الفصل الاخير
" كنت قاعدة على سطح البيت ببص للخاتم اللي اسر لبسهولي ... السطح دا أشبه بالجنة .. هو دا الهدوء اللي بهرب من زحمة الدنيا والرحمة اللي في قلبي إليه ... بحسه مملكتي الخاصة .... بعشق السما والليل والنجوم والهدوء والقهوة ... لأول مرة في حياتي اجرب القهوة السادة ... باخد كل حاجة في حياتي تحدي ومن التحديات اللي نجحت فيها اني ابقى مشهورة وناس كتير تعرفني كنت دائما بقول اني مش اتخلقت علشان اموت كدا من غير محد يعرفني اوقات كتير كنت بقول اني مجنونة ومستحيل دة يحصل بس بفضل ربنا حصل وبقيت معروفة اي نعم مش بنسبه كبيرة بس معروفة وفرحانة جدا باللي وصلته دا ... "
_ الواحد محتار اي قمر منور حياتي اكتر القمر اللي في السما ولا اللي قاعد قدامي
= الاتنين معتمين يا اسر
_ ليه بتقولي كدا
= الحقيقة
_ احم ... طب هاتي حبة قهوة
= اتفضل
_ بتعجب ... سادة ؟!
= فيها ايه
_ انت عمرك مشربتي القوة سادة
= حبيت اجرب
_ بس تعرفي تحسيها شبهك
= ازاي
_ هى سادة بس فيها حاجة مميزة تحسي انك عايزة تكمليها عايزة تعرفي سرها
= بس انا مش هقولك سرها ايه
_ بصلي جامد كدا ... ليه كدا بس دا انا حتى بابا اسر ...
= عايز تعرف ايه يا اسر
_ اللي في عيونك
= العين متصلة بالقلب يا اسر وانا عيوني مش متصلة بقلبك علشان تعرف اللي فيها
_ وازاي تتصل بقلبي
= للاسف الطريقة مش عندي ... هات بقى القهوة
_ لا
= يا اسر هات بقى
_ تؤتؤ ... فاكرة لما كنت باخد العروسة بتاعتك وانت صغيرة
= حورية ... .
_ علشان كدا سميتك حورية علشان جميلة شكلك ...
= بس انت كنت بتخطفها مني
_ وانت كنت بتعملي ايه .
= بجري وراك بس انت كنت كل مرة تسبقني
_ وبعدين تقفي وتبصي للأرض وتصعبي عليا وادهالك ...
= بصيت للأرض .... طب هات القهوة بقى
_ ارفعي راسك
= لا هات القهوة
_ بعد كدا اياكي تنزلي راسك ...
= طب هات القهوة
_ خدي
= هاااااا ... خلصتها يا اسر
_ هههههههه ... اقفلي بوقك بس علشان في دبان كتير
= والله يا اسر لاوريك
_ ههههه
= أقف يا اسر
_ لا
= يا اسر أقف بقى
_ لاااااا
= اااااااه
_ بقلق ... أمنية مالك يا حبيبتي فيكي ايه
= بدموع ... انجرحت يا اسر
_ طب متبكيش دا حرج صغير هتكوني كويسة باذن الله
= لا يا اسر دا جرح كبير اوي ... كبير اوي وبيوجعني ... بيوجع قلبي
_ لو اعرف بس مالك ...
= انزل يا اسر عايزة اقعد لوحدي
_ حابب اقعد معاكي
= لو سمحت يا اسر علشان خاطري ... ولا أن ل انا
_ خلاص يا أمنية انا اللي هنزل ....
