"٢"
وفى يوم كانت روح راجعه من الجيم بالليل واتفاجأت بشخص لابس ترنج وكاب زى الحراميه داخل العماره وفضلت ماشيه وراه ولما لقته طلع الدور اللى اللى فيه بيتهم.... روح استخبت بسرعه تحت السلم وراقبته ولقته بيفتح باب الشقه اللى قصاد بيت روح ببنسه وبعد مدخل وقفل الشقه وراه طلعت وهى بتتسحب على السلم لحد موصلت قدام شقة بيتهم وفتحت الباب بالراحه دخلت لقت مامتها مستنياها
رشا بصوت عالى:كل يوم تتأخرى كدا لوش الفجر وافضل مستنياكى يا ست هانم
روح:هش هش وطى صوتك يا ماما
رشا:فى إيه يا روح
روح:ماما فين مفتاح شقة طنط نبيله اللى مسافره أمريكا هى وعيلتها ومدياكى المفتاح
رشا:ليه يا بنتى
روح:بسرعه بس يا ماما هاتيه وانا هدخل اجيب سكينه من جوا
رشا بخوف وصوت عالى:يلهوى سكينه ليه يابنتى
روح:هش يا ماما بقولك وطى صوتك ...روحى جيبيلى المفتاح يا ماما عشان خاطرى
رشا:لا مش هجيبه غير لما تقوليلي ليه
روح:عشان فى حرامى دخل الشقه يا ماما ارتحتى كدا
رشا:يلهوى وانت عايزه المفتاح ليه بقى بدال فى حرامى
روح:عشان لما ميلاقيش حاجه فى الشقه غير العفش اكيد هيجى يسرق شقتنا ويسرق شقة غيرنا كمان
رشا:وانا مش هدهولك وهبلغ البوليس
روح:ياماما عما البوليس يجى هيكون هرب
رشا:وانت مش هتاخدى المفتاح غير على جثتى
روح:ماشى يا ماما عموما أنا عارفه المفتاح فين
دخلت روح أوضة مامتها ورفعت المرتبه واخدت المفتاح من تحتها وحاولت رشا تمنعها انها تطلع ووقفت قدام باب الشقه وفتحت درعانها الاتنين
رشا بصوت واطى :عشان خاطرى يا بنتى بلاش أنا مش ليا غيرك
روح:ابعدى يا ماما ارجوكى
رشا:لا مش هبعد أنا مش مستغنيه عنك
روح: خلاص يا ماما اطلبى البوليس
رشا:ماشى
بعدت رشا عن الباب عشان تكلم البوليس وهنا انتهزت روح الفرصه واخدت سكينه من المطبخ وطلعت من الباب وقفلته وراها بالراحه ولما رشا سمعت صوت الباب جريت عليه وفتحته وطلعت قدام الشقه لقت روح دخلت الشقه فخافت تروح وراها تحسس الحرامى بيهم ويعمل حاجه فى روح فراحت هى عشان تتصل على البوليس
بعد مروح فتحت باب الشقه ودخلت لقت المكان ضلمه بس كانت الرؤيه شبه واضحه فكان فى حيطه جنب الباب فسندت عليها وفضلت ماشيه جنبها وفى نفس الوقت الشخص ابو كاب سمع صوت الباب وهو كان فى اوضة الباب بتاعها جزء من الحيطه اللى روح ماشيه جنبها وهو كمان فضل يمشى بالراحه عشان عرف أن فى حد دخل الشقه وروح جت تدخل الاوضه لقته فى وشها وهو لقاها فى وشه
روح والشخص فى نفس الوقت:عااااااااااااااااااااااااااااااااا
روح رجعت لورا من الخضه والسكينه وقعت منها ولقت على الطربيزه فاظه كبيره فأخدتها وخبطته على رأسه بيها
ولما الشخص صحى لقى نفسه مربوط فى كرسى وروح ورشا ورجلين من سكان العماره حواليه
