روايه بصير قلبي الحلقه السادسه

 

#بصير_قلبي

البارت السادس... 

شفاء =هااا يااادم مش هتيجي تقابل حبيبي؟!!! 

أدم بضيق =يااابنتي هو انتي عندك خال أهبل؟!!! انا مش أريل هنا، انتي دلوقتي مسؤله مني ويعتبر انا رئيسك فالشغل... 

شفاء بضحك=أولا معنديش خال أهبل، انا أخوالي قمرز كده... ثانيا  انت مش  رئيسي فالشغل، يوسف هو الل رئيسي، ثالثا بقا لو مش هتيجي معايا فأنا رايحه لوحدي  وبراحتك يدومي... 

ادم بضيق =أنا جاي معاكي، لما أشوف اخرتها.... ثانيا بقا انا من هنا ورايح هنزل الشركة... وهكون رئيسك بقا... 

شفاء بفرحة=بجد يادومي 

ادم=اااه بجد وحاولي متقوليش دومي دي قدام حد عشان البرستيج بقا فالأرض خالص... 

شفاء بضحك=ماشي يدومي... يلا بقا... 

أدم=يلا يسبب غلبي... 

مشي أدم مع شفاء وراحو مطعم كده عشان يقابلو الشخص الي شفاء بتقول عليه... 

ادم وهم ماشين =بقولك يشفاء، حبيبك ده حلو على كده... 

شفاء =ده مز المز،ولوز اللوز، ده قمرين فبعض... 

ادم بضيق =لوز اللوز، طيب اتكتمي بقاا... 

شفاء ضحكت ووصلو المطعم... بدأت تدور على الشخص... 

عرفته من ضهرة... فأتجهت لقدام لحد ما راحتله... 

شفاء =وحشتني وحشتني وحشتني، يااااجمل حبيب فالدنيا دي... 

الشخص، وانتي اجمل شفاء فالدنيا دي.... تعالي فحضن عمك يبت... وحضنها... 

أدم بضيق =هو في اي.. انتو بتعملو اي... شفاء مين ده، الصوت شكله كبير... شفاء انطقي... 

الشخص =مين ده يشفاء... 

شفاء بضحك=أقعد ياعمو صالح بس الأول.... تعالا يأدم اقعد... شدت الكرسي لأدم وقعدته وقعدت... 

شفاء بضحك..=

أدم أعرفك بعمو صالح، حبيبي وروحي ولو اموت كده محبش قده... 

عمو صالح، ده أدم، مديري فالشغل وصديقي، وبيعزني جداً  ... 

ادم حس براحه شوية انها بتقول انه عمها.... 

صالح=اتشرفت بيك يأادم يبني... وشكرا انك جاي معاها... 

دا انا حاولت اقنع فيها تيجي تعيش معايا انا ومراد أبني، بس هي موافقتش ابدا وقالت ان مديرها دبرلها سكن... 

أدم حس بضيق لما سمع ان الراجل عنده ابن.... وخاف ليكون هو ده حبيب شفاء الل قصدها عليه... 

ادم اتكلم=لا ملوش داعي.... انا دبرتلها مكان... وبصراحه هي حاليا قاعدة معانا...متخافش عليها هي قاعده  مع ماما واختي وكمان الدادة.... فهي فأمان وانا هحميها دايما... لحد بس ما ندبرلها سكن قريب وتبقا تنقل براحتها بس اكون مطمن عليها... 

صالح بفخر=أصيل والله يبني، انا لما شوفتك قلبي ارتاحلك والله وحسيت انك مألوف ليا... وكمان ملامحك مريحه كده وبتدل على الجدعنه والأصل... انا راجل كبير وبفهم كويس الناس من عيونهم وملامحهم... 

ادم=دا من زوقك والله يعم صالح، شكرا ليك... 

صالح ابتسم وبص لشفاء... 

صالح=وانتي يغرابه.... اوعي تغلبيه معاكي... انا حافظك وعارفك، انتي اكيد مجنناهم... 

ادم بضحك=دي جابتلي خوته... 

صالح بضحك=وربنا كنت عارف... دي شفاء دي ليها مصايب ياااما... كانت تعمل المصيبه وتتيجي تتخبأ فيا وانا كنت بحميها من اي حد ومكنتش بسمح ان حد يزعلها عشان كده هي بتحبني... يمكن بتحبني اكتر من نور الدين (ابوها) 

ادم بضحك=هي عادة ولا هتشتريها.... لسه الصبح كانت عاملة مصيبه ومتخبيه فيا... 

صالح ضحك جامد =مبتتغيريش ابدا... 

شفاء بغيظ=كده يعمو، تفضحني قدام الاعداء وتشمتهم فيا... 

ادم بغيظ=ووووه، اعداء، أشحال لسه مانقذك الصبح من احمد الل كان هيخنقك.. 

