الفصل الاول
-السلام عليكم يا اصدقائي .. انا ميرال والناس اللى هتسأل ع معنى الاسم يعني الغزال الصغنن , المهم نكمل عندى 23 سنه ف 4 كليه دراسات اسلامية وعربية ف الاسكندرية جامعة الازهر , قاعدين ف بيت متوسط انا وبابا وماما واخويا اسر ف 5 ابتدائي ,يلا بينا يا حلوين عشان تعرفو قصتى .. اه نسيت اقولكو قدام البيت ف جنينة اوقات بحب اقعد فيها لوحدى و اقرأ قران و اتامل
(الساعة 2الضهر ف الجنينه)
- كان مضايق و بيفكر وبعدين سمع صوت قران قريب منه فضل يدور بعينه ع الصوت جاى منين لحد ما لمح بنت قاعده تحت شجره و ماسكه المصحف و بتقرا بصوت ملائكي و مريح جدا, قرب منها و طلع قعد فوق الشجره و بيسمعها , كانت بنوته جميله و شكلها رقيق جدا و لابسه اسدال .
ميرال : قاعده ماسكة المصحف و بتقرا سورة البقرة وصلت لنص السورة و صدقت وقفلت المصحف و حضنته و هى مبتسمه و سندت راسها ع الشجره و بتتفرج ع الاطفال اللى بيلعبو , و فجأه سمعت صوت رجولى بيكمل السورة من الايه اللى وقفت عندها , فضلت تدور ع مصدر الصوت و تبص يمين و شمال مش شايفه غير اطفال و باقى الناس بعيد جدا عنها استنت لحد ما الصوت ده خلص السورة و قالت مين اللى هنا .. وحضنت المصحف اكتر
الصوت : اهدى متخافيش
ميرال : قامت وقفت و عماله تبص حواليها * انت مين و فين
الصوت : بهدؤ * انا هنا
ميرال : بصت قدامها بسرعه و شهقت بخضه و حطت ايديها ع بوقها و فضلت تتأمل الشخص اللى قدامها ف صمت , خلونى يا اصدقائي اقولكو مواصفاته .. طويل و جسمه رياضى جدا يعنى انا حقيقى بالنسباله طفله .. نكمل ملامحه دقيقه و رقيقه جدا , دقنه مرتبه و محدده بشكل حلو اوى , و ع وشه ابتسامه تشرح القلب و بشوشه جدا اه والله , و عنتينه لونهم ازرق صافى زى البحر بالظبط ايييييييه ده !! عنيه فيها وهج غريب و مريح كأنها منوره
الصوت : انا اسف انى خضيتك او خوفتك
ميرال : ركزت لما اتكلم * هاا مـ .. مين حضرتك و جيت منين
الصوت : اه نسيت اعرفك بنفسى انا شعاع .. و جيت منين جيت من فوق الشجره اللى وراكى دى
ميرال : بصت ع الشجره من فوق لتحت وبتفكر بصوت عالى شويه و نسيت انه واقف قدامها * جاى من فوق الشجره ازاى ده مكانش ف حد ع الشجره اصلا و بعدين الشجره طويله جدا ازاى طلع فوقها و بعدين اسمه شعاع !! ده ايه الاسم الغريب ده , شكله عبيط و جاى يستظرف عليا
شعاع : احم انا لسه واقف ع فكره
ميرال : افندم يعنى مش فاهمه عاوز ايه
شعاع : اقصد انى مش عبيط و مش بستظرف عليكى و مش ذنبى ان بابا سمانى شعاع
ميرال : شهقت بخضه * انت سمعتنى ازاى
شعاع : مفيش يعنى كان صوتك عالى شويه بس .. بس حقك انا مش زعلان .. هشرحلك سبب وجودى هنا و تطفلى عليكى
ميرال : ياريت اتفضل
