Ads by Google X

القائمة الرئيسية

الصفحات

رواية رهف الفصل الرابع


 

#رهف

..البارت الرابع ..

للكاتبه: Miyano Shiho  

رهف :هو انا قولت ايه.......

نزل ياسين وقعد معاهم ..


ورهف بصه من فوق علشان تشوف شكل البنت ..

رهف:دا انا لون شعري احلا منها .. لون شعري بس ..إيه الاشكال دي يا ياسين ...يلا...

في يوم الخطوبه ....

دخلت رهف الفلا ..وكانت بتتكلم في التليفون وتقول:خلاص يا ماما بقا انا وصلت الشغل سلام ..

راجي:اهلا يا انسه رهف هانم دا يوم تيجي فيه متأخر يلا علشان ورانا حاجات كتير نعملها...خشي نضفي الفلا ..

رهف:هو انت كل ما تشفني تقولي ..روحي نضفي الفلا ..

راجي:بلاش كلام كتير ..انا قولتلك قبل كدا انا لسه مجربتش طبخك ..

رهف:وهو انت مديني فرصه ..

راجي:خلاص يا ستي روقي الفلا وتعالي نظبط الزينه مع بعض ..


رهف:زينه إيه هي حفله عيد ميلاد ..

راجي:هو الزينه مش موجوده غير في العيد ميلاد ..

رهف:اه من صغري وانا عرفه كدا ..

راجي:روحي يا رهف من وشي ..

مشيت رهف وهي بتقول:هو انا قولت حاجه تعصبه ..

بدأت مسيرتها في ترويق الفلا ..وخلصت كله الا اوضه ياسين الي دايما بتسبها للآخر ..علشان مش عايزه تخشها بس هي مضطره دخلت الأوضه ...وأول ما شافت البرواز الي فيه صوره ياسين وهو صغير افتكرت الصوره الي وقعت منه فاالفضول خلها تروح بسرعه وتمسك الصوره وتقعد تهزها ...علشان تقع الصوره بس مافيش حاجه وقعت ..

رهف:هي الصوره راحت فين ...

راجي:رهف إنتي بتعملي إيه ..

أتخضت رهف وسابت الصوره وقالت :بنضف ....

راجي:طب تعالي علشان نزين المكان برا ..

رهف:طب والأوضه ..


راجي:ابقي نضفيها وقت الحفله .. كده كده الاستاذ ياسين مش هيخشها لانه هيظبط نفسه برا ..

رهف:أظاهر أن الأوضه دي نحس ..

راجي:بطلي كلام كتير ويلا ..


للكاتبه :Miyano shiho ..

نزلت رهف لقت الهانم والده ياسين في وشها ..

راجي :عايزه حاجه يا مدام...

رهف :ازيك يا طنط ..

والده ياسين :اه ..عايزه رهف متظهرش في الحفله خالص ..

رهف:ليه ؟!.

والده ياسين:هو كده ..الناس الي زيك مينفعش يبانوا في حفله زي دي الحفله دي هيكون فيها صحافه ومصورين وانتي مينفعش تكوني موجوده ..

راجي:أوامر حضرتك. ..

والده ياسين:تمام ..


رهف من كتر الاحراج وحبسه الدموع مش عارفه تتكلم ..بس قالت :طب بعد اذنكوا عايزه  اروح الحمام ...

راجي:اتفضلي ..

والده ياسين:حمام الخدم يا رهف متنسيش ..

رهف:هزت راسها ومشيت ..وأول ما دخلت الحمام   وقفلت الباب لقت أنها مش عارفه تمسك دموعها ..وبدأت تعيط ..وتقول:هي ليه بتعملني كداا ..هو انا عملت معاها ايه ..وبعدين ايه مش من مستواها دي ..وبعد فتره ..هديت وغسلت وشها وطلعت لراجي ..وبدأوا يزينو المكان ...

راجي:أنا هروح اجيب حاجه وجاي ..

رهف:وتسبني على السلم دا طب افرض وقعت ...

راجي :مش هيحصل حاجه بطلي خوف ..يلا ثواني وجاي ..

رهف:يارب استر يارب ..انا هحط اللون دا هنا هيليق جدا انحركت رهف فقدت توازنها من على السلم رهف :الحقوني ...ووقعت  وهي مغمضه عينيها فجأه حد مسكها فتحت رهف لقت ياسين بيقول:هو انتي مبتعرفيش تعملي حاجه في حياتك ورماها على الأرض ...