صالح=خلاص خلاص انتو هتتخانقو احنا بنهزر... 

شفاء =بقولك اي، سيبك من ادم دلوقتي، انت عامل اي يمز يقمر يابو عيون قمر انت... 

أدم رد قبل صالح=انتي يبنتي بتعاكسي كل الناس كده... مبتعتقيش حد... حتى عمك مش عتقاه... 

صالح بضحك=لا شفاء دايما كده... بتحب تبص فعيون الناس والعيون الل بتعجبها بتفضل كل ما تشوف صاحبها تعاكسه كده... اكيد بتعاكسك... 

ادم بضحك=محصلش لا... 😂🤦‍♀️

شفاء =أصل العيون دي حاجه كده ملهاش وصف، بتقدر منهم تفهم الل قدامك... وبعدين سبحان الخالق، العيون دي بتبقا كانها لوحه... رسمها اعظم فنان بالتاريخ.... بحب اوي اتأملها.. وبالذات لو ملونه زي عيونكم كده.... يووووه مش هتخلصو 

.. 

ادم وصالح =خلاص خلاص يمتأمله هانم... وفضلو يضحكو...

قضو الوقت بين ضحك ادم وصالح على شفاء وال بتعمله والمواقف بتاعتها...وصالح حب ادم اوي....

شفاء=هسيبكم واروح الحمام وجايه...

سابتهم ومشيت....

صالح بص لادم =على فكرة يااادم شفاء رغم انها هبلة وبتعمل مصايب.الا انها قلبها ابيض زي البفته....وطيبه وبتتصافي بسرعه...ومش بتشيل من حد....ووقت الشده هتلاقيها فضهرك...سنداك وواقفه وهي بميت راجل.....اوعا تفكر انها غبيه...هي بتتغابى اااه،بس بمزاجها....هي بتبقا فاهمة كل حاجه...بس بتعمل نفسها هبلة...

عايز تسعدها...جاريها وخد هبلها بصدر رحب كده واستحملها...

انا مش عارف بقولك كده ليه وانت مديرها مش اكتر...بس يمكن تحتاج الكلام ده بعدين

ادم=اكيد يعمي.... طبعا كلامك كله هعمل بيه.... انا ااه مش بشوف بعيوني بس بشوف بقلبي.... وفهمت من اول محادثه ليا معاها انها طيبه ومفيش منها.... وفهمت شخصيتها... ومتخفش انا عارف هتعامل معاها ازاي... 

صالح =شكراً يبني، حافظ عليها ، انت مسؤل عنها دلوقتي... ولو احتجت اي حاجه كلمني... 

ادم =تمام... 

جات شفاء  وقعدت تهزر شوية وبعدها جه شاب كده طويل بشرته خمري.... شعره اسود طويل وعيونه عسلي... 

الشاب=شفاااااء، عامله اي يزفته.... وحشتيني موووت موووت... 

وراح سلم عليها... 

شفاء =مودي حبيب قلب فوفا... 

عامل اي يلاااا.... وحشتني يخربيتك، بس سيبك، بقيت مز اوي انا بقالي سنتين مشوفتكش... 

مراد =معلش اصلي كنت مسافر بدرس بقا مااانتي عارفه يفوفا... 

وحشتيني اوي والله  .. 

ادم وقف بضيق، لان الصوت صوت شاب صغير.... 

ادم=مش تعرفينا مين الأستاذ يشفاء ولا هنقعد نحب كتير... 

شفاء بضحك=اااه اسفه... 

ده مودي يااادم... 

مودي ده دومي... 

ادم بضيق=اتنيلي اسكتي طيب...

انا بشمهندس أدم عز الشرقاوي... 

مراد=وانا دكتور  مراد صالح المعزي... 

ادم عرف انه ابن عم صالح...فسلم عليه وقعد...

صالح=ابني مراد كان مسافر بيدرس بره ولسه مخلص...ومعايا ريهام بردو بس ريهام مسافرة...

ولاد صالح المعزي....السند والعزوة دول ....

ابتسم ادم =ربنا يخليهم لك..

قعدو سوا،بس أدم كان متضايق من فكرة وجود مراد...وكان حاسس بضيق بس مش عارف اي السبب...خلصوا كلام وودعوهم ومشيو....

ادم وشفاء قاعدين ورا فالعربيه والسواق سايق...

ادم بحزم=شفاء،على فكرة متنفعش الطريقه بتاعتك دي،هو انتي اي حد تتكلمي معاه بهزار وتقولي وحشتني وبتاع...عيب وغلط على فكرة...

شفاء=اولا ده كان عمي،ولو قصدك على مراد فأحنا متربيين سوا....وهو بعتبره صاحبي واخويا وكل حاجه....دول عيلتي فمفيش مشكله..

