Ads by Google X

رواية المنتقبه العمياء الفصل الرابع

 


بس استنى متتحركيش من عندك
فضلت تهز دماغها وهى بتعيط جامد ومتعلقة وهى على قرب سم من البحر...
براء جرى بسرعة عشان يلحقها مسك ايدها جامد وشدها وهى اول ما طلعت فضلت تعيط جداً وهو كان بيحاول يهديها لغاية ما هديت...


انتى ازاى كنتى هتقعى كده
اتكلمت وهى بتعيط.. انا كنت ماشية فجأة خبطت فى حاجه محستش بنفسى غير وانا هقع مسحت دموعها من تحت النقاب وشكرته بس هو عارف انها مش بتشوف..
ــــــــــــــــــــــــــــــــــ
طيب أستنى هو انتى بتيجى هنا كل يوم انا بشوفك دايماً قاعدة لوحدك
_أيوه باجى هنا كتير عن اذنك
طب استنى اوصلك
_شكراً ليك هعرف اروح
ضحك بسخرية فعلاً ما هو باين
أميرة صعبت عليها نفسها وعيطت فى صمت ومشيت وهو زعل جدا من نفسه انه قالها كده زفر بضيق وراح ماشى هو كمان...
ـــــــــــــــــــــــــــــــــــــــ


أميرة روحت البيت لقت بباها قاعد مستنيها
_أهلاً بالهانم الى شرفت ما بدرى
أميرة اتكلمت بهدؤء.. أسفه على التأخير عن اذنك
_زعق فيها... استنى انتى رايحة فين
داخله اوضتى يبابا فى اى
_صك على سنانه... متقوليش كلمة بابا دى تانى انتى فاااهمه
حاضر مش هقولك الكلمة دى تانى تسمح تخلينى ادخل ولا لسه هتهزقنى...
_أنتى بتقولى لميين كده ادخلى غورى غيرى يا عامية عشان العريس...
عيطت ومشيت من غير ولا كلمة...
ـــــــــــــــــــــــــــــ
اوف بقى أخيراً هتخلصنا منها يبابا دى غتته
_اتكلمت مامتها عندك حق يبنتى انا مخلفتش غيرك انتى وأخوكى والله..
_ممكن تقوموا تجهزوا انتم كمان عشان الراجل وأبنه جايين
حاضر يخويا يكش نخلص منها بقا اوف... وقاموا يلبسوا
ــــــــــــــــــــــــــــــ
براء روح البيت لقى بباه لابس وجاهز..
_ثانيه يبابا وهكون جاهز ونمشى
ماشى بس بسرعة...
_دخل لبس وخرج وركبوا العربية ومشيوا...بعد شويه وصلوا لبيت أميرة..
خبطوا على الباب..ابوها فتح ليهم ورحب بيهم ودخلهم..
ــــــــــــــــــــــــ


فى اوضة أميرة لبست فستان عادى باللون الأسود وعليه خمار من اللون الوردى...
ملحوظة...هى مش هتلبس النقاب لأنى ده رؤية شرعية..
بااك
مامتها دخلت عليها لقتها لبست
_يلا يا بت انتى اخرجى لعريسك يلا...
إميرة مسحت دموعها وخرجت ودخلت الأوضة الى هو فيها...
_براء كان باصص للارض مستنيها تدخل..قطعت عليه افكاره ودخلت..
_السلام عليكم
براء رفع عينه ليها وبصلها لقاها واقفه قدامه..
فضل باصص ليها كتير اوى...وهى خمنت ده وخدودها أحمرت جداً
حمحم واتكلم..وعليكم السلام ورحمة الله وبركاته..
ــــــــــــــــــــــــــــــ


انتى أميرة!!!
_هزت راسها...ايوه
اتكلم بأبتساامة..ما شاء الله زى القمر..
أميرة خجلت جدا..وفضلت ساكته
....بعدين خد نفس واتكلم..
ــــــــــــــــ
بصى يا أميرة انا بصراحة مش عاوز الجوازة دى...
رفعت دماغها بصدمه لى....

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-