الفصل التاسع
ميرال : بزعل * ماااشى
شعاع : افردى وشك العسل ده عشان عاملك مفجأه بعد ما نخلص البحث
ميرال : فرحت * بجد ايييه هى
شعاع : هتبقى مفجأه ازاى لما اقولك يا ذكيه
ميرال : لا مليش دعوه قولى وانا هبقى اتفجأ وقتها
شعاع : يا سلام ياختى لا برضو
ميرال : ع فكره انت رخم
شعاع : يعنى بعد كل اللى بعمله ده تقوليلى رخم
ميرال : اااه
شعاع : سحب المخده اللى جنبها و ضربها بيها
ميرال : عااااااااا .. ماشى انت اللى جبته لنفسك * مسكت مخده تانيه و فضلت تضربه بيها
شعاع : بضحك * خلااااااص انا اسف يخربيت اللى يزعلك * مسك ايديها و ثبتها * بس اسكتى خلاص و اقعدى
ميرال : عشان تبقى تستظرف تانى معايا
شعاع : ماشى يا غزال خلاص لعبنا و هزرنا كملى بقى كتابه
ميرال : طب انت هتمشى
شعاع : عاوزانى امشى !
ميرال : لا
شعاع : خلاص مش همشى
( تانى يوم )
ميرال : طول النهار قاعده مع اهلها و بالليل طلعت اوضتها عشان تكمل * اين انت يا شعاعى
شعاع : انا هنا يا فتاتى الصغيره
ميرال : انا مش صغيره انا كبيره ع فكره
شعاع : لا صغيره و اوى كمان شوفى فرق السنين الضوئيه اللى بينا
ميرال : ضحكت * ايوه صح عندك حق
شعاع : عامله ايه يا جميله
ميرال : الحمدلله بخير و انت
شعاع : الحمدلله ها جاهزه
ميرال : بحماس * ايووون جداااا
شعاع : وصلنا لحد فين
ميرال : النوع التالت الجن النارى
شعاع : ماشى نوتك و قلمك ياست الكل و اكتبى ورايا
ميرال : قول يا شيف
شعاع : النوع الرابع , الجن المائى
و دول بيعيشو ف الميه و ربنا ذكرهم ف القران , سورة ( ص ) ايه ( 37 ) ( و الشياطين كل بناء و غواص )
و فصيلتهم كبيره و مهمه لان منهم اطباء و علماء و مقاتلين اقوياء .. و معظم طب الجن بيخرج من الميه , و لو النوع ده عاوز يطير بيتحرك بمساعده بخار الميه و بخطوط ضوئيه صعبه و معقده
عاوز اقولك ملحوظه كل انواع الجن يقدرو يطيرو بسرعات متفاوته ما عدا النوع الترابى , و حجمهم متوسط يعنى مش طويل ولا قصير و اشكالهم غريبه لكن اقل غرابه طبعا من النوع اللى قبله
و الشياطين و الكفار من النوع ده بيمسو اجسام الانس بس اقل كتير من باقى الانواع عشان قلة احتكاك البشر بالميه و البخار , ولو ف ساحر عاوز يبعت جنى مائى لانسان لازم يشربه ميه و الشيطان يدخل مع الميه و دى الطريقه الوحيده لدخول النوع ده و الله اعلم طبعا
و كده خلصنا النوع الرابع
ميرال : تمام كمل
شعاع : النوع الخامس , الجن الترابى ( الارضى )
و طبعا النوع ده بيسكن الارض و باطنها , و النوع ده بيقدر يتنقل ف باطن الارض بسرعه غريبه من خلال الفراغات و الشقوق , و يقدر يستخدم انفاق خاصه بيهم و بأطوال غريبه داخل الارض و الشقوق
و النوع ده يعتبر من اقصر انواع الجن ف الطول يعنى هما اقذام , و ول اكتر انواع الجن احتكاك بالانسان و بأسحاره , النوع ده بيسكن البيوت المهجوره , و ده اكتر نوع بيستخدمه السحره عشان يعملو سحر للانسان ..