= انزل يا اسر كعادتك كل مقولك امشي تمشي
" كل ما اقولك تمشي بتمشي يا اسر ... امتى هتفضل ... اوقات كتير لما بتقول لشخص امشي مش بنبقى عايزينه يمشي لا بنبقى عايزينه يبقى لان لو عايزينه يمشي كنا مشينا احنا اسهل ... "
نار يا حبيبي نار، نار يا حبيبي نار حبك نار، نار يا حبيبي
(حبك نار) حبك نار مش عايز أطفيها ولا أخليها دقيقة تفوتني ما أحسش بيهـا
( نار يا حبيبي) نار يا حبيبي نار صحتني نار خلتني أحب الدنيا وأعيش لياليها
" اموت واعرف ايه سر عشقك لحليم
= نفس سر عشقي للقهوة ... رجعت ليه
_ مقدرتش امشي ... شوفتي جبتلك ايه
= مش عايزة
_ ايس كريم
= لا
_ مانجا
= احم ... لا
_ مانجااااااا
= هات كدا انا هخدها بس عشان مش تسيح وتبهدل الدنيا
_ أيوة أيوة واخد بالي ... جميل عبدالحليم
= عبد الحليم ياه ... يارتني كنت عايشة أيامه
_ كنت عملتي ايه
= بهمس ... كنت وقعته في حبي
_ نااااااااعم يا اختي
= ايه في ايه
_ هو مين دا اللي توقعيه في حبك
= حليم
_ يعني احدفك من البلكونة دي وتموتي وروحك طالعة كدا عند ربنا امسكها واحدفها تاني ...
= هههههه بتقول ايه
_ متضحكيش يا أمنية
= ههههه حاضر
_ انت لما بتضحكي عيونك بتقفل
= حصل
_ جميلة اوي
= هى ايه
_ ضحكتك
= احم ... يا راجل دا انا بضحك من وانا في اللفة لسه واخد بالك
_ ايه دا حوريتي بتتكسف ... وبعدين الظاهر كدا أن في حاجات هاخد بالي منها لأول مرة
" حبك نار مش عايزة اطفيها
ولا خليها دقيقة تفوتني ما حسش بيها
نار صحتني نار خلتني احب الدنيا
واعيش لياليها
يا مدوبني باحلى عذاب
ببعتلك في عنيه جواب
مش لوم يا حبيبي ولا عتاب
مش اكتر من كلمة آه يا حبيبي بحبك آه
آه يا حبيبي بحبك آه "
_______________________
" عشرين يوم من الشهر مروا ... أمنية وجودها حلو اوي... لما كانت غايبة الايام كانت أسوأ من كدا ... طول عمري شايفها بنتي واختي ... لأول مرة اقرب منها كدا ... شوفتها بقلبي ... كنت بغيب كتير في الشركة بالرغم من كدا كنت ارجع الاقيها منتظراني في الجنينة نشرب القهوة واحكي عن يومي و كل واحد فينا يطلع ينام ... وجودها هون عليا مشاكل الشركة وتعب اليوم الطويل اللي فيها لا وكمان لو في مشكلة كانت بتحلها بخبرتها .... لما مريت بنفس الظروف قبل كدا ريم وقتها سابت ايدي خلتني أواجه المشاكل دي لوحدي بس المرة دي أمنية موجودة وبتهون عليا اوي ... انا لو محظوظ بجد فأنا محظوظ بوجودها ... مش بعمل حاجة غير اني باتجاهل ريم ... حاولت كتير تكلمني على أساس بتسالني عن علاقتي بامنية وكدا تحت مسمى الصداقة واننا كنا اصدقاء في الكلية بس انا معنديش الشغف اني اكلمها بس كل لحظة ببقى عايز اكلم أمنية ... معقولة اكون اتكعبلت في الحجر ووقعت ... "
* بس بس
+ مين ... انت
* ازيك يا انسة دينا
+ اهلا يا بشمهندس كريم ...
* اسمي كريم بس
+ تمام يا كريم كنت عايز حاجة
* لا دا انا كنت معدي بالصدفة لقيتك قاعدة في الجنينة قولت اسلم
+ اااه ... معدي ... طب اتفضل اشرب شاي
* ممكن اشرب قهوة
+ بس انا والله مش بحبها فالبتالي مش بعرف اعملها
* خلاص اشرب شاي وبعدين ابقى اعلمك بتعملي القهوة ازاي
+ افندم
* بعدين بعدين
+ سؤال بس صغير ... انت مختل عقليا
* هو في الحقيقة من عشرين يوم كنت عاقل بس لما شوفتك مش عارف ايه حصل ...
+ مين كان يصدق أن عشرين يوم يمروا هوى كدا ...
* الوقت بيمر في كل الحالات بس بتختلف من شخص لشخص ... في شخص يعيش كل لحظة فيه .. وشخص تاني يعمل مش واخد باله فيمر وينتهي ... لا بيستمتع ولا بيعيش ...
+ الدنيا دي غربية اوي
* بس جميلة وتستاهل تتعاش
+ بس من غير منتعلق
* التعلق دا اهم ما فيها ... ازاي تعيشي لوحدك ...
+ نيكوتين الوحدة احسن بكتير من سراطنهم
* ولو تدخلي وحدتك دي شخص مش هتخسري
+ هيمل من الوحدة
* مكنش دخلها من الاول ...
= اهلا اهلا يا كريم
* فينك يا ست حورية
_ مع خطيبها يا استاذ كريم وبعدين اسمها أمنية مش حورية
* يعني عرفت انكم بتنادوها حوريه هى حكتلي كدا
_ بهمس ... باقي ايه محكتهوش للراجل
= مش فاكرة
_ مهو الغلط عليا اني خليتك تسافري ... حاضر انا هتصرف ...
= هتعمل ايه يعني ... كلها عشرة أيام واسافر تاني
+ ايه هتسافري
= أيوة يا دينا ... نكمل الدكتوراه علشان حابة اكون دكتورة في الكلية واستقر في لندن ...
* انت لسه في دماغك موضوع الدكتوراه يا أمنية ...
= أيوة يا كريم
* وأسر خطيبك ؟!
_ عن اذنكم ...
" سابنا ومشي. .. هو مفكر اني هسافر من غير مخلي ريم ترجعله ... غلطان ... انا لازم هخليها ترجع علشان يقدر يعيش ... وانا اسافر علشان اقدر اعيش ... مهو مستحيلة اعيش معاه في نفس البيت وتكون واحدة غيري معاه مش هقدر انا جيت على قلبي زيادة وهو مش هيستحمل اكتر من كدا ... ارجوك يا قلبي اتحمل كمان شوية "
* ليه زعلتي اسر
= كريم انت متعرفش حاجة
* معرفش ايه يا امنية ... طب فهميني انت يا دينا
+ أمنية وأسر بيمثلوا
* نعم
+ علشان اسر يرجع لريم ...
* ازاي مستحيل
= هو ايه اللي مستحيل يا كريم
* اسر بيحبك
= انت غبي يا كريم
* صدقيني بيحبك ... نظرة عينيه بتقول كدا ... غيرته بتقول كدا
= دينا انا هطلع اشوف الاستاذ مقموص ليه وفهمي الأستاذ دا ...
+ والله انا حاسة اني في مسرحية
= هى فعلا مسرحية ... عن اذنكم
* والله يا دينا اخوكي بيحبها
+ وانت ايه خلاك متاكد كدا
* نظرة عينيه ... الحب بيبان
+ بيبان ازاي بقى
* بصي في عيوني اوي وانت تعرفي
+ احم احم ... طب هنعمل ايه
* انا هتصرف ...
+ وانا هساعدك
* اشطات
+ كنت في لندن
* يا شيخة كبري الجمجمة
+ هى لندن فعلا ...
* هههههههههه
______________________
= مالك
_ جاية ليه
= دا مكاني على فكرة
_ والله دا مكانا كلنا ... وانت كدا كدا هتسافري صح ... خلاص ملكيش هنا حاجة
= والمج بتاعي ؟!
_ هاخده
= والورد ؟!
_ ههتم بيه
= والمورجيحة ؟!
_ هقعد عليها
= ورواياتي ؟!
_ هقرها كلها واطلع منها الاقتباسات
= والالوان ؟!
_ هرسم بيها طريق طويل وطيارة
= بس دول حاجاتي
_ هيفكروني بيكي
= هتسبني اسافر
_ ل....
ترن ترن ... ترن ترن
_ ثانية ... الو ... أيوة.... تمام ... هنحضر باذن الله ... سلام
= مين
_ واحد صاحبي عامل حفلة عشان مراته حامل وعازمنا ...
= اه تمام
_ وانت كمان هتيجي
= تمام ...
" كنت جاهزة بليل انا ودينا ... كمال صاحب اسر كانوا مع بعض في الكلية ودائما كمال كان بيجي عندنا البيت ... لولا أنها حفلة شباب بابا وعمو كانوا حضروا اصلا ... جهزت انا ودينا وبعدها اكتشفت أن كريم جاي ... دينا مش قالت سبب محدد قالتلي انها قالتله يجي معانا وخلاص ... المرة دي لبست فستان كشمير هادي وعليه حجاب اسود وفيه ورود كشمير ودينا لبست فستان ازرق ونفس لون الطرحة كان اسر وكريم في الجنينة لما نزلنا "
_ متبقيش أمنية لو الأسود مش في لبسك
= قولتلك قبل كدا اللي يحب ويتعلق بالاسود مستحيل ينسى ولو قدامه الوان الطيف كلها ...
