حازم: ادهم انا بحب بنت عمك وعايز اتجوزها
ادهم بغضب: حازم انت اتجننت
حازم: ادهم أنا عارف انك هتقولى أننا كنا نعرف بنات كتير وكل يوم مع بنات شكل بس أنا من ساعه ما قابلت امنيه وهى شاغله كل تفكيري ودايما بفكر فيها ومش عارف اشيلها من دماغى
أدهم بعصبية: حازم كفايه كده علشان مش هكون مسؤل عن اللى هيحصل
حازم : وافق يا ادهم وانا مستعد احميها من ابوها وهسعدها وهحافظ عليها من كل حاجه حتى من نفسى
ادهم هنا اتخلى عن السيطرة على غضبه وقام من على المكتب ومسك حازم من قميصه بقوه
ادهم بغضب: انت اتجننت يا حازم اللى بتتكلم عليها دى مراتى وانت عارف كده
حازم: أنا عارف انها مراتك بس على الورق وانك متجوزها علشان تحميها وتقف جمبها وانك هتطلقها وتسيبها تعيش حياتها ،انا بعفيك من المسؤليه دى وبطلب منك ايد بنتك عمك امنيه أنا بحبها اوى يا ادهم
ادهم ضرب حازم بوكس انما ايه خلاه نزف دم كتير ووقع على الأرض
حازم قام متعصب
حازم بغضب: ادهم انت تجنتت انت بتعمل كده ليه
ادهم بصوت عالى: علشان امنيه دى حبيبتي أنا بتاعتى أنا وبس ملكى أنا لواحدى واللى يفكر مجرد تفكير فيها اقتله
حازم: بس لما سالتك اتجوزتها ليه قولتلى علشان احميها وانك اخوها وده مجرد جواز على ورق بس مقولتليش ليه انك حبيتها مقولتش ليه
ادهم : علشان كنت غبى وكنت بقنع نفسى أنها مستحيل تشوفنى غير اخ ليها بس دلوقتي حتى لو كانت شيفانى اخوها مش هسيبها امنيه ملكى أنا لواحدى امنيه بتاعتى أنا وبس انت فاهم أنا اموت من غيرها انا بحبها اوى يا حازم
قال جملته الاخيره وانهار من البكاء ولاول مره يبكى هذا الادهم
ادهم بدموع: بحبها اوى يا حازم ومش عارف اعمل ايه مش عايزها تضيع من ايدى كل متخيل انها تكون لحد غيرى بموت
حازم كان اول مره يشوف لصاحب عمره بشكل ده واتأكد أن ادهم فعلا بيحبها حب حقيقي
حازم حضن ادهم
حازم: خلاص والله مكنتش اعرف انك بتحبها اوى كده
ادهم: ااه لو تعرف بحبها قد أيه وهى مش حاسه
حازم : انت لو كنت قولتلى من الاول مكنش كل ده حصل ،انا اسف يا ادهم
ادهم : فكره انها تسيبنى دى بتجننى ، أنا مستحيل اخليها تبعد عنى برضاها أو غصب عنها
حازم: مش كده يا ادهم ،البنت محتاجه اللى يحتويها وفهمها مش اللى يبقى شديد وعنيد معاها
ادهم: يعنى اعمل ايه
حازم : يعنى تهتم بيها تكون حنين معاها تجبلها ورد تقولها كلام حلو مش تعاملها بقسوه وعند وخصوصا اللى زى امنيه،، امنيه دى جوهره حاجه نادره كده متتعوضش
ادهم بعصبية: متحترم نفسك يلا وأنا كيس جوافه ولا ايه
حازم : انت بتغير يبيضه ولا ايه
ادهم : حازم لم نفسك علشان مزعلكش
حازم: لا وعلى ايه الطيب احسن يا برنس
ادهم : ايوه كده،ناس مبتجيش الا بالعين الحمره
حازم بابتسامه: ربنا يسعدكم يا ادهم ، همشى أنا بقى عايز حاجه ،سلام
ادهم : حازم
حازم: نعم يا ادهم
ادهم : متزعلش منى انى مقولتلكش وانى اتعصبت عليك ،سامحنى يا صاحبى مكنش اقصد
حازم: مش زعلان ،انت اخويا يا ادهم وربنا يسعدك وانا لو كنت مكانك كنت هعمل اكتر من كده ،ومتقلقش امنيه دى خلاص اختى من هنا ورايح لأنها مرات اخويا وانت اللى متزعلش منى،سلام
أدهم بابتسامة: سلام
عند امنيه فى المكتب