ادم =بس مراد شاب وغلط...

شفاء قاطعته=ادم انت متضايق اوي ليه كده ولا الوصي عليا،وبعدين بقولك اخويا ومتربيين سوا وبعدين انا سلمت عليه بس وهزرت معاه شوية،خلاص محصلش حاجه،وبصراحه مش لاقيه مبرر لغضبك ده...

ادم بص قدامه بضيق وسكت..

وكان عمال يفكر هو ليه اتضايق فعلا...دا لسه عارفها يعني..

كان عمال يفتكر ملك،وانه برضو كان بيغير عليها اوي،وسبق وعمل مشكله كبيرة مع حد عشان ضايقها بالكلام بس....

يترا الزمن بيعيد نفسه ولا اي....

فضل سرحان لحد ما وصلو البيت...وشفاء طول الطريق كانت عاقدة حواجبها وباصه قدامها...

اول ما العربية وقفت...نزلت شفاء وسكعت الباب بتاع العربية  بالجامد وطلعت علي اوضتها...

ادم=دي شكلها اتضايقت من كلامي،وغالبا هتولع فينا كلنا...

طلع غير هدومه وقعد شوية وبعدين راح خبط على اوضة شفاء...

شفاء=أدخل...

أدم=انا جيتتتت...

شفاء بقرف =ياريت كنا افتكرنا ربع جنيه مخروم ولا حاجه..

ادم قعد جمبها....=يعني معناة كلامك كنتي بتفكري فيا...

شفاء بغيظ=اااه كنت بتخيلك...

ادم =كنتي بتتخيلي اي بقا..

شفاء ابتسمت بنصر كده...

=كنت متخيله اني مسكاك من زمارة رقبتك وعماله اخنق فيك وبعدين وقعتك عالأرض وفضلت أضرب فيك وبعدين زحتك من البلكونه و...

ادم حط ايده على رقبته 

ادم=يمااااي،اي كل ده يبنتي،دا انتي شلفطيني خالص...اهون عليكي تموتيني فمخيلتك كده...

شفاء=لا ما انا بعد ما رميتك من البلكونه نزلت جبتك وجستك بقا ورقدتك متجبس فالسرير يعني مموتكش...

أدم بضحك=أصيل يااابو رحاب،كنتي موتيني أسهل والله😂

شفاء بزعل=متهونش عليا اموتك..

ادم بضحك=وأهون عليكي تعملي فيا كل ده....

شفاء=اااه تستاهل انت الل ضايقتني...انا مش هسامحك مهما تعمل 

ادم بص ناحيتها=خلاص يكبيرة،سماح المرادي بقا انا اسف....

شفاء بصتله بحب=خلاص مسامحاك اعتبر مفيش حاجه حصلت يدومي يقمر  (اهم حاجه الثبات على المبدأ يجماعه 😂🤷‍♀️)

ادم =بس بصي بقا،اقسم بالله يشفاء لو شوفتك بتعاكسي حد غيري او بتهزري مع حد تاني،لاكون انا الل ماسكك من زمارة رقبتك وشادك وراميكي من البلكونه دي....

شفاء مسكت رقبتها وبرقت =لا لا،خلاص هحترم نفسي ومش هعاكس حد غيرك...

ادم بضحك=شطورة يروحي...

شفاء =انا روحك!؟!!

ادم كح =قصدي جدعه يعني وكده...

شفاء ربعت ايديها وبصتله بضيق...

شفاء=أدااااام،اطلع بره...

ادم=ووووه،اي التهزيق ده،انا بقيت مهزق اوي،انا بقا اسمي ادم المطرود مش ادم الشرقاوي حرام عليكي يشيخه،معندكيش عيال ولا اي...

شفاء زقته =لا معنديش عيال..اتفضل طرقنا...

وطلعته وقفلت الباب...

ادم اتنحنح وعدل بدلته =احمممم بقيت مهزأ اوي معاها...

انا همشي أحسنلي...وراح اوضته...

الساعه 2 بالليل الباب بيخبط...

شفاء بنعس =يوووووه مين الل بيخبط ده....اكيد ادم...انا لسه طرداه من شوية....

ماشي جايه اهو،وديني ياااادم لازعلك عشان تحرم تخبط فالوقت ده تاني...

بتفتح الباب وهي بتدعك فعنيها وكانت لابسه بيجامه نص كم وبنطلون برامودا وسايبه شعرها لانها مش محجبه....

نعم يااادم...وبتبص...

اي ده انت عايز اي وجاي بتخبط ليه دلوقتي....

....=حط ايده على بوقها وزقها لجوه وقفل الباب برجله...

=مفكرة نفسك هتغلبيني،لا يشاطره انتي متعرفيش انا مين واقدر اعمل اي..

شفاء بخوف =........

#أماني_محمد 

                 الحلقه السابعه من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال