الفصل الاخير
= اهدى بس كله هيبقا كويس ..
بعياط ÷ لا يا شادى مفيش حاجه هتبقى كويسه .. انا .. انا البنت الى باباك مات وهو بينقذها يا شادى !
بصدمه = نعم !!! انتى عايزانى ابعد عنك ف بتخترعى حكايه صح .. عموما انا مش هصدق حاجه زى كدا ف شوفى قصه تانيه
بعياط÷ والله يا شادى دى الحقيقه . طيب هقولك حاجات محدش عارفها غير انت ومامتك ... قالولك ان باباك مات وهو بينقذ بنت حاولت تنتحر صح ؟!
= يا ملك بقا متهزريش ..
بعياط ÷ ياريتنى كنت بهزر يا شادى ... حور هددتنى انى اسيبك و الا هى هتقولك عالحقيقه دى و وقتها انت الى هتسبنى . هتسبنى يا شادى صح ؟!!
شادى ايقن وقتها انها بتقول الحقيقه ومش بتهزر
اتغيرت ملامح شادى للجديه
= ليه كنتى هتنتحرى وقتها ..
بعياط ÷ نتيجه الثانويه العامه صدمتنى وقتها يا شادى ... كل احلامى اتهدت ف لحظه ومقدرتش استحمل دا
= وعشان مقدرتيش تستحملى دا حرمتينى من بابا و خلتينى اضطر اشتغل بدرى عشان اصرف على ماما .. طب انتى عارفه ان انا وهو كنا اصحاب ؟! كنت بقوله الحمدلله انك انت بابا .. اغلب الاباء بيبقو قاسين مع اولادهم بس بابا كان صاحبى . بحكيله كل حاجه بتحصل معايا .. كل مشكله بتحصل معايا اجرى عليه وهو يحلها معايا .. كنت دايما بتمنى انه يفضل معايا دايما مكنتش متخيل انى هخسره وانا لسا عندى ٢٠ سنه . انا مخسرتش بابا وبس لا انا خسرت صاحبى و سرى و كل حاجه ... كل دا وتقولى مستحملتش ان احلامى كلها تضيع ف لحظه ف قولتى اضيع احلام شخص تانى معايا صح
بعياط ÷ انا مكنتش اعرف والله يا شادى ان حد هينقذنى . انا كنت مخططه لكل حاجه على اساس ان محدش هيقدر ينقذنى .. بس هو فاللحظه الاخيره زقنى و .. مات هو مكانى
= تفتكرى لما تقولى ان مكنش قصدك يحصل كدا هغفرلك ؟! انتى طالق يا ملك انا اسف مش هقدر اعيش مع الى سببتلى كل العذاب دا من يوم وفاه بابا
ملك مسحت دموعها
÷ متقلقش انا مش هظهر قدامك تانى ... تقدر تروح لحور كمان لو عايز
ومشيت وسابته
شادى روح بيته
كان وحيد . فضل يضحك بهستيريه ويتكلم بصوت عالى مع نفسه
= يعنى حور كانت السبب ف موت ماما و ملك كانت السبب ف موت بابا..
دا انا كنت ابن عاق فعلا . اتسببت فموتهم هما الاتنين بطريقه غير مباشره..انا .. انا عايزهم يرجعو تانى ..
فنفس الوقت دا ف بيت ملك
£ ملك انتى كويسه ؟! شادى اتصل بينا وقالنا انه طلقك وانه اسف
÷ اه انا كويسه يا ماما .. انا الى غلطانه من الاول اصلا انى مبعدتش عنه من سعت معرفت الحقيقه ..
£ حقيقه اى يبنتى
ملك حكتلها الى حصل
£ طيب انتى مش زعلانه انه طلقك !
÷ لا يا ماما مش زعلانه لان دا الى كان المفروض يحصل ..
عدى ٤ شهور ومفيش اى جديد من شادى . ملك قاعده ف اوضتها دايما وبطلت تخرج .. اما حور فكانت مختفيه الفتره دى
= ايوا مين الى عالباب براحه بقا صدعتونى
فتح الباب
= حور ؟! عايزه اى
- مفيش وحشتينى طيب ولا اى حاجه
بسخريه = وهتوحشينى ليه مثلا .. حور انا بطلت احبك من زمان او تقدرى تقولى انا مكنتش بحبك . انا بس كنت بقضى معاكى اغلب وقتى ف كان متهيألى انى بحبك . كان اعتياد مش حب يا حور او يمكن كان اعجاب واتدفن بعدها لما عرفت انك متجوزه و بعد م كنتى السبب فموت ماما ..
÷ بس انا اكتشفت انى بحبك يا شادى ..
بسخريه = اعمل اى ب اكتشافك دا ؟! اديكى جايزه نوبل مثلا ؟!