امنيه بدموع : يا ربى أنا بيحصل معايا كل ده ليه ،انا بحبه بحبه اوى يا رب ، هو بيعمل معايا كده ليه
فجاه رن تليفونها
امنيه : الو يا امل
امل : مال صوتك عامل كده ليه
امنيه بدموع : كلو من ادهم وعمايله
امل : ليه هو عمل ايه
امنيه حكت كل حاجه لامل
امل : نهار ابوه اسود ازاى يتجرأ ويقول انو يتجوز عليكى ،، بس عارفه انا شاكه أن دى خطه من ادهم
امنيه: معتقدش انتى مشوفتيش البت دى كانت عامله ازاى
امل : كانت عامله ازاي يعني
امنيه : كانت لابسه فستان قصير او قميص نوم بمعنى اصح وكانت حاطه مكيب اوفر اوى ونافخه حاجات وشافطه حاجات
امل : طب بزمتك ادهم هيتجوز واحده زى دى ازاى بعد كل اللى قولتيه عليها ده ،،يا بنتى ده مستحملش لون الروج اللى كنتى حطاه،ازاى هيتجوز واحده زى دى ،،اسمعى منى دى خطه منه علشان يخليكى تغيرى عليه
امنيه: تفتكرى
امل : افتكر جدا ،انت متعرفيش صحبتك ولا ايه
امنيه : حتى لو كانت خطه أنا كان نفسى اموتها كده وانا شيفاها بتتمايص وتتكلم معاه كنت بولع من جوايا يا امل
امل بضحك : يقطع الحب وسنينه اللى جايب كرمتنا الأرض
امنيه : طيب وخطتننا هنعمل فيها ايه
امل : كل حاجه زى ماهى ونفذى الخطه
امنيه: تمام
امل بخبث: طمنينى هو شال الروج كله ولا نصه بس
امنيه اتكسفت جدا ووشها جاب الوان الطيف
امنيه: تصدقى انك قليله الادب يا امل وانا غلطانه انى كلمتك
امل : اسفه والله بس حوار الروج ده جامد بصراحه
امنيه قفلت فى وشها السكه على طول من كتر خجلها
امنيه: يا انا يا انت يا ادهم
باب مكتب امنيه خبط
امنيه: ادخل
ادهم: يلا يا امنيه علشان ماشين
امنيه قامت بسرعه ولمت حاجتها ومشيت قدامه بكل ثقه ولا كأنه حاجه حصلت
امنيه : أنا جاهزه يلا
ادهم استغرب من رده فعلها،كان متخيل انها هتتخانق معاه بعد اللى عمله لكن حصل العكس
ادهم : تمام يلا
ركبو العربيه وادهم أمر السواق أنه يطلع على فله التجمع الخامس
ادهم : يومك كان عامل ازاى
امنيه : عادى ،كان يوم ممل جدا والواحد كان مخنوق لانى كنت قاعده لواحدى حتى دكتور حازم مجاش يدربنى
ادهم كان شويه وهيفقد أعصابه وهيتعصب عليها بس افتكر أنه لازم يعاملها بهدوء
ادهم : معلش بكره هتلاقي مهندسه هى اللى هتفهك الشغل لأن حازم وراه شغل كتير
امنيه: اه صحيح انت مقولتش ليه أن دكتور حازم اللى بيدرس ليه فى الكليه يبقى صاحبك
ادهم ببرود: مجاتش مناسبة
امنيه: تمام
وصلو الفله ونزلوا من العربيه
اول ما امنيه نزلت انبهرت بالمكان والفله ،كانت جميله جدا وتصميمها جميل
امنيه بإعجاب: وااو الفله دى حلوه جدا
ادهم بابتسامة: عجبتك
امنيه: جدا
امنيه: ممكن سؤال
ادهم : اسألى
امنيه: ليه انت وعمى وماما صفاء متجوش تعيشو هنا فى الفله دى ،دى حلوه اوى
ادهم : علشان الفله التانيه ليها زكريات كتير وبابا وماما بيحبوها وبابا اتولد وعاش فيها وانا كمان
امنيه : يعنى ابويا أنا اتولد فى الفله دى كمان ،وكان غنى
ادهم : ايوه
امنيه: امال ليه ابوك وجدى الله يرحمه طردوه واتبرو منه
ادهم : علشان عمايله وتصرفاته ، وعلى الرغم من كده جدى زعل لما طرده لانه خاف عليكى انت ومامتك منه
امنيه زعلت والدموع ملأت عنيها