شعاع : تسلمى يزيد فضلك .. انا كنت بتمشى قريب منك بفكر ف حاجه مضايقانى , سمعتك و صوتك شدنى و عجبنى جدا و فضولى خلانى اقرب منك و اقعد فوق الشجره و اسمعك , وصوتك ريحلى اعصابى جدا و نسيت ايه اللى مضايقنى و لما خلصتى كملت السورة , بس مكانش قصدى اخضك ولا اضايقك بس
ميرال : تمام اسيبك بقى تنبسط بالمكان عن اذنك * لفت عشان تمشى
شعاع : ثوانى يا انسه انا متشرفتش بأسم حضرتك
ميرال : وقفت و بتكلم نفسها بصوت واطى .. و بعدين بقى ف الاخ اللى مش هيسيبنى ف حالى ده .. لفت بصتله و اتفجأت انه واقف وراها بالظبط .. نعم افندم حضرتك عاوز ايه
شعاع : بأبتسامه * عاوز اعرف اسم حضرتك
ميرال : اسفه مبقولش اسمى لحد معرفوش * اخوها نده عليها
اسر : ميراااال ماامااا بتقولك يلا عشااااان الغدااا جااهز
ميرال : شتمت اخوها ف سرها و لفت * حااااضرر جااايه
شعاع : ضحك * ميرال يعنى الغزال الصغير و فعلا شبه و جميله زيه سبحان الله اتشرفت بيكى يا ميرال
ميرال : بصتله بغيظ و متكلمتش و مشيت
شعاع : ابتسم و فضل متابعها بعينه لحد ما دخلت البيت وبعدين مشى
( ف البيت بالليل )
ميرال : طب يا جماعه انا هدخل انام بقى عشان الجامعه
مامتها و باباها : تصبحى ع خير يا حبيبتى
ميرال : دخلت اوضتها و نامت ع السرير و افتكرت الشاب اللى شافته ف الجنينه .. ياربى انا عملت ايه ف حياتى عشان اقابل القمر ده صوته حلو و شكله بشوش كده و كيوت و حضوره مريح بس اسمه غريب اوى ف حد يبقى اسمه شعاع .. لاا مش وقته خالص افكر ف دلوقتى لازم انام عشان اصحى بدرى يارب امتى اتخرج بقى انا زهقت
( تانى يوم ف الجامعه )
ميرال : خلصت محاضراتها .. طيب اسيبكو بقى يا بنات عشان اروح سلام
صحابها : سلام
ميرال : ركبت المشروع و روحت * السلام عليكم يا اهل الدار
اسر : عليكم السلام ياللى لسه داخله الدار
ميرال : ازيك يا لمض وحشتنى * قعدت جنبه
اسر : حضنها * الحمدلله فين الشيكولاته بتاعتى
ميرال : اممممممم طب ادينى بوسه ع خدى الاول
اسر : اهو
ميرال : و خدى التانى
اسر : اهووو
ميرال : اتفضل ياسيدى الشيكولاته اهيه
اسر : حضنها * شكرا يا احسن اخت ف الدنيا
ميرال : يا وااااد ده انا لو نسيت اجيب الشيكولاته مره بتعاملنى زى اللى قتلالك قتيل
اسر : تؤ تؤ انا مؤدب مش بعمل كده
ميرال : كأنى مسمعتش حاجه امال فين ماما
اسر : ماما عند تيته
ميرال : ماااشى انا هطلع اغير و اخد شاور و اخرج اقعد ف الجنينه ع ما تيجى
اسر : ماشى
ميرال : طلعت اوضتها و غيرت و دخلت تاخد شاور , طلعت لبست الاسدال بتاعها و اخدت المصحف و نزلت , ما تيجى تقعد معايا يا اسورى ف الجنينه
اسر : لا انا بتفرج ع الكرتون
ميرال : طيب لو زهقت ابقى تعالى اقعد معايا
اسر : ماشى
ميرال : خرجت و وصلت عند الشجره اللى بتحب تقعد عندها و فضلت تبص حواليها عشان تتأكد انه مش موجود و بصت فوق ع الشجره ملقتوش عدلت قعدتها و فتحت المصحف و بدأت تقرأ .............
بدل ماتدور وتبحث علي الروايات خليها علي تليفونك وحمل تطبيقنا
