Ads by Google X

القائمة الرئيسية

الصفحات

رواية بيت البنات كامله بقلم يارا غزلان


 بصوت حزين موافق نرجع البلد واتجوز بنت من هناك 


جااي يارووح جااي ياروووح 


روح بتقوم من علي السرير وعلامات الاستغراب علي وشهاا هو مين داا الي جاي 

الباب بيتفتح وتدخل أمهاا بسرعه بتقف تاخد نفسهاا وعلي وشها ابتسامه عريضه 

روح بتبص بإستغراب علي هند صاحبتهاا وتبارك بنت عمهاا الي معاها في الاوضه وبترجع تبص علي أمها الي دخلت عليهم وهي بتصرخ وتقول جااي 






تبارك: خير يامرات عمي مين اللي جاي 

كوثر بفرحه: رمااح جاي أخيراا حلمك هيتحقق 

روح بتبصلها بصدمه وتبتسم بفرحه بجد يا ماما

كوثر: بجد ياروح امك سمعت جدك بيكلم عمتك وقالت جايين النهارده وجدك هيختار عروسه لرماح وكلنا عارفين مين العروسه 

روح بفرحه الله ياماما انا فرحانه اوي

هند: شكلنا هنحضر فرح قريب 

تبارك: الف مبرووك يا روح فرحتلك من كل قلبي 

روح: شكرا ياتبارك 

كوثر: انا هروح اساعد مراتات اعمامك علي ما عمتك تيجي 

روح: ماشي 

هند وتبارك: جاي يوفي بوعدو ياروح مش كده 

روح بفرحه: باين كداا 

هند: تستاهلي الفرح ياروح كنتي محافظه ع نفسك وع قلبك ومقبلتيش تشوهي سمعتك ابداا

روح بإبتسامه: حاسه قلبي هيقف مش مصدقه انو جاي بعد المده دي 

هند: فات 15 سنه معقول 

روح: تفتكري لسه عيونو رمادي ولا الزمن غيرهاا 


بيضحك التلاته علي كلام روح 


في الطريق 

هبه: جدك هيفرح اوي يا رماح بالقرار داا طول عمرو نفسو هو الي يجوزك 

رماح: مبقتش فارقه بقاا انا اصلا حاسس اني ماشي بجسم بس 

هبه: انت مش اول واحد تحب ويحصل بينكم مشاكل وسمر يعني متزعلش مني مكانتش مناسبه خاالص 

رماح: انا مش مصدق انهاا خانتني هتجنن دي كانت بتتمنالي الرضا فجأه كداا تخوني وتقولي اصلها كانت لعبه عليك هو في حد يقدر يمثل الحب بالمهاره دي 

هبه: ربنا يهديها متفكرش فيها كتير المهم اننا دلوقتي راجعين بيت العيله وانت راجع بعد غياب 15 سنه انا وابوك الله يرحمه كنا بنيجي كام مره كل كام سنه لكن انت مجيتش خالص ف الكل مستنيك وفرحان برجوعك انسي سمر وركز مع البنت الي جدك هيختارهالك وحبهاا يا رماح حاول تحبها علشان حرام تكسر قلبها..

رماح: واناا مين هيداوي جروح قلبي هو انا فيا حيل احب واسايس وطبعاا هتلاقيها بنت من البلد طيبه بغباء وعمرها ماشافت رجاله وماشيه 24 ساعه حاطه طرف طرحتها في بوقهاا ومن اقل كلمه تتكسف ولو صوتي عليي شويه تتفحم من العيااط واقعد يارماح طبطب واتحاايل 

هبه: هما بنات محترمه يارماح ملفوش الدنيا زي البنات الي تعرفهم ولا كل يوم مع راجل الجواز دا عندهم حياه جديده خالص وبيتعاملو معاه برهبه لازم تكون سند للي هتتجوزها وتحسسها انك امانهاا 