امنيه: أنا مش عارفه ربنا ليه خلانى بنت الراجل ده ،طول عمره انانى مبيحبش غير نفسه والفلوس لدرجه انه كان هيجوزنى لراجل عنده 60 سنه وأنا لسه يدوب 19سنه
ادهم حاول تلطيف الجو
ادهم: تصدقى انك رخمه ،يعنى احنا جاين فى مكان هادى وجميل كده وانتى تعكننى علينا ،يلا يا امنيه نرجع انت ملكيش فى الطيب نصيب
امنيه هى وبتمسح دموعها بسرعه زى الاطفال
امنيه: خلاص والنبى يا ادهم مش هرخم تانى
ادهم بابتسامة: طيب خلاص تعالى ندخل جوه
دخلو القصر وادهم نادى على احد الخدم الموجودين وأمره بتجهيز الغدا
ادهم : اطلعى يا امنيه غيرى هدومك وانزلى اتغدى
امنيه: حاضر
ادهم : بصى هما حطوا حاجتى وحاجتك فى اوضه واحده،لو حابه تقعدى فى اوضه لواحدك معنديش مانع
امنيه فكرت انها لو قعدت فى اوضه لوحدها مش هتعرف تنفذ خطتها
امنيه: لا عادى مفيش مشكله
طلعت امنيه الأوضه وغيرت وصلت ونزلت علشان تتغدى
قعدت على كرسى قريب من ادهم وبدأت تاكل
ادهم كان بيبص عليها وعلى شفايفها اللى لسه متورمه من اثر قبلته العنيفه وكان ياكله الندم على فعلته
ادهم: احم ...امنيه انتى كويسه
امنيه بعدم فهم: اه كويسه ،ورفعت كوب الماء كى تشرب
ادهم: قصدى يعنى شفايفك لسه وجعاكى بعد اللى حصل
امنيه شنقت وفضلت تكح جامد
ادهم: على مهلك يا امنيه
امنيه : حاضر هاخد بالى
ادهم : امنيه
امنيه: اممممم
ادهم : مردتيش عليا انت كويسه
امنيه بخجل: اه كويسه متقلقش عن اذنك
قامت امنيه بسرعه على اوضتها من كتر الخجل ،وادهم ابتسم على كسوفها
امنيه طلعت الاوضه وقفلت الباب وقلبها بيدق جامد
امنيه: يا انهار اسود ،ده أنا من كلمه واحده وشى جاب الوان ،امال هنفذ الخطه ازاى ربنا يستر بقى
فى المساء عند سليم والد ادهم
كان قاعد مع صفاء فى الجنينه وفجاه التليفون رن
سليم: استر يا رب ده عزت المنشاوى ،وده عايز ايه كمان
صفاء: رد عليه شوف عايز ايه
سليم: اكيد عايز حاجه ده مبيتصلش غير فى المصايب
سليم: الو يا عزت عامل ايه
عزت : ازيك يا ابو نسب عامل ايه
سليم: ابو نسب؟
عزت : ايوه ابو نسب انت متعرفش أن ادهم ابنك طلب ايد هايدى بنتى
سليم بصدمه : اييييه
عزت : فيه ايه يا سليم انت فعلا متعرفش ، يلا مش مشكله انا نفسى مكنتش اعرف غير لما هايدى قالتلى ده عرض عليا الجواز
سليم بعصبية: اسمع يا عزت أنا ابنى كاتب كتابه على بنت عمه وفرحه عليها اخر الاسبوع ومش هيتجوز غيرها
عزت : يعنى ايه الكلام ده
سليم: يعنى اكيد ادهم كان بيهزر بس بنتك خدت الموضوع جد
عزت : طيب لما ابنك متجوز وفرحه اخر الاسبوع يقول لبنتى كده ليه
سليم: أنا يتأسف بالنيابة عنه وأنا هغلطه ،بس متنساش انت معزوم على الفرح ،سلام
عزت بعصبية: سلام
صفاء: فيه ايه يا سليم
سليم بغضب: ابنك طلب الجواز من بنت عزت المنشاوى اكبر عدو لينا فى السوق ،صحيح هو شريكى فى كام مشروع بس ده بيتمنالى الشر دايما
صفاء: يا مصيبتى ،البت الملزقه المايصه دى ،ويسيب امنيه الجوهره العاقله،، ده اكيد اتجنن
سليم : أنا مش هسكت على اللى عمله ده وهخليه يتجوزها حقيقى والفرح اخر الاسبوع
صفاء: طيب أهدى انت رايح فين دلوقتي
سليم: رايح للمحروس اعرف منه ايه الحكايه وعلشان اقوله قرارى وبرضاه أو غصب عنه هينفذ
