رواية بصير قلبي الحلقه الواحد والعشرون

 

#بصير_قلبي

البارت الواحد والعشرين... 

ادم=مااانتي كمان خاينة يشفاء ولا اي!!!

شفاء بصدمة=هااا شفاء مين وأي  خاينة دي !

أدم قرب من شفاء ومد أيده وقرب من وشها أوي....غمض عنيه وبدأ يمشي ايده على وشها!!

قلبه كان بينبض أوي...فتح عنيه...شفاء الدموع كانت ماليه عنيها

أدم=كنت حاسس انها انتي بس مكنش احساس أكيد....لأن انا بس كنت معتمد فيه على نبض قلبي...ودلوقتي بعد ما اتحسست وشك....فأنا اتأكدت انها انتي....

ليييه يشفاء خونتي ثقتي!!!

شفاء بدموع=أنا مخونتش ثقتك يااادم،انا بس اخلفت بالوعد الل عطتهولك اني اكون موجودة بعد العملية...انا اااه مكنتش موجودة بس كنت شايفاك...البنت الل بعتها مكنش الهدف انها تمثل انها انا....لاني كنت متأكدة انك هتعرفها

..بس هي كانت بتصورك...انت مش عارف كمية الفرح والدموع الل نزلت لما لقيت العملية نجحت...انا سجدت شكر لربنا...وطول العملية كنت معاك بقلبي ودعواتي ياااادم..

أدم=طيب ليييه سبتيني،انا قولتلك ان قلبي بينبض طول مااانتي معايا....

شفاء=كان لازم اعمل كده ياااادم...انا سمعت كريمة وهي بتكلم عبدالحميد وبيخططو يموتوك عشان يأخدو الاملاك...

ساعتها انا دخلت فصدمة...مكنش قدامي غير شخص واحد ألجأ له.....

وفجأة بنت دخلت وقاطعتهم...

وأنا الشخص الل هي لجأتله...الكل بص نحيتها،كانت بنت شعرها قصير اوي،ملامحها جميلة،....

أنا كيارا،صديقة شفاء الانتيم...

شفاء بصت لكيارا وابتسمت بدموع...

كيارا=شفاء لما حكتلي كل حاجه...قولتلها ان مفيش غير طريقه واحدة..نحمي بيها ادم والاملاك من كريمة...

وهي أن شفاء تبعد بعد ما تعمل  العملية...كنا عايزين نشتت كريمة ومنديلهاش الفرصه تأذيك..

شفاء كملت...

أنا اااه بعدت يااادم...بس دايما كنت شايفاك...طلبت مساعدة رحمة...ولما حكتلها...هي متأخرتش ابدا تساعدني...حطينا كاميرات فالبيت وخاصة فأوضة كريمة...وأوضتي واوضتك يااادم...كنت عايزة أشوفك دايما...وكنت كل ما تحبس نفسك وتبكي عليا،انا كمان كنت ببكي معاك يااادم...انا والله كنت تعبانه من غيرك،بس كان لازم اعمل كده..

كيارا كملت=بدأنا نتجسس على كريمة ونعرف كل خططها من خلال الكاميرات الحديثه الل بعتناها لرحمة وبصراحه رحمة كانت شاطرة وركبتهم كويس...

ولما عرفنا الخطط بدأنا نفشلها..

أول خطط كريمة كانت انها تسممك.

فجبنا طباخ خاص ليك بحجه ان الدكاترة قالو لازم تاكل اكل صحي...بس المهمة الاساسيه للطباخ ده...هي كانت انه ياخد باله من أكلك ويمنع كريمة تنفذ خططها...

تاني حاجه لما عرفنا انها بتأجر ناس تمشي ورا عربيتك عشان تخليك تعمل حادثة...بدانا نفش العجل بتاع عربيتك عشان تاخد تاكسي...

واليوم الل نجحو يتتبعوك فيه...بعتنا عربية تانيه خبطتهم وبعدتهم عنك...

أدم=يااااااه كل الحاجات دي،انتو الل عملتوها...وانا مكنتش واخد بالي!!