رماح: وياترا هروح الاقي طابور بنات بتوع البلد كلها واقفين وجدي يقولي اختار يارماح اصل انا رايح اشتري معزه 

هبه: لو قولت كدا قدام جدك هيقتلك مكانك علشان تبقا عارف البنات هناك جواهر مش سلعه رايح تتفرج عليها 

جدك الي هيختارلك العروسه وانت تقول حاضر 

رماح: كمااان 

هبه: ايواا وبعدين متقلقش مش هيختارلك من البلد دا هيختارلك عروسه من بيت البناات *

يبقا بيتنا فيه عرايس اد كداا ويروح ينقيلك واحده من البلد دي تبقا عيب في حقنا 

رماح: عارفه لو جابلي واحده مش حلوه هسيبلكم الفرح وامشي 

هبه بضحك البنات كلهم زي القمر دول ولاد اخواتي انا صحيح بتلغبط فيهم وكل ما اروح اتعرف عليهم من اول وجديد بس كلهم في الجمال ميتوصفش 

رماح: اما نشووف 

هبه: سوق براحه شويه الطريق دا بيحصل عليه حوادث كتير

رماح: اتشاهدي وسيبيها علي الله 

هبه: أشهد أن لا إله إلاّ الله 

رماح بيضحك 





قدام بيت البنات وقفت عربيه رماح 


همام الجد: اهلا وسهلا نورتوناا 

هبه: حبيبي يابابا وحشتني اوي انت اخبارك اي طمني عليك

همام: الحمدلله زي الفل انتي عامله اي 

هبه: الحمدلله ياحبيبي 

همام: ازيك يا رمااح مشاء الله كبرت وبقيت راجل 

رماح: شكرا ياجدي 

هبه بتغمزلو احضن جدك 

همام: تعالي في حضني ولا كبرت علينا 

رماح: احم لا ابداا ياجدي 


سلوي: دا حلو اووي 

قمر: ابوكي لو سمعك هيقتلك واخوكي لو سمعك هيكسرلك رقبتك

سلوي: طيب بصي انتي حلو ازااي دا شبه بتوع التليفزيون 

قمر: شكلو عادي علفكرا وباين عليه طري كداا 

سلوي: طري..؟

قمر: ايواا مش زي رجالتناا بشنبات وطول بعرض ولو وقفو في نص الطريق يسدوه رجاله بصحيح 

سلوي: طب مادا راجل زي العسل بدقن وطول بعرض وشيك 

قمر: اسكتي اسكتي كتك حزن 


تبارك: دا احلي من الصور بكتير 

روح: صووور وانتي شوفتي صورو منين 

تبارك: عمتك كانت هنا من كام سنه وورتنا صورو هو واخوه لكن كان صغير عن كداا 

روح: اممم انا حظي الزفت ان كل ماعمتي تيجي بكون في مصر ومش بشوفهاا 

تبارك: ايوه فعلا مشافتكيش خالص 

روح: هتشوفني النهارده اهي 


في صاله البيت 

همام ورماح وهبه قاعدين 

سلوي: الشاي ياجدي 

رماح بصلها نظره سريعه 

هبه: مشاء الله انتي بنت مين في اخواتي 

سلوي بإبتسامه: بنت صفوان ياعمتي 

هبه: الله اكبر مشاء الله 

قمر بضيق وبترزع الطبق ع الترابيزه الكيك ياجدي 

رماح بصلها نفس النظره السريعه وابتسم علي تصرفهاا 

هبه: مشاء الله وانتي بنت مين 

قمر بضيق: بنت صفوان بردو....اختهاا 

هبه: زي القمر الله اكبر 


كوثر مامت روح: خودي ياروح قدمي الحاجه الساقعه 

روح: هو احنا عرض ازياء واحده تدخل التانيه تخش انا مش دااخله

كوثر: يابنتي مراتات اعمامك كل واحده فيهم بتبعت بنتها علشان رماح يشوفهم 

روح: انا مبحبش كداا مش هدخل غير لما جدي يناديني بالاسم تعالي ياروح سلمي ع عمتك غير كده لا 