امنيه بصت فى الساعه ولقيت الوقت المناسب جه
امنيه: استعنا على الشقى بالله
قامت خدت شور ولبست قميص بينك فاتح قصير جدا لفوق الركبه بحملات رفيعه وفلتت شعرها الأشقر على ضهرها بحريه وحطت برفان نفاذ جدا ومحطتش مكياج وكانت على طبيعتها علشان ادهم ميشكش فيها وفى خطتها
بس كانت غايه فى الجمال والاونوثه
قعدت على السرير ومسكت فى أيدها مجله واستنت ادهم
ادهم كان قاعد تحت بيراجع شويه ورق مهمين
بعد مخلص طلع الأوضه وافتكر أن امنيه نايمه
فتح الباب براحه علشان ميزعجهاش ودخل الاوضه وقفل الباب ولسه رايح ناحيه السرير علشان ينام وقف مكانه مصدوم من اللى شافه
ادهم شاف امنيه هى وقاعده على السرير بالقميص القصير وماسكه فى أيدها مجله وبتقرا فيها وبعض الخصل من شعرها متمرده على وجهها
امنيه حست انه دخل الاوضه ضحكت فى سرها بخبث ثم أكملت ،، مساء الخير يا ادهم
ادهم وهو يبتلع ريقه: مساء النور
امنيه: تعالى نام شكلك تعبان جدا
ادهم اتجه للناحيه التانيه من السرير وقعد عليه وفضل يبص لامنيه نظره متفحصه كلها اعجاب ورغبة
امنيه ابتسمتله ابتسامه خفيفه
ادهم ابتدى يعرق ونفسه يعلى ويوطى بشكل لاحظته امنيه
امنيه بصت لادهم وبصوت حنين: مالك يا ادهم انت عرفان كده ليه انت تعبان ولا حاجه ،طيب اشغلك التاكيف
ادهم : لا انا عطشان
امنيه بدلع: طيب استنى اجبلك ميه ،ولسه جايه تقوم لقيت ادهم مسك أيدها بتملك وبيبصلها نظره كلها رغبه فيها وبيبلع ريقه بصعوبه
امنيه: سيبنى يا ادهم اجلك ميه
ادهم بصوت واطى يفيض منه المشاعر: انت حلوه كده ليه
امنيه مردتش ،وادهم قرب منها اكتر وحاوطها بأيديه وقرب من ودنها وهمس برقه
ادهم : حرام عليكى انتى بتعملى فيا كده ليه
امنيه مكنتش سمعاه وكأنها في عالم تانى ،حست بانفاسه الحاره وشفتاه التى تطبع قبل رقيقه على عنقها المرمرى ويداه تتحرك بحرية على جسدها
فاقت على نفسها وابعدت عنه بسرعه كى لا تضعف وتخضع لمشاعرها
ادهم فسر بعدها عنه أنه عدم رغبه فى قربه لها ،جن جنونه وذهب ايها يمسكها من ذراعيها بقوه
امنيه: ابعد يا ادهم ارجوك ابعد مش هينفع
ادهم بغضب: ابعد ليه ابعد ليه فهمينى
امنيه بدموع: ابعد عنى وروحلها يا ادهم ،روح للى عرضت عليها الجواز روحلها ،، جاى عندى ليه يتقرب منى ليه ،وانت اصلا هتبعد تانى
ادهم: انتى اللى بتخلينى مجبور اعمل كده ،،وكل مقرب منك تبعدى ، ومعرفش اعمل معاكى ايه
امنيه: المفروض تحاول اكتر من مره مش من مره وتياس
ادهم : امنيه الله يخليكى بلاش عناد وبعد اكتر من كده ،امنيه أنا بحبك بحبك اوى ،مقدرتش اعتبرك اختى ، لانه انتى مش اختى وانا مستحيل ابعد عنك ،انت بتاعتى ملكى أنا وبس انت فاهمه
امنيه لم تصدق نفسها ،هل حقا قالها ،هل اعترفه بحبه وعشقه لها الان ، هل اعترف من خوفه أن يفقدها
كانت سعيده جدا من داخلها
ادهم : أمنيه يلا نبتدى انا وانتى حياه جديده خالص ،مش كاننا اخوات ،، كاننا حبيبين ،انا بحبك اوى يا امنيه
وفجاه قرب منها يبوسها
وقفه صوت عالى غاضب جاى من تحت
امنيه: ايه الصوت ده
ادهم : مش عارف
امنيه: تعالى ننزل نشوف فيه ايه
ادهم بغضب: هتنزلى كده ازاى انت اتجننتى