انت ايه لبسك اسود ...
_ انيق وانا اتعلقت بيه
* بهمس ... ايه الجمال دا
+ افندم
* خلاص خلاص مش هتكلم ... بس والله لاتجوزك ...
+ اتجوز صرصارة يا بابا يلا هنرش ماية
* هنشوف ... يلا نبدأ ... ايه الجمال دا كلو يا أمنية
= ربنا يخليك يا كريم ... بس ايه الشياكة دي
_ بعصبية ... اجيييب اتنيييين لمون
= لا انا عايزة مانجا
_ امشي قدامي يا أمنية ... يلا يا دينا ... مين فيكم عزم السقيل دا
+ ها ... دا كان جايب ورق لامنية لما عرف أننا رايحين حفلة وأصر يجي
_ اه عيل صغير جاي
* بتقول حاجة يا اسر
_ لا يا حبيبي ( بهمس) بقول ربنا ياخدك
___________________
" روحنا الحفلة كانت جميلة وكل حاجة بس انا مش بحب التجمع ... عندي فوبيا منه ... ايوة بحب الهدوء يعني ممكن اقعد انا وشخص واحد بس بحب كدا لكل امون في وسط ناس كتير لا مش بعرف علشان كدا بنسحب ببساطة"
_ مش حابة الجو صح
= مش بحب التجمع
_ بحسك مني يا أمنية ... فينا كتير من بعض
= مش اخويا يا اسر لازم اكون منك
_ اخوكي ! ... انت شيفاني اخوكي يا أمنية
= طبع.....
& اسر أمنية اخباركم
= اخبارك انت يا ريم ...
& كويسة الحمد لله
= احمد فين
& سبنا بعض
= ليه كدا بس
& مش بيهتم بيا خالص دا غير أنه كل يوم في شغله وكل مكلمه مش يرد عليا ... طب على القليل اسر كان بيرد عليا لما كان مشغول بس احمد مش بيكلمني خالص ... يلا بقى هعمل ايه ...
= ولا يهمك يا ريم ... إن شاء الله ربنا يعوض احمد خير
& نعم
= وانت كمان طبعا ...
& شكرا يا حبيبتي ...
* أمنية عن اذنك لحظة
= حاضر يا كريم جاية
* أمنية اسر بيحبك
= يا كريم لو سمحت ... مش عايزة اتكلم في الموضوع دا ...
* خلاص تمام .. عايز اقولك حاجة
= قول ...
" طلع خاتم جميل جدا في علبة قطيبفة باللون الازرق "
* عايز اطلب ايد دينا
= بحماس وفرحة ... بجد ... بجد يا كريم ... طبعا موااااافقة
_ بعصبية ... أمنية ... موافقة على ايه ... وايه دا ( بووووووم )
" فجأة لقيت كريم وقع على الأرض من ضربة اسر ليه "
= انت متخلف يا اسر انت بتعمل ايه
_ لا استنى لما يكتب عليكي احسن
= انت بتقول ايه يا اسر
_ بقول الحقيقة ... خليكم مع الاستاذ انا ماشي
= امشي يا اسر مانت طول عمرك بتمشي ... انت اناني يا اسر... انت اناااااني
+ أمنية
= انا بكره اخوكي يا دينا
+ معلش يا حبيبتي
= شوفي كريم ... الراجل يا عيني كان عايز يطلب اديكي
+ نعم
* موافقة يا بنتي اروح اجيب مرهم واجي اطلب ايدك من والدك
+ ايه تجيب مرهم وتطلب ايدي ... هو المفروض خاتم مش مرهم ولا ايه
= هههههههه الراجل حاله ارتجاج في المخ
* منه لله اخوكي
+ نعم
* خلاص اسف ... يلا خليني اطلب ايدك
+ احم احم
* الحقي دي اتكسفت ... القصيرين بيتكسفوا زينا
+ نعممممم بقى
* خلاص خلاص بهزر يا بطريقي
+ هى قالتلك على بطريقي كمان
* طبعا ... دا انا ناوي اشتري بطريق نربيه عندنا
+ وااااااو ... بس ازاي دا لازمه تلج أو مايه
* مانا هعمله غرفة مجهزة
+ ونجيب دب كمان
* اللي تطلبيه
= طب اتفقوا على الحيوانات على ماجي
+ حيوانات !! دي بتقول على البطريق والدب حيوانات يا كريم
* ولا يهمك يا قلبه معلش متعرفش قيمتهم
= ريم
& نعم
= انت بتحبي اسر
& ......