شفاء=اااه ياااادم،انا لا يمكن اسيبك تتأذي...

كيارا=كمالة الخطه،هي اننا نبعد شفاء عن انظار كريمة...لان لو شفاء ظهرت فالصورة وكريمة عرفت ان هي الل بتساعدك،مكنتش هتتردد لحظه تقتلها...وكمان تأذي اهلها...

شفاء=بالظبط...وكمان ده كان هيجذب انتباها ويخليها تاخد بالها من حركاتها،واحنا مكناش ععايزين كده،كنا عايزينها تغلط

 

كيارا=كمان الأمضه الل كانت على الورق شفاء هي الل اخدتها منك قبل العملية....بص الهدف من ده انه كان يبقا معانا حاجه قانونيه تخلي كريمة تتجنن هي وعبدالحميد...لان طبعا عبدالحميد محامي شاطر...ولو زورنا الأمضه كان هيعرفها...لكن انا طلبت من شفاء انها تأخدها منك من غير ما تعرف...هي بصراحه رفضت كتير...بس انا اقنعتها ان كل حاجه هترجعلك تاني بس بعد ما نتخلص من شر كريمة...

شفاء =شوفت بقا اني مش خاينه...

أدم=أنا مكنش قصدي خاينه بالنسبه لانك مضتيني وانا مش عارف...انا كنت اقصد بيها انك خنتي الوعد الل عطتهولي انك هتكوني معايا وجمبي دايما وسبتيني يشفاء....بس بما انك كنتي شايفاني وحاسه بيا دايما...يبقا مكسرتيش الوعد ولا خونتي ثقتي......

شفاء=استحاله اخون ثقتك أبداً...

ادم=بس ليييه بعدتي عني كل الفترة دي...

كيارا بصت لشفاء ...

كيارا=بصراحه كده كل الفترة دي شفاء كانت بتحاول تتغير فيها لكيارا....متعرفش احنا عملنا اي عشان نوصل للشكل ده، جبنا شخص يعلمها ازاي تغير طبقة صوتها...وتغير من شكلها،اول حاجه الهدف كان من كده اننا نشتت كريمة ومتعرفش شفاء،لانها لو عرفت انها شفاء كان ممكن كل حاجه تبوظ...

ثانيا بقا...وبصو وضحكو لبعض...

شفاء كانت مقتنعه بالفكرة وحباها عشان كانت عايزة تعرف انت هتقدر تعرفها بردو رغم التغيير ده ولا لا،بما انك بتقول انك بتشوفها بقلبك...

شفاء=صراحه اااه،انا كنت عايزة اعرف انت هتقدر تعرفني ولا لا....

بس عارف يدومي؟!!!

ادم بصلها بحب=أيه!!

شفاء =عارف لو مكنتش عرفتني، انا كنت هطين عيشتك... 

أدم=في حد يقول لحبيبه كده... بقلمي أماني محمد

شفاء بضحك=اااه... 

كريمة قاطعتهم... 

=ههه،اي الحب دا كله،لا دا انا فعلاً غلطت اني متخلصتش منك من أول يوم يبنت نور الدين.....بس احنا لسه فيها،ومش هخليكي تتهني.....

لأن  مش انا بس الوحيدة الل خاينة... يست شفاء

شفاء =قصدك اي!! 

كريمة=أسألي أبوكي... 

شفاء =ماله بابا، وقصدك اي بالكلام ده، وليييه أسأل بابا... 

صوت قاطعهم... 

واتكلم بحزن.. 

=انا هجاوبكم.... 

شفاء بصت لقته نور الدين هو وسعاد....

شفاء جريت على سعاد =ماما حبيبتي وحشتيني بس اي الل جابكم 

سعاد=بقالنا فترة مشفناكيش.....والنهاردة كيارا كلمتنا وطمنتنا عليكي،وقالت لباباكي انك بتحاولي تنقذي عيلة عز من شر افعى.....وابوكي مقدرش يقعد ويسيبك لوحدك...فركبنا وجينا على طول ..حتى مرضيش ينتظر للصبح.....

