Ads by Google X

رواية حكاية روح كامله ( جميع الاجزاء) بقلم اسماء احمد


"١"

احمد:انتى طالق يا روح

روح:نص ساعه واكون لميت هدومى ومشيت 


كنت عارفه أن هيجى يوم ويقولها بس مش كنت عارفه انها هتبقى صعبه عليا اوى كدا 

لفيت وشى الناحيه التانيه عشان مضعفش واعيط قدامه وقولت بكل قوه مع إن جوايا بركان:وياريت تيجيب المأذون النهارده عشان نطلق قانونياً كمان مش شرعا بس 

دخلت اوضتى وقفلت على نفسى بالمفتاح ونزلت على الارض ببطأ  وانا ضهرى بيلامس الباب وضميت ركبتى لرأسى ودفنتها جواها وفضلت اعيط من غير صوت عشان ميسمعنيش وبعد كده سمعت صوت باب الشقه بيتقفل بقوه وعرفت أنه خرج لميت كل هدومى ورحت لماما وخبط على الباب ولما ماما فتحتلى اترميت فى حضنها

رشا:ايه يابنتى فى ايه كفالله الشر 

روح ببكاء شديد وبصوت متقطع  : ط....ط ....ل...ق ...

رشا:أهدى يابنتى الاول وبعد كده ابقى احكيلى اللى حصل 

روح :طلقنى ...يا ماما ...طلقنى  

رشا:يا مصيبتى 

ودى كانت اخر كلمه سمعتها لأن بعد كده محستش بنفسى وعينى قفلت تدريجياً ووقعت على الأرض

رشا:رووووووح 

وفتحت عينى بتعب  لقيت نفسي متعلقلى محاليل وماما بتعيط جنبى 

روح بتعب:ما...ماما 

رشا:يا حبيبتي يا بنتى انتى صحيتى ..أنا من الاول مكنش قلبى مرتاح للواد دا وانتى الل  فضلتى تقوليلي بحبه ياماما ياريتني مكنت سمعت كلامك ولا جوزتهولك 

روح وهى تغرز أصابع يديها فى شعرها وتبكى : خلاص يا ماما عشان خاطرى كفايه بقى أنا تعبانه

رشا: خلاص يا قلب ماما خلاص متوجعليش قلبى 

روح:سيبينى لوحدى يا ماما لو سمحت

رشا:حاضر يا بنتى حاضر 

بالليل سمعت صوت الجرس بيرن عرفت أن هو اكيد جايب المأذون وجاى يطلقني زى مقلتله وسمعت صوت ماما وهى بتزعقله 

رشا:انت ايه اللى جابك هنا مش مكفيك اللى عملته فيها والا انت جاى تخلص عليها المرادى 

احمد:أنا جايب المأذون زى مبنتك طلبت عشان نخلص بقى 

لبست حجابى على شعرى وطلعت برا ووقفت قدامه وبصتله بوجع لقيته هو كمان بيبصلى بحزن كبير في عينه 

المأذون طلقنا وكل حاجه حصلت بسرعه ومكنتش مستوعبه اصلا ايه اللى حصل بعد ماتطلقت اتكلمت بثبات:انا متنازله عن حقوقى ومش عايزه منك اى حاجه 

رشا:ايه اللى انتى بتقوليه دا يا روح ازاى يعنى دا حقك يا بنتى 

روح:ماما لو سمحت دى حاجه بينى وبينه وانا مش عايزه اى حاجه منه 

احمد:بطلى بقى الشويتين بتوعك دول عشان تصعبى عليا  وكل حاجه هتوصلك لحد عندك بس هبعتها مع حد عشان مش عدت عايز اشوف وشك تانى 

مشى بعد مدمر قلبى على الاخر بكلامه فضلت واقفه مصدومه والدموع محبوسه فى عيني وفوقت على صوت ماما

رشا:فى داهيه احنا اللى مش عدنا عايزين نشوف وشك ماما بصتلى بحزن 

رشا:متزعليش يا قلب امك بكره ربنا يعوضك بواحد احسن منه 

ابتسمت لماما ابتسامه سخريه وقولتلها:أنا مش عايزاه ولا عايزه غيره معدش حد يفرق معايا 

خلصت جملتى ودخلت على اوضتى وقفلت على نفسى بالمفتاح واترميت على سريرى ومسكت المخده وحطتها على بوقى وفضلت اصرخ من غير صوت 

(فى بيت احمد )