كوثر: طيب خلاص متزعليش 

روح بتحضنها مبزعلش منك ابداا 


هبه: مهما اشوفهم بتلغبط فيهم بردو طول مافي واحده بتخرج والتانيه بتدخل هفضل متلغبطه 

همام: هما مشاء الله كتير ويلغبطو بس هنتجمع كلنا ع الغدا وهيبقو قدامك 

هبه: ايوا الا اخواتي فين 

همام: الرجاله كلها في المزرعه قربو يجو 

هبه: ربنا معاهم ويقويهم 


ع الغداا 

ولاد همام 

صفوان 

حماد 

رجب 

زهران 


ولاد العيله الشباب

مهد ابن صفوان

رابح ابن رجب

فارس ابن زهران

كنعان ابن زهران 





بنات العيله المتجوزه

احلام مرات مهد وبنت حماد 

رحمه مرات رابح وبنت زهران

هدير مرات فارس وبنت رجب


بنات العيله الي مش متجوزه 

روح بنت ......

تبارك بنت حماد 

سلوي بنت صفوان 

قمر بنت صفوان 

سعاد بنت زهران 

اميره بنت رجب 


مش هنذكر كل دول في الروايه هما للمعرفه بس لكن هنذكر ناس قليله منهم بس 


هبه بتتعرف عليهم وهما قاعدين ع السفره 

رماح كان مستغرب لي روح دي بالذات الي قعدت ع الكرسي جمب جدو ولي ملامحها مختلفه عن باقي البنات هو صحيح كل واحده ليها ملامح مختلفه عن التانيه بس يلغبطو لكن روح ملامحها مميزه يمكن عيونها العسلي الفاتح اوي الي مميزاهاا وبياضها عن باقي البنات


هبه بتبص لروح بإبتسامه وبتقول الملامح دي انا عارفاها وحفظاهاا كويس العيون والبياض دول بيعرفوني انك بنت..

روح بمقاطعه: انا بنت كوثر ياعمتي

هبه: احم 

همام: روح بنتي ياهبه بنتي الي ربيتها واتولدت علي ايدي بنتي انا 

هبه بإحراج: ايوا يا بابا تعرفي ان دي اول مره اشوفك من 15 سنه 

روح: 15 سنه و8 شهور و4 ايام

هبه: بتقولي حاجه 

روح: لا ابداا  

رماح كان مركز في الحوار ومش فااكر روح اصلا بس هي عجباه وعندو فضول يعرف هي بنت مين ولي قاطعو كلام امو قبل ماتكمل لانو مش فاكر حاجه عنهم 


الكل ساكت وبياكلو في هدوء 

روح: عمتي 

هبه: نعم ياروح عمتك 

روح: انتي فااكره الوعد الي وعدتيني بيه قبل ماتسافري زمان 

هبه بتفتكر وعلامات الاستغراب علي وشهاا 

كوثر بتبص علي بنتهاا وبتبص علي هبه وبتتمني لو هبه فاكره 

رماح عقد حواجبو بإستغراب ياترا وعد اي 

هبه: بصراحه مش متذكره ياروح بس فكريني 

روح بخذل: خلاص متشغليش بالك 

هبه: فات 15 سنه ياروح هفتكر اي بس 

روح بصوت يكاد مسموع اماال انا ليه لسه فاكره ومبنساش 


خلصو غداا وخرجو الجونينه والبنات بتلم السفره 






احلام: عندها حق ياروح هتفتكر اي بس 

روح: وانا ليه فاكره يا احلام دا حتي واضح ان هو كمان مش فاكرني 

احلام: ياحبيبتي عدي وقت كبير اووي هيفتكرك ازااي بس 

روح: انا الشغف الي كان جوايا انطفي حاسه ببرود متوقعتش ابداا ان يكون دا اللقاء الي مستنياه دا مرفعش وشو ليا غير كام مره وملامحو خاليه من اي تعبير 