ابتسمت من داخلها وفرحت لانه يغير عليها بشده
امنيه: طيب اسبقنى انت واناهلبس الاسدال واجى وراك
نزل ادهم لقى ابوه ببنده عليه بصوت عالى
سليم: ادهمممم يا ادهمممممم
ادهم : مالك يا بابا بتزعق ليه فى حاجه ولا ايه
سليم بغضب: اهلا بالباشا اللى دايما عامل مشاكل
امنيه لبست ونزلت على طول تشوف فيه ايه
امنيه: فى ايه يا عمو سليم بتزعق ليه
سليم : البيه راح طلب بنت عزت المنشاوى للجواز ،ونفذ كلامه ،،وانا اللى كنت فاكره بيهزر ،طلع مجنون
ادهم : بابا انا معملتش حاجه غلط غير كده أنا قلت لحضرتك انى عايز اتجوز وانا عارف انى كان لازم اقولك هى مين الاول، بس مع ذلك أنا مكنتش بتكلم معاها بجد أنا عملت كده لأسبابى،وكنت هتصل بيها وقولها انى كنت بهزر معاها مثلا وكنت هنهى الموضوع
سليم: تنهى الموضوع بالسهولة دى ،ليه بنات الناس لعبه فى ايدك،، ابوها اتصل عليا وبيقولى ازيك يا ابو نسب،مفهمتش هو قالى كده ليه ولما فهمت أن ابنى الحيله طلب بنته للجواز وهو اصلا متجوز معرفتش اقوله ايه ،انت متخيل كان شاكلى عامل ازاى
ادهم : على فكره هو اللى غلطان أنا متكلمتش معاه اصلا علشان يعتبرنى جوز بنته
سليم: لا يا راجل ،امال ايه
كل ده وامنيه وافقه مصدومه مش مصدقه أن ادهم كدي عليها وأنه فعلا فكره الجواز دى خطه منه علشان تغير عليه زى ما قالت امل ،وحلفت من جواها انها تربيه
ادهم : طيب أهدى يا بابا ،انت قولتله ايه بالظبط
سليم: قولتله أنه كان بيهزر مع بنتك بس هى اخدت الموضوع جد وانك كاتب على بنت عمك وأن فرحك عليها اخر الاسبوع
ادهم : طيب كويس ثم أكمل بصدمه ايييييه ؟؟
امنيه: ايييييه؟
سليم بصوت عالى: اسمع بقى منك ليها انتو هتتجوزو وجواز حقيقى مش على الورق والكلام الفاضي ده وفرحكم اخر الاسبوع برضاكم أو غصب عنكم الفرح اخر الاسبوع فاهمين
امنيه وادهم .................................................
سليم بصوت عالى: اسمع بقى منك ليها انتو هتتجوزو وجواز حقيقى مش على الورق والكلام الفاضى ده وفرحكم اخر الاسبوع برضاكم أو غصب عنكم الفرح اخر الاسبوع فاهمين
امنيه وادهم فضلو يبصو لبعض ومش عارفين يقولو ايه
سليم : أنا تعبت مش كل شويه عناد ومشاكل واللى أنا قولتو هيتنفذ فاهم يا ادهم
ادهم بفرحه وابتسامه كبيرة: فاهم يا بابا ،وبص لامنيه وضحك
امنيه كانت مستغربه رده فعل ادهم وفرحته
امنيه برفع حاجب: ايه هو اللى فاهم يا بابا ،،بس أنا مش موافقه يا عمى
سليم بحده: مش بمزاجك
ادهم بسخرية: وممكن نعرف السنيوريتا مش موافقه ليه
امنيه بخجل : بصو انتو فاهمين غلط ، أنا معنديش مشكله أننا نعمل فرح ،المشكله فى أن الفرح بعد اسبوع وانا مش هلحق اجهز حاجه
سليم: إذا كانت دى المشكلة اطمنى انتى وملكيش دعوه بحاجه كل حاجه جاهزه انتى مش واثقه في عمك ولا ايه
امنيه: لا يا عمى متقولش كده
ادهم بفرحه ولهفه : يعنى انتى موافقه
امنيه اتكسفت جدا ووشها جاب الوان
سليم: خلاص اعملو حسابكم أن الفرح آخر الأسبوع ،،امشى أنا بقى وانتم خلى بالكم من نفسكم،سلام
ادهم وامنيه: سلام
فى مكان آخر بفله المنشاوى
هايدي بغضب وهى بتكسر اى حاجه قدامها: يعنى ايه ،يعنى هو كان بيضحك عليا ،انا هايدى المنشاوى يتعمل معايا كده
