الفصل الاخير
محمد : مفيش حاجه تكتر و تغلى ع بنوتى الجميله ابدا ... جبتلك كمان دريس تحضرى بيه التكريم بكره افتحى الدولاب و قوليلى زوقى حلو ولا
ميرال : الله يا بابا شكله حلو اوووووى بجد شكرا
( تانى يوم ف تكريم الكليه )
- جه الدور ع ميرال و ندهو عليها طلعت سلمت ع العميد و الدكاتره و دكتور حازم سلمها الشهاده و الجايزه بتاعت الكليه
حازم : الف مبروك يا ميرا كنت واثق من نتيجتك دى و فخور جدا جدا بيكى و يارب دايما من نجاح لنجاح يا ميرا
ميرال : الله يبارك ف حضرتك يا دكتور و تسلملى ع كلامك و دعمك ليا طول السنين بتاعت الكليه
حازم : ده واجبى يا ميرا انتى مميزه عندى جدا و متعرفيش معزتك ف قلبى اد ايه .. اتفضلى بوكيه الورد ده اتمنى يعجبك
ميرال : شكرا جدا جدا يا دكتور والله حضرتك تاعب نفسك كتير كفايه اللى حضرتك عملته معايا طول السنين اللى فاتت
حازم : قولتلك ده واجبى يا ميرا و ان شاء الله قريب هعمل اكتر يلا بقى ناخد صوره جماعيه مع الدكاتره للذكرى
ميرال : يلا * و اتصورو كلهم و سلمت عليهم اخر مره و مشيت هى و باباها
حازم : نزل يجرى وراهم * دكتور محمد يا دكتور
محمد : وقف و لف بصله * نعم يا دكتور
حازم : كنت عاوز اكلم حضرتك ف موضوع
محمد : اتفضل يا دكتور
ميرال : بصتله بأهتمام و فضول و مستنياه يتكلم
حازم : كنت عاوز اجى اشرب مع حضرتك الشاى حضرتك فاضى امتى
محمد : اوى اوى هستناك بكره ان شاء الله الساعه 7
حازم : شكرا اوى يا دكتور ان شاء الله بكره هكون عند حضرتك ف المعاد * بص لميرال و ابتسملها * سلام يا ميرا
ميرال : بأستغراب * سلام يا دكتور ... بابا هو عاوزك ف ايه
محمد : بصدمه * نعم
ميرال : عاوزك ف ايه بكره
محمد : بيقول عاوز يشرب الشاى معايا يبقى بذكاء كده عاوز ايه
ميرال : مش عارفه
محمد : الصبر يارب امشى يا ميرال قدامى هتعرفى بكره
ميرال : حاضر يا حج * ركبت العربيه و مشيو
( ف نفس اليوم بالليل )
ميرال : شعااااعى
شعاع : عيونه و قلبه
ميرال : يا كابتن قولتلك بتكسف
شعاع : لا اسكوزمى من حقى احتفل بيكى و ادلعك
ميرال : مش وقته استنى هحكيلك ع دكتور حازم
شعاع : اه صح عمل معاكى ايه
ميرال : جابلى بوكيه ورد و قالى انتى مميزه عندى جدا و قريب ان شاء الله هعمل اكتر .. و احنا ماشيين نده ع بابا و قاله عاوز اجى اشرب شاى معاك بابا قاله ماشى تعالى بكره الساعه 7 و سألت بابا هو عاوز ايه بابا اتعصب عليا و قالى هتعرفى بكره .. لو فهمت حاجه فهمنى والنبى
شعاع : مش غريبه انك طالعه الاولى و مش فاهمه هو عاوز ايه ما هو اكيد الشاى مخلصش من بيتهم فقال يشربه عندكو
ميرال : ما ده اللى انا فكرت ف بس اشمعنا يجى لبابا ما عنده دكاتره تانيين
شعاع : لا لا بجد انتى مش طبيعيه هتجبيلى ذبحه صدريه من غبائك يعنى الشياطين مش قادرين عليا و تيجى انسيه هى اللى تخلص عليا
ميرال : ضحكت جامد * تصدق ده هيبقى حدث عظيم جدا و ينزلو فيديو شاهد الفتاه التى قتلت جنى من غبائها قبل الحذف و تيجى ريهام سعيد تقولى ازاى عملتى كده اقولها والله كنت بتكلم معاه عادى لقيته مسك قلبه و منطقش بعد كده
شعاع : ضحك جامد * ميرا بجد انتى مش فاهمه هو جاى بكره ليه
ميرال : لا انا فاهمه و بستهبل عليكو .. يا شعاع ما انا لو فاهمه هسألكو ليه والله ما فاهمه حاجه
شعاع : حاضر يا قمر هفهمك دكتورك جاى يتقدملك بكره
ميرال : بصدمه * بتهزززرررر .. يعنى يشرب شاى معناها انه جاى يتقدم طب ازاى
شعاع : مبرووووك ياا بطه مش قولتلك معجب بيكى و هيتكلم
( تانى يوم )
سميه : اييييه ده يا ميرااا انتى لسه مجهزتيش
ميرال : حااااااضر يا ماما قايمه اهو
( ف الصالون )
حازم : والله يا دكتور انا جاى اطلب ايد الانسه ميرال
محمد : و انا يابنى مش هلاقى احسن منك اناسبه و اسلمه بنتى و انا مطمن بس نشوف رأيها الاول
حازم : معنديش مشكله طبعا ماشى
محمد : بص لسميه * خلى ميرا تجيب العصير للضيوف
سميه : حاضر * طلعت لميرال * يلا يا ميرا يا حبيبتى عشان تقدملهم العصير
ميرال : طب هو انا شكلى كده حلو ولا ف حاجه محتاجه تتظبط
