Ads by Google X

القائمة الرئيسية

الصفحات

روايه لولاهم لم اصبح خائنه الفصل التاسع


 الفصل التاسع

عمر: يا تري سرحانه في إيه!
_في الماضي.
عمر: الماضي كان إمبارح إحنا دلوقت في النهاردة في الحاضر إنسي اللي فات وفكري في اللحظه ديه وبس.
_عندك حق، تيجي نخرج.
عمر: قدام البحر صح!
_صح كأنك قرأت أفكاري.
عمر: أفكارك واضحه لاكن مش الكل يقدر يشوفها.
_طب انا هجهز عشان ننزل.
لبست فستان أبيض بسيط ديله كان طويل كنت حاسه براحه كنت حاسه نفسي ملاك وبدأ يظهر.
نزلنا سوا نتمشي علي شط البحر.
عمر: تعرفي لو مكنتش أعرفك كنت فكرتك عروس البحر.
_طب وبعد ما عرفتني!
عمر: إتأكدت إنك مش بس عروس البحر إنتِ كمان عروس الدنيا وإي حياة تتمناكي تكوني جواها.
_إبتسمت لكلامه اللطيف واللي كان قادر إنه يطبطب علي قلبي ويبسطه.
_عمر..
مستنتهوش يرد وبدأت ارش عليه من ميه البحر.
عمر: بقي كدا طب خدي
_وانت كمان خد_ إيه ده إنت سقعت
عمر: اوي
_ طب انا اسفه علي اللي هعمله
عمر: هتعملي إيه!!
وزقيته وقعته في الميه.
_ مهانش عليا أسيبك سقعان فوقعتك يمكن تحس بالدفا.
عمر: يا حنينه حاسس إني هعيط من حنيتك
وفجأة لقيت نفسي جوا الميه
_بس انا مش سقعانه يا عمر
عمر: قولت أخليكي تسقعي
_بقي كدا.
عمر: إنتِ اللي بدأتي.
بس تصدق الميه حلوة اوي بليل، بس انا بدأت أبرد.
عمر: وانا كمان.
عمر: هنروح!
_خلينا قدام البحر شوية كمان.
عمر: حاضر.
_تعرف إني فرحانه اوي.
عمر: وانا فرحان إنك فرحانه.
_تعرف إني كنت فاكرة إني هفضل كدا مش لاقيه طريق السعاده
عارف حاسه بإني عايزة أطير، عايزة أحذف كل الماضي من عقلي، عايزة أداوي كل ألم في قلبي وأشفي كل جروح روحي، عايزة افضل حاسه بالأمان، عايزة مخافش من بكرة، عايزة اللي جاي أحسن ويعوضني عن اللي فات كله، عايزة أغني!
عمر: غني








_بس صوتي وحش!
عمر: هسمعك بقلبي وهحس كلماتك.
_يا ويلي من حبه يا ويلي، يا عذابي في نهاري وليلي
لا بيرحم ولا ناره بترحم، ومحير في الحب دليلي
مش داري ولا حاسس بيّ، ولا عمره بيفكّر فيّ
لا بكلمة تصبّرني شوية، ولا نظرة تشفيلي غليلي
بكتب له جوابات واحكيله، عن حالي والحال بشكيله
وابعت له مراسيل تناديله، ولا يرضى يقابل مراسيلي...
عمر: إيه الجمال ده يا موج، صوتك جميل اوي.
_ماما كانت بتقولي كدا برضو، تعرف إني من زمان مغنتش.
عمر: ينفع اسألك سؤال؟
_اسألني
عمر: ليه من ساعة ما عرفتك وانا دايماً شايف الحزن فـ عيونك؟
_يمكن لإن الحزن إتخلق عشان يبقي ليا، تعرف إنه واحشني اوي
عمر: هو مين؟
_نور.
عمر: إحكيلي عنه.
_نور كان جاري وصديقي وحب طفولتي وحياتي، نور كان النور اللي منور حياتي، بيحس بيا من غير ما اتكلم وبيفهمني من نظرة عيني، كان جميل اوي ولطيف كلامه كان بيسعدني، بكون مبسوطه وانا جمبه، نور كان هو اول شخص تشوفه عيني، نور كان قوتي اللي من المستحيل أضعف وهو معايا_ بس بس..
عمر: بس إيه كملي..
_بس هو بعد يا عمر سابني ضعيفه من غيره مابقاش بيكلمني ولا بقي بيرد علي رسايلي بقي يتهرب مني انا مش هقدر أخسره يا عمر هو الحاجه الوحيده اللي مخلياني لسه واقفه علي رجلي..
عمر: إنتِ بيه او من غيره قوية يا موج، إنتِ مش محتاجه حد يكملك لإنك من الأساس مش ناقصه إنتِ كاملة بنفسك، واكيد في سبب مخليه بعيد واكيد هتشوفيه انا متأكد إنه لسه منتظرك وإن عنده سبب وراء بعده ده..
_أتمني ده يحصل.
عمر: طب مش يلا بينا بقي.
_يلا.
~وصلنا البيت عمر كان نام بس انا معرفتش غصب عني لسه بفكر فيه، بحاول أدور علي سبب يخليه يبعد عني، بس مش لاقيه سبب أتمني يكون فيه فعلاً سبب.
"لماذا؟ _ لماذا إبتعدت عني فـ قمة إحتياجي، يا لي من ساذجة بالتأكيد حصلت علي البديل، ولكن أريدك ان تعلم، أن قلبي لا بديل له حتي وإن بحثت في كل ثغرة في العالم لن تجد مثلي يا مسكين"
عمر: خلصتي تحضير الشنط!
_اه يا عمر خلصت.
_انا خايفه اوي
عمر: من إيه يا موج؟
_خايفه أشوفه حاسه إني مش جاهزة.
عمر: وإيه سبب ده؟
_خايفه لمكانتي في قلبه يكون ملاها شخص تاني خايفه اعرف سبب بعده عني قلب تاني غير قلبي..
عمر: متخافيش يا موج، يلا بقي عشان منتأخرش.
_حاضر
*كنت خايفه، قلقانه، ومبسوطه، هرجع أشوفه من تاني بعد سنين طويله، سرحانه في كل ذكري وفي كل موقف مرّ بينا، يا تري شكله إتغير، يا تري لسه بيحلم بيا زي زمان، يا تري هيكون مبسوط برجعوي من تاني، يا تري لسه فاكرني من الأساس!
عمر: يلا يا موج إنزلي وصلنا.
_عمر انا خايفه متسبنيش خليك معايا.
عمر: انا معاكي متخافيش.
*كنت ماشيه بقدم خطوة وأرجع عشرة، كنت حاسه برعشه مسكاني، كنت محتاجه أطمن.
_لحد ما وصلت، وصلت شارع ذكريات طفولتي، بس لفت نظري حاجه
_هما فين الناس، والأغاني ديه جاية منين، والانوار ديه ليه يا عمر.
عمر: مش عارف يا موج، يلا عشان نطلع لنور.