قاطعهم صوت رحمة....والل صدمت الجميع....

رحمة =بابا!!!......وجريت عليه وحضنته..فوسط صدمة شفاء...

شفاء وسعاد فصوت واحد=نعممممم بابا!!!بابا ميييين!!؟...

رحمة بصت لسعاد=مين دي يبابا...

سعاد=نور الدين،مين دي!!!

نورالدين بصلهم بسكات وعنيه مليانه حزن ...

أدم=هو ده عمو يرحمة!!!

رحمة=اااه يااادم دا بابا...مااانا وريتك صورته من زمان...

شفاء=انتو بتقولو اي،واي الكلام ده يبابا...

ادم ورحمة=بابا!!!

نورالدين=طيب ممكن تسكتو وتسمعوني للأخر...

سعاد=انا مش فاهمة حاجة ينور،في اي!!

نورالدين=اصبري عليا يسعاد بس....هفهمكم كل حاجه...

نور الدين بلع ريقه وبدأ يحكي

=أنا كنت صاحب عز وصديقه الوحيد...وكنت متعود ازوره دايما لما كانت هيام مامت أدم عايشه....

قابلت ساعتها أخت هيام والل كان اسمها عايدة...الل هي مامت رحمة...وبصراحه حبيتها...ورحت اعرض على والدي اني اتجوزها...بس بابا رفض وقال لازم اتجوز سعاد لانها بنت عمي،والا هيتبرا مني...مكنش قدامي حل غير اني اتجنب غضب ابويا عليا...واتجوزت سعاد....

بس قعدنا فترة متجوزين وسعاد مكنتش بتخلف....

سعاد جات فيوم وعيطت وطلبت مني اتجوز...بس انا رفضت ساعتها،لاني كنت بدات احب سعاد وبالذات انها بنت عمي وانا الل كنت مربيها كمان،فليها معزة كبيرة فقلبي..

وبعدها عز دعاني لعيد ميلاد أدم...ولما روحت هناك قابلت عايدة.....وبصراحه الحب القديم رجع اتجدد....

فاتجوزتها...

سعاد=نعممممم يخويا...

شفاء=اصبري بس يماما...كمل يحج...

نورالدين=كنت خايف على مشاعر سعاد، فكنت متردد فاني اقولها وبعد فترة،عايدة حملت برحمة......وعدى خمس شهور...وسعاد حملت بشفاء...

ساعتها انا اتكلبشت...ومقدرتش اقول لسعاد حاجه،وخاصة بعد ما بقت أم.....

فيوم ولادة رحمة....

عايدة تعبت أوي واتوفت وهي بتولدها...وانا سميت البنت رحمة زي ما عايدة كان نفسها تسميها...

كنت عايز اجيب رحمة  واديها لسعاد تربيها مع شفاء...بس كنت خايف من رد فعل سعاد وانها تسيبني...

هيام أم أدم...قالتلي انها هتاخد رحمة وتربيها زي بنتها...واني ابقا اجي اشوفها دايما...وبلاش أبوظ حياتي بأيدي...بصراحة وافقت بعد اقناع كبير من هيام...وسبتلها رحمة تربيها...وخبيت الموضوع..مكنش حد يعرفه غير عز وهيام بس....

ولما هيام اتوفت...اخدت رحمة فترة كده...لما قولتلك اني مسافر  بره مصر وقعدت سنة...

السنة دي كنت قاعدها مع رحمة...

وبعد كده عز اقترح عليا اجيبها تعيش مع ولاده...وهم كده كده زي اخواتها وهيأخدو بالهم منها...

ساعتها كريمة عرفت السر بقا.....

انا رجعت كملت حياتي مع سعاد وشفاء..وكل فترة كنت بقول اني هسافر تبع الشغل......

وكنت بقعد انا ورحمة فشقتنا انا وعايدة....الفترة دي رحمة كانت بتسيب بيت عز وتيجي تقعد معايا وكنت بفهمها اني بسافر....