أدم:انت مجنون يابنى طلقتها ليه دى كانت بتحبك وانت بتموت فيها 

احمد:يوووو بقا أنا متصل بيك عشان أنا مدايق بس مش وقته ابدا تأنيب ضمير 

أدم:لا وقته.. ممكن تقولى انت طلقتها ليه ..سمحتلها انها تبعد عنك ازاى وانت بتحبها

احمد:..اسكت انت مش فاهم حاجه 

أدم:فهمنى يا صاحبى 

احمد:أنا واحد وحش ولازم تبعد عنى ...أنا بهينها وهى دائماً بتستحمل بس لكل إنسان طاقه وهى مش هتفضل تستحملنى دائماً

أدم:بتهينها ازاى يعنى 

احمد:بهينها بالضرب كنت بضربها وبشتمها كمان ارتحت كده 

أدم:انت يا احمد ؟؟ازاى تعمل كده ...انت اتغيرت قوى معقول انت احمد تضرب بنت دا انت كنت دائما بتقول إن البنت لازم تتعامل برقه وان مينفعش حد يهينها فين كلامك دا يا احمد قول 

احمد:الأفعال والكلام بيتغيروا 

أدم:لو فعلا اتغيرت يا صاحبي يبقى هتفضل عايش لوحدك طول عمرك ومحدش هيكون جمبك هتفضل وحيد طول عمرك انت سامعنى 

احمد مسك رأسه بأيديه الاتنين وصرخ :كفايه بقى كفايه أنت ايه يا اخى انت المفروض صاحبى 

أدم :لا مش كفايه ومش عشان أنا صاحبك هسكت عن أفعالك الغلط.....أنا بجد فرحان أنها خلصت منك لانك انسان مريض 

احمد مشى وقفل الباب وراه بقوه بعد محطم احمد وكسر قلبه لقطع صغيرة زى مروح قلبها اتكسر 

فى الصباح فى منزل روح رشا صحيت وراحت عشان تطمن على روح فى اوضتها  واتصدمت لما لقت روح مش فى الأوضه ودورت عليها في كل البيت بس مش لقتها

رشا:هتكون راحت فين بس يا ربى ...يارب لتكون عملت في نفسها حاجه ....لا لا اكيد لا بنتى مؤمنه وعارفه أن أذية النفس حرام 

رشا قعدت  تعيط ومش عارفه تعمل ايه لحد ملقت باب الشقه بيتفتح  وروح  دخلت ورشا جريت عليها بسرعه وحضنتها وهى بتعيط 

رشا:بنتى حبيبتى الحمدلله يارب انك كويسه 

روح:ايه يا ماما فى ايه مالك

رشا :يا وبتسألى مالى كمان كنتى فين يا بنتى الصبح بدرى كدا أنا كنت هموت عليكى

روح:أهدى ياماما مانتى عارفه انى دائماً بطلع اتمشى الصبح بدرى 

رشا:ايوا بس انت قطعتى العاده دى من ساعة متجوزتى 

روح:صح بس دلوقتى معدتش متجوزه واقدر اعمل اللى نفسى فيه وبجد الحريه شعور حلو قوى 

رشا:انتى كويسه يا روح يعنى مش سخنه ولا تعبانه 

روح:لا ياماما أنا كويسه ومن النهارده ورايح معدش فى غير الفرح فى قلبى وبس 

رشا:ربنا يسعد قلبك يا بنتى ويفرحك ......بس قبل منقفل الموضوع دا  قوليلى انتوا اطلقتوا ليه 

روح:يا ماما قفلى على الموضوع دا لانه مش مهم ..أنا مقدرتش استحمل عصبيته وجنانه وغيرته وضربه ليا وطلبت منه الطلاق وهو طلقنى علطول 

رشا:بيضربك وانت كنت بتسكتيله عادى كده طب ومقولتليش ليه

 روح:عادى يا ماما كنت فاكره أنه ممكن يتغير بس طلعت غلطانه وعشان خاطرى ياماما متجبيش سيرة الموضوع دا تانى