احلام: علشان كدا كنت خايفه عليكي من الحب الغريب داا انتي بتحبي واحد بعيد عنك بقالو 15 سنه 

روح: توقعت انو فااكرني وعايش علي ذكراي زيي كدا طلعت عايشه في مايه البطيخ حتي عمتي مش فاكره الوعد اصلا 

احلام: صبرك عليهم لما تتجوزو ابقي فكريه واحيو قصه حبكم من اول وجديد 

روح: كنت فاكره اني هتجوز بعد قصه حب عظيمه داامت 15 سنه من غير مانشوف بعض انا دلوقتي شايفه نفسي تافهه اووي اووي وبقول اي الهبل اللي كنت بعملو دا 

احلام: اصبري بس ومتيأسيش 


عدي اليوم ببرود علي روح وبفضول علي رمااح 

وكل واحد في البيت دخل اوضتو ينام 


في اوضه مهد واحلام 

احلام: ابعد عني متكلمنيش 

مهد: ياحبيبتي خلاص بقاا قولتلك اسف

احلام: اسف دي هتعملي اي دا انت دخلت زي الغريب ولا بصيت في وشي ولا بوستني من راسي ولا قولتلي عامله اي ياروح قلبي 

مهد: من يوم ما اتجوزنا وانا كل يوم بعمل كل داا النهارده بس الي نسيت 

احلام: نسيت وبتقولها في وشي كمان ماهي بتبدأ بكداا وواحده واحده هتبطل تعملهم وجوازنا يفشل بقاا 

مهد: يفشل اي بس يا احلام انا بموت فيكي وانتي عارفه كداا وكان عندنا مشكله في المزرعه النهارده ف بالي كان مشغول ودخلت مضايق ف نسيت بس اوعدك مش هنسي تاني 

احلام: ولو اتكررت 

مهد: ابقي تعالي بوسيني انتي 

احلام بضحك: اتفقناا 

مهد بإبتسامه طيب تعالي بقا نامي جمبي علشان مش بعرف انام بعيد عنك 

احلام بحنيه حاضر 


في اوضه روح 

كانت قاعده في شباك  اوضتها الي بيطل علي الجونينه كانت ضامه رجليها لصدرها وسايبه شعرهاا وماسكه خاتم صغير في ايديهاا كانت باصه علي السما بشرود 






قبل 15 سنه 


روح: رماااح متطلعش الجبل هتقع 

رماح: متخافيش 

روح: رمااح انزل 

رماح بيحاول يطلع لكن رجلو بتتزحلق ويقع 

روح: انت كويس في حاجه بتوجعك 

رماح بيبص علي الجبل ويبصلها لما اكبر هطلع علي الجبل دا بسهوله وهقف فوق واقول بصوت عالي عاوز اتجوز روح 

روح بإبتسامه: وانا هكون واقفه تحت هناا واقولك موافقه 

رماح: وهشتريلك خاتم جميل والبسهولك 

روح: خاتم في ورده 

رماح: ايوا خاتم في ورده 


بتبتسم علي الذكريات دي وبتضغط ب ايدها علي الخاتم كأنها بتحضنوو 


صفيه مرات حماد 

اختك جت مع ابنها علشان يتجوز وشكلهم كداا ناوين علي روح 

حماد: ربنا يكملهم بخير 

صفيه: اي هو داا بقولك هيتجوز روح 

حماد: وفيها اي مادا ابني ودي بنتي

صفيه: لا مش بنتك ياحماد بنتك تبارك واحلام وبس

احلام اتجوزت باقي تبارك هي أولي برماح

حماد: اي الي بتقوليه داا تبارك بنتي وروح بنتي وكل بنت في البيت دا بنتي 

صفيه: كلم ابوك وقولو ان تبارك لرماح 

حماد: كلام ابويا سيف علي رقابتنا كلناا ان قال روح تبقا روح ان قال تبارك تبقا تبارك وان قال سلوي او اميره او قمر او سعاد هيبقا كما قال وبطلي كيد الحريم داا 

