الفصل الثاني
=يعني هترجع
انا هستناك لغاية ما ترجع يا نادر ، اوعي مترجعش و تسبني لوحدي هــــــنا.
_هرجع متخفيش أدعيلي انتِ بس و باذن الله مفيش حاجة.
"كانت لسا هتتكلم قام الشويش مسكني من أيديا و قال اتفضل يلا.."
"كُنت نازل من سلم و حاسس ان حورية هيحصلها حاجة ، لغاية ما سمعت صوت حد وقع فِي شقة و بيقول.."
=نــــادر متسبــــــنيش....
_حوريــــــــــة لااااا..يا شويش سبني هشوف مراتي.
سبــــــــــوني عايز اشوف حوريــــــــــة...
"محدش رد عليا فضلوا ماسكين فيا و ينزلوني لِتحت ، لغاية ما ركبت معاهم البوكس.."
"مكنش بيدور في بالي غير حورية ، مفيش حاجة هتبقي أصعب علي اي الراجل من أنه يلاقي مراته واقعة
و انا اللي هو السند بتاعها عاجز علي أني أسندها ، حقيقي شعور حقير اوي عمري ما هنسي.."
_ انتَ هتقعد هنا لغاية ما أنَاده عليكَ.
وانا هدخل لحضرت الظابط حسام جوا أبلغه.
"هزيت راسي بمعني ماشي خلاص ،
فضلت مستني ياجي نص ساعة حتي نَاده علي اسمي لغاية ما دخلت.."
_انتَ بقا نادر شريف؟
=ايوة انا.
_انتَ قدمت أستقالتكَ ليه من عند الاستاز محمود صاحب الشركه؟
=مكنتش عايز أكمل معاه ، اسباب شخصية عادي.
_بس اكيد في سبب يخليك تمشي ، حاول تكون صريح معايا دا هيحسن موقفك من القضية.
"قولت بأستغراب.."
_قضية!
قضية اي حضرتكَ؟
انا معملتش حاجة اصلاً.
"رفع الاوراق قدامه و قال بصوت عَالي.."
=قضية رافعاه الاستاز محمود عليكَ.
_تهمتي اي بقا؟
=السرقة.
"فضلت متنح فيه و قولت باستغراب.."
_سرقة!
انا مسرقتش حاجة هسرق اي من عنده و انا اللي ماشي بِمزاجي.
=ما هو علشان ماشي بِمزاجكَ يبقي اكيد عامل عَاملة ، و مش عايز حد يعرفه ولا اي؟
_حضرتك افهمني انا مسرقتش حاجة من عنده.
=طاب حتي اعرف المبلغ اللي اتسرق و بعدين اتكلم!
"سألته ع المبلغ و انا عارف اني مسرقتش حاجة.."
_كام ياتري؟
=مليون جنية.
_اي!!
مليون اي!!!
____عند حورية فِي البيت____
=نادر متسبنيش لا يا نــــادر....متــــ
" صحيت وانا بَتاهته فِي الكلام مكنتش دايرة بأي شىء جمبي ، اول ما شوفت باب الشقة مفتوح افتكرت اللي حصل و فضلت أعيط..
بصيت حوليا ملقيتش نادر ، افتكرت انه من ساعتين كان فِي حضني ، و دلوقتي الله اعلم فين ولا عملوا في اي؟
قومت جريت علي التليفون ، اتصل بأي حد يلحق نادر او يعرف حصلوا اي و يرجعهولي..
ساعتها انا مكنش قدامي غير رقم أبن عمه محمد ، جبت الرقم و اتصلت..
=الو
الو يا محمد ، انتَ فين!!
_الو يا حورية في اي مالك بتعيطي كدا؟
"قولت بِصوت مليان عياط.."
=نادر
نادر يا محمد الحقي نادر.
_ماله نادر حصل اي فهميني نادر فين!
"حكيتله كل اللي حصل وان في ناس أخدوا نادر و مشيوا من غير ما حد يفهمني حاجة..
_طيب أهدي أهدي ، انا هتصرف متقلقيش يا حورية هتصل بواحد زميلي يعرفني اللي حصل و اروحله.
"قولت بسرعة.."
=تاخدني معاك ، عايزة أطمن عليه
مش هقدر استني للصبح فِي البيت دا من غير نادر.
_مش هينفع يا حورية.
=لا هينفع يا محمد هتخدني معاك ، علشان خاطري.
_ 5 دقايق و تكوني جاهزة.
=و أقل من5 حالاً.
"قفلت التليفون مسحت دموعي من علي خدي و قولت و الأمل أبتدي يدخل قلبي.."
=اكيد هتكون كويس.
انا متاكدة انك هتبقي كويس يا نادر ، قلبي مش هيرتاح غير لما اشوفك جمبي هنا فِي البيت معايا و نعمل كل اللي اتفقنا عليه.
"لبست اي حاجة من هدومي و نزلت لِمحمد تحت مستني.."
=هه!
وصلت لِحاجة؟
_اه وصلت.
"قولت بفرحة.."
=اي اي هي وصلت لأي لمحمد ،
نادر فين؟ و حصله اي؟ و كانوا عايزين منه اي في وقت زي دا!
_كل اللي عرفته انهم قبضوا عليه بِتهمة السرقة اللي حصلت فِي الشركة اللي بيشتغل فيها
"كانت ملامح وشي بتتغير مع كل كلمة بيقولها.."
=سرقة! لا لا نادر مبيسرقش ، و بعدين هو ساب الشركة دي من يومين ازاي هيسرق.
_السرقة حصلت في اليوم اللي قدم استقالته يا حورية ، و بعدين كل الادلة بتسبت عليه.
=ازاي و اي الأدلة اللي تسبت انه سَارق؟
_في 2شهود واحد معاه في الشغل و مل النظافة ، دا غير ان المبلغ اللي اتسرق كبير كبير اوي.
=كبير ازاي كام يعني؟
_مليون جنية
"بصتله بخضة من الاسم اللي سمعته و قولت.."
=مــ ــلـ ..ملــيون اي!
لا لا لا كدب كله كدب والله انا مش مصدقة حاجة زي كدا ، نادر يسرق و ملــــيون
مليون عفريت يتنطتوا عليهم.
=طاب قولي هنتصرف ازاي؟
_اول حاجة محتاجين محامي علشان يقف معانا في القضية.
=من فين؟
من فين نجيب المحامي دا!
_انا اعرف واحد صحبي .
=هاته هاتله اكبر محامي في البلد ،
بس نادر يطلع.
_بس هيكون عايز فلوس أتعابه و دي هتكلفنا كتير.
=مش مهم
المهم نادر يطلع ، انا هتصرف في كل فلوس أتعابه بس يطلع منها.
"لقيته قرب مني جامد و قال.."
_وانا كمان.
"بعدت عنه و قولت.."
=انتَ
انتَ اي؟
_عايز أتعابي يا حلوة.
=نعم ، يعني عايز اي؟
