد على .. على عاده مش بيحتفل بعيد ميلاده نظرا ان اغلب وقته فالشغل اساسا و بيحب يوفر اى فلوس عشان يجيب لاخته الى عايزاه
- الو يا على انت فين انا ورايا مشوار ومستعجله
= تحت البيت مستنيكى
ميرا نزلت من البيت .. على كان مستنيها قدام العربيه
اندهش اول لما شافها
= دا بجد ؟!!
ابتسمت - حلو ولا لا
قرب منها وهمس ف ودنها






= يبخت الى هتكونى من نصيبه
( كانت لابسه طرحه منقوشه و فستان واسع وطويل )
ابتسمت و ركبت العربيه
= القمر عايز يروح فين
- بس يا على بقا شوف كسفتنى كام مره
على ضحك
- بص عايزه اروح مطعم ***
= امرك يا قمر
- عليي
= طب خلاص انتى مش قمر 😂😂
وصلها المطعم
- ادخل معايا
= من امتى بدخل معاكى
- تعالى بس بطل غلاسه
= ماشى لما نشوف اخرتها
اول لما فتحو باب المطعم كان النور مطفى
= هو النور قطع ولا اى
- لا ..
راحت عند ترابيزه جمبها اخدت تورته من عليها و كان عليها شمع وبصتله ب ابتسامه
- كل سنه وانت طيب
= دا بجد ولا انا بحلم ؟!!
- لا بجد
على حضنها جامد
= تعرفى ان دى اول مره حد يحتفل بعيد ميلادى من سنين ...
- تعرف انى بحبك ؟!
= نعم ؟!! انتى سكرانه تانى !!!
ميرا ضحكت
- لا مش سكرانه
قربت منه وهمست ف ودنه
-بقولك بحبك
على بعد عنها
= مش هينفع يا ميرا . شوفى انتى مين وانا مين
- الحاجات دى مش بتفرق معايا
= بس بتفرق مع باباكى
- بابا بيعملى الى عايزاه دايما فمتقلقش من ناحيته
= لا يا ميرا مش هينفع انا اسف
كان خارج من المطعم بس ميرا شدته من دراعه
كان فيه دموع ف عينها
- انت مش بتحبنى صح !
قرب منها ومسح دموعها
= بحبك بس ..
ميرا باسته
- مفيش بس
على بعد
= مينفعش الى بيحصل دا يا ميرا
ميرا باسته تانى قبل ميقول حاجه
- شششش مش عايزه اسمع حاجه
ميرا و على خرجو من المطعم و راحو فندق
وهناك حصل بينهم كل حاجه ...
ملحوظه : هما الاتنين كانو ف وعيهم عادى


تعليقات