= ههههه ... قولت لأسر قبل كدا أن اللي بيحب بجد مستحيل ياخد وقت في التفكير ...
& ا... ايوة طبعا بحبه هو في واحدة مبتحبش اسر محمد
= طب ليه سبتيه في الاول ... اللي بيحب بجد بيقف جنب حبيبه في كل ظروفه لانه لو مش حابب يسعدك ايه يجبره يشتغل عشان يلبي طلباتك ... لازم تكوني حريصة على الشخص اللي معاكي عن كدا يا ريم ... اسر مكنش يستاهل انك تبعدي عنه ... وكذلك احمد ... فكري تاني وعلى العموم ... اسر ليكي
& وانت
= انا مسافرة خلاص ... عن اذنك
____________________
أمنية " رجعت البيت وحضرت شنطتي قولت لبابا وماما أن في ورق مهم للكلية لازم يخلص علشان كدا لازم اسافر لندن في اقرب وقت ... اسر كان مختفي معرفش فين... المرة الاولي اللي سافرت فيها مش تفرق عن التانية غير الخاتم اللي في أيدي مع شوية جرح زيادة وانا لسه عايشة "
اسر " كنت قاعد على البحر بفكر ... ازاي كل المدة دي كنت تايه عن أمنية ... طب ازاي قلبي محاولش يقرب منها ... او ازاي الدنيا بتبقى جميلة كدا في قربها ... طب ليه ضربت كريم ليه غيرت عليها ليه متحملتش اشوفه بيتقدملها ليه ... احمد لما لبس لريم الخاتم وقتها مش قلبي اللي وجعني قد محسيت بوجع في كرامتي من أن ريم تسيبني ... لما احتجت حد يقف جنبي تلقائي كانت أمنية ... دينا كان عندها حق لما قالت اني محبتش ريم والا مكنتش اخترت المكان اللي أمنية بتحبه علشان اعمل في خطوبتي من ريم .... بس كانت غلطانة لما قالت ولا هتحب أمنية ... انا حبتها ووقعت ... أيوة حبيتها ... لما قربت منها على أساس اني خطيبها حبيت .. بس انا فعلا اناني علشان كدة هسيبها تعيش حياتها سعيدة مع كريم ... انا اسف يا أمنية ... حقيقي اسف على كل لحظة ضيعتها من غير محبك ... اسف على جرح قلبك ... اسف على كل حاجة ... "
ترن ترن
_ مين ؟!
* انا كريم يا اسر ...
_ انت ... عايز ايه ؟
* اسمعني بس ... انا عارف انك بتحب أمنية وهى كمان بتحبك ... أمنية بتحبك من يوم متخلقت وهى بتحبك ... سافرت اول مرة وهى مكسورة علشان متبعدش عن ريم بسببها ... سافرت وسابت روحها معاك ... ولما رجعت اتحملت كتير اوي. علشان تقدر تمثل دور كانت بتتمنى تكون بطلته في الحقيقة ... وانت جرحتها تاني
_ طب والخاتم اللي كنت بتقدموا لها
* أما كنت بقولها اني عايز اطلب ايد دينا وكنت بوريها الخاتم ... هى قالت موافقة اني اطلب ايد دينا وانا دلوقتي عندكم في البيت بطلب ايد اختك بس أمنية مسافرة ...
_ اييييييه
* اسر لو بجد بتحبها الحقها قبل متضيع من اديك ... أمنية لو سافرت تاني مستحيل ترجع ... دينا اقنعتها تقعد على البحر فترة قدمها ساعتين على الطيارة ... الحقها يا اسر
_ شكرا يا كريم ... عن اذنك
* ربنا معاك يا صاحبي
+ تفتكر هيلحق
* لازم يلحق
__________________
على البحر ....
