الفصل الاخير
× انا عندى حل هيخليهم يوافقو على جوازنا
□ اى هو ؟!
× لو بقيت حامل منك هيوافقو غصب عنهم هما الاتنين ...
مازن فكر و قرر انه هيوافق عشان يخلى باباها يعيش نفس الالم الى مامته عاشته زمان .. هو كدا كدا هيتجوزها فالاخر بس لازم يخلى باباها يدوق الى عمله الاول
□ ماشى موافق
ميرا راحت بيتها و مازن راح بيته واتفقو يمثلو انهم سابو بعض و ينفذو خطتهم ف اخر الاسبوع
اول لما ميرا دخلت بيتها باباها حضنها
= ميرا !!
و فضل يعيط
= حد عملك حاجه ؟!
× لا اهدى يا بابا مفيش حاجه
= قولى الحقيقه والله م هعملك حاجه بس قولى الحقيقه
× مفيش حاجه حصلت والله يا بابا و بعدين خلاص
اتظاهرت بالحزن × انا ومازن سبنا بعض
بفرحه = بجد !!
× اه يا بابا و عن اذنك عايزه انام
= هصحيكى لما الغدا يجهز يحبيبتى
* ف بيت مازن*
- سبتها ؟
□ اه يا ماما انا قولتلك انى هسيبها و اظن مش هرجع فكلامى مثلا
ميرا حضنته
- عرفت اربيك يا مازن
□ عن اذنك يا ماما هروح استريح شويه
بعد ٤ ساعات
*ف بيت ميرا*
= قومى يا حبيبتى حضرتلك اكتر اكل بتحبيه . عارف انك زعلانه عشان سبتى مازن بس انا هساعدك تخرجى من حزنك دا متقلقيش انا جمبك وكمان ... انا مريت بالتجربه دى فهعرف اساعدك
× ازاى مريت بالتجربه دى يا بابا .. انا عارفه انك مكنتش بتحب ماما واتجوزتها عشان شفتها مناسبه ليك . جواز منطق يعنى ... كنت بتحب واحده قبلها ؟
على ظهر على ملامحه الحزن
= باباكى حب مره واحده فحياته .. اكتر انسانه مستحيله بالنسباله . كانت هى غنيه جدا وهو يدوب بيصرف على اخته بالعافيه .. بس هى كمان حبته .. راح اتقدملها و باباها مسح بكرامته الارض و سمعه كلام لسا لغايه دلوقتى فاكره بالحرف .. سبتها وقتها لان كرامتى كانت اغلى من اى حاجه .. وهى متمسكتش بيا .. اتمسكت بيا بس لما اكتشفت انها حامل .. قولتلها تنزله وقتها بس هى قالتلى لازم اروح اتقدملها تانى .. كنت عارف انى لو رحت لباباها كان هيرفضنى تانى . هو بالنسباله اجهاض الطفل اسهل من انه يوافق على جواز بنته من واحد زيي خصوصا انه كان مخطط وقتها انه هيجوزها لابن صاحبه عشان ثروته تكبر اكتر واكتر و دا الى حصل فالاخر . خلاها تجهض الطفل و جوزها لابن صاحبه .. هى افتكرت انى اتخليت عنها وعن الطفل بس انا كنت واثق انه مش هيوافق بيا ف اى حال من الاحوال .. اتجوزت ابن صاحب باباها فعلا .. يومها شربت جامد .. كانت اول مره فحياتى اشرب بس اعمل اى .. من زعلى على عدم تمسكها بيا و على انها ضاعت منى .. رحت فرحها و بوظته بس والله مكنتش ف وعيي . المهم هى اتجوزته وحبته جدا و انا اتجوزت مامتك جواز منطق و سميتك على اسم حبيبتى
ميرا اتصدمت
× بابا انت مش بتتكلم عن مامت مازن صح !!!!
