الفصل الرابع
-ب...بابا
$ عايزه اى ..؟! اشتريتى فستان كتب الكتاب ؟
بعياط - بابا انا حامل ارجوك ساعدنى و اقف جمبى
الاب قرب منها وهو متعصب
$ انت بتقولى اى ؟؟!!!!!
بعياط - ان...انا هحكيلك كل حاجه
مسكها من شعرها جامد
$ تحكيلى اى يا فاجره انتى !!! هى دى اخره ثقتى فيكى ؟!!!
بعياط و زعيق - ثقه ؟! انت كنت سايبنى اعمل الى عايزاه عشان انت مشغول ومش فاضيلى اساسا انما مش حكايه ثقه ... لما كل مره اجى احكى معاك فيها تقولى مشغول عندى ميتنج .. مشغول عندى شغل الصبح ولازم انام بدرى . حسستنى ان الفلوس اهم منى لدرجه ان اول شخص كان حنين معايا حبيته و وثقت فيه و بعدها انت رفضته وهنت كرامته . كان فيها اى يعنى لو وافقت عليه ؟! ولا صح نسيت ان اهم حاجه عندك الفلوس و لازم تجوزنى لابن صاحبك عشان الشركه تكبر
بعدها فضلت تضحك زى المجنونه
- ورينى بقا هتجوزنى لابن صاحبك ازاى وانا حامل
الاب ضربها بالقلم
و خرج من اوضتها و قفل عليها بالمفتاح
ميرا فضلت تعيط فالاوضه وتكسر فكل واحده حواليها
*اليوم الى بعدو*
الباب اتفتح و دخل الاب ومعاه واحده غريبه
- مين دى !!..
$ دى الدكتوره الى هتخلصنا من المصيبه الى ف بطنك
بعياط - بس انا عايزه ابنى مش عايزه اجهضه
بعصبيه وزعيق $حد سألك انتى عايزه اى ؟!! الى بقوله هو الى هيتنفذ
بعياط - هعمل الى انت عايزه والله بس سيب ابنى متعملهوش حاجه
الاب بص للدكتوره
$ يلا شوفى شغلك و ساعتين هاجى اشوف اى الاخبار
و خرج وقفل الاوضه
الدكتوره ادت حقنه بنج ل ميرا رغم مقاومه ميرا
و سقطت الطفل
$ يعنى كل حاجه تمام كدا ؟!
£ اه المهم بس ترتاح يومين بعدها هترجع طبيعيه
$ تمام
* بعد يومين*
$ اظن كدا ارتحتى و نقدر نحدد امتى الفرح وكتب الكتاب
- فرح اى ؟!
$ فرحك انتى ومازن
- ...
$ انا قلتله كل حاجه وهو موافق يتجوزك بردو
- بس انا مش موافقه
قرب منها وهو متعصب و شد شعرها
$ انتى كمان هتعترضى !!! انتى تنفذى الى بقول عليه وانتى ساكته . مسمعش صوتك حتى
بعياط - مش بحبه يا بابا مش بحبه
$ ادينا شوفنا الى بتحبيه عمل فيكى اى
سابها وهى بتعيط وخرج من الاوضه
* بالليل *
الباب خبط
₩ فيه واحد تحت بيقول انه عايز ميرا
$ طيب روحى وانا جاى وراكى
..
$ انت ؟! جاى ليه
= عايز اصلح غلطتى واتجوز ميرا
$ غلطتك انا صلحتها وفرحها الاسبوع الى جاى
= بس انا بحبها و عايزها ..
$ وانا مليش دعوه ب رأيك . انت مجرد واحد ضحك على بنتى و دلوقتى جاى يلعب بعقلها و يضحك عليها تانى وبعدين هو انت عارف تصرف على اختك عشان تصرف على بنتى ؟!!
= هى بتحبنى و هترضى تعيش معايا حياه بسيطه
$ حتى لو هى وافقت . انا مش هوافق
= ليك مصلحه فجوازتها صح
$ وانت مالك ليا مصلحه او لا .. بنتى وانا حر فيها اجوزها للى عايزه ويلا برا من غير مطرود
= عايز اشوفها طيب
$ مش فاضيه بتجهز للفرح وبعدين هتشوفها بصفتك اى
= انا ممكن اروح للعريس احكيله كل حاجه و اقوله انها كانت حامل من وانها بتحبنى و هو اكيد مش هيرضى يتجوز واحده كانت حامل و كمان بتحب واحد غيره
$ الحركه دى روح اعملها مع حد تانى . ان الى قولت للعريس بنفسى وهو معندهوش اى مانع اصل زى متقول كدا هو بيحبها من زمان من سعت اول مره شافها فيها و مستعد يسامح اى غلطه ليها
على معرفش يقول اى و مشى
اما بابا ميرا ف مقالهاش ان على جه
عدت الايام بسرعه و جه يوم كتب الكتاب
÷ انتى هتفضلى باصه للارض كتير . المأذون فالطريق ..
- ان...انا
بصتله وكان عينها فيها دموع
÷ اهدى بس بتعيطى ليه
بعياط- انا معرفش اى حاجه عنك غير اسمك وكمان ...
÷ مع الوقت هنتعرف على بعض متقلقيش . هنبقا زى المخطوبين لغايه متحبينى . لو محبتنيش ف خلاص هنطلق ..
مسحت دموعها - يعنى بجد هتطلقنى لو عوزت دا ؟!
بحزن ÷ اه ..
ميرا ابتسمت
÷ الناس قربو يوصلو ف متحاوليش تبينى انك مغصوبه عليا ... خلينا نبان سعداء مثلا
- حاضر
المأذون جه و كتب الكتاب و احتفلو
الاب اتفق ان الفرح هيكون اليوم الى بعدو
ميرا فرحت شويه ان مازن طيب و هيطلقها بعد فتره ..
هى كدا كدا مبقتش تحب على بعد ندالته معاها بس مكنتش حابه بردو تتجوز مازن وهى متعرفهوش ومش بتحبه
* يوم الفرح*
÷ ينفع ادخل
- اه اتفضل
÷ بسم الله ما شاء الله اى الجمال دا . خليتى الفستان حلو
- لا الفستان هو الى حلو لوحده
÷ تؤ تؤ انتى الى محلياه
ميرا اتكسفت
÷ طب اى هنقضيها كسوف ؟! يلا نروح للقاعه الناس مستنيين ولا اقولك استنى اقرأ المعوذتين و ايه الكرسى عشان الحسد
ميرا ابتسمت
وصلو القاعه
الناس كلها بصت بذهول
عريس قمر و عروسه قمر
ماتشينج تحفه
الفرح كان ماشى زى الفل وكل الناس مبسوطين ومازن مبسوط جدا
فجأه على دخل الفرح
و اخد ميكروفون وبدأ يتكلم فيه
= شايفين العروسه الحلوه دى ؟! كانت حامل منى من اسبوعين كدا
الناس اتصدمت
بدل ماتدور وتبحث علي الروايات خليها علي تليفونك وحمل تطبيقنا
