الفصل الاول
روجين: متركزيش معاه اووي كده
نيروز : اصلوا غريب اووي قالت بسرحان شكلوا غريب عنيه لونها غريب جسمه الي كلوا وشموم غريبه نظرته ليا غريبه علطول لواحده وشه ابيض سنانوا غريبه مش زينا في حاجه غريبه فيه تحسي انو من عالم تاني مش من عالمنا
روجين : عندك حق دا موقع بنات الكليه فيه من جمالوا بس هو مش مديهم اهتمام ممكن تكون تناكه
نيروز : لا مش باين عليه كده بس في حاجه غريبه وانا لازم اعرفها
فضلت تنظر اليه لحد ما الدكتور دخل القاعه فضلت طول المحاضره متابعه غريب اوووي حساه عامل ذي لغز مش عارفه حله انا لازم اعرف الغز ده
خلصت المحاضره وذهبت الي البيت
نيروز: بابي انتي فين ي حبيبي
اكرم : انا هنا ي قلبي تعالي
نيروز : احلا بابي ده ولا اي كنت بتعمل اي بقا
اكرم : كنت بعمل احلا صنيه بشاميل لحلا بنوته في العالم
نيروز : عااااا حبيبي قلبي انت والله
اكرم : يلا ي بكاشه يلا روحي غيري هدومك لحد ما اخلص الاكل
نيروز : حاضر ي جميل انت
اكرم : ههههه انا برضو
نيروز : امال مين هو في حد في قلبي غيرك
اكرم : الي شاغل بالك
نيروز : طب هروح اغير وناكل وهحكيلك علي كل حاجه
اكرم: ماشي ي حبيبتي
( نيروز فتاه عندها ٢٢ سنه جميله جدا شعرها ناري وعيونها لون شعرها احمر في كليه السن وروجين صاحبتها الوحيد معاها في نفس الكليه والدتها ماتت بسبب غريب هي متعرفهوش )
نيروز : تسلم ايديك علي الاكله التحفه دي وباست ايدوا
اكرم : ي جميل انت قوليلي بقا الي الي شاغل تفكيرك
نيروز : هروح اعمل بس كوبيتين شاي ونعقد في البلكونه وهحكيلك
اكرم : ماشي ي حبيبتي
عملت الشاي ودخلت بيه البلكونه
نيروز : احلا كوبايه شاي لاحلا بابي في الدنيا
اكرم : حبيبي ها بقا اي الي شاغلك
نيروز : واحد ي بابي معايا في الكليه شكلوا غريب اوووي
اكرم : شكلوا وحش يعني
نيروز : يااريت كان شكلوا وحش
اكرم : للدرجادي قمر لا انا كده هغير احكيلي ي حبيبتي
نيروز : شكلوا غريب عنيه لونها غريب جسموا عليه وشوم غريبه وشه ابيض علطول سنانه غريبه مش زينا علطول لوحده وبعيد مش مصاحب حد حاجه غريبه فيه هو كلوا غريب
اكرم : اتصدقي اتحمست اشوفه هو اسموا ايه
نيروز : اركان
اكرم بخضه : بتقولي اي لا لا مستحيل
نيروز باستغراب : في اي ي بابا
اكرم بحده : ابعدي عنوا يا نيروز متقربيش منوا خالص
نيروز باستغراب : ليه يا بابا انت تعرفوا
اكرم بحده : نيروز اسمعي كلامي متقربيش منوا ابدا وبعدين قال بصوت مسموع انا مستحيل اخلي الزمن يتعاد تاني
وسابها وقام وهي مش فاهمه حاجه واي الي بيحصل وليه قال كده اساله كتير اوووي بداهمها ومش عارفه الاجابه
دخلت الاوضه واتصلت علي صاحبتها روجين
روجين : في حد يصحي حد دلوقتي ولا انتي مجنونه
نيروز : في حاجه غريبه بتحصل
روجين : والله مافي حاجه غريبه غيرك انتي
نيروز : روجين انا مش بهزر في حاجه غريبه بتحصل
روجين : حاجه ايه انا مش فاهمه
نيروز : انا حكيت لبابا علي اركان اول ما سمع اسموا اتخض وزعق فيا وقال مكلموش ومليش دعوه بيه
روجين : طب وفيها اي اكيد عايز يحافظ عليكي
نيروز : انتي غبيه ي بت بقولك اتخض وزعق فيا وبابا اول مره يزعق فيا غير لو في حاجه خطر علي حياتي وبعدين قال انا مستحيل اخلي الزمن يتعاد تاني انا مش فاهمه حاجه حاسه ان دماغي هتنفجر من كتر التفكير في لغز في الموضوع ده وليه بابا اتخض كده في اساله كتير في دماغي