الاب اتنهد = للاسف مامت مازن هى الى بحكيلك عنها .. عشان كدا خفت لما رحتى عندهم .. خفت تحب تنتقم منى فيكى
× بابا انا لازم اقولك حاجه ...
= قولى يحبيبتى
قالتله على خطتها هى ومازن
الاب قام من مكانه
= يعنى كنتى هتكسرى ثقتى فيكى !!! عارفه لو مازن دا كان بيحبك فعلا مكنش هيوافق وكان هيقولك مثلا تعالى نتجوز فالسر .. لكن دا دليل انه مش بيحبك . ويمكن عارف كل الحكايه و عايز ينتقم منى فيكى . انا ومامته لما غلطنا زمان مكناش عارفين انها هتحمل بعدين لكن هو قاصد و اكيد كان هيذلك بعدها ومش هيرضى يتجوزك
حضن بنته
= كويس انك قولتيلى و اثبتيلى انى عرفت اربيكى
ميرا كانت بتعيط
× يعنى مازن مش بيحبنى؟
= ايوه مش بيحبك .. هاتى موبايلك كدا
خده منها و كسر الشريحه و رماها
= متتكلميش معاه تانى دا شخص ميستاهلكيش
بعياط× حاضر يا بابا
* ف بيت مازن *
- مازن .. انت اكيد مخبى حاجه عنى . مش من عادتك تسمع كلامى بسهوله كدا . انت عنيد ومستحيل تسمع كلامى بالسهوله دى خصوصا لو حاجه بتحبها اوى
□ لا يا ماما مش مخبى حاجه عنك
- لا مخبى يا مازن .. قول مخبى اى
□ مش مخبى حاجه ي ماما !!
- و رحمه ابوك لتقولى مخبى اى
مازن اتنهد وحكالها على خطته هو وميرا
ميرا ضربته بالقلم
- انت ازاى توافق على حاجه زى كدا !!!!
- انا فعلا معرفتش اربى ...
□ ماما انا كنت عايز انتقملك
بعصبيه - حد قالك تنتقملى !!!! انا مسامحاه و مش عايزه انتقم و بعدين اى ذنبها البنت يعنى تضيع مستقبلها عشان غلطه عملها باباها زمان ..
□ اوعدك مش هعملها حاجه و اوعدك اسمع كلامك كمان . شوفى انتى عايزه اى و هعمله
قوم البس هنروح نتقدملها تانى
فعلا لبسو و راحو لبيت ميرا
على فتح الباب
= انتو تانى !!! بقا انت تخطط انك تضحك على بنتى وتضيع مستقبلها !!! وطبعا دى اكيد خطتك يا ميرا ... حرام عليكى انا عملت اى فحياتى غير انى حبيتك . حتى بنتى سميتها على اسمك .. انا لسا فاكر كل كلمه بينا لكن انتى مسحتى كل حاجه بينا و روحتى اتجوزتى واحد غنى و حبيتيه كمان لدرجه انك سميتى ابنك على اسمه .. لو حد فينا ضاعت حياته ف هو انا مش انتى
- وانا الى قلتلك تحبنى طول الوقت دا !! انت الى اتخليت عنى و قلتلى اجهض الطفل وانك مش هتيجى تتقدم تانى
= انا قلتلك كدا عشان عارف باباكى و عارف انه مش هيوافق على جوازنا حتى لو انتى حامل و دا الى حصل . بدل ميجى يقولى تعالى اتجوز بنتى و انا والله كنت هكون اسعد انسان وقتها . اجهض الطفل و جوزك لواحد غنى بردو
- عموما يعنى احنا مش هنتناقش فالقديم . انا مسامحاك ومن زمان كمان و ياريت انت كمان تسامحنى عشان الحقد بيموت الانسان
= مين قالك انى حاقد عليكى ؟! عمرى م قدرت احب مراتى .. حتى هى طلبت الطلاق عشان مستحملتش تعيش مع واحد مش بيحبها و كمان سابت بنتها معايا لما عرفت انها على اسمك .. عرفتى بقا ان حياتى انا الى اتدمرت مش انتى ؟!! انتى عيشتى فسعاده مع جوزك و لما مات ربيتى ابنه بكل سعاده بردو . انا الى فضلت بحبك ومش ناسيكى
- انا اسفه فعلا ... متخيلتش انك كنت بتحبنى للدرجه دى .. افتكرت انك نسيتى من بعدها زى م انا نسيتك
على مسح دموعه
= عموما اتفضلو
- احنا جايين نطلب ايد بنتك لابنى
= بس انتى عارفه كويس ابنك كان هيعمل اى
- وهو مستعد يعتذرلك مليون مره .. هو عرف غلطه و دول شباب وطبيعى يفكرو غلط
= عموما الموضوع ف ايد بنتى
ميرا دخلت الصاله
× بيعملو اى دول يا بابا !!