صفيه: انت مشوفتش العربيه الي جاي بيهاا ولا العيشه الي عايشينها في مصر وهو واخوه شغالين شغل زي الفل

حماد: النعمه زواله متبقيش طماعه العربيه والشغل والعيشه الحلوه كل دول قادرين يتغيرو في ثانيه

صفيه بإنزعاج: مكانش ناقصنا غير بنت......اللي هتتجوز جوازه حلوه زي دي 

حماد: صفييييه حسك عينك تجيبي سيره اخويا علي لساانك انتي فاهمه 

صفيه: هه اخوك هو فين اخوك داا تقدر تقولي 

حماد ساب الاوضه وخرج 






تاني يوم 

روح كانت برا البيت بتتمشي 

سعد: روح 

روح بضيق: نعم 

سعد: انتي ليه مش مدياني فرصه اقرب منك 

روح: لان بباسطه الي انت عاوزو داا غلط اي اقرب منك دي

سعد: لا انا عاوز اتجوزك علي سنه الله ورسوله مش عاوز امشي معاكي في الحرام استغفر الله

روح: انا فاهماك يا سعد بس صدقني انا مش رايداك 

سعد: اديني فرصه اخليكي تحبيني 

روح: عن اذنك كلامنا دا لا هيقدم ولا هيأخر انا هفضل افهمك اني مش عاوزاك وانت هتفضل تحاول تقنعني اتجوزك ف عن اذنك احسن 

سعد: انتي مش عاوزاني علشان انا مش متعلم وانتي متعلمه صح

روح: ملهاش علاقه علي فكره الفكره نفسها اني معنديش قبول تجاهك مش حوار تعليم خالص ف يارب تفهمني 

سابتو ومشيت 

سعد بصوت عالي هااجي اتقدملك النهارده علفكراا 

روح: الصبر يارب 


في بيت البنات 

روح كانت داخله قابلت رماح 

رماح: صباح الخير 

روح: صباح النور 

رماح: هو المطبخ فين 

روح بإستغراب: هتمشي في الطرقه دي علطول وبعدين هتدخل يمين هتلاقيه في الوش 

رماح: تمام 





روح وهي بتطلع السلم بس ممنوع تدخلو علشان هتلاقي حريم كتير وبنات كمان ف ميصحش تدخل يعني 

رماح بيهرش في راسو طيب انا عاوز قهوه اعمل اي 

روح: اطلبها من حد وهيعملهالك بسيطه

رماح: طيب ممكن تعمليهالي 

روح وقفت وابتسمت بهدوء وقالت ممكن..لي لا نزلت من ع السلم واتجهت للمطبخ قهوتك اي 

رماح: ساده 

روح: تمام 


في المطبخ 

صفيه: عشت وشوفتك داخله المطبخ يابنت كوثر 

كوثر: سيبي روح في حالها يا صفيه وبصت لروح عاوزه حاجه ياحبيبتي اعملهالك 

صفيه: دلعيها كمان وكمان خليها تبوظ اكتر ماهي بايظه 

روح: محدش قالك متدلعيش عياالك يامرات عمي لو تحبي بوظيهم كمان محدش هيعاتبك 

صفيه: داخله المطبخ ليه يا سنيوره 

روح: هو دخول المطبخ بتذكره ولا اي 

احلام: كفايه انتو ناقر ونقير علطول كداا 

روح: امك الي ناقرت الاول انا مليش دعوه 

احلام: اهدي يا ماما وسيبي كل واحد في حالو الله يباركلك 

صفيه: عمرك مابتنصفيني يابنت بطني 

احلام: انا مع الحق دايماا وانتي الي بدأتي تجري شكلها 

صفيه بتبرطم 


روح بتحدف بوسه ل احلام وبتضحك


روح عملت القهوه وخرجت 

رماح: شكراا يا روح 

روح: الشكر لله عن اذنك...مشيت خطوتين ورجعت بصتلو تاني وقالت رمااح 

رماح كان بياخد رشفه من القهوه سمعها بتنادي رفع راسو وبصلها ايواا 

روح بإرتباك: هو انت مش فاكرني 

رماح بيبص يمين وشمال والله انا مش فاكر البلد خالص يعني مش فاكر تفاصيل معينه بس حاسس اني فاكرك 