سميه : زى القمر يا عمرى ما شاء الله .. يلا بقى عشان منتأخرش عليهم
ميرال : حاضر * نزلو و دخلتلهم العصير و سلمت عليه و ع باباه و ع مامته و قعدت
محمد : طيب نسيب الولاد يتكلمو شويه لوحدهم * خرجو
حازم : ازيك يا ميرا
ميرال : متوتره جدا * ا..انا كويسه الحمدلله
حازم : مالك يا ميرا متوتره كده ليه انتى مكنتيش متوتره كده ف الامتحانات
ميرال : انا لا ابدا مش متوتره خالص انا تمام جدا
حازم : ضحك * باين عليكى بصراحه بصى بقى انا مش هطول عليكى بس قبل ما اتكلم عاوز اقولك انك زى القمر ما شاء الله
ميرال : اتكسفت و بصت ف الارض * شكرا ده من زوق حضرتك
حازم : ابتسم * طيب نبطل بقى حضرتك و دكتور و نخليها حازم بس و ندخل ف الموضوع .. انا اول ما شوفتك ف الكليه دخلتى قلبى بأحترامك و ادبك و اجتهادك ف دراستك و اعجبت بيكى و واحده واحده بدات احبك عشان كده كنت مميزك جدا ف كل حاجه عن باقى الطلاب مش عارف اذا كنتى خدتى بالك ولا
ميرال : يعنى انت مكنتش بتعمل كده مع كل الدفعه
حازم : يعنى تفتكرى لو كنت بعمل مع كله كده كانو هيبقو متغاظين منك بالشكل ده
ميرال : بس انت مكلمتنيش ليه ف الموضوع ده
حازم : انا عملت كل التلميحات اللى تبينلك كده بس انتى مكنتيش بتفهمينى او مش بتبقى مركزه مش عارف فقولت استنى بقى لما تتخرجى و اتقدملك ع طول عشان التلميحات مش جايبه نتيجه
شعاع : ظهر جنبه * يا عينى يابنى .. طلعتى عين الراجل لحد ما فقد الامل
ميرال : بصه لشعاع و عاوزه تحدفه ب اى حاجه
حازم : روحتى فين
ميرال : احم معاك اهو
حازم : طب ايه رأيك
ميرال : ف ايه
شعاع : قوم يا حازم امشى دى كانت فاكره انك جاى تشرب شاى مع ابوها عشان خلص من عندكو اكيد مش هتفهم انت عاوز رأيها ف ايه
حازم : سكت شويه * انتى شوفتى الكارت اللى كان مع الورد
ميرال : لا ماخدتش بالى
حازم : طب ممكن تجبيه و تشوفيه
ميرال : حاضر * اسر كان بيلعب قدام الباب * اسر تعالى يا حبيبى ثوانى
اسر : نعم
ميرال : اطلع اوضتى هتلاقى بوكيه ورد ع المكتب و ف ورقه هاتها و تعالى
اسر : حاضر * طلع جاب الورقه و نزل * اتفضلى
ميرال : شكرا يا حبيبى
حازم : افتحيه و قوليلى رأيك
ميرال : حاضر * فتحت الكارت و بدات تقرا * اولا مبروك ع النجاح يا قمرى .. اه قمرى متستغربيش انتى كل حاجه حلوه بالنسبالى .. انا بعتبرك بنتى و اختى و حبيبتى و صاحبتى .. بس ناقصنى حاجه واحده انك تقبلى تتجوزينى و تشاركينى حياتى المتواضعه و تكملى حياتك معايا , تقبلى تتجوزينى يا قمرى و تنوريلى حياتى و اجبلك كل يوم الشيكولاته اللى بتحبيها ؟
شعاع : بصراحه انا لو مكانك اوافق لانى مش هلاقى حد يحبنى كده و يستحمل غبائى اربع سنين
ميرال : ردت عليه بتخاطر * مش عارفه محتاره
شعاع : طيب بصى ف عنيه كده و قوليلى شايفه ايه و بعدها قررى
ميرال : قفلت الكارت و بصت لحازم * شايفه فرحه و لهفه و حب و حنيه و قلق
شعاع : طيب هتقررى دلوقتى ولا هتقوليله يديكى وقت
ميرال : لا انا قررت خلاص
حازم : بصى انا مش عاوز اضغط عليكى ف خدى وقتك ف التفكير و انا هحترم قرارك اللى هتقوليه
ميرال : لا لا انا خلاص قررت
حازم : مش عاوزك تتسرعى خدى وقتك
ميرال : لا متسرعتش و خلاص قررت
حازم : احب اسمع رأيك
ميرال : اتكسفت جامد و بصت ف الارض * انااااا موافقه
حازم : اتعدل ف قعدته * قولتى ايه
ميرال : وشها احمر جدا * قولت مـ .. مـوافقه اتجوزك
حازم : قام وقف * يا دكتور يا دكتور محمد * كلهم دخلو بسرعه
محمد : ايه يا حبيبى مالك ف ايه
حازم : انا عاوز اجيب الشبكه دلوقتى و الخطوبه تبقى بكره
- و توته توته خلصت الحدوته , اتخطبنا انا و حازم و بعد 3 شهور اتجوزنا و حقيقى انا مش هلاقى حد يحبنى زيه فعلا و حرفيا عايشين ف تبات و نبات و جبنا صبيان وبنات .. هو بعد خناقات كتير سمى البنت ميرال ع اسمى و انا سميت الولد رحيم و الاتنين تونز و مجننى .. و شعاع مش بيتأخر عليا لما بحتاجه
اشوف وشكو بخير يا اصدقائى سلاااام .
بدل ماتدور وتبحث علي الروايات خليها علي تليفونك وحمل تطبيقنا