رهف:يعني انت مسكتني علشان ترميني طب ما كنت ترميني وتريح نفسك ..بدل الفلم الهندي الي عملته دا ..


ياسين مشي وسابها ..

رهف:استنى هنا أنا بكلمك ..

راجي:إيه الي حصل ..

رهف قامت وقالت:اسمع انا مش هطلع على السلم دا تاني مفهوم ...

راجي: ماشي اطلعي فوق ..يلا علشان الحفله على وشك تبدأ ..والضيوف قربوا يجوا ..اطلعي نضفي اوضه الاستاذ ياسين ..

رهف: مش هينع ياسين لسه جاي من شويه واكيد دخل اوضته  

راجي:لا مش هيدخل أوضته ..هو راح عند الهانم ..وهيقعد معاها شويه ..

رهف:وانت عرفت كل دا منين ..

راجي:ملكيش دعوه روحي بقا ...

رهف:راحه يا عم متعصبش نفسك ..

طلعت رهف وفتحت اوضه ياسين ..وبدأت وتنضف الارضيه ..

وبعد فتره .....

بدء الضيوف يجوا والموسيقى اشتغلت ..

رهف :هي لحقت الحفله بدأت انا قربت اخلص ناقص ترويق السرير وفجأه اشتغلت اغنيه تحت ..فأتصدمت رهف وقالت:الاغنيه دي ....وافتكرت (تعرفي يا رهف أنا بحب الاغنيه دي جدااا وحتى لو كبرت هفضل بشغلها واسمعها ..رهف:وانا كمان يا ياسين ..)...سابت رهف الي في ايديها ..وفتحت باب الأوضه وخرجت وبصت من فوق على الناس الي تحت فلقت ياسين واقف مع صحابه وبيضحك ..فجأه راح بص ياسين لرهف ..


فمشيت رهف بسرعه ..

واحد من صحاب ياسين:في حاجه يا ياسين ..

ياسين:لا ولا حاجه ..

دخلت رهف تاني الأوضه ..وقالت:أنا لازم انسى الموضوع على رأي ياسين دا كلام عيال ..وشالت الغطاء الي على السرير وشالت الميلايا وبعد كده ..فتحت دولاب ياسين وقالت :على حسب ما راجي قالي المليات في الدرفه التانيه ..فتحت رهف وقالت:ما شاء الله كلهم حمر طب انا هاخد دي طلعت رهف الملايه فجأه لقت صوره وقعت على الأرض ...

سابت رهف الملايه وقالت:إيه دا ونزلت ومسكت الصوره وشافتها واتصدمت وقالت:دي انا ..اه دي انا وانا صغيره ...معقوله ياسين لسه محتفظ بصورتي لغايه دلوقتي ...

في الحفله ...


والده ياسين :يلا يا ولاد مش نلبس الدبل بقا ..

ياسين:ماشي يا ماما ..

والزغاريد في كل حته ..فجأه 

رهف قالت:لو سمحتي يا طنط قبل ما يلبسوا الدبل ينفع اعرف صورتي وانا صغيره بتعمل ايه مع ابنك ..

والده ياسين بصدمه:رهف ..

انجي:مين دي يا ياسين ..

ياسين:سكت وفجأة قال: يوه يا ماما إيه الي جاب الصوره دي عندي ..معلش يا جماعه اصل البنت دي بتحبني فعيزه تدبسني في أي حاجه بقا صورتها في أوضتي ..وبتاع ومش بعيد تكون هي الي جابتها ...

رهف:انا لقتها في اوضتك ...

ياسين:يمكن والدك الي شغال عند والدي نسيها عنده ...فوالدي احتفظ بيها ولا حاجه اصل إيه الي هيجيب الصوره دي هنا غير كدا ..

رهف بصدمه:إيه ؟!

والده ياسين:مع اني قولتله ارميها ..احنا نحتفظ بحاجه للناس دول ليه ...


ياسين :مش مهم يا ماما ..ولا تقلقي وخطف الصوره من رهف وطلع ولعته وولع الصوره قدام عنيها واتأكد أنها انحرقت وبعد كدا رماها ودسها تحت رجله ... 

رهف مقدرتش تستحمل متنزلش دموع ...بعد الي شافته 

 ياسين  :اتفضلي يا خدامه اطلعي شوفي شغلك ..

والده ياسين:وتطلع ليه تعالي نضفي بواقي الصوره دي يلا .............

                 البارت الخامس من هنا

تعليقات