الشخص:ايه دا هو ايه اللي حصل..... وانتوا مين
روح وهى مضيقه عينها:احنا مين ها ....هقولك احنا مين بس لما تعرفنا بحضرتك الاول يا جميل ...والا اقولك لما البوليس يجى هتعرفنا بنفسك مره واحده
الشخص:بوليس ايه وايه الجنان اللى انتى بتقوليه دا .... وبعدين مش انتى اللى خبطتينى
رشا:ايوا هى اللى خبطتك... وانت عارف لو كنت عملت فيها حاجه كنت قتلتلك
ساكن من سكان العماره: ليه هو انت فاكر انك هتيجى تسرق عمارتنا ومنعملش فيك حاجه والا ايه
ساكن اخر:دا كويس إن هى مش خبطت رأسك فى الحيطه جابتها نصين
الشخص:لا دى رايحه منكوا كلكوا يعنى مش السنيوره بس
روح:متحترم نفسك يا لص يا قليل الأدب
الشخص ضحك فبانت غمازته :لا بجد مش قادر ...هو دا اخرك فى الشتيمه
روح بجديه:لا وبعرف اقول يا حيوان ويا مهزء وياللى مش متربى كمان
الشخص بضحك:لا بجد مش قادر ....وقام باصص على الرجلين اللى من عماره وقالهم:محد يقولها يا جماعه أن الشتايم اتطورت
روح:هسبلك أنا التطوير فى الشتايم عشان أنا محترمه
الشخص:لا مهو واضح.....وبعدين انتوا مش تعرفوا أنا مين
روح بسخريه:ايه لتكون صاحب الشقه واحنا منعرفش
الشخص:اها أنا صاحب الشقه دى
ضحكت روح ضحكه لمامتها بسخريه :بيقولك هو صاحب الشقه وبعد كده بصتله و كملت بجديه:انت صاحب الشقه
الشخص:يا بنتى انتى مبتفهميش بقولك ايوا أنا صاحب الشقه بدر محمود الغرباوي
رشا:بدر ؟!انت بدر
الشخص :ايوا أنا بدر اللى عمالين تمرمطوا فيه من الصبح
روح:انتى صدقتى يا ماما انتى كمان دا اكيد بيضحك علينا عشان يهرب
وبعدين رفعت روح صباعها فى وشه وقالت:اوعى تكون فاكر أن هبله وهيضحك عليا أنا اذكى واحده هتشوفها في حياتك
بدر:انتى اغبى واحده هشوفها فى حياتى
روح:تقدر تقولى لو انت بدر يبقى ليه فتحت الباب ببنسه
بدر:عشان ممعيش المفتاح
بصت للرجلين ولمامتها وقالت:اهو شوفتوا يا جماعه ممعهوش المفتاح اهو عشان تصدقونى بس
بدر:انتى مجنونه يا بنتى متخلينى اكمل كلامى ....المفتاح ضاع مننا تقريباً من اول مروحنا امريكا
روح:لا والله.. طب مجتش خدت المفتاح مننا ليه والا الست الوالده مقلتلكش أنها سايبه نسخه معانا
بدر:لا طبعاً قالتلى بس الوقت كان متأخر ومحبتش ازعجكوا
روح:طب وازاى اتعلمت تفتح الباب ببنسة الشعر
بدر:واحد اعرفه هو اللى علمنى تحبى اديكى رقمه
روح:بس بلاش كذب
رشا:يمكن يكون بدر فعلا يا بنتى
روح:بدر كان تخين يا ماما دا انا حتى كنت مسمياه الدبدوب التخين
بدر بغضب: اكيد انتى روح ...أنا أسمى بدر مش الدبدوب التخين فاهمه
روح بتأمل : دا انت بقى عارف انت جاى تسرق شقة مين بالظبط وعارف أسمى وعارف اسمه وعارف كل حاجه عنه كان دائما بدر يتعصب من الدبدوب التخين ومناخيره بتحمر من العصبيه زيك كدا بالظبط