سعاد كانت قاعدة بتعيط...

نورالدين=انا اسف والله،ده كل الل حصل،بس اقسملك بالله،انا مش بس بحبك،انتي ليكي حاجه فقلبي اكبر من الحب...اعظم بكتير يسعاد...وهي العشرة...

سعاد كانت ساكته...

نورالدين كمل=أنا أسف يشفاء...اسف يبنتي...

شفاء =أسف على اي يبابا!!!على انك بعدت اختي عني كل السنين دي،ولا على اني عشت وحيدة من غير أخت...واختي موجودة وعايشه....

رحمة بدموع =شفاء!!انا انا...

شفاء مشيت نحيتها=ششششش،انتي لسه هتتكلمي،تعالي فحضني يبت..

رحمة حضنتها وفضلو يعيطو...

شفاء=شفتي،قلبنا حس ببعض من اول حضن،ومن اول يوم...

رحمة =اااه والله يشفاء،دايما قلبي كان بيقولي اني اعرفك...طلعتي حتة مني وضايعه...

قاطعتهم سعاد الل وقفت ومسحت دموعها وقالت..

=طلقني ينور الدين،طلقنااااااااااي...

شفاء=يييييي ماما هتقلب دلوقتي...

شفاء =اهدي يماما....خلاص الموضوع حصل من زمان...وبابا معاكي اهو...

سعاد بضيق=اسكوتي انتي يبنت أبوكي...وديني ينور الدين لاطينها عليكم...طلقنااااااي...

ادم=طنط...اهدي بس..

سعاد=أمشي من وشي انت كمان،لأقسم بالله هولع فيكم كلكم...

نورالدين=بس يجماعه محدش ليه دعوة بيها انا هتصرف...

=انا اسف يا سوسو...

سعاد=بل اسفك واشرب ميته...

نورالدين =ااااهه،طيب انا بحبك...

سعاد=مش هسامحك وهتطلقني...

نورالدين طلعلها شوكلاته من جيبه...=طيب وكده...

سعاد عنيها لمعت واخدت الشكولاته بسرعه وبصتله وقالت=خلاص سماح...

ادم ضحك وقرب لشفاء=دا مش انتي بس الل بتتحايلي بسهوله....دا طلع حاجه وراثية عندكم...

شفاء بصتله وهي عاقدة وشها

=قصدك ايه بقا إن شاء الله....

ادم=انا اسف يكبيرة مش قصدي حاجه....

شفاء شهقت =يلااااهوي...كريمة وعبدالحميد فييين...

أدم=ينهار اسود....ساهونا وهربو!!!!

قاطعهم....دخول الشرطه والبودي جارد وهم ماسكين كريمة وعبد الحميد...

شفاء بضحك=لا احنا فالامان ...الرجالة قامو بالواجب...

الشرطه=جالنا بلاغ ان في ناس هنا شرعت فالقتل والاحتيال...هم دول؟!!؟

احمد واسيل=اااه يفندم هم دول....والدليل معانا...لو سمحتو خدوهم على السجن...

كريمة=كده،عايزين تسجنو امكم،هاااا

أسيل=أخيرا افتكرتي انك امنا...مش مهم انك تفتكري خلاص،لان فات الأوان...المهم ان الل يعمل الغلط،يتعاقب،يا ماما..

الشرطه =خدوهم على البوكس...

كريمة=لا لا......مش انا الل اتسجن....لااااااااااااا...

الشرطه اخدتهم ومشيت....

ادم=هاااا!!

شفاء=نعم!!

ادم=كده احنا اتخلصنا من الاشرار،اي موقفنا بقا يجميل...

شفاء=كل خير أن شاء الله....وكملت وهي بتبص لباباها ومامتها

بابتي مامتي،روما...يلا يحبايبي نروح على بيتنا...تيك كير يروحي

أدم =نعممممم يعمررررر..........

#أماني_محمد...

بكرة هيكون أخر بارت... نختم بكرة ببارت جميل كدهون 😂

           الحلقه الثانيه والعشرون والأخيرة من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال