(
(خاطفى)
البارت (13)
عدى اليوم على خير وجى ادم بس روما مشافتوش قعدت تفكر ان تصرفاتو غريبه هيا مش عارفه تعمل ايه شويه بيقول انو بيحبها وشويه تانين لاء بيبقا بعيد فضلت تفكر لحد ما ادم دخل
روما: كنت فين
ادم: كان ورايا شغل
روما: فعلا شغل دلوقت الساعه 12
ادم: من امتى بتحققى يا روما
روما: انت صح انا غلطانه انى بتدخل
وسابته وخرجت راحت تنام مع مالك
ادم بعد ما اتاكد انها خرجت خلاص
ادم: ها يافارس عملت اى
فارس: كل حاجه تمام بكره عيد ميلادها صح
ادم: ايوه متنساش الفستان يوصلها فى الوقت مش عايز تاخير
فارس: حاضر كل حاجه هتتعمل زى ماانت قلت
وفعلا جى تانى يوم بس روما كانت متديقه من تصرفات ادم معاها
فيروز: بطلى لف بقا دوختيني
روما: هتشل يا فيروز هو بيعمل معايا كده لى
فيروز: من الاخر كده يسطا انتى بتتلككى عشان تزعلى
روما: انا ده انا حته فرش وفرفوشه
فيروز: ده كان زمان
روما: لا ولا لا ده كان زمان فكك منى ولا تكلمنى ولا تفهمنى ولا بتنجان
فيروز: والنعمه فالته تصدقى الله يكون فى عون ادم عفكره
روما: بت تصدقى انك جزمه بدل ما تقفى مع صحبتك بتعملى العكس
فيروز: بصي يسطا هقولك حاجه
روما: خير ان شاءلله
فيروز: انا وانتى عارفين ان ادم بيحب البنات ال لبسهم مدلع ومشخلع
روما: اه بس انا لبسي فى اوضتى انتى عارفه
فيروز: اهو لبسك ده اخرجى بيه فى القصر عادى
روما: انتى عبيطه يا بت يعني ادم يشوهنى قال اخرج بيه قال
فيروز: اعملى اى حاجه تخليه يتمسك بيكي اكتر انتى هتعرفى تتصرفى
لسه روما هتتكلم لقيت فارس جايبلها بوكس كبير اوى وبيقولها
فارس: البوكس ده جاى ليكي
روما بفرحه: قول والله كل ده ليا انا
فارس: ايوه يااختى ليكي
وكانت لسه هتفتحو فارس اتكلم
فارس: اى يا عبيطه انتى هتفتحيه هنا
روما: طب حد يطلعهولى
فارس نده على الحرس وطلعو طلعت روما وراهم وهيا بتجرى وفتحت الوبكس لقيت الاول ورد جورى كتير وده اكتر نوع ورد بتحبو ولقيت رساله
محتوى الرساله(نص ساعه وتكونى جاهزه يا احلى ملاك فى الدنيا هكون مستنيكي)
وبعدها طلعت باقى محتويات البوكس لقيت فيه فستان زى فستان سندريلا اكيد مش محتاج وصف وشوز كعبه عالى لونه اسود واكسوارات الماز
روما: الله حلوين اوى
وبدات تجهز نفسها كانت الساعه 11جهزت نفسها وفضلت قاعده على السرير لحد ما سمعت صوت عربيه زى صوت عربية سيندريلا
روما: انا عارفه الصوت
وطلعت تجرى تحت لحد ما خرجت من جنينه القصر ولقيت فعلا عربية سيندريلا مستنيه قدام القصر
السواق: اركبى يا مدام روما
ونزل يساعدها على الطلوع بعد ما طلعت وقعدت مشي بلعربيه بعد عشر دقايق كانت روما وصلت نزلها واحد من الحرس ودخلت مكان كبير اوى زى الجنينه وفى فلنص بحر وجسر عشان يعرفو يعدو والجسر كله اضاءه وادم واقف النحيه التانيه ومستنيها اول ما شافها مشي عليها
ادم: طلعتى اجمل مما كنت متخيلك
روما ووشها احمر: المكان جميل
ادم: مش اجمل منك صدقيني
روما: كنت فاكره انك نسيت عيد ميلادى
ادم: هنسي ازاى اى حاجه متعلقه بيكي
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