عزت : أهدى يا هايدى مش كده
هايدي: أهدى ازاى يا بابا ده عرض عليا الجواز وانا فرحت جدا والفرحة مكنتش سيعانى يقوم يطلع بيضحك عليا
عزت : أهدى اكيد فى حل
هايدى : مفيش حل ، بس وحياه كسره قلبى دى لدفعه التمن وغالى اوى هخليه يرجع يبوس ايدى
عزت : بلاش تهور يا هايدى ادهم الشرقاوي مش هيسيبك لو عملتيلو حاجه
هايدي بهدوء مخيف: متخفش يا بابا ،اقعد واتفرج انت بس
عند ادهم وامنيه
بعد ما ودعو سليم ابو ادهم طلعو الاوضه علشان ينامو
ادهم : مالك نايمه بعيد ليه قربى شويه أنا مش بعض على فكره
امنيه بحده : ادهم لم نفسك ،وبعدين انت قليل الادب نسيت كنت هتعمل ايه من شويه
ادهم : كنت هعمل ايه يعنى ، يا بنتى انت مراتى
امنيه بغيظ: ادهم
ادهم : مهو بصراحه انتى كنتى لابسه حته دين قميص يفك من على حبل المشنقه وكنتى قمر ، مقدرتش اسيطر على نفسى أو ابعد عنك
امنيه اتكسفت جدا: خلاص نام بقى
ادهم : لا ،، تعالى نامى فى حضنى وانا انام
امنيه : انت بتحلم ،قال انام فى حضنه قال
ادهم : ده حضن بريئ والله صدقينى مش هعمل حاجه
امنيه مشدده على كلامها: مش مطمنالك على فكره
ادهم : ابعدى عنى براحتك بس بعد الفرح مش هعتقك يوم
امنيه بغضب: انت قليل الادب اوى
ادهم ضحك على خجلها الزايد وشدها جوه حضنه وحضنها بتملك وحب
ادهم : قليل الادب قليل الادب برضو هتنامى فى حضنى
حاولت تبعد لكن استسلمت لقلبها فى النهاية ونامو فى حضن بعض
عند سليم فى فله الشرقاوي
صفاء: ها طمنى عملت ايه يا سليم
سليم : اتعصبت عليهم وفهمتهم أن اللى بيعملوه ده لعب عيال
صفاء: وبعدين
سليم : ولا قابلين قولتلهم أن فرحهم اخر الاسبوع ومدتهمش فرصه للرفض
صفاء بفرحه: يعنى هيتمموا جوازهم وهيبقى جواز حقيقى
سليم: ابنك وامنيه بيحبو بعض بس بيعاندوا نفسهم
صفاء : ربنا يسعدهم
سليم: يا رب
فى شقة ما على النيل يجلس حازم ينظر اللى الفراغ وعلى وجهه علامات الحزن
حازم : أما الدنيا دى غريبه بشكل ،، يعنى يوم ما أقرر ارتبط واحب واتحب واعجب ببنت ،تطلع مرات صاحبى
بس يلا ادهم طيب ويستاهل كل خير ،وانا لسه العمر قدامى ،احب واتحب يمكن ربنا شايل ليه نصيبى وبنت الحلال اللى تسعدنى ، ربنا يسعدك يا ادهم
لم ينهى جملته الا ورن الهاتف برقم غريب
حازم : يا ترى مين بيرن عليا ،،الو
امل : السلام عليكم يا دكتور حازم
حازم: وعليكم السلام ورحمه الله وبركاته مين معايا
امل : حضرتك أنا اسمى امل طالبه عندك فى سنه اولى
حازم : ايوه يعنى عايزه ايه وجيبتى رقمى منين
امل : حضرتك أنا كنت عايزه الملازم بتاعت المحاضرات القديمه وكمان مزاكرات نماذج الامتحانات وشرح السيكشنات اللى فاتت و........
حازم بنفاذ صبر: بس بس يخرب بيت زنك انت رغايه اوى
امل : افندم
حازم : ايه كل ده انتى محضرتيش ولا سيكشن خالص ولا محاضره وجايه تتعبينى معاكى هو أنا ناقص
امل : هو حضرتك بتتكلم معايا كده ليه ده مش اسلوب على فكره
حازم بغضب: قصدك ايه،، هو ده اسلوبى وان كان عاجبك
امل : تصدق أنا اللى غلطانه انى كلمتك وقولت دكتور محترم وبيحب يساعد الطلبه طلعت بتخيل
حازم : انتى ازاى تكلميني بالطريقة دى ومين اللي اداكى رقمى و..............