= جايين يطلبو ايدك
× نعم !!
□ اسف يا ميرا انى وافقتك على خطتك . الحقد عمانى وقتها بس عرفت غلطى و لو اعتذرت من دلوقتى ل بكرا مش هيكون كافى بس انا اسف فعلا .. اوعدك مش هخلى غضبى و حقدى يسيطر عليا تانى وعموما شكل باباكى ومامتى اتصالحو و لو وافقتى هنتجوز
× يعنى يا بابا انت موافق ؟
بابتسامه = اه انا موافق
ميرا فرحت وحضنت باباها
× وانا موافقه
*فالفرح بعد ٧ شهور *
= شايفه الولاد مبسوطين ازاى
- عندك حق ..
= طيب متيجى نتجوز انا وانتى و الفرحه تبقا فرحتين
- بس بقا يا على . طول فتره الخطوبه بتلمحلى وبعدين احنا كبرنا .. انا ٥٠ سنه يا على
= فيها اى يعنى . كدا كدا الولاد هيسيبونا و هنفضل وحدنا ف نونس بعض
- لا يا على انا عايشه على ذكرى جوزى
على اتعصب
= طب خلاص براحتك
- اى دا ميرا ومازن جايين ليه وسايبين الكوشه
× احم احم استاذ مازن احنا جايين نطلب منك ايد مامتك ل بابا
□ اممم انا شايف ان باباكى انسان محترم و طيب ف انا موافق .. نشوف بس الاول رأى العروسه
- انتو بتعملو اى ؟!
مازن ضحك
□ بنوفق راسين فالحلال
- طب امشى انت وهى انتو ف فرحكم لو نسيتو يعنى
× مش هنمشى غير لما توافقى و على فكره انا اخترتلك فستان على زوقى وكمان المأذون فالطريق وبابا اهو لابس بدله قمر و شويه والناس هيفتكروه هو العريس مش مازن
□ اى دا لحظه يعنى باباكى عريس احلى منى ؟!
ميرا ضحكت
× هتغير عليا من بابا ولا اى ؟!
□ انقذينى بقا يا ماما و وافقى تتجوزيه .. كدا هيخلينى اغير كل دقيقه
- الفستان هيجى مقاسى؟
× طبعا يا طنط اساسا انتى باين عليكى ف سنى . يمكن الفستان يكون واسع عليكى كمان
بضحك - مش شايفه التجاعيد الى ف وشى ولا اى
= وانتى مالك انا بحب التجاعيد الى ف وشك
- بس بقا يا على
= يلا وافقى انا مستنى اهو
- خلاص ماشى موافقه بس بشرط
كلهم ف صوت واحد
اى هو
- نعيش كلنا فنفس البيت
× ماشى موافقين .. دا احسن شرط اساسا كلنا بنحب بعض وهنعيش مع بعض
تمت
بدل ماتدور وتبحث علي الروايات خليها علي تليفونك وحمل تطبيقنا