بدر:معشان أنا بدر يا روح
روح:انت كذاب وعايز تخدعنى بس لااااا يا بابا أنا ميدخلش عليا الكلام دا
سمعوا صوت من وراهم بيقول :حضراتكوا طلبتوا البوليس
بصوا كلهم وراهم ماعدا بدر لان هو كدا كدا كان باصص قدامه اصلا
روح:حضرة الظابط! ايوا احنا طلبنا البوليس عشان فى حرامى فى العماره وحاول يخدعنا عشان يهرب بس احنا متخدعناش
شاور الظابط للعساكر وقال: فكوه وجيبوه
بدر:يا حضرة الظابط دى مجنونه انت هتسمع كلامها أنا صاحب الشقه دى
حضرة الظابط :اخرس واحنا هنأخدك معانا ونشوف إذا كنت متسجل عندنا فى قضايا قبل كده والا لا
بدر بتذكر:البطاقه
وحط أيده فى جيبه وطلع البطاقه وقال:بطاقتى اهى يا حضرة الظابط أسمى بدر محمود الغرباوي
الظابط:فعلا بدر محمود الغرباوي
رشا:بدر؟!يا حبيبي يا بنى
جريت عليه وحضنته وقالت:يااااا يابدر واخيرا رجعت وفين نبيله والاء
بدر:ماما والاء فى فندق وانا جيت عشان اشوف حد ينضف الشقه
رشا:اخص عليها بقى تقعد فى فندق وبيتى موجود دى لو مشالتهاش الارض اشيلها فوق رأسى
وروح واقفه بتعزف على كمنجه خياليه وقالت:ايه يا ست شاديه ايه يا عبدالحليم يا حافظ
رشا وبدر فى نفس الوقت:اخرسى
روح:دا انتوا اتفقتوا عليا بقا
الظابط:احم احم أنا اسف على المقاطعه بس كدا مفيش بلاغ
رشا:احنا اسفين يا حضرة الظابط بس حصل سوء تفاهم
الظابط:لا ولا يهمك
مشى الظابط وبعد كده رجل من الرجلين بص لبدر:احنا اسفين يا بنى بس روح هى اللى غلطانه
روح برقت وفتحت بوقها وقالت:لا والله ومين اللى كان من شويه بيقول هو انت فاكرنا هنسكتلك والا ايه
الرجل التانى:ايوا يابنى فعلا روح هى اللى غلطانه
روح:حتى انت يا عمو وبالنسبة لراسه اللى كنت عايزنى افلقهاله نصين
بدر: خلاص ولا يهمكوا انا مقدر الموقف
الرجلين ابتسموا وبعد كده كل واحد فيهم راح على شقته
روح:لسه زى مانت يا بدر متغيرتش بتغلط وانا اللى بتعاقب
رشا:بس ياروح مش كفايه انك غلطانه معاه كمان بتتكلمى
روح:مين اللى بيتكلم ست الحبايب اللى كانت عايزه تقتله لو عمل فيا حاجه
بدر بمسكنه :وكنت اهون عليكى يا طنط رشا
رشا:لا يا حبيبي طبعاً متهونش
روح:اجبلكوا اتنين ليمون
رشا:اخرسى
روح:خرست
رشا:بدر يا حبيبي اتصل على مامتك والاء وخليهم يجوا بسرعه مينفعش يباتوا فى فندق... وانا رحت فين يعنى
بدر:بس أنا مش معايا الموبايل نسيته في الفندق ...اممم بس أنا حافظ نمرة ماما نكلمهم عشان يجهزوا حاجتهم وانا اروح اجبهم
رشا:ماشى أنا هروح اجيب التليفون من شقتنا وأجى
بدر:ماشى
راحت رشا تجيب التليفون من الشقه وروح بصت لبدر بغضب وبعد كده جت تمشى وقفها صوت بدر وهو بيقول :روح
بصت روح وراها وقالت:افندم
بدر : وحشتيني يا روح الروح
بدل ماتدور وتبحث علي الروايات خليها علي تليفونك وحمل تطبيقنا