حازم: دى قفلت الخط فى وشى ،،طيب لما اشوفك بس واعرفك لربيكى
امل: انسان قليل الزوق بصحيح ،، بس الداخله دى مدخلتش عليه ،،يا ربى اعمل ايه انا دلوقتي الخطه فشلت ،، بس مش مشكله الخطط جايه كتير وهو بصراحه قمر ويستاهل ،يخرب بيت جماله قمر اه لو يحس
( يا جماعه البت امل دى طلعت مش سهله 
)
) فى صباح اليوم التالي
تستقظ امنيه فتجد نفسها ما زالت فى حضن ادهم
ابتسمت على وضعهما وبدأت بتحريك يديها على وجهه وشعره بحنان وقبلته من خده ببرائه ،، ببرائه والله
وقامت من على السرير وجايه تمشى سحبها فجاه وقعها تانى على السرير
امنيه بصدمه: ايه ده انت صاحى
ادهم : حد يبقى نايم جمبه القمر ده وينام يا خواتى ،ايه مفيش صباح الخير ولا ايه
امنيه بابتسامة: صباح الخير
ادهم بهيام وحب : بقولك ايه
امنيه: اممممممم
ادهم : بحبك
امنيه ارتبكت جدا : طيب انا هقوم اجهز علشان اتأخرت
ادهم : مش هتقوليلى وانا كمان بحبك وأخذ يقربها له بشده
امنيه: ادهم مش هينفع كده ارجوك احنا متأخرين وبعدين سيبنى علشان عايزاك فى موضوع
ادهم : مش هسيبك غير لما تقوليلى بحبك
امنيه بغضب: ادهم ارجوك سيبنى على راحتى ،، أنا مش هاقولها الا لما أتأكد منها واتأكد من مشاعرى ،ارجوك متصغطش عليا
امنيه كانت نفسها تقوله لكن كانت بتربيه
ادهم بابتسامة: خلاص براحتك ،ايه بقى الموضوع المهم
امنيه: بصراحه كده أنا كلمت امل صاحبتى واتفقت معاها أنها هتيجى تتدرب معايا فى الشركه بس نسيت اقولك
ادهم: عادى يا حبيبي،، بس كان المفروض تدينى خبر
امنيه : بجد يعنى انت موافق
ادهم : علشان خاطر الفرحه اللى انا شايفها فى عنيكى دى اوافق على اى حاجه
امنيه وبدون وعى حضنت ادهم بفرحه
امنيه: شكرا يا ادهم انت احلى ادهم فى الدنيا
ادهم ابتسم وحضنها اكتر ،،امنيه اتكسفت وبعدت عنه على طول
امنيه: اسفه مكنش قصدى،، أنا هروح اجهز وجريت على الحمام
ادهم ابتسم وقام لبس هو كمان ونزلوا فطرو وطلعو على الشركه
وصلو الشركه وادهم دخل مكتبه وامنيه كمان دخلت مكتبها
امنيه اتصلت على امل
امنيه: الو يا زفته انتى فين
امل : أنا قدام الشركه اهو وداخله حالا
امنيه: انجزى
امل : حاضر داخله اهو،،، وفجاه خبطت فى شخص وكانت هتقع لكن هو لحقها وسندها بسرعه
حازم: انتى كويسه يا انسه
امل : مش تفتح يا اخ انت ،،وفجاه رفعت وشها واتصدمت أنه حازم
حازم فى نفسه: ايه ده الصوت ده مش غريب عليا والبنت كمان حاسس انى شوفتها قبل كده
حازم : يا أنسه أنا.....
لم يكمل كلامه فوجد امل قد هرولت من أمامه بسرعه
حازم : مالها دى مجنونه ولا ايه
امل وهى تجرى بسرعه ونفسها سريع سالت السكرتيره
امل : لو سمحت فين مكتب امنيه
السكرتيره: المكتب ده حضرتك
امل جريت على المكتب ودخلت بسرعه من غير متخبط وقفلت وراها الباب وكان فى حد بيجرى وراها
امنيه: يخرب بيتك انتى هبيبتى ايه ومالك عامله كده ليه
امنيه : أنا شوفته شوفته يا امنيه
امنيه: شوفتى مين فاهمينى
امل: حازم شوفت دكتور حازم
امنيه بخبث: دكتور حازم،، قولتيلى،، شوفتى حبيب القلب
امل : امنيه لمى نفسك والا انسى انك صاحبتى ،،انت مش عارفه ايه اللى حصل لما كلمته فى الليل
امنيه: اه صحيح ايه اللى حصل
حكت امل كل حاجه لامنيه
امنيه: يخرب بيتك انتى ايه اللى عملتيه ده ،،وعايزاه يحبك ده لو شافك هيعملك حتت
امل : بقولك ايه هو اللى نرفزنى
امنيه: افضلى قولى نرفزنى كده لحد ميضيع منك ،،تصدقى انا غلطانه علشان عطيتك الرقم ،،اوعى تكونى قولتيله
امل : لا والنبى كله الا انه يضيع منى ،، وبعدين متقلقيش أنا مقولتلوش مين عطانى الرقم
امنيه: تمام طمنتينى
عند ادهم فى مكتبه
نادين: ادهم بيه البشمهندس حازم هنا
ادهم : دخليه
ادهم: مالك يا حازم
حازم : اسكت يا صاحبي،فى بنت امبارح اتصلت عليه وكانت عايزه ملازم ومزكرات وشرح ونرفزتنى جدا