~كنت كل ما بقرب كان صوت الأغاني بيعلي، كنت خايفه، خايفه ليكون اللي بفكر فيه صح واللي خوفت منه يحصل، لحد ما لقيت بابهم مفتوح وناس كتيرة جوا وأغاني عاليه بس كان صوت تكسير قلبي أعلي متوقعتش إن اللي فكرت فيه يطلع صح
شوفته، شوفته عريس بالبدله السوده وجمبه جميلة صاحبتي من صدمتي محستش غير بصوت راسي وهي بتقع علي الأرض.
_لما فتحت عيني كان هو قدامي
نور: موج إنتِ كويسه!
_ليه، ليه يا نور تعمل فيا كدا، عملت إيه عشان يحصل كدا م.. مش انت وعدتني إنك ليا، ليه خونت قلبي، انا مش كويسه انا قلبي واجعني حرام عليك
نور: انا أسف..
_اسف__ اسف علي حبك ليا ولا اسف علي خيانتك!
نور: موج انا كنت طفل، ده مكنش حب ديه كانت طفولة
_بالنسبالك هي كدا، طب وانا وقلبي اللي حبوك بجد هفهمهم إزاي إنكو كلكو قاسيين كلكو مبتعرفوش تحبو قولي اقول إيه لقلبي قولي أفهمه إزاي إن قلبك محبهوش طب بلاش قلبي قولي أقول لروحي اللي ماتت من الوجع بس كانت بتقاوم عشانك قولي أقولها إيه، طب قولي إزاي أنساك، طب قولي إزاي أبطل أحبك، طب انا ذنبي إيه أشوف كل الوجع ده طب مش حرام مش كفايا انا والله تعبت، حتي انت خونت حتي انت يا نور
سبته وجريت للشارع، كنت تايهه كنت مجروحه لدرجة إن حسيت الناس شايفه الجرح ده كنت حاسه إن خلاص إن الخيانه إتكتبت في قاموسي وإن الكل خاين الكل خاين
قلبي كان موجوع اوي ودموعي كانت نازله بحراره ناديت عليها
قولتيلي إن كل البشر زي قلبي، طب فين ولا يمكن قلبي شبهم، ليه يا ماما فهمتيني إن الدنيا وردي ليه مقولتيش إن العالم قاسي
يارب يارب انا تعبانه، تعبانه اوي أرجوك كل ده كتير عليا انا مبقتش قادرة، طب انا وحشه يارب
عمر: لا يا موج إنتِ مش وحشه
_طب ليه_ ليه يا عمر يحصلي كل ده طب ليه نور من ضمنهم انا معرفتش الحب غير معاه ليه هو اللي يدبحني بالشكل ده ليه يا عمر
عمر: الناس مش كلها وحشه يا موج
_انا مشوفتش غير الوحش وبس وبس يا عمر
انا وحشه، وحشه اوي يا عمر
ماما سابتني
بابا كرهني
ونور محبنيش
وجميلة اللي أعتبرتها صاحبتي في عز وحدتي غدرت بيا ووجعتني اوي
طب ليه انا شوفت كل الوحش وولا مرة شوفت حاجه حلوة
عمر: موج إنتِ جميلة، هما اللي خسروكي يا موج هما مكنوش يستاهلوكي من الأول.
في اللحظه ديه وصلتلي رساله من جميلة
"عارفه إنك إتصدمتي وإن ازاي جميلة ونور، إزاي قدرت أوصل، هقولك إزاي_ من كلامك علي نور غصب عني مشاعري إتحركت ناحيته حبيته، أخدت رقمه من عندك وإتكلمنا وبسهوله خليته يبعد عنك لإنك من الأساس مكنتيش إلا جزء صغير اوي في حياته، وانا بقي مسحت الجزء ده خالص ورجعت مصر وإتقابلنا ولحسن الحظ كنا في جامعه واحده قربنا أكتر، وأعترفلي بحبه وإتقدملي ولحظك حضرتي خطوبتنا، وبالنسبه للفرح مش هعزمك عليه عشان متخربهوش"
دموعي كانت زي الشلال، انا ازاي كنت غبيه اوي كدا إزاي
_يلا نروح يا عمر..
"ليتني أستطيع نزع حبك من قلبي...ليتك مازلت كما أنت"


تعليقات