روجين : عندك حق في حاجه غلط في سر واكيد بابكي مخبيه عليكي
نيروز : مش عارفه انا لازم اعرف قال كده ليه
روجين : تمام هروح انا اكمل نوم
نيروز : روحي يختي وانتي وراكي اي غير النوم
نيروز بتكلم نفسها انا لازم اعرف في اي وليه بابا خاف كده في حاجه وانا لازم اعرفها
فضلت طول اليل افكر في اركان وليه شكلوا كده وغريب سمعت صوت جاي من عند الشباك قمت اشوف كان الهوا جامد والشباك بيخبط في بعض والقمر كان مكتمل والنور بتاعوا باين بس لاحظت حاجه غريبه كان في حد نايم تحت في الجنينه وبيجيب دم كان في حد واقف جنبوا وبيبص علي الشباك بتاعي قفلت الشباك بسرعه وانا خايفه وجريت علي اوضه بابا وفتحت الباب
نيروز بدموع وخوف : ب بابا...اصحي
اكرم بخضه : في اي مالك ي حبيبتي
نيروز بخوف ودموع : ف في حد تحت وبيجيب دم وكان في حد واقف جنبوا وانا خايفه
اكرم : اهدي اهدي ي حبيبتي انا هنزل اشوف متخافيش اهدي
نيروز بخوف : لا لا متنزلش خليك هنا واطلب البوليس يجي متنزلش انت
اكرم : نيروز حبيبتي اهدي هبقا كويس انا هنزل وانتي تقفلي علي نفسك ومتفتحيش الباب مهما يحصل فاهمه
نيروز بدموع : ح حاضر ب ب بس خلي بالك من نفسك
اكرم : حاضر ي حبيبتي
اكرم طلع السلاح من الدرج ونزل
نيروز بدموع : انا خليفه اووي مين ده واي للي بيحصل
نزلت وانا حاسس الي في دماغي صح نزلت الجنينه وانا ماشي شفت الجثه وفي حد عضها عند رقبتها دلوقتي اتاكدت من الي في دماغي لقيت في صوت ورا الشجره فضلت ماشي لحد ما وصلت وملقتش حاجه بس سمعت صوت ورايا بصيت ورايا
اكرم : انت
.....: وحشتني يا صاحبي
اكرم : انت غبي يلا انت بتعمل اي هنا وجيت ليه
.... : النهارده اكتمال القمر وانت عارف بقا
اكرم : تقوم تجيلي لحد البيت وتعمل كده عندك الناس مليا الدنيا عجبك كده نيروز كانت هتعرف انت مجنون
.... : لازم تعرف لو عرفت من غيرك انت اول واحد هتتاذي انت متعرفش قوتها عامله اذاي هي اقوه من اي حد حتي انت هي الي تقدر تنقذنا
اكرم : علشان كده خدتها وبعدت عنكوا انا عايزها تبقا انسانه مش ذينا
..... : متنساش ان اكبر واحد في العشيره بيدور عليها ولو لقها هيخدها غير اركان انت عارفه ان هو بيحميها وانت الي بتبعدها عنوا
اكرم : محدش هيقدر يخدها مني انا حميتها كل السنين دي واقدر احميها دلوقتي
..... : بس هي كبرت واكيد هتبقا عايزه تعرف اي الي بيحصل حوليها ولو لقها قوته هتكبر وهيبدا ياذي الناس واولهم انت متنساش انوا هو الي موت بيلا مراتك وانت عارف ليه وغير كده العشيره كلها هتتاذي سيب اركان هو هيعرف يحميها
اكرم : قلت لا يعني لا انا هخدها وابعد عنكوا كلكوا مش هخلي حد يقربلها
..... : برحتك ي صحبي انا جيت اقولك علشان هو دلوقتي بيدور عليها لازم نيروز تعرف قوتها علشان تعرف تستخدمها ضدوا سلام ي صاحبي
اختفي في لمح البصر واكرم عمال يبفكر في الي مككن يحصل مش معقول بعد السنين دي ويلقيها انا لازم احميها
دخل البيت وشاف نيروز نايمه علي الكنبه شالها ودخل الاوضه وحطها علي السرير وقعد جمبها وقال بدموع
اكرم : استحاله اسبهم يلاقوكي بعد ما حميتك كل السنين انا عارف ان ب قوتك تقدري تحمي نفسك بس مش هجازف بيكي زي امك الله يرحمها مش استحاله اسيبك
ونام جمبها
