العشق المحرم
ندى ناصر
البارت السادس
للاسف والد حضرتك عمل حادثه على الطريق البقاء لله
رحيل : لاء لاء اكيد بتهزر اكيد مش هوا
الشرطى : البقاء لله بس لازم حضرتك تيجى معانا المشرحه عشان تستلمى الجثه
رحيل حست الدنيا بتلف بيها وفجأة وقعت ع الارض
رحيل فاقت بعد فتره نفسها نايمه ع السرير وعمر قاعد جنبها وساند راسو على ايديها شردت شويه وبعد كده ابتدت تعيط وتصرخ عمر حس بيها وقام حاول يهديها اخدها فحضنوا لحد اما هديت
رحيل بصوت مهزوز : عمر انا عاوزه اروحلوا عاوزه اشوفوا
عمر: حاضر هوديكى يلا تعالى نروح
نزل عمر وهوا حاضن رحيل ومسندها
وطبعا كل موقف كان مبين عمر ورحيل فى شخص بيصورهم وهنعرف بعدين بيستخدم الصور دى ف اى
وصل عمر ورحيل المشرحه ورحيل جالها انهيار عصبى فاضتروا انهم يحجزوها ف المستشفى لحد اما تهدى وعمر اهتم باوراق الدفن
فى نفس الوقت ادهم على التليفون
ادهم : انا قولت خبطه خفيفه تقوم تموته ي غبى
الشخص : انا مالى يباشا الراجل عمره خلص وبعدين انا هفضل مستنى باقى الفلوس كتير
ادهم : وليك عين تطلب فلوس كمان ي حيوان انتا
الشخص : لا يباشا انتا رقبتك ف ايدى ولو الفلوس دى مرجعتش يبقا عليا وعلى اعدائى سلام ياباشا
ادهم رمى التليفون ف الحيطه
فى المستشفى كانت رحيل فاقت وابتدت تعيط تانى خرجت ممرضه بره وقالت لعمر يا استاذ عمر المدام بتاعت حضرتك فاقت بس مش قادرين نسيطر عليها عمر فرح من كلمة المدام بس فرحوا راح لما دخل الاوضه ولقى رحيل بتعيط ومنهاره
عمر جرى عليها واخدها ف حضنوا : باااس اهدى ي رحيل ارجوكى
رحيل : مشى ......مشى وسابنى .. يعمر انا بقيت وحيدهه
عمر : لاء طبعا عمرك ماهتبقى وحيده تانى انا معاكى وادهم معاكى انتى ناسيه انكوا بتحبوا بعض وهتتجوزوا
رحيل : مش هيحصل انا مبحبهوش انا رضيت بيه عشان بابا كان ممكن يتحبس لو انا متجوزتهوش انا هسيبه واكيد انتا كمان هتسيبنى بعد اما ننفصل
عمر: ابدا عمرى ما اسيبك ابدا
رحيل بصت ف عنيه : اوعدنى ي عمر اوعذنى متسيبنيش انا ماليش غيرك عمر اخدها ف حضنوا تانى وباس راسها كل ده والشخص لسه بيصورهم
تانى يوم جه ميعاد الدفنه وعمر هوا اللى اهتم بكل حاجه هوا وعاصم لان رحيل مالهاش قرايب وادهم كان واقف مبيعملش اى حاجه حتى مفكرش يقول لرحيل البقاء لله
فى المساء بعد انتهاء العزاء ومغادرة الجميع لم يتبقى ف المنزل سوى رحيل وعمر وادهم
ادهم : البقاء لله يحبيبتى
رحيل بضيق : انا مش حبيبتك ي ادهم انتا عارف انى مبحبكش واعتبر اللى مابينا انتها
ادهم بعصبيه : قصدك ايه وبص لعمر اللى كان قاعد بيتابع الحديث فى صمت ثم اكمل كلامه ولا انتى بقا شوفتيلك شوفه تانى ايه قالك هيدفع فيكى اكتر
عمر بحده : قصدك ايه ي متخلف انتا واخد بالك بتلمح لايه انا اخوك الكبير يا حيوان
رحيل : ادهم انا عمرى ماحبيتك انتا عارف اللى كان بينى وبينك اساسه ايه وخلاص انتها اتفضل اطلع بره
ادهم قام وقف وقال بغضب : صدقينى هتندمى ي رحيل ومشى
عمر : انا اسف ي رحيل على الكلام اللى قاله
رحيل بصاله وساكته
عمر هستأذن انا وبكره ان شاء الله هاجى اتطمن عليكى
رحيل : تشرف ف اى وقت
رحيل : عمر ...شكرا انا لولاك مكنتش عارفه هتصرف ازاى
عمر :دا واجبى يا رحيل ولا شكر على واجب تصبحى على خير
رحيل : وانتا من اهله
فى الصباح الباكر
ادهم : ايوه انشر كل اللى معاك عايزها تصحى على سواد
فى غرفة عمر
سيرين : اصحى ي عمر بقولك اصحى
عمر بتعب : فى ايه يا سيرين
سيرين : بص كده ع الاخبار دى
لينتفض عمر من مكانه وهوا يقول
.......يتبع
البارت السادس
ندى ناصر
العشق المحرم