عشان مش بيطير و عنده القدره ع الاختباء ف باطن الارض و بين الجدران و الشقوق , و الكفره من النوع ده اشكالهم وحشه جدا و اقزام بشعر كتير و الوان مختلفه بس كلها غامقه و سوده ,و قدرتهم ع التحمل متوسطه و المقاتلين منهم مش اقوياء و قدرتهم ع التحمل محدوده
قوتهم ف باطن الارض عشان بيستخدمو خاصيه السرعه , و بعض قبائل النوع ده بيحاولو يدورو ع اجسام يعيشو فيها و بينجحو بين الفتره و التانيه انهم يلاقو بعض الاجسام و غالبا بتكون من المجانين و الله اعلى و اعلم برضو
ميرال : الله يحرقهم تمام كمل
شعاع : و اخر نوع يا جميله ده لطيف عن الباقى
ميرال : ارغى ع طول بلاش تشويق عشان فضولى خلاص جاب اخره
شعاع : ضحك * حاضر .. النوع السادس , الجن الهوائى
النوع ده خفيف و لطيف و اسرع انواع الجن و هو الافضل ف الطيران , و عنده اسم تانى الجن الطيار , و بيمس الانسان مس جزئى ف اغلب الاوقات و قليل جدا لما بيمسه مس كلى و بيجى ف المرتبه التالته لتعرضه للانسان بعد الترابى و النارى , و يعتبر النوع ده من اضعف انواع الجن قدره ع التحمل
و بيتأثر النوع ده بالظروف الجويه برد و حر و مطر , و عدد المسلمين و الكفار منهم متعادل تقريبا , و مقاتلين النوع ده قدرتهم محدوده و مش بيدخلو ف معارك مع الجن الترابى او المائى و ف الغالب بيستخدم لقتال الفضاء
او الهجوم ع العدو من الاعلى الى الاسفل , و بيسمى بجيش السماء العلوى عشان هو مش بيقاتل غير من جهة السماء ... و توته توته خلصت الحدوته
ميرال : كده خلصنا الانواع كلها
شعاع : اها عاوزه تعرفى ايه تانى
ميرال : هو طبيعة جسم الجن زى الانسان
شعاع : لا الجن جسمه كتله واحده يعنى مفيش لا احشاء ولا معده زى الانسان
ميرال : الجن ليه الوان تانيه غير اللى قولتلى عليهم
شعاع : ليهم 7 الوان بتوع النار .. ازرق , احمر , اصفر , ابيض , اخضر , اسود , رمادى ... تعالى بقى اقولك تقسيم الجن من حيث السلاله
ميرال : قول بسرعه مش قادره اتنفس
شعاع : ضحك * الجن العادى اللى هما عمار المكان
نوع من الجن بيسكن البيوت و المراحيض , لكن اغلب اللى بيسكنو البيوت بيبقو مسلمين و ف ديانات تانيه لكن الاغلب مسلمين و مش مؤذيين غير ف حالات نادره , سكان المراحيض كلهم شياطين عشان كده لازم نستعيذ من الخبث و الخبائث قبل دخول الخلاء و الحمامات
و دول اضعف الجن بالنسبه لقوتهم و عددهم كتير جدا ... و كده خلصنا عمار المكان
ميرال : يعنى عندنا هنا ف البيت عمار
شعاع : اكييييد
ميرال : يالهوى طيب مسلمين ولا
شعاع : اااه
ميرال : الحمدلله
شعاع : يلا ظبطى بقى الشويه دول و نكمل بكره ان شاء الله
ميرال : مااااشى
( تانى يوم العصر ف الجنينه )
شعاع : وقفنا لفين بقى
ميرال : لعمار المكان
شعاع : تمام .. نتكلم بقى عن العفريت
