Ads by Google X

رواية بنت بنوت الحلقه الثانيه عشر


 

#الفصل_الثاني_عشر

#بنت_بنوت

#قضية_رأي_عام 

#تأليف_محمد_عصام


وكيل النيابه :- بس التقرير بيقول ان هي كانت بنت بنوت ، مفيش حد لمسها يعني 


سريانوسي ببكاه : وليه ميكونشي هو اللي عمل معاها كده وبرضاها  وهي وافقت ان يتعمل معاها كده وجايين بيتهموني علشان يساوموني


وداد واقفه في حاله من الصدمه العصبيه من كلام سريانوسي ،  وكيل النيابه حاول علي قد ما يقدر يساعد وداد بس فشل 


سريانوسي بتعصب : تقدر تقول لي يا باسل وداد قاعده عندك ليه 


باسل : معندهاش مكان ف قعدت عندي 


محامي سريانوسي : وده يثبت ان كلام موكلي صح واطلب من سيادتكم ان انتم تأجلوا الجلسه لحين إستماع الشهود 


واتفاجئ من رد فعل سريانوسي ان هو جايب شهود يشهدوا معاه


وداد ببكاه : في رب السما هو اللي هيجيب حقي يا بن الكلب ، منك لله ،يا كلب 


باسل بتعصب: طب سيادتك انت مصدق اللي بيقوله ده... انا بطالب حضرتك تستجوب جعبل بمفرده 


وكيل النيابه : حضرتك مش هتعرفني شغلي يا استاذ باسل 


سريانوسي ابتسم وجعبل كان ضميره بادئ يتحرك ويتكلم بس سريانوسي مسك ايده بقوه ف خاف ، وداد خرجت من قسم الشرطه وهي مش ف وعيها نهائي وركبت العربيه مع باسل 


-شهود أي اللي تم استدعائهم 


بس وداد مردتش عليه غير أن دموعها بتنزل وساكته مبتتكلمشي ،  هو ابتسم لها وحاول يتكلم تاني


-بس مقولتليش تعتقدي مين الشهود دول يا وداد


-معرفشي


الكلمه خرجت بكسرة نفس كلمه كانت بتحمل معاني كتيره من وجع وصرخه 


-عارفه يا وداد ... انا اكتر واحد بكره سريانوسي  ... عارفه ليه ؟


وداد إم تلتفت إليه ولم تجيبه ، صامته لا تتحدث 





-هقولك ليه ، احنا كنا فقراء قوي يا وداد ، كنت انا  و اختي الكبيره بس ، قاعدين في أوضه علي السطح وحمام مشترك مع الجيران ، أختي أشتغلت سكرتيره عند زميل سريانوسي ، سريانوسي شافها أعجب بيها ، اتقدم لها ، مش هنكر أن هو السبب ف اللي انا فيه والعز ده كله ، فتح ليا مكتب في التجمع  واتشهرت جامد قوي ، المهم سريانوسي بقي يخرج مع الحريم ويتجوز عرفي علي أختي ويرجع كل يوم يضربها ويشتمها ، أختي كانت طيبه قوي كانت بتخاف تحكيلي،  وفي يوم لقت نفسها حامل ،كانت فرحانه قوي واتصلت بيا وحكت لي ان هي حامل ومستنياه يرجع علشان تحكيله 


وداد اندمجت مع القصه وإلتفتت لباسل ، انصدمت لما شافت باسل بيعيط 


-سريانوسي كان راجع ، ومعاه زوجه جديده ، اختي دخلت في صدمه عصبيه ، قام الحيوان ضربها في بطنها بالرجل ومكانشي يعرف ان هي حامل ، وقعت علي الارض مفاقتش بعدها وماتت 


باسل دموعه بتنزل و وداد مصدومه من اللي بيقوله ده 


اليوم التالي 


وداد جالسه  وواقف بجانبها  باسل فتنصدم عندما تجد الدكتور الذي قام بفحصها أثناء ذهابها مع والدها " الفصل الثالث"  ، وداد وقفت في صدمه بس نظرات الدكتور لها كان كل اسف ودخل لوكيل النيابه وباسل بيسأل وداد بتعجب 


-مين ده يا وداد تعرفيه 


-ده الدكتور اللي أبويا اخدني عنده وقال لأبويا ان انا بنت بنوت 


انصدم باسل ولفظ بخوف 


-كده سريانوسي بدأ يبخ سمه 


دخل الدكتور لوكيل النيابه وجلس وابتسم 


-معاك الدكتور عثمان مصطفي خالد ، دكتور امراض نساء وأعضاء تناسليه 


-أهلا يا دكتور ، حفيظ عبدالعال حمدى المشهور ب سريانوسي قام ب إدعاء حضرتك لتقول الشهاده بخصوص وداد قاسم عابدين زين النور 


-بص يا فندم انا بيجيلي مرضي كتير وبنساهم اصلا  ، بس المره دي كانت مختلفه شويه ، البنت دي جت ليا هي وابوها وكشفت عليها وطلعت بنت بنوت ، بس اكتشفت ان هي عامله عملية ترقيع ، و والدها لما عرف جاتله جلطه في القلب ساعتها وحولته علي مستشفي الهلال وحضرتك ممكن تجيب تفاصيل الحاله بتاعته من هناك 


-يعني انت دلوقتي بتقول ان هي كانت عامله عمليه اعادة بناء الغشاء 


-ايوه يا فندم 


-اومال تقرير الطب الشرعي ليه بيقول ان الغشاء اللي تم ازالته كان غشاء البنت وليس مصطنع 