ادهم ضحك عليه : تصدق انك تافه
حازم ،، انت بتضحك ،طيب ماشى شوف مين اللى هيدرب مراتك
ادهم: لا فى عرضك انا دورت على مهندس كويس يدربها ملقيتش غيرك ،،المهم انت مش هدربها لوحدها ،هى وصحبتها
حازم : كملت
ادهم : طيب يلا يا حبيبي شوف وراك ايه
حازم: ماشى ،، بتطردنى سلام
ادهم : سلام
حازم خبط على مكتب امنيه
امنيه: ادخل
حازم: ازيك يا امنيه عامله ايه
امنيه: كويسه يا دكتور حازم
حازم : تمام ،يلا علشان نبدا تدريب
امنيه : اكيد بس مش انا لواحدى أنا وصاحبتى
يلتفت حازم ناحيه الفتاه وينصدم عندما يعرف انها نفس الفتاه التى قابلها تحت بالشركه
حازم: اكيد ،انا معنديش مانع،، ممكن اعرف اسمك يا انسه
امل بخوف : اسمى ا....م....ل ،امل يا دكتور
حازم فى نفسه: امل ؟،،الاسم ده مش غريب عليا يا ترى سمعته فين ،، افتكر حازم البنت اللى رنت عليه فى الليل وقالتله انها اسمها امل وكمان نفس الصوت
حازم بصدمه: هو انتى
امل كانت خايفه جدا لانه عرفها
حازم : انتى بقى اللى رنيتى عليا امبارح ودوشتينى وفضلتى ترغى وكمان قفلتى السكه فى وشى
امل : اسفه والله يا دكتور مكنش قصدى
حازم بغيظ : دانت ايامك معايا سوده ،، وجيبتى رقمى منين
امنيه: أهدى يا دكتور حازم هى مكنش قصدها ،وانا اللى اديتها الرقم
حازم كان بيبص لامل بغضب شديد
امنيه : خلاص بقى يا دكتور عشان خاطرى ،انا بعتذر بالنيابة عنها يلا نبدا تدريب
حازم بخبث: وماله يلا بينا نبدا
قعد حازم وبدا يشرح ليهم كل حاجه ببساطه وازاى هيتعامله مع الشغل لكن كل شويه يبص لامل بغضب وهى تبلع ريقها من كتر الخوف وامنيه تلاحظ وتحاول تلطيف الجو
كان لسه بيشرح وفجاه الباب خبط
امنيه: ايوه يا نادين فى حاجه ولا ايه
نادين : مستر ادهم عايز حضرتك ضرورى
امنيه: أنا اسفه يا جماعه عن اذنكم كملو انتو وانا راجعه حالا
حازم انتهز الفرصه علشان يدايق امل وآمل انتهزت الفرصة علشان تعتزر لحازم
امل : دكتور حازم أنا آسفه حضرتك والله مكنش قصدى
حازم بغضب: انتى اخرسى خالص انت انسانه مش محترمه بتغلطى وجايه تعتذرى بكل بساطه ولا كانك عملتى حاجه،يا بجحتك يا شيخه ،بصراحك أنا مشوفتش بنات زيك ابدا ،نوعك ده جديد عليا ،، بجد انت وصلت لمستوى عالى من قله الاحترام
امل بدموع: على فكره انا اعتذرتلك وانت مصر انك تهينى وتجرح كرامتى وانا بعتذرلك مره تانيه وعلى العموم متشكره،عن اذنك
حازم ندم جدا على الكلام اللى قاله وكان لسانه ماقلش الكلام ده
حازم: أنا ايه اللي عملته ده ،انا فعلا غبى ،لا وكمان بعد ما غلط فيها اعتذرت تانى ،انا فهمتها غلط وكمان غلطت فى حقها
عند ادهم وأمينه
خبطت امنيه على الباب ودخلت
واتفاجات بايد ادهم بتسحابها وتزنقها فى الحيطه
امنيه: خضيتنى يا ادهم ،انت عايز ايه
ادهم بابتسامة خبيثه وهو قريب منها: وحشتينى قولت اندهلك يمكن اكون انا كمان وحشتك ،ولا ايه
امنيه بتوتر: ادهم مش هينفع كده احنا فى الشركه
ادهم قربها ليه اكتر وهمس بصوت حنون : انسى اى حاجه
امنيه كانت تايها من رقه كلامه وحضنه ولامساته
امنيه : ادهم مش هينفع ،حازم وآمل مستانينى
ادهم رفع وشها وفجاه اطبق شفتاه على شفتاها يقبلهم بعشق وشوق بالغ ورغبه جامحه تسيطر على قلبه وعقله
تفاجات من جرأته ولكن اغلقت عيناها لتعلن استسلامها لحبه فهو فى الاخير زوجها
ابتعد عنها بعد فتره من الزمن ليست بقليله
ادهم وهو يتنفس بصعوبه: امنيه لو ممشتيش من قدامى دلوقتى حالا هعمل حاجات مينفعش تتعمل فى الشركه
امنيه جريت من قدامه بسرعه ودخلت مكتبها
ادهم ضحك عليها ورجع يكمل شغله بعد ما تمتع من قربها ولو لبضعه دقائق
دخلت امنيه المكتب وملقيتش حد
امنيه السكرتيره: لو سمحتى فين امل ودكتور حازم
نادين : صاحبتك خرجت زعلانه وبتعيط واستاذ حازم خرج وراها
امنيه .......................................................؟؟؟؟