رشا:خلاص مش هتكلم تانى فى الموضوع دا ..بس عايزه أشوف ضحكتك على وشك علطول

روح:يديمك ليا يا امي

رشا:ويديمك يا روح قلبى 

دخلت روح الحمام ووقفت قدام المرايا وعينيها فيها دموع  

فلاش باك

روح كانت فى اوضتها ونايمه على سريرها بتعيط وتليفونها رن   وردت 

روح: تقى انتى مش عارفه أنا كنت محتاجالك قد ايه 

تقى:فى ايه يا روح انتى بتعيطى ليه 

روح:احمد طلقنى يا تقى 

تقى بسعاده :انتى بتتكلمي جد اخيرا ...وانت زعلانه ليه دلوقتى 

روح:ايه اللى انتى بتقوليه دا يا تقى انتى فرحانه فيا والا ايه 

تقى:مش فرحانه فيكى انا فرحانه ليكى دا كان طلبك من زمان  

روح:بس هو بيحبني أنا متأكدة 

تقى:طب مبدال انتى عارفه ليه اطلقتى منه 

روح:..................

تقى:مبترديش ليه؟ اقولك أنا ليه عشان كل الكلام اللى قولتهولك قبل كده صح  ... وبعدين ربنا مبيعملش حاجه الا اذا كانت خير واكيد ربنا مقدرلك الخير فى بعادك عنه ...

روح:أنا بجد مدمره ومش عارفه اعمل ايه 

تقى:أنا عارفه هتعملى ايه ...هتنزلى تشتغلى فى الجيم من تانى وهتتمشى على الكورنيش الصبح بدرى دى كانت عادتك المفضلة ....وتطلعى مع صحابك وتشغلى وقتك بحاجات مفيده

روح: بس أنا معنديش صحاب

تقى :يعنى انتى سبتى كل كلامى ومسكتى فى دى عموما يا ستى أنا كنت متصله عشان اقولك انى نازله مصر 

روح بفرحه وكأنها نسيت اللى حصل معاها:انت بتهزرى... بجد والله ...هتنزلى امتى ...وهتيجى ازاى ....وهتيجى ليه ....انا فرحانه اوى

تقى:  حيلك حيلك ايه كل دا ماسوره واتفتحت ...أنا المفروض أن هنزل عشان اشتغل وهنزل تقريبا بعد ٣اسابيع شهر بالكتير   

روح:شهر ايه كتير اوى انزلى بكره اتا هموت واشوفك بجد 

تقى: دا انا اللي هموت واشوفك  دا هيبقى أول لقاء بينا يا صديقه السوشيال  بس برضو مش هعرف اجى بدرى عن كده  بس صدقيني هيبقى اسعد يوم في حياتي يوم مهقابلك 

روح: ربنا يجمعنا ببعض ويديمك ليا يارب....انتى بجد اختى وصديقتى أنا مش عندى صحاب غيرك مع انك صديقه السوشيال وعمرى مشوفتك وكنت مبأمنش أن فى صداقه سوشيال اصلا لكن انتى غيرتيلى فكرتى تماما 

تقى:الحال من بعضه أنا كمان مش عندى صحاب غيرك ...بصى كلمتين  قبل مقفل لأن عمى بينادى عليا لازم دايماً تكونى مؤمنه أن كل اللى بيحصل دا خير وان انتى قويه قولى ورايا يلا أنا قويه 

روح:أنا قويه 

باك 

روح:أنا قويه 

سمعت روح صوت مامتها وهى بتنادى عليها ومسحت الدمعه اللى نزلت منها بسرعه وطلعت برا الحمام

روح:نعم يا ماما

رشا:يلا يا حبيبتي الفطار جهز 

روح:حاضر يا ماما أنا جايه اهو 

روح ورشا قعدوا على سفرة الاكل عشان يفطروا 

روح:ماما أنا عايزه اشتغل 

رشا:وايه اللى جاب فكره الشغل فى دماغك دلوقتى

روح:مقولتلك يا ماما عايزه ارجع لحياتى الطبيعيه وعايزه ارجع شغلى فى الجيم تانى 

رشا:وانا مش همانع بدال هتكونى مبسوطه 

روح:ربنا يخليكي ليا يا ست الكل

رشا: ويخليكي

روح رجعت اشتغلت في الجيم اللى كانت بتشتغل في قبل متتجوز وبدأت تنسى شويه بشويه وعدى ٣ اسابيع تقريباً وهى بتشتغل فى الجيم من الصبح بدرى لحد بالليل وشغلت وقتها كله عشان متديش نفسها فرصه أنها تفكر فيه وفى يوم كانت راجعه من الجيم بالليل واتفاجأت بشخص لابس ترنج وكاب زى الحراميه داخل العماره 

         الفصل الثاني من هنا

 

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-