قصة مقتلتوش يا خالد مقتلتوش والله يا خالد كاملة وحصرية بقلم مجهول
_ ما قتلتوش والله ما قتلت ابننا ي خالد هقتله ليه ي خالد اسمعني خالد رد عليا طيب قوليله انتي قوليله اني ماقتلتوش خليهم يصدقوني
=مين دي؟
دي ي دكتور مدام مريم هنا بقالها ٦شهور
زي ما حضرتك شوفت كده بتفوق من نومها تقعد تصرخ وتقول ما قتلتهوش وبنديها المهدئ وتنام تاني ومن اسبوع قاطعه الاكل خالص وعايشه ع المحاليل
حالتها اي وليه بتصرخ كده؟
مدام مريم كانت شغاله مدربه سباحه وآدم ابنها كان بيدرب معها ف يوم وغرق ومات جوزها اتهمها بالإهمال وانها محافظتش ع الولد ولا
كانت قد انها تتحمل المسؤولية وطلقها دخلت ف صدمه عصبيه حاده اهلها لما جابوها قالوا انها ع وضعها ده بقالها سنه ونص وكل فتره بتروح مستشفى غير المستشفي تتعالج فيها ومفيش حاجه جايبه نتيجة
هي ما بتتكلمش مع حد هي بتصرخ وتبكي لحد ما تاخد المنوم وتنام تاني
دكتور مين اللي ماسك حالتها؟!
حضرتك تقدر تقول مين ماممسكش حالتها كل دكتور يمسك حالتها فتره وبعدين مايلاقيش نتيجه ف يسبها وهكذا
قطع كلامهم صوت:
دكتور محمود دكتور كمال عايز حضرتك ف مكتبه
بعد ٥ دقايق ف مكتب دكتور كمال
_اتفضل
ها ي دكتور خدت فكره عن المستشفى والمرضي اللي فيها
_اه ي دكتور
وناوي أن شاء الله تبدأ شغل من امته؟
من النهارده ان شاء الله
_طيب تمام ربنا يوفقك هقول لحضرتك الحاله اللي هتمسكها دلوقتي
ممكن امسك حاله مدام مريم من فضلك؟
مدام مريم مين؟
غرفه ٣١١ ي دكتور
تقصد كابتن مريم بلاش تبدأ اول شغل ليك هنا بحاله صعبه زي دي كل دكاتره المستشفي مسكوها ومحدش جاب نتيجة
خلينا نجرب لعل وعسى يحدث بعد ذلك أمرا
براحتك ي دكتور موفق أن شاء الله
روحت شفت الممرضه اللي ماسكه الحاله
من فضلك ماتديهاش اي مهدائات تاني الا بامر مني وبالنسبة للمنومات دي تمنعيها خالص
حاضر ي دكتور
هو ممكن حد يقتل ابنه اكيد محدش هيعمل كده لا ده قضاء ربنا وقدره ليه الإنسان بيتعرض للخذلان من اقرب الناس ليه!! اللي المفروض يكونوا سند ليه
من وجهه نظري لو جوز مريم ماحملهاش فوق طاقتها ماكنش هيحصلها كده أبدًا. كنت فاكر اني لما هكون دكتور نفسي هعالج الناس بكلامي بس للاسف الواقع والظروف اللي عايشينها هي اللي بتتحكم فيهم
تاني يوم ف اوضه مريم
صباح الخير
__ ___
انا يستي ابقي دكتور محمود ممكن تقولي دكتورك او جارك الجديد
______
طيب اي مش هنتعرف ولا اي
__
انا لو مكانك هتكلم اصل كل يوم هجيلك هنا ع الاقل تردي عليا اكرام الضيف واجب بردو
فضلت باصه قدامها ولا كانه موجود.
انا عارف ان اسمك مريم عرفت كده م الملف بتاعك اقصد يعني كابتن مريم الطنطاوي أشهر مدربه سباحه ف المحافظة كلها
بصتله وفضلت تعيط
حاول يغير الموضوع اه صحيح نسيت اقولك انا عندي٣٤ سنه
وانتي كام؟
رجعت لشرودها من تاني
بخدودك دي اخرك ١٦ سنه
حاولت تتبسم
انا عارف ان عندك ٢٧ سنه
طيب تحبي تكلميني عن نفسك؟
____
اي ي مان ماهو مش جمدان اني اكلمك وماترديش انتي اللي جبتيه لنفسك هتكلم انا وهتضطري تسمعيني
انا محمود نور الدين والدي متوفي من وانا عندي سبع سنين اكدب لو قلتلك ليا زكريات معاه جامده او اني اتاثرت بموته جامد كنت لسه طفل ليا اخت واحده مليش غيرها هي وماما ف الدنيا.