وش الدكتور جاب ألوان واتحرك في خوف وبلع ريقه وابتسم وحاول يتمالك اعصابه 


-معتقدشي علشان انا كنت متأكد مليون ف الميه ان هي كانت مركبه غشاء مصطنع  ومعنديش اي كلام تاني سيادتك


**


وداد جالسه تبكي ثم تخرج المصحف وتبدأ تقرأ لتشعر بدوخه بسيطه و وجع في بطنها 


-مالك يا وداد 


-دوخه بسيطه مش عارفه من اي وحاسه ان عاوزه استفرغ


-ما انتي مأكلتيش من امبارح اي حاجه استني اروح اجيب لك عصير 


يتركها باسل ويمشي فيخرج الدكتور مسرعا ولا يلتفت إليها ووتفاجئ بمفاجاءه كبري، وهو بدوي وهو جالس علي الكرسي المتحرك  وتساعده زوجته ، ملحوظه بدوي ده اللي اتهجم عليها في الفصل السادس  ، وداد كانت ضربته بالسكين  وهربت ، وبيدعي ان هو مشلول وبيتحرك بكرسي متحرك بس هو لا ، وداد كانت بمفردها بدأت تبحث عن باسل وهي خايفه من بدوي ، بس بدوي دخل مكتب وكيل النيابه 


-معاك بدوي علم الدين شيرس موجهه باللغه العربيه ، متقاعد بسبب الشلل ده ، واللي ورايا دي مراتي


-أهلا  استاذ بدوي  ، حفيظ عبدالعال حمدى المشهور ب سريانوسي قام ب إدعاء حضرتك لتقول الشهاده بخصوص وداد قاسم عابدين زين النور 


اتحرك  بدوي بخوف بس تمالك اعصابه 


-سيادتك انا راجل مريض وزوجتي مش بتقدر تخدمني لواحدها وتشوف طلبات البيت ، فطلبت من المكتب بتاع الحي يعينوا ليا خادمه ، وبالفعل جابوا البت دي ، كانت تصرفاتها غريبه حكت لي ان هي بنت غلبانه وأهلها عاوزين يقتلوها علشان اكتشوفوا ان هي جابت لهم العار ومش بنت بنوت ، بس انا رفضت وعلطول مشيتها 


-يعني أنت بتقول دلوقتي ان البنت قالت لك ان هي كانت مش بنت بنوت


-أها  ... ورفدتها علطول 


***


وداد خارج المكتب تتذكر  عندما قام بدوي بالاعتداء عليها وقامت بطعنه بالسكين ، تظل ترتجف بقوه وتبكي وتضع المصحف بجانبها لتتفاجئ بخروج بدوي وكالعاده لا ينظر اليها ويخرج هو وزوجته ، والمفاجاءه الأكبر تجد بثينه آتيه هي الاخري  " بثينه كانت بوابة العماره لدي بدوي وصديقة وداد "


-بثينه 


تجري وداد عليها وتحضنها بقوه وهي  تبكي بقوه 


-اكيد جايه تشهدي معايا وتقولي علي اللي بدوي عمله فيا 


تبتعد بثينه عنها وهي تبكي 


-سامحيني يا بت يا وداد والله يا وداد انا بيهددوني، الراجل اللي اسمه سريانوسي اللي عامل زي صباع الفجله ده باعت ناس بتهدد اهلي في البلد ، اسفه يا صاحبتي 


تتركها بثينه وتدخل ، و وداد صامته وساكنه مكانها 


-ايوه يا فندم انتم جايبني هنا ، معاك بثينه جايبه 65% في الثانويه العامه ومنه لله خالي جابني اشتغل معاه في العماره وسيبوني التعليم ، انا اصلا كنت شغاله في العماره دي قبل كده وكان واحد اتقتل فيها كان ساكن في شقة الحزين بدوي وواحده كانت بت.....




-بس اسكتي ، انتي جايه تحكيلي قصة حياتك ، حفيظ عبدالعال حمدى المشهور ب سريانوسي قام ب إدعاءك لتقولي الشهاده بخصوص وداد قاسم عابدين زين النور  اتفضلي 


-معرفهاش سيادتك،  لا معرفشي الاسم ده ، وبعدين انا لسه جديده في العماره واشكال جديده وقديمه  بتمر عليا ، وبعدين هما اصلا مش بي....


-بس يا بنتي انتي اي ، ردي علي قد السؤال ، انتي بتقولي متعرفيهاش ، الزاي وانتي شغاله في نفس عمارة الاستاذ بدوي 


-الراجل ده مش سهل وياريت متاخدشي بكلامه ودور في دفاتره القديمه هتعرف ان هو كداب 


-يعني انتي بتقولي دلوقتي انك متعرفيش وداد


-ولا شوفتها قبل كده سيادتك 


تخرج بثينه وتنظر الي وداد وهي تبكي 


-مقولتش حاجه تأذيكي يا به 


تبتسم وداد وتنظر اليها في رفق


-شكرا 


تتركها بثينه وتمشي فيأتي باسل ليجد وداد تبكي فيعطيها 


-اشربي العصير وهتبقي كويسه يا وداد 


-بدوي جه يشهد مع سريانوسي ومشي


-نعم


انصدم باسل وظل صامت لينصدموا بدخول مصدقه عمة وداد ، تقف وداد في صدمه وباسل ينظر الي وداد في رفق لتأتي مصدقه وهي تبتسم 


-جيت أشهد ضدك يا بنت اخويا


                     الحلقه الثالثه عشر من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-