وضحك
÷ طيب على فكره انت هتندم جامد لو انا مشيت دلوقتى .. لانك لسا بتحبنى يا شادى
بسخريه = اه طبعا هندم اومال اى
÷ عموما يعنى انا جيت عشان اقولك ان طليقتك فرحها النهارده .. لو كانت بتحبك مكنش هيكون فرحها النهارده . لسا ممرش على طلاقكم ٥ شهور حتى و اهى بتتجوز
اتغيرت ملامح شادى
= فكرانى هصدق اى حاجه بتقوليها ولا اى . ملك مستحيل تعمل كدا
بسخريه ÷ ليه مستحيل مثلا ؟! مش انت طلقتها ؟؟ ليه متضايق انها هتتجوز انهارده
= مش متضايق ولا حاجه وعن اذنك انا مش فاضى اسمع واحده كدابه ومخادعه
وقفل الباب
راح ناحيه المرايه و ضرب نفسه كذا قلم
= فوق يا شادى فوق .. انت المفروض تفرح انها هتتجوز وهتبقى سعيده . عالاقل هى مضحكتش عليك زى حور و قالتلك الحقيقه .. انا بجد افتقدتها اوى .. عينها و شعرها و ملامحها البريئه .... لا لا انا مش بحبها . ان شاء الله تبقى سعيده مع جوزها الجديد
وراح نام( كانو فالضهر وقتها )
صحى عالعصر وهو مخضوض . حلم ب باباه .. شادى جرى عليه وكان عايز يحضنه بس باباه بعده عنه . دى كانت اول مره يحلم فيها ب باباه بعد وفاته .. بعدها باباه قاله . ملك طيبه يا شادى وانت بتحبها .. متسبهاش تضيع منك عشان حاجه هى مكنش ليها ذنب فيها و ابتسم
بعدها شادى صحى .. شادى قام بسرعه واتوضى وصلى و لبس بدله و سرح شعره بشكل حلو
بص فالمرايه
= اعمل اى فجمالى بس 
كان وقتها العشا اذنت ...
كان بيجرى بسرعه عشان يلحقهم قبل ميكتبو الكتاب
وصل هناك وكانت ملك لسا هتمضى
بصوت عالى = مللللك !!
ملك بصتله بدهشه
اما شادى راح ناحيتها ومسك القلم وكسره
عريس ملك ( مازن) اتعصب من حركه شادى و كان هيضربه بس الناس هدوه
اما مامت ملك فرحت لانها كانت عارفه ان ملك لست بتحب شادى
شادى بص للمأذون
لو سمحت انا عايز اتجوز ملك .
وبص لملك وقدملها خاتم كأن لسا اول مره يتجوزو
= تقبلى تتجوزينى ؟!
ملك بدأت تعيط
÷ طيب و باباك ؟!
= هو مسامحك و بنفسه قالى ارجع ليكى
بعياط÷ بجد
شادى ضحك
=اه والله ها تقبلى تتجوزينى ولا اغير رأيي
÷ اه موافقه
شادى حضنها
= على فكره الميكب بتاعك باظ
بصوت طفولى ÷ عادى انا شكلى جميل حتى والميكب بايظ
المأذون استغرب وافتكر نفسه ف فيلم
" بارك الله لكما وجمع بينكما على خير"
بعدها شادى راح واعتذر لمازن . ملك كمان اعتذرت منه و قاله انه هيعوضه عن المصاريف الى صرفها عالفرح وكدا وان ملك لسا بتحبه و مكنش هينفع مازن يتجوزها وهى بتحب واحد تانى
مازن اقتنع لان ملك فعلا كانت بتكلمه كأنها مجبوره عليه و اتمنالهم الخير ف حياتهم ومشى
والفرح فجأه اتحول من فرح مازن وملك ل فرح شادى وملك
بيرقصو سلو للمره التانيه
÷ فاكر اول مره لما سبتنى بعد السلو بكام دقيقه وهربت من الفرح
بهزار = هتنكدى عليا يوم فرحى ولا اى ي ملك
÷ دا يوم فرحى بردو بس لو عايز تهرب قولى قبلها عشان ميبقاش منظرى وحش
= لا مش ههرب متقلقيش وبعدين حد يهرب ويسيب القمر دى !
وبعدين حد يهرب ويسيب القمر دى ! = مسامحانى يا ملك ؟!
÷ انا مش بقدر ازعل منك اساسا
= متجيبى بوسه يا ملك
÷ ولد .. عييب
= عيب اى انتى مراتى على فكره ولا انتى مكسوفه من الناس
÷ هنسمى ولادنا اى
= بتتهربى يعنى ؟! طيب مااشى
حور كانت فالفرح وقتها بتعيط وهى شايفه شادى و ملك مع بعض .. طبعا هتسألو هى ليه قالت لشادى ان النهارده فرح ملك . هقولكم انها قالتله عشان تعرف هل هو بيحب ملك فعلا ولا بيحبها هى . لو مكنش راح الفرح كانت هتقتنع انه لسا بيحبها