" قال لي الوداع وهقول له إيه
هو الوداع يتقال فيه إيه
إخترته ليه وإخترني ليه
كان قلبي ليه وقلبه مش ليّ
حسيت إني لقيت حلم السنين
وصحيت فجأة بقيت من المجروحين "
= دي اخر مرة هشوفك فيها ... مش هرجع اسكندرية تاني ... مش هقعد قدامك واحكيلك تاني ... بس حقيقي كنت صديق وفي... احتفظت بكل سر حكتهولك ... احتفظت بأكبر سر في حياتي والاخر مرة هقولهولك.... انا بحب اسر ... سلاااااام
_ أمنية
" كان واقف قدامي بينهج ... واضح أنه جاي جري ... بس عرف مكاني منين ... وليه جه اصلا "
= اسر ؟؟ .... ايه اللي جابك ... خلاص تقدر ترجع لريم في اي وقت ...
_ رايحة فين
= راجعة لندن
_ وبما انك ماشية لسه لابسة الخاتم ليه
= بحزن ... انا اسفة ... كنت عايزة اخليه ذكرى بس خلاص ريم أحق بيه مني ... اتفض....
_ بتعملي ايه
= بخلعه
_ انا لما لبستك الخاتم دا مكنتش متخيل أنه ممكن يتقلع من اديكي يا أمنية ... الخاتم دا ليكي ... مينفعش يكون لغيرك ... زي قلبي بالضبط مينفعش يكون لغير حوريته
= بتقول ايه ؟!
_ بقول الحقيقة ... انا عارف اني غبي وأناني بس انا والله اسف ... انا كنت اعمى عن حبك بس لما قربت عرفت اني محبتش قبل كدا ... محبتش غيرك ... عرفت اني كنت برضي غروري مش اكتر ... أمنية سامحيني المرة دي وخليكي ... علشاني ...
= مينفعش يا اسر ... انت جرحتني اوي ... انا لازم ابعد ...
_ علشان خاطر اسر ... طب انا والله اسف... انت لو بعدتي بجد المرة دي هموت ... روحي كانت معاكي من البداية بس انا اللي توهت ... هتخليني تايه لامتى ...
= وانا قلبي وجعني كتير اوي ... كرامتي انجرحت ... لو بقيت كدا انا بخسر نفسي
_ ركع قدامي ... تقبلي نبدا من الاول تاني وننسي اللي فات ... الكلام اللي قولته لما ركعت قدامك اول مرة كان من قلبي والله ... تقبلي تكوني بنتي وحوريتي وزوجتي
= ياريت كان ينفع ... بس انا اسفة ...
" عطيته ضهري علشان اركب العربية واسافر... عارفة اني هتعذب اكتر ... بس انا قولت قبل كدا أن البعد نار والقرب نارين وانا بتحرق بنهم ودينا كان عندها حق لما قالت إن كرامتي هوجعني ... "
_ أمنييييية
"لفيت ليه لقيته واقف على الصخر قدام الماية"
= بدموع وخوف ... ا... اسر بتعمل ايه
_ قولتلك انك لو بعدتي المرة دي انا هموت ... بس لازم تعرفي الحقيقة قبل مموت ... أمنية انا بحبك ... بحبك يا حوريتي
= اااااااااااسر
_________________
بعد خمس سنين
# وايه حصل تاني مع بابي ومامي يا انطي دينا
@ أيوة يا مامى ايه اللي حصل مع خالو اسر وانطي أمنية
+ مفيش يا حبيباتي أمنية منعت اسر من أنه يقع في الماية بي وقتها اسر كان وقع في الحب واتجوزا وجابوا لنا سيدرا علشان تلعب مع رحيم حبيبي ...
# انا بحب بابي ومامي اوي
@ وانا كمان يا سيدو بحب بابي عشان جاب لمامي بطريق
+ طب يلا نروح نلعب
#@ يلاااااا
_ حوريتي .... تشربي قهوة
= من المج بتاع بابا اسر
_ بابا اسر كله ليكي
= بحبك
_ بس انا مش بحبك ... انا بتنفسك ... بعشقك
" ليت كل السجون كقلبك ... والله لفعلت الجرم الف مرة حتى تأسرني به