عارفه ي مريم انتي صوتك حلو اووي في نبره مميزه كده ف الموضوع بقولك اي ماتسمعهوني؟!
بصتله ورجعت بصت ف الارض
ياااه لازم اروح بقي طاجن االباميه باللحمه الضاني اللي ماما عملاه مخلي عصافير بطني تصوصو ع فكره مفيش محاليل تاني هتتركب
ولازم تاكلي اشوفك بكره؟
تاني يوم
وهو بيفتح ستاير الشباك
لا لا ده انتي طلعتي كسوله جدا كمان
بصلها شويه وسكت معقوله حد يبقي شبه الملايكه كده ويبقى ف قمه الضعف النفسي اللي ف العالم جسمها باين عليه الضعف من قله الاكل ملامحها اللي بهتت وشكلها اللي اتغير بس روحها موجوده روحها لطيفه اووي زي الاطفال تقدر تجذب اي حد برغم ضعفها
مريم قومي مريم مريم مبدهاش بقي
مريم بصريخ :مايه لاااااا انا مش عايزه مايه انا بكرها وبكره خالد وبكره نفسي وبكرهك
اهدي اهدي انا اسف ماكنتش اقصد انا كل اللي عملته اني حطيت نقطتين مايه ع وشك بس اهدي انتي كويسه؟ انا عملت كده عشان اصحيكي
انا قلتلها كده وخلاص بس ف الحقيقة انا كنت عايزها تتكلم وماكنتش هتتكلم غير بكده
بعد ٥ دقايق
_ ع فكره صوتك حلو
= سكتت دقيقة وقالت وكل شيء حلو بيروح
_مافيش حلو بيروح الوحش بس اللي بيروح عشان ياجي احلي
الممرضه :الفطار ي دكتور ماكلتش حاجه امبارح
شيبيه عندك واتفضلي انتي
ركن الاكل ع جنب
نسيت اقولك ان ماما بتعملني زي ما بتعامل آدم ابن اختي بالضبط
بصتلي بلهفه والدموع اتجمعت ف عينها اه انا نسيت اقولك ان ابن نوره اختي اسمه آدم المهم يستي كل يوم بتعملي سندوتشات زي زيه
بقولك اي بتحبي مرابه الفراوله؟
انجزي ده عرض مغري ماما اللي عملها ف البيت وده شيء عظيم
ايوه بحبها
يبقى خلاص لازم تاكلي معايا؟
هزت رأسها موافقه
قربت منها ومسكت ايدها اللي كات بترتجف م الخوف واكلتها
حلوه؟
نزلت دمعها منها ع ايدي وقالت ايوه
مش حابه تتكلمي؟
لأ
طيب وقتنا النهارده خلص عايزه مني حاجه ؟
لأ
تاني يوم دخلت لقيتها صاحيه
عاش مين اشطر كتكوت صحي بدري؟
صباح الخير ع سنفوره المستشفى
ضحكت اشمعنا سنفوره؟!
حد بحجمك ده تفتكري اسميه اي الأسد الغاضب؟
ضحكت تاني وقالت لا سنفوره حلو وزي الفل
بصوت واطي :ضحكت يعني قلبها مال والفرق مابينا خلاص اشتغل
بتكلمني؟
لا ي سنفوره
قولتلك ان صوتك حلو ضيفي عليه بقي ان ضحكتك احلي
بكااش اووي انت
-هتكمل؟
=هكمل اي؟
_حكايتك
حكيتلك ع ماما ونوره وآدم كده فاضل احكيلك عن خديجه وحبيبيه عشان ابقي كملتلك باقي اعضاء الاسره اللي محتلين حياتي وقلبي
_مين خديجه وحبيبه؟
= خديجه دي تبقي مراتي وحبيبه الحبيبه دي تبقي بنتي واعز ماليا كان عندها ٤ سنين
اتجمعت دموع ف عنيها تاني حاولت تخبيها بس ع مين خدت بالي
_ربنا يخليهملك اكيد حلوين وبنتك دمها خفيف زيك كده ولطيفه
=كانوا حلوين اووي وكنا اسره جميله اووي كان البيت كله بهجه ولطف
_ليه بتقول كانوا؟!
عشان هما عند ربنا دلوقتي بكيت خديجه كانت سايقه وحبيبه معها وعملوا حادثه وماتوا الاتنين وسابوني عدي ع الموضوع ده ٥ سنين
حاولت تقوم من مكانها كانت هتقع