روح: فاكر اي يخصني 

رماح: مش قادر احدد حاجه بالظبط بس اعتقد كنا بنلعب سواا زمان كنا اصحاب صح 

روح بضيق ااه كنا طب عن اذنك 


همام: صباح الخير ياروح 

روح بتبوس ايد جدهااا صباح العسل ياقلب روح 

همام: وشك منور النهارده 

روح: دا عشان شاافك بس 

همام بإبتسامه: ربنا يرضي عنك ياروح 

روح: يارب ياحبيبي ربنا يديك الصحه انا هطلع اوضتي اعمل كام حاجه كدا وانزل علشان الفطار 

همام: ماشي ياحبيبتي 


رماح: اتفضل ياجدي اقعد 

همام: انا كنت جاي اقعد معاك فعلا عاوز اعرف تفكيرك وطبعك وصفاتك وكدا يعني

رماح: فهمت 


روح كانت واقفه في البلكونه شافت سعد واقف مع جدهاا 

روح: اوووف مش وقتك خالص 

احلام: بتكلمي مين 

روح: سعد واقف مع جدك 

احلام: شكلو جاي يخطبك 

روح: والله ما هتجوزو لو اخر واحد في الدنيا 

احلام بضحك: متخافيش كل الي في البيت عارفين هتتجوزي مين وكلها النهارده او بكره والخبر ينتشر في البلد كلهاا شااهد قبل الحذف فرح روح علي رماح ابن عمتهاا حب طفولتها الي مشافتوش من 15 سنه هعهعهع

روح: انتي عاوزه تنضربي صح بقولك مش فااكرني اصلا وانتي خلاص حطيتي عنوان الفرح ولا علشان اتجوزتي حب حياتك هتتكبري علينا بقا 

احلام: يابنتي انا نيتي كانت صافيه وعلشان انا غلبانه ربنا جوزني الي بحبو 






روح: يابختك انتي ومهد كان نفسي اكون زيكو كداا لما بشوفكو ببقا نفسي اتجوز بقاا لكن لما بشوف رحمه وهدير مع اجوازتهم بكره الجواز والي عاوزين يتجوزو

احلام بتضحك: هما الي مش عارفين يمشو حياتهم كل واحد فيهم واخده ان الجواز دي مرحله وهتعدي مستحملين بعض بالعافيه ومفكرين ان كلها كام سنه وكل واحد هيشوف حياتو بعيد عن التاني 

روح: ربنا يهديهم كل واحده منهم معاها عيلين ولسه مش عارفين يحبو بعض 


قمر: روووووووح 

روح: اي يابهيمه انتي بتجعري ليه 

قمر: اهو انتي انجري كلمي جدك 

روح: اسمها انجري 

قمر: يالا انتي هتصاحبيني 

روح: ابو شكلك 

قمر: هديكي كف 

احلام: ماخلااص 

قمر: يارب جدك يجوز رماح لسلوي او لتبارك 

روح: نهارك اسود افرضي دي ساعه استجابه وربنا استجاب 

قمر: بضحك دا لو حصل بجد هفرح فيكي فرح وعلفكراا بقا البت سلوي اختي حاطه عينها ع رماح وراحه جايه تعاكس فيه 

روح: شاايفه يا احلام 

احلام: يخربيت فقركم انتو الاتنين وبعدين مايمكن جدي يجوزو ليكي انتي ياقمر 

قمر: لااااع انا لكنعاان وكنعان لإلي 

روح: انتي لكنعان وكنعان اي 

قمر ماشيه تغني انا لحبيبي وحبيبي إلي 

احلام وروح بيضحكوو عليها 

روح: هروح اشوف جدك شكلو هيقولي ان السعد طالب ايدي ربنا يستر

احلام بضحك وافقي ياابت الواد شاريكي 

روح هاجي اضربك..