ده بيبقى طيار و اسرع الانواع و خفيف ف حركته و ذكى جدا , و لما بيكبر ف السن بيقولو عليه غول , و يقدر عفريت صغنن قتل مارد .. واحد من العفاريت دى عرض ع سيدنا سليمان بأن يأتى بعرش بلقيس ملكة سبأ ... و خلصنا
ميرال : اللى بعده بسرعه
شعاع : المارد / و ده اقوى بالنسبه لقوته البدنيه .. و اقل ذكاء , راسه صغيره و جسمه ضخم و عنيد جدا , و لما بيكبر ف العمر بيقولو عليه مكبر , ممكن النوع ده او اللى قبله يتشيطن فبيقولو عليه شيطان
ميرال : وده بيبقى فين
شعاع : غالبا بيبقى ف الصحرا
ميرال : تمام كمل
شعاع : نيجى بقى لمراحل القوه عندهم / الانسان بيمر بمرحله الطفوله و بعدين الشباب و بعدين الشيخوخه , لكن الجن بقى مراحلهم اسمها مراحل القوه سواء شاب او كبير ف السن و بتختلف طبعا من نوع للتانى
الجن العادى /بيمر بـ 4 مراحل بيتدرج فيها من المرحله الاولى لحد الرابعه فقط
العفريت / بيمر بـ 20 مرحله من القوه و التطور , من المرحله ( 1 : 16) بيقولو عليه عفريت صغير و باقى المراحل الاربعه بيقولو عليه عفريت كبير
المارد / بيمر بـ 12 مرحله , من المرحله ( 1 : 8 ) يقولو عليه مارد صغير و باقى المراحل الاربعه يقولو عليه مارد كبير ... و بس كده
ميرال : حلو اوى كده .. عندك حاجه تانى تقولها عشان انا خلاص مفيش اسئله تانى ف دماغى
شعاع : لا خلاص كده .. هو معاد تسليم المشروع امتى
ميرال : اخر الشهر
شعاع : طب كويس يعنى لسه قدامك وقت تظبطيه
ميرال : اه هكتبه ع اللاب و احاول كمان احط صور لاقرب شكل للانواع دى و اظبطه كده بس يارب يبقى كويس و يعجبهم
شعاع : ان شاء الله و تتكرمى و تتجوزى الدكتور بقى و نخلص منك
ميرال : ضحكت * مش هيحصل
شعاع : هنشوف .. هو كلمك تانى
ميرال : اه كل كام يوم بيطمن عليا
شعاع : شوفتى
ميرال : شوفت ايه ما اكيد بيعمل كده مع الدفعه كلها
شعاع : يارب صبرنى طب نسيبنا من الموضوع ده لما يجى وقته نبقى نتكلم المهم خلصى بقى بسرعه عشان المفجأه
ميرال : مش احنا خلصنا قولى بقى ايه هى المفجأه
شعاع : لا يا قمر انا عاوزك فاضيه
ميرال : ماشى يا غلس
شعاع : مش ملاحظه ان لسانك بدا يطول
ميرال : ايه ده استنى كده * طلعت لسانها * لا مطولش انت بتضحك عليا
شعاع : انا اللى جبته لنفسى
ميرال : شعااعى
شعاع : خيرررر
ميرال : ملامح وشها اتغيرت للحزن * هو انا لما اتجوز انت هتمشى و تسيبنى
شعاع : هححححححح لا يا ميرا هبقى معاكى وقت ما تعوزينى
ميرال : بفرحه * بجدددد
شعاع : اهاا منا قولتلك مش هسيبك
ميرال : هييييييييييه
شعاع : ابتسملها بحب * يلا كملى شغلك
ميرال : يووووو نسيت اجيب الشيكولاته بتاعتى
شعاع : امسكى
ميرال : تسلملى يا شعاعى
( بعد 4 ساعات من الكتابه ع اللاب )
ميرال : ياااااا فرج الله اخيرااااا خلصت ..................
بدل ماتدور وتبحث علي الروايات خليها علي تليفونك وحمل تطبيقنا