كنعان: قمر 

قمر بخضه: ايواااا 

كنعان: اسئلي أمي حاطه هدومي المكويه فين معلش 

قمر: امتاااا هدومي وهدومك يتحطو في دولاب واحد 

كنعان: بتقولي حاجه 

قمر: بقول هاي هاي كابتن 

كنعان: اي البت الهبله دي 


أميره كانت نازله علي السلم 

كنعان: احم ازيك يابنت عمي 

اميره: احسن منك 

كنعان بإبتسامه: ومالو 

اميره بتبصلو بضيق وبتنزل 


روح شافت الحوار من اولو واتكلمت بزعل 

دايماا كدا القلب بيحب الي مبيحبوش 


روح: عاوزني ياقمر انت 

همام: هتفضلي بكاشه دايما 

روح: يعني هو انا بنكش حد غيرك اي كنت عاوزني في اي 

همام: بصراحه كداا قدامي عريس ليكي..

روح بتضايق

همام: بس انا عارف انك عاوزه واحد تاني مش كده 

روح بإبتسامه وعيونها لمعت الي تشوفو صح ياجدي يبقا صح 





همام: ومجيتيش حكيتيلي انك بتحبي لي 

روح بكسوف هو ياجدي يعني 

همام: بتتكسفي من جدك ياروح دا انا الي مربيكي من اول ما اتولدتي 

روح: الموضوع دا مش سهل يتحكي ياجدي 

همام: مش مهم دلوقتي الكلام داا المهم اني عرفت في الوقت المناسب انتي بتحبي مين

 لينا قاعده سوا تحكيلي فيها كل حاجه وخليكي عارفه اني واثق في تربيتي ليكي ولو عرفت انك بتعملي حاجه غلط هقفلك ياروح 

روح والله محافظه علي نفسي ياجدي ومغلطش خالص 

همام: علي خير ان اشاء الله 


احلام: اي عملتي اي 

روح بتحط ايديها ع قلبهاا الحمدلله جدي عرف اني بحب رماح اخيراا كنت مرعوبه اووي 

احلام: يعني رفض سعد 

روح: ايواا هو متكلمش بطريقه مباشره ومذكرش اسماء بس الحمدلله 

احلام: طب كويس طمنتيني تقريبا جدك هيقول القرار دا النهارده ع الغداا انا قلبي بيدقلك والله 

روح: احساس حلو اوي بجد  


الكل متجمع علي الغدا 

هبه: تعالي اقعدي جمبي ياروح 

روح بإبتسامه: حاضر ياعمتي 

هبه بصوت هادي مش مسموع دا انتي بنت الغالي علي قلبي نسخه منو في الشكل


همام قاعد علي مقدمه السفره والكل متجمع قدامو 

 

همام: بعد تفكير مع نفسي كداا وبعد ماقعدت مع رمااح قدرت اختار واحده من بناتنا لرماح واتمني يكون اختيار موفق ويكونو من نصيب بعض 

احلام بتبص لروح وعيونهم بتضحك لبعض 

وروح قلبها بيدق بسرعه وكوثر حاطه ايديها علي بوقهاا وفرحانه ان اخيراا بنتها الوحيده هتبقا عروسه..


همام: قوومي يا تبارك بوسي ايد حماتك....


الكل اتصدم 

روح بصدمه: اييه...


يتبع..♥


#روقه 

#بيت_البنات_1

#بقلم_يارا_غزلان 


                    الحلقه الثانيه من هنا

تعليقات